vic_logo
coronavirus.vic.gov.au

ကန့်သတ်ချက်တွေနဲ့ကျန်းမာရေးအကြံပြုချက် (Health advice and restrictions) - မြန်မာ (Burmese)

ကိုရိုနာဗိုင်းရပ်(စ်)(COVID-19) ဖြစ်ပွားခြင်းနှင့်ပတ်သက်၍ သတင်းအချက်အလက်၊ နောက်ဆုံးအခြေအနေများနှင့် အကြံပြုချက်များ။

အကယ်၍ သင် စိုးရိမ်ပူပန်နေလျှင် Coronavirus တိုက်ရိုက်ဖုန်းလိုင်း 1800 675 398 (၂၄ နာရီလုံး) ကို ခေါ်ပါ။.
သင် စကားပြန်လိုအပ်လျှင် TIS National ဖုန်း 131 450 ကို ဖုန်းဆက်ပါ သို့မဟုတ် ကိုရိုနာဗိုင်းရပ်စ် တိုက်ရိုက်ဖုန်းလိုင်း 1800 675 398 ကို ဖုန်းဆက်ပြီး 0 ကိုနှိပ်ပါ။
ဖုန်းနံပါတ် သုညသုံးလုံး (000) ကို အရေးပေါ် အခြေအနေများအတွက်သာ ကျေးဇူးပြု၍ ဆက်ပါ။

သင် မှတ်သားထားရမည့်အရာ

ကျွန်ုပ်တို့၏ မိသားစုများနှင့် လူမှုအသိုင်းအဝိုင်းအား ကိုရိုနာဗိုင်းရပ်(စ်) (COVID-19) အန္တရာယ်မှ လုံခြုံမှုဆက်လက်ရှိနေစေရန် ကျွန်ုပ်တို့လုပ်နိုင်သော အရေးကြီးသည့် အရာများ ရှိပါသည်။

  • သင်၏လက်များကို ပုံမှန်ဆေးကြောပါ။ ဆပ်ပြာနှင့် ရေ သို့မဟုတ်၊ ပိုးသတ်လက်ဆေးရည်ကို အသုံးပြုပါ။ ၎င်းက ကိုရိုနာဗိုင်းရပ်(စ်)(COVID-19) အန္တရာယ်မှ လုံခြုံမှုဆက်လက်ရှိနေ စေရန် အထောက်အကူပြုပါသည်။ ထို ဗိုင်းရပ်(စ်) ပိုးသည် မျက်နှာပြင်များပေါ်တွင် ရက်အတန်ကြာ အသက်ရှင်နေနိုင်ပါသည်။
  • အခြားသူများထံမှ အနည်းဆုံး 1.5 မီတာ အကွာအဝေး ခြား၍နေပါ။
  • သင်အိမ်မှ ထွက်ခွာသည့်အခါ နှာခေါင်းစည်းကို တပ်ရပါမည်။ အိမ်အတွင်းနှင့် အိမ်ပြင်ပ နှစ်နေရာလုံးတွင် တပ်ရပါမည်။ ၎င်းသည် COVID-19 ပြန့်ပွားမှုအန္တရာယ်ကို လျော့နည်းစေပါသည်။
  • သင့်အိမ်သို့ ဧည့်သည်များ မလာနိုင်သလို သင်သည်လည်း အခြားသူများထံ အလည်မသွားနိုင်ပါ။ ကြင်ဖော်ကြင်ဖက်များ သင့်အိမ်သို့ လာခွင့်ရှိပါသည်။
  • လိုအပ်သော ကုန်ပစ္စည်းများ ဝယ်ရန်၊ ဝန်ဆောင်မှုများကိုရယူရန်နှင့် လေ့ကျင့်ခန်းလုပ်ရန်တို့အတွက် သင်သည် သင့်အိမ်မှ 5 ကီလိုမီတာ အကွာအဝေးအထိသာ သွားရောက်ခွင့်ရှိပါသည်။
  • အကယ်၍ သင်နေမကောင်းဖြစ်နေသည်ဟု ထင်လျှင်၊  ဆေးစစ်မှုခံယူပြီး အိမ်တွင်နေပါ။ အကယ်၍ သင်၏ ရောဂါလက္ခဏာများ မပြင်းထန်လျှင်လည်း စောစောစစ်ဆေးမှုခံယူခြင်းသည် ကိုရိုနာဗိုင်းရပ်(စ်) ပြန့်ပွားမှုကို နှေးကွေးသွားစေရန် အထောက်အကူပြုပါသည်။
  • ကိုရိုနာဗိုင်းရပ်(စ်) (COVID-19) ပိုးစစ်ဆေးမှုသည် လူတိုင်းအတွက် အခမဲ့ ဖြစ်ပါသည်။ ၎င်းတွင် နိုင်ငံရပ်ခြားမှ ဧည့်သည်များ၊ ရွှေ့ပြောင်းအလုပ်သမားများနှင့် ခိုလှုံခွင့်တောင်းခံသူများကဲ့သို့သော ကျန်းမာရေးစောင့်ရှောက်မှုကဒ်ပြား Medicare card မရှိသူများလည်း အပါအဝင်ဖြစ်ပါသည်။
  • သင် COVID-19 ကာကွယ်ဆေး ထိုးထိုက်ခွင့်ရှိလျှင် ထိုးပါ။

