vic_logo
coronavirus.vic.gov.au

ለጤና ምክርና እገዳዎች (Health advice and restrictions) - በአማርኛ (Amharic)

ስለ ኮሮናቫይረስ (COVID -19) ወረርሽኝ መረጃ ፣ ያሉ ለውጦች እና ምክሮች ፡፡

የሚያሳስብዎት ከሆነ ለኮሮና ቫይረስ የቀጥታ መስመር (Coronavirus Hotline) በ 1800 675 398 (24 ሰዓታት) ይደውሉ።
አስተርጓሚ ከፈለጉ፣ ለአገር አቀፉ ቲስ (TIS National) በስልክ ቁጥር 131 450 ይደውሉ ወይም ለኮሮና ቫይረስ ቀጥታ መስመር በ 1800 675 398 ደውለው 0 የሚለውን ይምረጡ።
እባክዎ ዜሮ ዜሮ ዜሮን (000) ለድንገተኛ ጥሪ ብቻ ይጠቀሙ።

ማስታወስ ያለብዎት ነገር

የቤተሰባችን እና የማህበረሰቡ ደህንነት ከኮሮናቫይረስ (COVID-19) ለመጠበቅ ማድረግ የምንችላቸው ብዙ አስፈላጊ ነገሮች አሉ:

  • ሕጋዊ የሆነ ፈቃድ ካልተተገበረ በስተቀር በማንኛውም ጊዜ የፊት ጭምብል ይያዙ እና ከራስዎ ቤትም ውጭ በሚሆኑበት ጊዜ ጭምብሉን ያድርጉት።
  • በተደጋጋሚ እጆችዎን ይታጠቡ። ሳሙና እና ውሃ ወይም የእጅ ማጽጃ/ሳኒታይዘር ይጠቀሙ። ይህ ለብዙ ቀናት በስፍራዎች ላይ በህይወት ሊቆይ ከሚችል ኮሮናቫይረስ (COVID-19) ደህንነታችንን ለመጠበቅ ይረዳናል።
  • ርቀትዎን ከሌሎች ሰዎች ቢያንስ በ1.5 ሜትር ይጠብቁ።
  • የህመም ስሜት ካለብዎት  ምርመራ ያድርጉ እና እቤትዎ ይቆዩ። ምንም እንኳን ያለብዎት የበሽታ ምልክቶች መካከለኛ ቢሆኑም ቀደም ብሎ ምርመራ ማካሄዱ የኮሮናቫይረስ (COVID-19) ስርጭት እንዲዳከም ይረዳል።
  • የኮሮናቫይረስ (COVID-19) ምርመራ ለሁሉም ሰው ነጻ ነው። በዚህ የሚካተት ሜዲኬር (Medicare) ካርድ ለሌላቸው ሰዎች እንደ ከውጭ አገር ለመጡ ጐብኝዎችን፣ ስደተኛ ሰራተኞችን እና የጥገኝነት ጠያቂ ሰዎችን ይሆናል።
  • ለ ኮቪድ 19 ክትባት ብቁ ከሆኑ በተቻለ ፍጥነት ክትባቱን ይውሰዱ።
  • ወደ ንግድ ቦታ ወይም ሥራ ቦታ ሲገቡ የService Victoria app በመጫን መግባትዎን ማሳወቅ (ቼክ ኢን ማድረግ) አለብዎት።

በአሁን ጊዜ በቪክቶሪያ ያለው የእገዳ ደረጃ

ሁኔታዎች ከተቀየሩ የቪክቶሪያ ጤና ዋና ሀላፊ (Victorian Chief Health Officer) ያሉትን እገዳዎች መቀየር ይችላል።

