Akakitekite’anga ma te au arairai’anga mei te pae rapakau maki (Health advice and restrictions) - Kuki Airani Maori (Cook Islands Maori)

Pāruru ia koe ma tetai ke mei te COVID-19

Te tupu nei rai te COVID-19 ki roto i te no'oranga iti tangata. Ka rauka rai i te reira i te akatupu i te maki ma'ata ki tetai au tangata. Ko te pāruru'anga ia koe te ravenga meitaki rava atu no te pāruru i te au tangata ke. Kare koe e akatoto'a i te COVID-19 me kare koe i tu ia e te COVID-19.

Aere kia ākara ia koe

No'o ki te ngutu'are ma te rave i te akara'anga tei kapiki ia e ko te rapid antigen test (RAT) mei te mea e au:

• akairo maki to'ou mei te ūpepe, mamae karaponga, mare, pīva me kare ōtete anu.
• e tangata piri no tetai tei tu ia e te COVID-19.

Mei te mea e kare te tika (negative) o to'ou ākara ia anga, e rave ua atu rai koe i te au akara'anga no te au ra ki mua ma te no'o ki te ngutu'are kia ngaro rava to'ou au akairo maki.

Me e ae (positive) te tika no to'ou akara'anga ia na roto i tei kapiki ia e ko te rapid antigen test e mea tau kia rīpoti koe i to'ou tuku'anga tika ki te Tipatimani Rapakau Maki. Ka rauka koe i te rīpoti i to'ou tuku'anga tika na runga i te ātui roro uira me kare rīngi atu i te 1800 675 398. Me ka rīpoti koe i to'ou tuku'anga tika, ka rauka koe kia tiki i te au akonokono'anga rapakau maki ma te kare e tutaki ma te au vairakau COVID.

Ui ki tetai Taote no te akara'anga PCR me kua maki ma'ata ia koe mei te COVID-19. Kare koe e anoano i te rīpoti i to'ou tuku'anga tika me e ae te reira mei te akara'anga PCR.

Kimi ma'ata atu i te akakitekite'anga no runga i tei kapiki ia e ko te Get a COVID-19 Test.

Akono i to'ou ora'anga kopapa meitaki

Me kua tu ia koe e te COVID-19 e mea tau kia akangaroi koe ma te tuatua atu ki tetai Taote. Ka ma'ata te tangata e au akairo maki iti to ratou e ka rauka kia meitaki ratou mei te kainga meitaki. E mea tau kia

• Kia no'o koe ki te ngutu'are no e 5 ra. Auraka e aere ki te 'anga'anga me kare te āpii. Noo mamao mei te au are rapakau maki te au are akono i te au ruaine e te pakipaki tai.
• Tāuru i te ārai va'a me akaruke i te ngutuare i roto i te tupu'anga viviki. Ko te au ārai va'a no te vāvā'i me kare te N95 te au ārai va'a meitaki rava atu.
• Akakite ki te au tangata ta'au i kite na me kare te au ngai ta'au ta'au i aere atu na i teia tuatau tei aere ia mai e kua tu ia koe e te COVID.

Me te kino atu ra to'ou au e akairo maki e mea tau kia komakoma atu koe ki tetai Taote me kare aravei atu i tetai kirinikii no te akaea koia te GP Respiratory Clinic.

Ka rauka katoa ia koe i te kapiki atu i te National Coronavirus Helpline ki runga i te 1800 020 080.

Kapiki atu i te Virtual Emergency Department no te akono tupu viviki me lare koe e rauka i te komakoma ki tetai Taote.

No te au tupuanga viviki rīngi atu i te Toru Kare (000).

Penei ka maki ia koe taeria atu te 10 ra. E mea tau kia noo koe ki te ngutu'are me kua ūpepe ia koe, mamae o, te karaponga mare, piva, ōtete, pata o te ou, me kare te potopoto o te a'o. Ta'anga'anga i te akara'anga rapid antigen test me kare komakoma atu ki tetai Taote me kare koe i pāpu.

Tauturu

No te ma'ata'anga tuatua

• Ātoro atu i tei kapiki ia e ko te Checklist for COVID-19 no te ka anoano ia me kua tu ia koe e te COVID-19
• Ātoro i te Managing COVID-19 no te au 'akairo maki e te akono meitaki'anga i to'ou ora'anga kopapa meitaki.

No te komakoma ki tetai tangata

• Kapiki i te National Coronavirus Helpline ki runga i te 1800 020 080
• Kapiki i te Translating and Interpreting Service ki runga i te 131 450

Ui no runga i te au vairākau no te COVID

Ka ora te tangata na roto i te vairākau Covid e ka ma te tāpu auraka kis ma'ata te tangata ka tu ia e te COVID-19. Kia kainga ia te reira ki mua rava me ka rauka e ki roto i te 5 ra o te maki'anga ia no te reira kia pu'apinga ia.

