vic_logo
coronavirus.vic.gov.au

Ngandamnak ruahcheuhnak le khamnak pawl (Health advice and restrictions) - Hakha-Chin (Chin)

Coronavirus (COVID-19) pulrai kongah thawngthanhmi, a hnubik thawngpaang le ruahnak cheuhmi.

Siaherhmi na ngeih ahcun, Coronavirus kongkau Chawnh khawh peng nak 1800 675 398 (suimilam 24) ah chawn.
Holhlettu na herh ahcun, TIS National kha 131 450 ah chawn, asilole Coronavirus kongkau  Chawnh khawh peng nak 1800675398 ah chawn law 0 kha hmet.
Ziru Pathum (000) hi zaangfahnaktein lakhruak ca lawng ah hman a si lai.

Naa cinken hrimhrim dingmi

Coronavirus (COVID-19) in kan chungkhar le kan mibu him tein kan chiah khawhnak ding caah a biapi in kan tuah hau mi:

  • Hmaihuh kha iken peng law phungphai lei a hlei in tuaktaan piakmi a um dah ti lo ahcun, nan inn in a leng na chuah tikah hmaihuh ihruk.
  • Atu le tu in na kut i ṭawl. Sapiat le ti kha hmang hna siloah hand sanitizer kha i hmang. Hi nih in thilri pawl cungah i neh in ni zeimawzat tiang a nung kho mi Coronavirus (COVID-19) chung in him te’n kan um khawhnak hnga a bawmh.
  • Midang he atlawmbik 1.5 metre dan in i hlat in um.
  • Na dam lo ahcun,  i chek law inn ah um. Zawt hmelchunhnak tlawmpal te lawng na ngeih rih zong ah, tuan deuh ah i cheknak paoh nih COVID-19 a karh ning hi a nuarh ter deuh.
  • COVID-19 i cheknak cu aho ca paoh ah manlo a si. Cu ahcun Medicare card ngei lo zong an i tel i, ramleng in tlawngkaitu, rianṭuan ruah ah a rak pem mi hna le ralzam sinak a sawk mi hna zong hi an i tel.
  • COVID-19 khamnak sii ichunh na ngah bak in ichun ve.
  • Chawlehthal nak kaakhatkhat asiloah rianṭuannak hmunkhatkhat na luh fatin, Service Victoria app hmang in chek-in na tuah lengmang a herh.

Atulio Victoria caah khenkham level pawl

Victoria Ngandamnak Luzik (The Victorian Chief Health Officer) nih khenkhamnak pawl cu thilsining hoih in a thlennawn khawh.

Cacawn Nihnih 27 Chiapa (July) 2021 zanlei suimilam 11:59 thawkin

  • Inn leng chuah lonak ding ruang khamnak pawl an um ti lo.
  • Zeitluk lam hlaat tiang dah na vah khawh lai tiah ri khiahmi a um ti lo.
  • Victoria chung dihlak na tlawng kho dih, asinain alpine resorts lei tlawnnak ahcun cheukhat khenkhammi pawl an um.
  • Alpine resort na phak hlan suimilam 72 nak tamlo deuh ah COVID-19 cheknak naa tuah cang i na phak hlan i zawtnak na ngeihlonak aphi na hmuh cang lawng ah Victorian Alpine Resorts hmunhma pawl kha na tlawng kho. Ngakchia kum 12 tang pawl cu ichek an hau lo. Ski hmun pawl chung i luh khawhnak dingah zawtnak na ngeih lonak aphi tehte kha na langhter khawh hrimhrim lai, tahchunnakah an chektu sinin cakuatmi.
  • Zeibantuk caan poah ah hmai huhnak hi na ken lengmang a herh, ngandamlo nak ruang ah hmai hmuhnak hman lo ding dah ti lo.
  • Phungphai lei a hlei in tuaktaan piakmi a um dah ti lo ahcun, innchung pawl le innleng pawl ah hmaihuh naa hruk hrimhrim lai. Nan inn asilole nuva bantukin pehtlaihnak na ngeihmi inn ah cun hmaihuh ihruk na hau lo.
  • Pumpaak herhhai i tonpumhnak pawl cu awnh an si lo. Hihi a sullam cu nan inn ah hawikom pawl asilole innchungkhar ah ilenter kha awnh a si lo i an inn ah nangmah zong va lenkai kha awnh na si lo.
  • Innleng zapi tonnak hmun ah a phu in minung 10 tiang (kum 12 tang ngakchia telh lo in) hawikom pawl le innchungkhar na ton khawh hna. Mibu itonnak hmun hna cu zapi nih zalong tein hman cio mi park pakhatkhat le rilikam beach tibantuk hi an si. Na inn hnulei hi aa tel lo.
  • Chawlehthal nak kaakhatkhat asiloah rianṭuannak hmunkhatkhat na luh fatin, Service Victoria app hmang in chek-in na tuah lengmang a herh. Hi hmun ah telh chihmi hna cu supermarket dawr pawl, coffee dawr le rianṭuannak zung pawl hna hi an si.