ဗစ်တိုးရီးယားပြည်နယ်၏ လက်ရှိ ပိတ်ပင်ကန့်သတ်ချက် အဆင့်များ

အကယ်၍ အခြေအနေပြောင်းသွားခဲ့လျှင်၊ ဗစ်တိုးရီးယားပြည်နယ်၏ ကျန်းမာရေးအရာရှိချုပ် (Chief Health Officer) က ကန့်သတ်ချက်များကို ပြောင်းလဲနိုင်ပါသည်။

2021 ခုနှစ် ဇူလိုင်လ 15 ရက်၊ ကြာသပတေနေ့ ည 11:59 မှ စတင်၍

သင့်အိမ်မှ ထွက်ခွာရန် အကြောင်းပြချက် ငါးခုသာ ရှိရပါမည်။

သင်သည် ပြုစုစောင့်ရှောက်မှုနှင့် အကြင်နာတရားဆိုင်ရာ အကြောင်းပြချက်များမှလွဲ၍ သင့်အိမ်သို့ ဧည့်သည်များ မလာနိုင်သလို သင်သည်လည်း အခြားသူများထံ မသွားနိုင်ပါ။ သင့်တွင် ကြင်ဖော်ကြင်ဖက်ရှိပါက၊ ထိုသူသည် သင့်ထံ လာရောက်နိုင်ပါသည်။ သင်နှင့် ကန့်သတ်ချက်ဖြင့် တွေဆုံခွင့်ရှိသော သတ်မှတ်ထားခံပုဂ္ဂိုလ်ရှိလျှင် ထိုသူက သင့်ထံ လာရောက်တွေ့ဆုံနိုင်ပါသည်။

သင်သည် ဥပမာ မိသားစုအတွင်း အကြမ်းဖက်ခံရမည့် အန္တရာယ်ကဲ့သို့သော အရေးပေါ်အခြေအနေတွင် အိမ်မှ ထွက်ခွာခွင့်ရှိပါသည်။

သင်အိမ်မှ ထွက်ခွာသည့်အခါ နှာခေါင်းစည်းကို တပ်ရပါမည်။ အိမ်အတွင်းနှင့် အိမ်ပြင်ပ နှစ်နေရာလုံးတွင် တပ်ရပါမည်။

ဗစ်တိုးရီးယားပြည်နယ်တစ်ဝန်း လူများ၏ သွားလာမှုများကို လျှော့ချရန်အတွက် ဤအပြောင်းအလဲများကို ဖော်ထုတ်လိုက်ခြင်းဖြစ်ပါသည်။ အကယ်၍ကျွန်ုပ်တို့အားလုံး ဤသို့လုပ်ကိုင်ကြလျှင် ကျွ န်ုပ်တို့က ကျွန်ုပ်တို့၏ မိသားစု၊ မိတ်ဆွေများနှင့် လူမှုအဖွဲ့အစည်းတို့ကို ကာကွယ်ပေးရန် အထောက်အကူပြုပေးပါလိမ့်မည်။