Pa'u i teia au ui'anga kia kite me ka tau koe no te au vairākau COVID. Komakoma atu ki tetai Taote mei te mea kua irinaki koe ka tau koe. Ka rauka i tetai Taote i te akapāpū kia rapakau viviki ia te au tangata tei tae

No te au ma'ata'anga tuatua ākara atu ki te Antivirals e te au vairākau.

Tauru i te ārai va'a

Ka tāpu te au ārai va'a ia koe kia kore e tu ia ma te 'akatoto'a i te COVID-19. E tau ei te tu o te ārai va'a ei mea meitaki e kia tano tikai ki runga i te mata. Ko te N95 e te P2 te au ārai va'a oronga ma'at i te paruru'anga.

E tauru ua rai koe i te au ārai va'a

• ki runga i te au apinga 'akaoro o te katoatoa, ki roto i te au paepae no te katoatoa, e ki va'o ake i te au ngai e ma'ata te tangata ki reira.
• me kua tu ia koe e te COVID-19 e ka anoano kia akaruke i te ngutu’are
• me e tangata koe me kare ra tei ko koe i tetai e teitei te mataku'anga o te maki viviki.

I te tika'anga kare te tamariki 2 mataiti aere mai ki raro e tauru i te ārai va'a i te mea ka raoa ia mai.

No te ma'ata'anga tuatua, akara atu ki te au ārai va'a.

Tiki atu i to'ou vairakau ka aru atu

Ko te au patia te ravenga meitaki no te paruru ia koe ma te kopu tangata auraka kia ma'ata te tupu'anga maki o te COVID-19. E tano ei kia no'o vai papa koe no te au patia'anga tei tamanako ia no'ou. Komakoma atu ki to'ou Taote e 'ia o'ou au patia'anga ka anoano ia.

E tano ei kia patia ia rai koe me kua tu ia na koe e te COVID-19. Ta'anga'anga i te vaccine clinic finder no te tapa'o i to'ou vairakau mei ko i to'ou Taote me kare te ngai 'oko vairakau.

No te au ma'ata'anga tuatua akara atu ki te COVID-19 vaccine.

Tuku mai i te reva ou ki roto

E toto'a na te COVID-19 ki roto i te reva. Ka iti te matakutaku'anga no te toto'a'anga o te COVID-19 na roto i te apai'anga mai o te reva ou ki roto i te paepae. Akatuera i te au maramarama me ka rauka me taokotai ki tetai ke i roto i te au paepae. Me ka rauka ia koe, ta’anga’anga i te matini apaipai te ka ta-ma i te reva ko ia te portable air cleaner (HEPA filter) te ka ta-ma i te au apinga i roto i te reva.

No te au ma'ata'anga tuatua akara au ki te Ventilation.

Ora'anga mai mei te COVID-19

E ma'ata te tangata te ka kite i te tu makimaki mei te COVID-19 i muri ake ia ratou kare e maki akaou'anga. Oronga ki to'ou kopapa i te akono'anga ma te tuatau kia no'o ora meitaki tikai.

E mea tau kia tiaki koe e 3 marama i muri ake i te tu ia 'anga e te maki, i mua ake i te turanga ka aru atu no to'ou vairakau. Ka 'akapa-pu teia no te paruru'anga meitaki no'ou mei te maki.

Ka tu ia rai koe e te COVID-19 mei te 4 epetoma te viviki mei to'ou tuatau e no'o ora meitaki ra. Me e au akairo to'ou e 4 'epetoma me kare tere atu i muri ake i to'ou tu ia 'anga, e mea tau kia akara ia koe.

Ko te Long COVD ko te tuatau te reira tei marama ia no te au 'akairo maki COVID-19 tei tere atu i te 3 marama te roa. E mea tau kia aravei atu koe i to'ou Taote ko te ka rauka i te 'akateretere i to'ou au 'akairo maki me kare i te tamanako atu ia koe ki tetai tangata kite ma'ata atu me ko te reira te ka anoano ia.

Kimi atu i te au ma’ata’anga tuatua no runga i te Long COVID.

Me e tangata piri koe

E matakutaku'anga tetai no'ou e ka tu ia e te COV ID-19 me e no'o na koe ki roto i te ngutu'are e au tangata tke atu tetai me kare ra e piri'anga vaitata ki tetai tei tu ia e te maki.

E mea tau kia akarakara koe no te au 'akairo maki ma te akara ia koe no te reira no e 7 ra i muri ake i to'ou piri'anga ki tetai tangata tei tu ia e te maki. I roto i teia tuatau, te tamanako ia atu nei kia:

• vai mamao mei te au are rapakau maki, te au ngai akonokono'anga ruaine, ma te au raverave'anga no te au tangata pakipaki tai
• Tauru i te arai va'a me akaruke i te ngutu'are, ta rava atu ki te au apinga 'akaoro o te katoatoa e ki roto i te au paepe mei te ngai 'anga'anga moni ma te au apii
• tuku i te reva ou ki roto i te paepae na roto i te akatuera'anga i te au maramarama me ka rauka te reira

No te au ma'ata'anga tuatua akara au ki te Checklist for contacts.