Rian le Fimcawnnak

  • Sianginn pawl le ngakchia zonkhenhnak pawl cu hun an si ko.
  • University pawl le fimcawnnak sang hmun pawl zong awn an si hna.
  • Inn in rian na tuan khawh asilole ca na cawn khawh ahcun, pehzulh in na tuah hrimhrim lai.
  • Inn in rian na tuan khawh lo ahcun, riantuannak ah na kal kho ko.
  • Zung pawl tibantuk riantuannak hmun pawl cu 25% tuan khawhnak asilole minung 10 tiang kaiter khawh a si i, a tamdeuhmi pakhat paoh kha. Inn in rian a tuan kho lomi kha 25% asilole minung 10 nak tamdeuh (a tamdeuhmi pakhat paoh) an si ahcun hi rikhiahmi cu tamter deuh khawh a si.

Thilri le herhhai

  • Minung 1 dirnak ah 4sqm rikhiah piakmi he, dawr pawl cu hung an si. Dawr na kal tikah thil cawtu minung cuzat luh khawh a si tiah ri an khiah mi kha na zulh lai. Hi rikhiahnak nih aho paoh kha dawr chungah pakhat le pakhat 1.5 meters ihlat in um kha a bawmh.
  • Minung 1 dirnak ah 4sqm rikhiah piakmi he, tamhnak le pumpaak zokhenhnak lei riantuanpiaknak pawl cu hung an si. Hmai asilole khahmul tamhnak tibantuk hmaihuh pawl cu thlopbulnak lim a herh tikah phoih khawh a si lai. Phungphai lei a hlei in tuaktaan piakmi a um dah ti lo ahcun, rian an tuanpiaktu nih hmaihuh aa hruk a herh lai.

Lentecelhnak

  • Mibu funtom lentecelhnak hna cu innchung celh siseh innleng celh siseh onh a si cang.
  • Aa telmi (letecelh thiam pawl, hruaitu pawl, dailuci pawl, nawlngeitu pawl le zohkhenhtu pawl/nulepa pawl) pawl i a tambik zat tintaan tuah asilole lim a herhmi kha kai dingah awnh an si i, minung chahnak kha rikhiah a si.
  • Gyms (Cim) telhchih in, innchung ah takpum sersiamnak hmun pawl cu minung tamnak lei rikhiahmi he hung an si.
  • Aphu in eksisai a tuahmi pawl cu, innchung he innleng he minung 10 rikhiahnak he awnh an si.
  • Innchung tilionak pakhat ah a tambik minung 100 le innleng tilionak pakhat ah a tambik minung 300 he tilionak pawl cu awn an si.