သင့်အိမ်နှင့် 5 ကီလိုမီတာအတွင်း နေပါ

  • လေ့ကျင်းခန်းလုပ်ရန်နှင့် မရှိမဖြစ် လိုအပ်သောပစ္စည်းများ ဝယ်ရန် သင့်အိမ်နှင့် 5 ကီလိုမီတာအတွင်း နေရပါမည်။
  • အကယ်၍ သင်လိုအပ်သောပစ္စည်းများကို 5 ကီလိုမီတာအတွင်း မရရှိနိုင်လျှင် သင်နှင့်အနီးဆုံးဆိုင်များသို့ သွားနိုင်ပါသည်။
  • သက်ဆိုင်သူများအားလုံး အိမ်မှ 5 ကီလိုမီတာကျော်၍ မသွားသမျှ ကာလပတ်လုံး သင့်အိမ်ထောင်စုဝင်များနှင့်အတူဖြစ်စေ အခြားလူတစ်ဦးနှင့်အတူဖြစ်စေ သင့်အိမ်ပြင်ပတွင် တစ်နေ့လျှင် 2 နာရီကျ လေ့ကျင့်ခန်း လုပ်ပိုင်ခွင့်ရှိပါသည်။
  • သင် COVID-19 ကာကွယ်ဆေးထိုးရန်၊ ပြုစုစောင့်ရှောက်မှု ခံယူရန်၊ ပြုစုစောင့်ရှောက်ပေးရန်၊ ခွင့်ပြုမိန့် ရထားသော အလုပ်လုပ်ရန် သို့မဟုတ် ခွင့်ပြုထားသော ပညာဆည်းပူးရန် အိမ်မှ 5 ကီလိုမီတာကျော်၍ သွားခွင့်ရှိပါသည်။

အပြန်အလှန် လူမှုဆက်ဆံရေး

  • အကယ်၍သင်သည် တစ်ဦးတည်း နေထိုင်သူ သို့မဟုတ် ကြင်ဖော်ကြင်ဖက်မဲ့ မိဘတစ်ဦးဖြစ်လျှင် သင်၏ လူများနှင့် တွေ့ဆုံမှုဆိုင်ရာ ကန့်သတ်ချက်၏ အစိတ်အပိုင်းအဖြစ် အခြားသူ တစ်စုံတစ်ဦးအား အဆိုပြုကာ ’ကန့်သတ်ချက်ဖြင့် အခြားသူတစ်ဦးနှင့်သာ လူချင်းတွေ့ဆုံမှု’ ကို ဖန်တီးယူနိုင်ပါသည်။
  • သင်အဆိုပြုလိုက်သော လူများနှင့် တွေ့ဆုံမှုဆိုင်ရန် ကန့်သတ်ချက်ဖြင့် ခွင့်ပြုထားခံပုဂ္ဂိုလ်က သင့်ထံသို့ လာရောက်နိုင်ပါသည်။
  • သင်အဆိုပြုထားသူသည် အခြားအိမ်ထောင်စု သို့မဟုတ် စုပေါင်းနေထိုင်ကြသည့် အိမ်တစ်အိမ်မှ လူတစ်ဦးဦးဖြစ်နိုင်ပြီး သင်ကလည်း ထိုသူ့အိမ်သို့ သွားနိုင်ပါသည်၊ သို့သော် ထိုသူတစ်ဦးတည်းသာ အိမ်၌ရှိနေရပါမည်။
  • သင့်တွင် ကြင်ဖော်ကြင်ဖက်ရှိပါက၊ ထိုသူသည် သင့်ထံ လာရောက်နိုင်ပါသည်။ သင်သည် ကြင်ဖော်ကြင်ဖက်ရော၊ ကန့်သတ်ချက်ဖြင့် ခွင့်ပြုထားပုဂ္ဂိုလ်ကိုပါ တစ်ချိန်တည်း မတွေ့ဆုံနိုင်ပါ။

အလုပ် နှင့် ပညာရေး

  • သင်သည် အိမ်မှာနေ၍ အလုပ်မလုပ်နိုင်သော ခွင့်ပြုမိန့် ရထားသည့် အလုပ်သမား မဟုတ်လျှင် အိမ်မှာနေ၍ အလုပ်လုပ်ရမည်။ အကယ်၍သင် အိမ်မှာနေ၍ အလုပ်လုပ်နိုင်လျှင် အိမ်မှာနေလျက် အလုပ်လုပ်ရမည်။
  • TAFE နှင့် တက္ကသိုလ်ကျောင်းသူ ကျောင်းသားများသည် အိမ်မှာနေလျက် ပညာဆည်းပူးရပါမည်။
  • ကျောင်းများကို ပိတ်ထားသည် သို့သော် အားနည်းချက်ရှိသော ကလေးများ သို့မဟုတ် အိမ်မှာနေ၍ အလုပ်မလုပ်နိုင်သော ခွင့်ပြုမိန့် ရထားသည့် အလုပ်သမားများ၏ ကလေးများအတွက်မူ ကျောင်းဖွင့်ထားပါသည်။
  • စဦးကလေးဘဝ ပညာရေး၊ မူကြိုနှင့် ကြည့်ရှုစောင့်ရှောက်ပေးသော ဝန်ဆောင်မှုဌာနများကို ဖွင့်ပေးထားပါသည်။