ከማክሰኞ 27 ቀን ሐምሌ 2021 ከምሽቱ 11ሰዓት ከ59 ደቂቃ ጀምሮ

  • ከቤት መውጣት የሚያስችሉ ምክንያቶች እገዳ የለም።
  • በሚጓዙት ርቀት ላይ ምንም ገደብ የለም::
  • በመላው ቪክቶሪያ መጓዝ ይችላሉ፣ ሆኖም ግን ወደ አልፓይን መዝናኛዎች (alpine resorts) በሚያደርጓቸው ጉዞዎች ላይ አንዳንድ ገደቦች አሉ።
  • ወደ ገጠሩ የቪክቶሪያ የአልፓይን መዝናኛዎች መጓዝ የሚችሉት የአልፓይን መዝናኛዎቹ ጋ ከመድረስዎ በፊት ከ 72 ሰዓታት ባልበለጠ ጊዜ ውስጥ የ ኮቪድ-19 ምርመራ ካደረጉና ከመምጣትዎ በፊት ከቫይረሱ ነፃ የሚል የምርመራ ውጤት ከተቀበሉ ብቻ ነው። ዕድሜያቸው ከ 12 ዓመት በታች የሆኑ ልጆች ምርመራ አያስፈልጋቸውም። ወደ የበረዶ መንሸራተቻ ሜዳዎች ለመግባት እንደ ቅድመ ሁኔታ ከቫይረሱ ነፃ ለመሆንዎ የሚያሳይ የምርመራ ውጤት ማሳየት መቻል አለብዎት፣ ለምሳሌ ከምርመራ አድራጊው የሞባይል የጽሑፍ መልእክት (ቴክስት)።
  • ሕጋዊ ፈቃድ ካልኖረዎት በስተቀር፣ በማንኛውም ጊዜ የፊት ጭምብል መያዝ አለብዎት።
  • ልዩ ህጋዊ ፈቃድ ካልተተገበረ በስተቀር በቤት ውስጥ እና ከቤት ውጭ የፊት መሸፈኛ ጭንብል ማድረግ አለብዎ። በቤትዎ ወይም በቅርብ ጓደኛዎ ቤት ውስጥ የፊት መሸፈኛ ጭንብል ማድረግ አያስፈልግዎትም።
  • የግል ስብሰባዎች አይፈቀዱም። ይህ ማለት ጓደኞችዎ ወይም ቤተሰቦችዎ ቤትዎን እንዲጎበኙ አይፈቀድላቸውም፤ እንዲሁም እርስዎ ቤታቸውን እንዲጎበኙ አይፈቀድልዎትም ማለት ነው።
  • ጓደኞችዎን እና ቤተሰቦችዎን ከቤት ውጭ ባለ ሕዝባዊ ቦታ በቡድን እስከ 10 ሰዎች ድረስ ማየት ይችላሉ (ዕድሜያቸው ከ 12 ወር በታች የሆኑ ሕፃናትን ሳይጨምር)። ሕዝባዊ ቦታ ማለት የማህበረሰቡ አባላት የሚያዘወትሩት እንደ መናፈሻ ስፍራ ወይም የባሕር ዳርቻ የመሳሰሉት ናቸው። የቤት ጓሮዎን አይጨምርም።
  • ወደ ንግድ ቦታ ወይም ሥራ ቦታ ሲገቡ የService Victoria app በመጫን መግባትዎን ማሳወቅ (ቼክ ኢን ማድረግ) አለብዎት። ይህም እንደ ትላልቅ የገበያ ሱቆች፣ ቡና ቤቶች፣ የሥራ ቦታዎች የመሳሰሉትን ያካትታል።

ሥራ እና ትምህርት

  • ትምህርት ቤቶች እና መዋእለ ህጻናት ክፍት ናቸው።
  • ዩኒቨርሲቲዎችና ሌላ የከፍተኛ ትምህርት መገልገያዎች ክፍት ናቸው።
  • ቤት ውስጥ መሥራት ወይም ማጥናት ከቻሉ ይህን ማድረግዎን መቀጠል አለብዎት።
  • ከቤት መሥራት ካልቻሉ ወደ ሥራ መሄድ ይችላሉ።
  • እንደ መስሪያ ቤቶች ያሉ የስራ ቦታዎች የሚያስተናግዱት ሰው ቁጥር ወደ 25% ወይም 10 ሰዎች፣ ከሁለቱም የሚበልጠውን፣ ሊያሳድጉት ይችላሉ። ከቤት ውስጥ መስራት ካልተቻለ ይህ ከ 25% በላይ ወይም ከ 10 ሰዎች (ከሁለቱ የሚበልጠውን) የተወሰነው ጣሪያ ሊታለፍ ይችላል።