Biaknak le puailawmhnak

  • Thit-umh puai pawl ah a tambik minung 50 tiang itel khawh a si. Aa ṭhiummi minung pa 2 le tehte dirhmun caah minung pa 2 zong rel chih an si. Ṭhitumnak a tuah tu (Pastor), hmanthlatu le puai kongah rian ngeitu hna cu rikhiah mi ah telh chih an si lo.
  • Ruakhumnak hmun ah a tambik minung 50 tiang itel khawh a si. Ruakhumnak caah a herhmi caan tlaitu hna cu rel chih an si lo.
  • Biaknak lei he aa pehtlaimi tonpumhnak pawl cu innchung ah minung 100 tiang le innleng ah minung 300 tiangah tuah khawh a si. Minung 1 dirnak ah 4sqm a kaumi rikhiahnak kha hman a si fawn lai.

Lenkainak

  • Rawldawr pawl, zuu dawr pawl, zuu aphunphun zawrnak le lakphak dawr pawl cu thutnak a dihlak 100 tiang thut khawhnak hmun ah thut in eiding khonak he an awng kho lai. Minung tamnak lei rikhiahmi kha hman a si fawn lai. Service Victoria app he minung a lutchuakmi zohfel dingah sang/veng dihlak nih COVID Check-in Marshal kha an in ngeih dih lai.
  • 100 sqm nak in a hme deuhmi sang/veng pawl nih minung 25 tiang an ngei kho lai.
  • Rawl zuarnak ah thutnak in ei kho dingin awn an si. Hmun pakhat ah zohfeltu tha he a tambik minung 100 tiang a ngah i minung tamnak lei rikhiahmi kha hman a si lai.

Nuamseihnak

  • Baisakup pawl, kem celhnak pawl, thonginn pawl, hmanthlaaknak pawl, hlasaknak pawl le laamnak pawl tibantuk huamsaihnak hmun pawl cu minung tamnak lei rikhiahmi, zohfeltu tha tein chiahnak le aphu rikhiahmi le COVID Check-in Marshal umnak he awn an si.
  • Caruk le innpa inn pawl telhchih in mibu umnak hmun pawl cu innchung ah minung 100 tiang le innleng ah minung 300 tiang itelnak he awn an si. Minung tamnak lei rikhiahmi kha hman a si fawn lai. A tambik a phu in khawhmi zat cu minung 10 a si.
  • Service Victoria app he minung a lutchuakmi zohfel dingah sang/veng dihlak nih COVID Check-in Marshal kha an in ngeih dih lai.

Hmai huh pawl

  • Phungphai lei a hlei in tuaktaan piakmi a um dah ti lo ahcun, kum 12 le acunglei paohpaoh nih cun innchung pawl le innleng pawl ah hmai huh hruk hrimhrim ding a si lai. Inn ah hmai huh naa hruk a hau lo.
  • Zeibantuk caan poah ah hmai huhnak hi na ken lengmang a herh, ngandamlo nak ruang ah hmai hmuhnak hman lo ding dah ti lo.
  • Zeibantuk caan ah phung ning tein hmai huhnak hman lo in um khawh a si tiah cun:
    • Ngandamlo nak pakhat khat tahchunhnak ah na hmai ah takvun zawtnak a zual takmi asiloah thawchuah harh zawtnak tbk na ngeih ahcun.
    • Exercise na tuah i na thaw an phih an cun.

Cheknak le erhkhumhnak

Coronavirus (Covid-19) zawt hmelchunhnak na ngeih ahcun,  naa chek hrimhrim lai, cun naa chekmi a phi chuah hlan lo inn ah na um a hau. Rianṭuannak le dawr tibantuk ah na kal kho lo.

COVID-19 zawt hmelchunhnak pawl ah aa telmi cu:

  • Taksaat, raifanh le thlantipeih
  • Khuh siloah or fah
  • Thawdawp chuah iharh
  • Hnapti tawh
  • Rim le thawtnam theih khawh lo

Coronavirus (COVID-19) i cheknak cu ho ca paoh ah manlo a si. Cu ahcun Medicare card ngei lo zong an itel i, ramleng in tlawngkaitu, rianṭuan ruah ah a rak pem mi hna le ralzam sinak a sawk mi hna zong hi an itel.

Coronavirus (Covid-19) naa chek i na ngeih (positive na si) ahcun, inn ah naa erhkhumh a hau.