လှုပ်ရှားမှုများနှင့် ကျင်းပရာနေရာများ

  • စားသောက်ဆိုင်များနှင့် ကဖီးများ၌ စားသောက်ကုန်များကို ထုပ်ပိုး၍ ရောင်းခွင့်နှင့် ပို့ဆောင်ပေးခွင့်များသာရှိပါသည်။
  • စားသောက်ကုန်များကို ထုပ်ပိုး၍ရောင်းရန်နှင့် အရက်ရောင်းချရန်မှအပ အရက်ဆိုင်များ၊ အရက်ခန်းများနှင့် ကလပ်များကို ပိတ်ထားလိမ့်မည်ဖြစ်ပါသည်။
  • မရှိမဖြစ် လိုအပ်သော ပစ္စည်းများရောင်းချသော ဈေးဆိုင်ကြီးများနှင့် ဆေးဆိုင်များကဲ့သို့သော လက်လီရောင်းဆိုင်များ ဖွင့်ထားနိုင်မည်၊ သို့သော် မရှိမဖြစ် မလိုအပ်သော ပစ္စည်းများ ရောင်းသောဆိုင်များသည် ပို့ဆောင်ပေးခြင်းကိုသာလည်းကောင်း၊ ‘click and collect (အွန်လိုင်းအရ ကြိုတင်မှာကြား၍ သွားရောက်ယူခြင်း)’ နည်းဖြင့်သာလည်းကောင်း ရောင်းခွင့်ရှိပါသည်။
  • အလှပြင်နှင့် တစ်ကိုယ်ရေ စောင့်ရှောက်ပေးခြင်းဆိုင်ရာ ဝန်ဆောင်မှုများကို ပိတ်ထားပါလိမ့်မည်။
  • ရပ်ရွာလူထုနှင့် ဖျော်ဖြေမှု နေရာဌာနများ၊ ရေကူးကန်များနှင့် အားကစားရုံများကို ပိတ်ထားပါလိမ့်မည်။
  • စာကြည့်တိုက်များကို အွန်လိုင်းအရ ကြိုတင်မှာကြား၍ သွားရောက်ယူသည့်နည်းဖြင့်သာ ဖွင့်ထားပါမည်။
  • (ကရုဏာသက်သက် ခြွင်းချက်အခြေအနေမျိုးမှလွဲ၍) မင်္ဂလာဆောင်ပွဲများကို ခွင့်မပြုပါ။
  • အသုဘများကို ကျေကွဲဝမ်းနည်းရသူ 10 ဦးနှင့် အသုဘ စီမံကွပ်ကဲရသူများသာ တက်ရောက်ခွင့်ရှိပါသည်။
  • ဘာသာရေးဆိုင်ရာ စုဝေးပွဲများနှင့် ကျင်းပပွဲများကို ခွင့်မပြုပါ။ အခမ်းအနားတစ်ခုကို ထုတ်လွှင့်ရာတွင် အဆောက်အအုံတစ်ခုအတွင်းသို့ (အများဆုံး လူငါးဦးအထိသာ) ဝင်ရောက်ခွင့်ရှိပါသည်။

နှာခေါင်းစည်းများ

အသက် 12 နှစ်အရွယ်နှင့် ၎င်းအထက်ရှိသူများ အိမ်မှ ထွက်ခွာသည့်အခါ ခြွင်းချက်မရှိသမျှကာလပတ်လုံး နှာခေါင်းစည်းကို တပ်ရပါမည်။ ဥပမာ၊

  • သင့်တွင် အသက်ရှုခြင်းဖြင့် စပ်ဆိုင်ရာ အခက်အခဲများပါဝင်သော ကျန်းမာရေးပြဿနာတစ်ခုခု၊ မျက်နှာဖြင့် စပ်ဆိုင်ရာ လေးနက်ပြင်းထန်သော အခြေအနေတစ်ခုခု၊ မသန်မစွမ်းဖြစ်နေမှု သို့မဟုတ် စိတ်ကျန်းမာရေး ပြဿနာရှိလျှင်၊
  • အကယ်၍ ကားထဲ၌ သင်တစ်ဦးတည်းသာရှိလျှင် သို့မဟုတ် သင့်အိမ်ထောင်စုဝင် တစ်ဦးဦးနှင့်အတူရှိလျှင်၊
  • အကယ်၍သင်သည် ပြေးရသော သို့မဟုတ် ခပ်ရွရွပြေးရသော ခွန်အားသုံး လေ့ကျင့်ခန်းမျိုး လုပ်လျှင်တို့ဖြစ်ပါသည်။ သို့သော် သင်သည် နှာခေါင်းစည်းကို ဆောင်ထားနေရပါမည်။