እቃዎችና አገልግሎቶች

  • በ 4 ካሬ ሜትር 1 ሰው የሚለውን የጥግግት ገደብ ጠብቀው ሱቆች ክፍት ይሆናሉ። በሚገበዩበት ጊዜ በሱቁ ውስጥ በአንድ ጊዜ የሚፈቀደውን የተጠቃሚዎች ቁጥር ገደብ ማክበር ይኖርብዎታል። ይህ ወሰን በሱቁ ውስጥ እያንዳንዱ ሰው አንዱ ከሌላው የ1.5 ሜትር ርቀት እንዲኖረው ይረዳል።
  • በ 4 ካሬ ሜትር 1 ሰው የሚለውን የጥግግት ገደብ ጠብቀው የውበት እና የግል እንክብካቤ አገልግሎቶች ክፍት ይሆናሉ። እንደ የፊት ማስዋብ ወይም የጺም መስተካከል የመሳሰሉ ለማጠናቀቅ ሲያስፈልግ የፊት ጭምብሎችን ማውለቅ ይቻላል። ሕጋዊ የሆነ ምክንያት ከሌለ በስተቀር አገልግሎት ሰጪዎ የፊት ጭንብል ማድረግ ይኖርበታል።

ስፖርት

  • ሁሉም የማህበረሰብ ስፖርቶች በቤት ውስጥ እና ከቤት ውጭ ይፈቀዳሉ።
  • የጥግግት ገደብ ተጠብቆ ለማሠልጠን ወይም ለመወዳደር የሚያስፈልጉት የተሳታፊዎች (ተጫዋቾች፣ አሰልጣኞች፣ ዳኞች፣ ባለሥልጣናት እና አሳዳጊዎች/ወላጆች) አነስተኛ ቁጥር እንዲገኙ ተፈቅዷል።
  • የቤት ውስጥ አካላዊ መዝናኛ ማዕከሎች፣ ጂምናዚየሞችን ጨምሮ፣ የጥግግት ገደብ ጠብቀው ክፍት ይሆናሉ።
  • በቤት ውስጥም ሆነ ከቤት ውጭ የሚኖሩ የቡድን የአካል ብቃት እንቅስቃሴ ትምህርቶች የ10 ሰዎች ገደብ ተጠብቆ እንዲካሄዱ ተፈቅዷል።
  • የዋና ገንዳዎች ክፍት ናቸው፣ በአንድ ስፍራ ቢበዛ 100 ሰዎች በቤት ውስጥ እና 300 ሰዎች ከቤት ውጭ ይፈቀዳል።

ሃይማኖት እና ክብረበዓል

  • በሠርግ ላይ ቢበዛ እስከ 50 ሰዎች ሊሳተፉ ይችላሉ። በዚህ መጠን ገደብ የሚካተት ጥንዶችና ሁለት ምስክሮች ይሆናል። ክብረ በዓል አስፈጻሚ፤ ፎቶግራፍ አንሺ እና በድርጊት ቦታው ላይ የሚሰሩ ሌሎች ሰዎች በዚህ መጠን ገደብ ውስጥ አይካተቱም።
  • የቀብር ማስፈጸሚያ ሥፍራዎች እስከ 50 ሰው መያዝ ይችላሉ። የቀብር ሥነስርዓቱን የሚያካሂዱት ሰዎች በዚህ ገደብ ውስጥ አይካተቱም።
  • በሃይማኖት ኣገልግሎቶች እስከ 100 ሰዎች በቤት ውስጥ እና እስከ 300 ሰዎች ከቤት ውጭ ሊገኙ ይችላሉ። በ 4 ካሬ ሜትር 1 ሰው የሚለው የጥግግት ገደቡ ተፈጻሚ ይሆናሉ።

መስተንግዶ

  • ምግብ ቤቶች፣ መጠጥ ቤቶች፣ ቡና ቤቶችና ካፌዎች በአጠቃላይ ተቀምጠው የሚስተናገዱ እስከ 100 ለሆኑ ሰዎች ሊከፈቱ ይችላሉ። የጥግግት ገደቦች ተፈጻሚነት ይኖራቸዋል። በሰርቪስ ቪክቶሪያ ማሳለጫ (አፕ) ተመዝግበው የሚገቡ ሰዎችን ለመከታተል በሁሉም ቦታዎች የ ኮቪድ መግቢያ ተቆጣሪ ማርሻል (COVID Check-In Marshal) ይኖራል።
  • ከ100 ካሬ ሜትር ያነሱ ቦታዎች እስከ 25 ሰዎች ሊያስተናግዱ ይችላሉ።
  • የምግብ ስፍራዎች ተቀመጦ ለመገልገል ክፍት ናቸው። በአንድ ቦታ እስከ 100 ሰው የሚለው የጥግግት ገድብ ጣሪያ ተፈጻሚነት ይኖረዋል።