COVID-19 zawtnak a ngeimi pakhat khat he naihniam in na um ahcun ni 14 chung a dang tein na um hrimhrim lai (inn ah na um hrimhrim lai) i Ngandamnak Phuthen (Department of Health) in Nawlngeitu Bawi nih a dang tein umnak in na chuak kho cang tiah an ti hlan na um hrimhrim lai.

Zawtnak a ngei mi he nan um ṭi, siloah naihniam in na um ahcun, inn ah um ding in fial na si lai.

Zapi tlawnlennak i zawtnak hmuhmi langhternak hmun pawl

Zeidah tuah na herh

Cu sette lio caan te ah zawtnak hmuhmi langhternak hmun pawl pakhat khat ah na rak um bal a si ahcun:

  • Cuka zawtnak hmuhmi langhternak hmun caah a hlei in ruahnak cheuhnak langhtermi kha zul
  • Ngandamnak lei Phuthen (Department of Health) kha 1300 651 160 ah pehtlaihnak tuah
  • Ichek khawhnak hmun kha zoh

A hmanungbik zawtnak hmuhmi langhternak hmun pawl zoh ding ah hika ah hmet

Hi hmunhma pawl cu zawtnak a ngeimi pawl nih zawtnak an ngeih lio ah lenkaimi an si tiah fehtermi an si. Hi hmunhma pawl ahhin pehzulh tein tihnungmi pehtlaihnak an um rih ko tinak a si lo. Atulio khenkhammi pawl zulhphung ningin hi hmunhma cu him tein na lenkai khawh ko.

Zawtnak hmuhmi langhternak caan timi cu COVID-19 zawtnak a ngeimi pakhat khat nih cuka hmun an va lenkainak nithla asilole caan kha a chim duhmi a si. Hi lenkainak cu kha minung nih zawtnak a ngeih lio caan ah a cangmi a si. Hi cu zawtnak hmelchunhnak pawl a langh hlan suimilam 48 ah aa tel mi a si.

Hmunhma pawl cu zawtnak a ngeimi zulhdawinak in hngalh an si. Zawtnak a ngeimi zulhdawinak cu minung pakhat khat nih COVID-19 aa chek i zawtnak an hmuh hnu ah a hung ummi a si.

Culio caan chungah COVID-19 zawtnak a ngeimi pakhat khat nih a lenkai hnu in cu hmunhma pawl cu ni 14 chung cazin chungah a um. Minung pakhat khat nih a lenkainak hmun pakhat ah zawtnak hrik a um caan kha a saubik ni 14 (zawtnak a karh caan) a si i zawtnak hmelchunhnak pawl an takpum i a langh hlan ah COVID-19 zawtnak a ngeimi pakhat khat he tonnak a ngeimi nih zawtnak hrik an ngei kho.

Anaite bik ah zawtnak hmuhmi langhternak cu ni 14 chung tihnungmi hmunhma tiah cazin chung ah a tang lai.

Zapi tlawnlennak i zawtnak hmuhmi langhternak hmun pawl kawl

A hmanungbik zawtnak hmuhmi langhternak hmun pawl zoh ding ah hika ah hmet asilole Victoria i zapi tlawnlennak i zawtnak hmuhmi langhternak hmun hmanthlak kha zoh.

Australia a kenkip khual a tlawngmi hna caah, pine pakhat cio caah mizapi sin zawt phozarnak cazin kha zaangfahnak a tanglei bantukin thlah a si cang;

Cu sette lio caan te ah Victoria ah na um i hi hmunhma pawl ah na rak um ahcun ruahnak cheuhmi pawl kha zul law 1300 651 160 ah pehtlaihnak hung kan tuah.

Hi hmunhma pawl cu thawngthanhmi a thar hmuhmi a um tikah tharchuah an si, cucaah zaangfahnak in ra chek than lengmang.

Icheknak hmunhma pawl zohnak ah, ichek khawhnak hmun timi ah zoh.