စစ်ဆေးခြင်းနှင့် အထိအတွေ့မဲ့ တစ်ဦးတည်း သီးသန့်ခွဲခြားနေထိုင်ခြင်း။

အကယ်၍ သင့်တွင် ကိုရိုနာဗိုင်းရပ်(စ်) (COVID-19) ရောဂါလက္ခဏာ တစ်စုံတစ်ရာရှိလျှင် သင်  စစ်ဆေးမှု ခံယူရမည် ဖြစ်ပြီး သင့်အဖြေ မရမချင်း အိမ်၌နေရမည်။ အလုပ်မသွားပါနှင့် သို့မဟုတ် ဆိုင်များသို့ မသွားပါနှင့်။

ကိုရိုနာဗိုင်းရပ်(စ်) ရောဂါလက္ခဏာများမှာ -

  • ကိုယ်ပူအဖျားတက်ခြင်း၊ ချမ်းဖျားခြင်း သို့မဟုတ် ချွေးထွက်ခြင်း
  • ခေါင်းဆိုးခြင်း သို့မဟုတ် လည်ချောင်းနာခြင်း
  • အသက်ရှူကြပ်ခြင်း
  • နှာရည်ယိုခြင်း
  • အနံ့ခံမရခြင်း သို့မဟုတ် အရသာခံမရခြင်း

ကိုရိုနာဗိုင်းရပ်(စ်) (COVID-19) ပိုးစစ်ဆေးမှုသည် လူတိုင်းအတွက် အခမဲ့ ဖြစ်ပါသည်။ ၎င်းသည် နိုင်ငံရပ်ခြားမှ လာရောက်လည်ပတ်သူများ၊ ရွှေ့ပြောင်းအလုပ်သမားများနှင့် ခိုလှုံခွင့်တောင်းခံသူများကဲ့သို့သော ကျန်းမာရေးစောင့်ရှောက်မှုကဒ်ပြား Medicare card မရှိသူများလည်း အပါအဝင်ဖြစ်ပါသည်။

အကယ်၍ သင် ကိုရိုနာဗိုင်းရပ်(စ်) (COVID-19) ရောဂါရှိကြောင်း ဓါတ်ခွဲစစ်ဆေးမှုအဖြေထွက်လျှင် သင် သင့်အိမ်၌ အထိအတွေ့မဲ့ တစ်ဦးတည်း သီးသန့်ခွဲခြား နေရမည်။

အကယ်၍ သင်သည် ကိုရိုနာဗိုင်းရပ်(စ်) (COVID-19) ရောဂါရှိသည့်တစ်စုံတစ်ယောက်နှင့် နီးနီးကပ်ကပ် အထိအတွေ့ရှိလျှင် သင်သည် အိမ်၌ ၁၄ ရက် အသွားအလာကန့်သတ်၍ နေရမည်။

အကယ်၍ နီးကပ်စွာထိတွေမှုရှိသော တစ်စုံတစ်ယောက်နှင့် သင်အတူနေထိုင်ခြင်း သို့မဟုတ် အချိန်တစ်ခုအထိ အတူတူရှိနေခဲ့လျှင် သင်သည်လည်း အိမ်မှာနေရန် တောင်းဆိုခံရပါလိမ့်မည်။ 

ရောဂါဖြစ်ပွားခဲ့သော အများပြည်သူဆိုင်ရာ နေရာများ

သင်လုပ်ရန် လိုအပ်ချက်များ

အကယ်၍သင်သည် သတ်မှတ်ထားသော အချိန်ကာလများအတွင်း ရောဂါဖြစ်ပွားခဲ့သော တည်နေရာများ တစ်စုံတစ်ရာသို့ သွားရောက်ခဲ့လျှင်