መዝናኛ

  • እንደ ሲኒማ ቤቶች፣ ካሲኖዎች፣ የቁማር ቦታዎች (ፓኪስ)፣ የካርዮኪ የዘፈን መጫወቻዎች እና የምሽት ክለቦች ያሉ የመዝናኛ ሥፍራዎች የግል እና የቡድን የጥግግት ገደቦችን ጠብቀው፣ የኮቪድ መግቢያ ተቆጣሪ ማርሻል (COVID Check-In Marshal) ባለበት ክፍት ይሆናሉ።
  • ቤተ መፃህፍት እና የመንደር የሰፈር ቤቶችን ጨምሮ የማህበረሰብ ቦታዎች በቤት ውስጥ እስከ 100 ሰዎች እና በውጭ እስከ 300 ሰዎች ክፍት ይሆናሉ። የጥግግት ገደቦች ተፈጻሚነት ይኖራቸዋል። ከፍተኛው የቡድን መጠን 10 ሰዎች ነው።
  • በሰርቪስ ቪክቶሪያ ማሳለጫ (አፕ) ተመዝግበው የሚገቡ ሰዎችን ለመከታተል በሁሉም ቦታዎች የ ኮቪድ መግቢያ ተቆጣሪ ማርሻል (COVID Check-In Marshal) ይኖራል።

የፊት መሸፈኛ ጭምብሎች

  • 12 እና ከዚያ በላይ ዕድሜ ያለው ማንኛውም ሰው ሕጋዊ በሆነ ምክንያት ተፈጻሚነት ካላገኘ በስተቀር በቤት ውስጥ እና ከቤት ውጭ የፊት መሸፈኛ ጭንብል ማድረግ አለበት። በቤት ውስጥ የፊት መሸፈኛ ጭንብል ማድረግ አያስፈልግዎትም።
  • ሕጋዊ ፈቃድ ካልኖረዎት በስተቀር፣ በማንኛውም ጊዜ የፊት ጭምብል መያዝ አለብዎት።
  • የፊት ጭምብል እንዳይለብሱ የሚፈቅድልዎት ሕጋዊ ምክንያቶች የሚከተሉት ናቸው፡
    • ፊትዎ ላይ የቆዳ እክል ወይም የመተንፈስ የጤና ችግር ካለብዎት
    • የአካል እንቅስቃሴ ሲያደርጉ ትንፋሽ የሚያጥርዎ ከሆነ።

ስለ መመርመርና እራስን ማግለል

የኮሮና ቫይረስ (COVID-19) ማንኛውም ምልክት ካለብዎት፤ ምርመራ ማድረግ አለብዎት እና የምርመራ ውጤቱን እስኪያገኙ ድረስ ከቤትዎ ይቆዩ። ወደ ሥራ ወይም መገበያያ ሱቆች ላይ አለመሄድ።

የ ኮቪድ-19 ምልክቶች የሚከተሉትን ያካትታሉ፦

  • ትኩሳት፣ ብርድ-ብርድ ማለት ወይም ማላብ
  • መሳል ወይም የጉሮሮ ህመም
  • የትንፋሽ ማጠር
  • በአፍንጫ ፈሳሽ
  • የሽታ ወይም መቅመስ ስሜትን ማጣት

የኮሮናቫይረስ (COVID-19) ምርመራ ለሁሉም ሰው ነጻ ነው። በዚህ የሚካተት Medicare ካርድ ለሌላቸው ሰዎች፤ ማለትም ከውጭ አገር የመጡ ጎብኝዎች፤ መጤ ሰራተኞች /ማይግራንት/እና ጥገኝነት ጠያቂ ሰዎችን ይሆናል።

ለኮሮና ቫይረስ (COVID-19) በምርመራ ከተገኘብዎት፤ እራስዎን ከውሌሎች ሰዎች በክፍልዎ ውስጥ ማግለል አለብዎት።

የኮቪድ-19 ካለው ሰው ጋር የቅርብ ግኑኝነት ያለዎት ከሆኑ የጤና መመሪያ ባለስልጣን ኳራንቲን መልቀቅ ይችላሉ ብሎ እስኪመሰክርልዎ ድረስ ለ14 ቀናት ለብቻዎ ተገልለው (በቤትዎ መቆየት) አለብዎት።

በቅርበት ግንኙነት ከተደረገበት ከሆነ ሰው ጋር አብረው ከነበሩ ወይም ጊዜ ካጠፉ ታዲያ ከሰው ተገልለው እቤት እንዲቆዩ ይጠየቃሉ።