Dot 1 nak, 2 nak le 3 nak fiantermi

Dot 1 nak zawtnak hmuhmi langhternak hmun pawl

Cazin chung langhtermi caan lio te ah dot 1 nak i zawtnak hmuhmi langhternak hmun ah a lengkaimi paohpaoh cu rianrang in a dang tein a um hrimhrim lai, COVID-19 aa chek a hau, cun zawtnak hmuhmi langhternak hmun ah a kal ni thawk in ni 14 chung cu amah te lawng in a um hrimhrim lai. Ngandamnak lei Phuthen (Department of Health) zong 1300 651 160 ah pehtlaihnak na tuah a hau lai.

Dot 2 nak zawtnak hmuhmi langhternak hmun pawl

Cazin chung langhtermi caan lio ah dot 2 nak mizapi sin zawt phozarnak hmun ah a lengkaimi paohpaoh nih rianrang in COVID-19 aa chek a hau i zawtnak a ngeihlonak aphi a ngah hlan adang tein a um a hau. Ngandamnak lei Phuthen (Department of Health) zong 1300 651 160 ah pehtlaihnak na tuah a hau lai.

Zawtnak hmelchunhnak pawl caah pehzulh tein i zohfel, zawtnak hmelchunhnak a hung langh ahcun ichek than.

Dot 3 nak zawtnak hmuhmi langhternak hmun pawl

Cazin chung langhtermi caan lio te ah dot 3 nak i zawtnak hmuhmi langhternak hmun ah a lengkaimi paohpaoh cu zawtnak hmelchunhnak caah zohfelnak aa tuah a hau. Zawtnak hmelchunhnak pawl na ngeih ahcun, rianrang in COVID-19 ichek law zawtnak na ngeih lonak aphi na hmuh hlan lo cu a dang tein um.

Bawmh ka herh ah ahodah ka chawnh khawh?

Bawmh na herh ahcun Victoria mi Ngandamnak lei Phuthen (Victorian Department of Health) COVID-19 kongkau Chawnh khawh pengnak 1800 675 398 ah chawn.

Fone in holhlettu na herh ahcun, zaangfahnak in, TIS National 131 450 ah pehtlaihnak tuah.

Bawmhnak a um ko

Naa chekmi a phi chuak na hngah lio ah tangka thazaang ah na lungre a theih ahcun, $450 coronavirus (COVID-19) Chek Erhkhumh bawmhnak tinco awkah naa tlak ve men. Hi bawmhnak nih inn na um kar chung an bawmh lai.

Coronavirus zawtnak na ngeih asiloah a ngei mi pawngah na um ahcun, voikhat pek $1500 in pek mi bawmhnak co tin awkah naa tlak ve kho men. Tam deuh in thil hngalhnak caah: Coronavirus Hlathlai cu 1800 675 398 in chawn hna. Holhlet na herh ahcun, nambar zero (0) kha hmet.

Nangmah na si ah, na theihhngalh mi minung an si ah lungrethei le umkhua nuam loin nan um ahcun, Lifeline cu 13 11 14 in na chawnh khawh hna, siloah Beyond Blue cu 1800 512 348 in na chawnh khawh hna. Holhlet na herh ahcun 131 450 hi chawn hmaisa hna.

Umkhua nuam loin nangmah lawng in na um ahcun, Coronavirus kongkau  Chawnh khawh peng nak 1800 675 398 ah chawn law nambat pathum (3) kha hmet. Holhlet na herh ahcun, nambar zero (0) kha hmet. Australian Red Cross timi ah pumpek in rian a ṭuan mi hna he an in pehtlaih ter lai i na umnak sangveng chungah bawmhnak a um mi pawl he khan an in pehtlaih lai.

Hmanding dangdang

Zaangfahnak tein a tanglei cabia le theihtlei hna hi na mibu sinah email in siseh, maivan cazamhnak in siseh silole mibu chung pehtlaihnak pakhat khat ah zamh chin ve hna.

I cheknak le i erhkhumhnak

Him tein umnak

Bawmhnak kawlnak

Hmaihuhnak pawl

Reviewed 29 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?