  • ရောဂါဖြစ်ပွားခဲ့သော ယင်းတည်နေရာအတွက် စာရင်းဖော်ပြထားသော သီးခြားသတ်မှတ် အကြံပြုချက်များကို လိုက်နာပါ
  • ကျန်းမာရေးဌာန 1300 651 160 ကို ဆက်သွယ်ပါ
  • အစစ်ဆေးခံနိုင်မည့် နေရာစာရင်းတွင်ကြည့်ပါ

နောက်ဆုံး ရောဂါဖြစ်ပွားခဲ့သော တည်နေရာများကို ကြည့်ရှုရန် ဤနေရာတွင် နှိပ်ပါ

ရောဂါကူးစက်မှု ကာလအတောအတွင်း ဤအဆောက်အဦများ၌ ရောဂါကူးစက်ခဲ့ခြင်းများကို အတည်ပြုနိုင်ခဲ့ပါသည်။ သို့သော် ၎င်းသည် ဤအဆောက်အဦများ၌ ရောဂါကူးစက်မှုများ ဆက်လက်ဖြစ်ပွားနိုင်မည်ဟု မဆိုလိုပါ။ သင်သည် လက်ရှိ ကန့်သတ်ချက်များနှင့်အညီ ယင်းအဆောက်အဦကို စိတ်ချလက်ချ သွားနိုင်ပါသည်။

ရောဂါဖြစ်ပွားခဲ့သော ကာလသည် COVID-19 ရှိနေသူတစ်ဦးတစ်ယောက်က ယင်းနေရာသို့ ရောက်ခဲ့သော နေ့စွဲ သို့မဟုတ် အချိန်ကို ဖော်ညွှန်းပါသည်။ ယင်းသွားရောက်မှုက ထိုသူ ရောဂါရှိနေချိန်တွင် ဖြစ်ခဲ့ပါသည်။ ယင်းကာလသည် ရောဂါလက္ခဏာများ မပေါ်ပေါက်မီ 48 နာရီအလိုအချိန်မှ စတင်ပါသည်။

ကူးစက်မှုလမ်းကြောင်းကို လိုက်လံရှာဖွေသော ကာလအတောအတွင်း သက်ဆိုင်ရာ နေရာများကို ရှာဖွေဖော်ထုတ်ပါသည်။ ကူးစက်မှုလမ်းကြောင်းကို လိုက်လံရှာဖွေမှုကို လူတစ်ဦးတစ်ယောက်၌ COVID-19 ရှာတွေ့ပြီးနောက် စတင်ဆောင်ရွက်ပါသည်။

ယင်းကာလတွင် COVID-19 ရှိသူတစ်ဦးက နောက်ဆုံးအကြိမ်အဖြစ် ရောက်ခဲ့ပြီးနောက်ပိုင်း 14 ရက်အတွက်အထိ ထိုနေရာများကို စာရင်းပြု ထားရှိပါသည်။ လူတစ်ဦးသည် နေရာတစ်ခုသို့သွားကာ ထိုနေရာတွင် COVID-19 ရှိသူ အခြားပုဂ္ဂိုလ်တစ်ဦးနှင့် တွေ့ဆုံခဲ့ပြီးနောက်ပိုင်းတွင် ရောဂါလက္ခဏာများ မပေါ်ပေါက်မီ ရောဂါပိုးဝင်ရန် အကြာနိုင်ဆုံးကာလ (ရောဂါအစပျိုးမှုကာလ) မှာ ရက်ပေါင်း 14 ရက်ဖြစ်ပါသည်။

အန္တရာယ်ရှိသောနေရာများစာရင်းကို ရောဂါ လတ်တလောဖြစ်ပေါ်ခဲ့ချိန်မှစပြီး 14 ရက်အထိအတွက် ဆက်လက်ထားထားပါလိမ့်မည်။

ရောဂါဖြစ်ပွားခဲ့သော အများပြည်သူဆိုင်ရာ နေရာများကို ရှာကြည့်ပါ

နောက်ဆုံး ရောဂါဖြစ်ပွားခဲ့သော တည်နေရာများကို ကြည့်ရှုရန် ဤနေရာတွင် နှိပ်ပါ သို့မဟုတ် ဗစ်တိုးရီယားတွင် ရောဂါဖြစ်ပွားခဲ့သော အများပြည်သူဆိုင်ရာ နေရာများ၏ မြေပုံကို ကြည့်ရှုရန် ဤနေရာတွင် နှိပ်ပါ။