ለብክለት የተጋለጡ ህዝባዊ ቦታዎች

ማድረግ ያለብዎት ነገር

በተጠቀሱት ጊዜያት ወደ ማናቸውም የተጋለጡ ቦታዎች ከሄዱ፦

በቅርብ ጊዜ የተጋለጡ ቦታዎችን ለመመልከት እዚህ ጠቅ ያድርጉ

እነዚህ ቦታዎች  በቫይረሱ መጠቃታቸው በተረጋገጡና ብክለት ሊያስተላልፉ በሚችሉበት ወቅት ተጎብኝተዋል። ይህ ማለት ግን ከነዚህ ቦታዎች ጋር የተያያዘ ቀጣይነት ያለው አደጋ አለ ማለት አይደለም። ወቅታዊ እገዳዎችን በመከተል እነዚህ ጣቢያዎችን ደህንነቱ በተጠበቀ ሁኔታ መጎብኘት ይችላሉ።

የተጋላጭነት ጊዜው የሚያመለክተው ኮቪድ-19 ያለው አንድ ሰው ያንን ስፍራ የጎበኘበትን ቀን ወይም ሰዓት። ይህ ጉብኝት የተደረገው ያ ሰው ብክለት ማስተላለፍ በሚችልበት ወቅት ነው። ይህ ደግሞ ይህ ሰው ምልክቶችን ከማዳበሩ ከ 48 ሰዓታት በፊት ያካትታል።

ስፍራዎቹ ተለይተው የታወቁት ሰዎቹ የነበሩበት ቦታ (ዱካ) ፍለጋ (contact tracing) ወቅት ነው። የዱካ ፍለጋ (contact tracing) የሚካሄደው አንድ ሰው በምርመራ ኮቪድ-19 እንዳለው ከተረጋገጠ በኋላ ነው።

በወቅቱ ኮቪድ-19 የያዘው አንድ ሰው ለመጨረሻ ጊዜ ከጎበኘበት ጊዜ ጀምሮ ቦታዎቹ በዝርዝሩ ውስጥ ለ 14 ቀናት ይቆያሉ። 14 ቀናት (የ መፈልፈያ ጊዜ) አንድ ቦታውን የጎበኘ ሰው ኮቪድ-19 ካለበት ሰው ጋር ከተነካካ የበሽታው ምልክቶችን ከማሳየቱ በፊት ቫይረሱ ሊኖረው (ሊሸከም) የሚችልበት ረጅሙ ጊዜ ነው።

ለአደጋ የተጋለጡ አካባቢዎች በቅርቡ ከተጋለጡበት ጊዜ አንስቶ በዝርዝሩ ውስጥ ለ 14 ቀናት ይቆያሉ።

ለብክለት የተጋለጡ ህዝባዊ ቦታዎችን ለማግኘት

በቅርብ ጊዜ የተጋለጡ ቦታዎችን ለመመልከት እዚህ ጠቅ ያድርጉ ወይም በቪክቶሪያ የተጋለጡ ሕዝባዊ ቦታዎች ካርታ እዚህ ይመልከቱ።

በመላው አውስትራሊያ ለተጓዙ ሁሉ፣ እባክዎን ከዚህ በታች ያሉት የታተሙ የእያንዳንዱ ክልል የተጋለጡ ቦታዎችን ዝርዝር ይመልከቱ፦

በቪክቶሪያ ውስጥ ከሆኑ እና በተጠቀሰው ጊዜ ውስጥ ወደ እነዚህ አካባቢዎች ከሄዱ የተዘረዘሩትን ምክሮች ይከተሉ እና በ 1300651160ያግኙን።

የእነዚህ ቦታዎች ዝርዝር አዲስ መረጃ እንደደረሰን ይታደሳል ስለዚህ እባክዎን በየጊዜው ይመልከቱ።

የምርመራ ቦታዎችን ለመመልከት የት መመርመር ይቻላል የሚለውን ይጎብኙ።

ደረጃ 1 ፣ 2 እና 3 ሲብራሩ

ደረጃ 1 የተጋለጡ ቦታዎች

በተዘረዘሩት ጊዜያት ደረጃ 1 የተጋለጡ ቦታዎችን የጎበኘ ማንኛውም ሰው ወዲያውኑ ራሱን መለየት አለበት፣ የ ኮቪድ 19 ምርመራ ማድረግ አለበት፣ እንዲሁም ከተጋለጠበት ቀን ጀምሮ ለ14 ቀናት ወደ ለይቶ ማቆያ (ኳራንቲን) መግባት አለበት። የጤና መምሪያንም በ 1300 651 160 በመደወል ያነጋግሩ።

ደረጃ 2 የተጋለጡ ቦታዎች

በተዘረዘሩት ጊዜያት ደረጃ 2 የተጋለጡ ቦታዎችን የጎበኘ ማንኛውም ሰው ወዲያውኑ የቾቪድ-19 ምርመራ ማድረግ አለበት እንዲሁም አሉታዊ የምርመራ ውጤት እስኪያገኝ ድረስ ራሱን ማግለል አለበት። የጤና መምሪያንም በ 1300 651 160 በመደወል ያነጋግሩ።

የበሽታ ምልክቶችን መከታተልዎን ይቀጥሉ፣ ምልክቶች ከታዩ እንደገና ይመርመሩ።

ደረጃ 3 የተጋለጡ ቦታዎች

በተዘረዘሩት ጊዜያት ደረጃ 3 የተጋለጡ ቦታዎችን የጎበኘ ማንኛውም ሰው የበሽታ ምልክቶችን መከታተል አለበት። ምልክቶች ከታዩ ወዲያውኑ የ ኮቪድ-19 ምርመራ ያድርጉ እና አሉታዊ ውጤት እስኪያገኙ ድረስ ራስዎን ያግልሉ።

እርዳታ ከፈለግኩ ወደ ማን መደወል እችላለሁ?

እርዳታ ከፈለጉ በቪክቶሪያ የጤና ጥበቃ መምሪያ የኮቪድ-19 ቀጥታ የስልክ መስመር በ 1800675398 ይደውሉ።

የስልክ አስተርጓሚ ከፈለጉ፣ እባክዎን ቲስ ናሽናል በ 131 450ይደውሉ፡፡

ድጋፍ ይቀርባል

ለኮሮና ቫይረስ ምርመራ ውጤት እስኪያገኙ ድረስ ባለዎት የገቢ መጠን ማጣት የሚያሳስብዎት ከሆነ፤ ለኮሮና ቫይረስ (COVID-19) ምርመራ ካደረጉ በኋል ተገልሎ ለመቆየት (Test Isolation support) 450 ዶላር ክፍያ ይፈቀድልዎት ይሆናል። ይህ ክፍያ እቤትዎ እንዲቆዩ ለመደገፍ ይረዳዎታል።

በምርመራ ውጤት ከተገኘብዎት ወይም ቫይረሱ ካለበት ሰው ጋር ግንኙነት አድርገው ከሆነ፤ የ 1,500 ዶላር ክፍያ ሊፈቀድልዎ ይችል ይሆናል። ለበለጠ መረጃ  በኮሮና ቫይረስ ቀጥታ መስመር በስልክ 1800 675 398 ይደውሉ። አስተርጓሚ ከፈለጉ ዜሮን (0) ይጫኑ።

እርስዎ ወይም የሚያውቁት የሆነ ሰው የጭንቀት መንፈስ ካደረበት ወይም አሳሳቢ ጕዳይ ካለዎት በቀጥታ መስመር በስልክ 13 11 14 ወይም በብዮንድ ብሉ/Beyond Blue በስልክ 1800 512 348 አድርገው መደወል ይችላሉ። አስተርጓሚ የሚፈልጉ ከሆነ መጀመሪያ በስልክ 131 450 ይደውሉ።

የመገለል ስሜት ካደረብዎት የኮሮና ቫይረስ ቀጥታ መስመር (Coronavirus Hotline) በስልክ 1800 675 398 በ መደወል   ሶስትን (3) መጫን ይችላሉ። አስተርጓሚ ከፈለጉ ዜሮን (0) ይጫኑ። ከዚያ ከአካባቢ ድጋፍ አገልግሎቶች ጋር ማገናኘት ከሚችል የ አወስትራሊያ ቀይ መስቀል ፈቃደኛ ሰራተኛ ጋር ያገናኝዎታል።

መገልገያ ምንጮች

እባክዎን ከታች የተዘረዘሩትን ቁሳቁሶች ይጠቀሙ እንዲሁም ለማሀበረሰብዎ በኢሜል፣ በማህበራዊ መገናኛዎች ወይም በማህበራዊ መረቦች ያካፍሉ።

ምርመራ ማካሄድና ከሌሎች ተገልሎ መቆየት

በደህንነት መቆየት

እርዳታ ስለማግኘት

የፊት መሸፈኛ

Reviewed 29 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?