သြစတြေးလျားနိုင်ငံတစ်ဝန်း ခရီးသွားခဲ့ကြသူများ အောက်ပါပြည်နယ်တစ်ခုစီအတွက် ထုတ်ပြန်ထားသော ရောဂါဖြစ်ပွားခဲ့သည့် နေရာများစာရင်းကို ကြည့်ရှုပါ။

အကယ်၍သင်သည် ဗစ်တိုးရီးယားတွင်ရှိပြီး ဤနေရာများသို့ သတ်မှတ်ထားသော အချိန်ကာလများအတွင်း ရောက်ခဲ့လျှင်၊ စာရင်းပါ အကြံပြုချက်များကို လိုက်နာ၍ ကျွနှ်ပ်တို့အား 1300 651 160 ၌ ဆက်သွယ်ပါ။

သတင်းအချက်အလက် အသစ်များကို လက်ခံရရှိသည်နှင့်အမျှ ဤစာရင်းကို အသစ်မွမ်းမံနေပါသဖြင့် မကြာခဏ ပြန်လည်ကြည့်ရှုစစ်ဆေးနေပါ။

စစ်ဆေးပေးနေသော တည်နေရာများကို ကြည့်ရှုရန် Where to get tested (အစစ်ဆေးခံနိုင်မည့် နေရာစာရင်း) တွင်ကြည့်ပါ။

အဆင့် 1 ၊ 2 နှင့် 3 ကို ရှင်းပြခြင်း

အဆင့် 1 ရောဂါဖြစ်ပွားခဲ့သော နေရာများ

စာရင်းဖော်ပြထားသော အချိန်ကာလများအတွင်း ရောဂါဖြစ်ပွားခဲ့သော အဆင့် 1 နေရာသို့ သွားခဲ့သူ မည်သူမဆိုသည် ချက်ခြင်းပင် မိမိကိုမိမိ အခြားသူများထံမှ သီးသန့်ခွဲခြားနေထိုင်ကာ COVID-19 စစ်ဆးမှုကို ခံယူပြီ ရောဂါဖြစ်ပွားခဲ့သော နေ့ရက်မှ စတင်၍ 14 ရက်အတွက် ရောဂါခြေချုပ်ဖြင့်နေရမည်။ သင်သည် ကျန်းမာရေးဌာနကိုလည်း 1300 651 160 ၌ ဆက်သွယ်သင့်သည်။

အဆင့် 2 ရောဂါဖြစ်ပွားခဲ့သော နေရာများ

စာရင်းဖော်ပြထားသော အချိန်ကာလများအတွင်း ရောဂါဖြစ်ပွားခဲ့သော အဆင့် 2 နေရာသို့ သွားခဲ့သူ မည်သူမဆိုသည် အရေးတကြီး COVID-19 စစ်ဆးမှုကို ခံယူပြီး ရောဂါမရှိကြောင်းအဖြေကို မရမချင်း မိမိကိုမိမိ အခြားသူများထံမှ သီးသန့်ခွဲခြားနေထိုင်နေရမည်။ သင်သည် ကျန်းမာရေးဌာနကိုလည်း 1300 651 160 ၌ ဆက်သွယ်သင့်သည်။

ရောဂါလက္ခဏာများကို ဆက်လက်၍ စောင့်ကြပ်ကြည့်ရှုနေပြီး ရောဂါလက္ခဏာများ ပြန်လည်ပေါ်ပေါက်က စစ်ဆေးမှုကို ပြန်လည်ခံယူပါ။

အဆင့် 3 ရောဂါဖြစ်ပွားခဲ့သော နေရာများ

စာရင်းဖော်ပြထားသော အချိန်ကာလများအတွင်း ရောဂါဖြစ်ပွားခဲ့သော အဆင့် 3 နေရာသို့ သွားခဲ့သူ မည်သူမဆိုသည် ရောဂါလက္ခဏာများကို စောင့်ကြပ်ကြည့်ရှုနေသင့်ပါသည်။ ရောဂါလက္ခဏာများ ပေါ်ပေါက်လာက COVID-19 စစ်ဆးမှုကို ချက်ခြင်းခံယူပြီး ရောဂါမရှိကြောင်းအဖြေကို ရရှိသည်အထိ မိမိကိုမိမိ အခြားသူများထံမှ သီးသန့်ခွဲခြားနေထိုင်ပါ။

ကျွန်ုပ်အကူအညီ လိုအပ်လျှင် မည်သူအား ဆက်သွယ်ရမည်နည်း။

သင်အကူအညီ လိုအပ်လျှင် ဗစ်တိုးရီးယားပြည်နယ် ကျန်းမာရေးဌာန COVID-19 ဆိုင်ရာ အရေးပေါ်ဖုန်း 1800 675 398 ကို ဆက်ပါ။

သင် ဖုန်း စကားပြန် လိုအပ်လျှင် TIS National 131 450 ကို ဖုန်းဆက်ပါ။

အကူအညီ ရရှိနိုင်သည်။

သင်၏ ဆေးစစ်မှုအဖြေကို စောင့်ဆိုင်းနေစဉ်အတွင်း ဝင်ငွေဆုံးရှုံးမှုအတွက် စိတ်ပူပါက၊ ကိုရိုနာဗိုင်းရပ်(COVID-19) ဆေးစစ်မှုအတွက် သီးခြားနေထိုင်မှုအထောက်အပံ့ ၄၅၀ ဒေါ်လာ ရရှိရန် သတ်မှတ်ချက်နှင့် သင်ကိုက်ညီနိုင်ပါသည်။ ၎င်းသည် သင်အိမ်တွင် နေရန်အတွက် အကူအညီအထောက်အပံ့ဖြစ်စေပါလိမ့်မည်။

အကယ်၍ သင် ရောဂါရှိကြောင်း ဓါတ်ခွဲစစ်ဆေးမှုအဖြေထွက်လျှင် သို့မဟုတ် ရောဂါရှိသူနှင့် နီးနီးကပ်ကပ် အထိအတွေ့ရှိလျှင် သင် ၁၅၀၀ ဒေါ်လာ ထောက်ပံ့ငွေ ရထိုက်ကောင်း ရထိုက်နိုင်သည်။ ပိုမိုသိရှိလိုသော အချက်အလက်များအတွက် ကိုရိုနာဗိုင်းရပ်(စ်) တိုက်ရိုက်ဖုန်းလိုင်း 1800 675 398 ကိုဆက်ပါ။ အကယ်၍ သင် စကားပြန်လိုလျှင် သုည (0) ကိုနှိပ်ပါ။

အကယ်၍ သင် သို့မဟုတ် သင်သိသည့် တစ်စုံတစ်ယောက်သည် စိတ်သောက ခံစားနေရလျှင် သို့မဟုတ် စိုးရိမ်ပူနေလျှင် သင် အသက်ကယ်ဖုန်းလိုင်း (Lifeline) ဖုန်း 13 11 14 ကို ခေါ်ပါ သို့မဟုတ် Beyond Blue ဖုန်း 1800 512 348 ကိုခေါ်ပါ။ အကယ်၍ သင် စကားပြန်လိုလျှင် 131 450 ကို ဦးစွာခေါ်ပါ။

အကယ်၍ သင်အထီးကျန်နေသည်ဟု ခံစားရပါက ကိုရိုနာဗိုင်းရပ်(စ်) အရေးပေါ်နံပါတ် Coronavirus Hotline ကို ခေါ်ဆိုနိုင်ပါသည်။ 1800 675 398 ကိုခေါ်ဆိုပြီး နံပါတ် ၃ (3) ကို နှိပ်ပါ။ အကယ်၍ သင် စကားပြန်လိုလျှင် သုည (0) ကိုနှိပ်ပါ။ စကားပြန်လိုအပ်လျှင် သုည(0) ကိုနှိပ်ပါ။ သင်၏ ဒေသတွင်းကူညီမှုလုပ်ငန်းများနှင့် ချိတ်ဆက်ပေးရန် Australian Red Cross က စေတနာ့ဝန်ထမ်းတဦးက သင့်ကိုဆက်သွယ်ပါလိမ့်မည်။

ပံ့ပိုးရင်းမြစ်များ

ကျေးဇူးပြု၍ အောက်ပါ စာမှတ်စာတမ်းများကို အသုံးပြုပြီး သင့် လူမှုအသိုင်းအဝိုင်းအား အီးမေးလ်၊ လူမှုရေးဆိုင်ရာ မီဒီယာ သို့မဟုတ် အခြား အသိုင်းအဝိုင်း အဆက်အသွယ်ကွန်ခြာများမှတစ်ဆင့် သူတို့အား ဝေမျှပေးကမ်းပါ။

စစ်ဆေးခြင်းနှင့် အထိအတွေ့မဲ့ အထီးကျန်နေခြင်း

ဘေးကင်းလုံခြုံစွာနေခြင်း

အကူအညီရယူခြင်း

နှာခေါင်းစည်းများ

Reviewed 26 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?