ܫܲܠܩܵܐ ܕ COVID-19 vaccine) COVID-19 ) ـ ܐܵܬܘܿܪܵܝܵܐ ܟܲܠܕܵܝܵܐ (Assyrian)

ܩܵܐ ܡܵܘܕܝܼ ܘܵܠܹܐ ܕܦܵܝܫܝܼܬܘܿܢ ܡܛܘܿܥܡܹ̈ܐ

ܛܘܼܥܵܡܹ̈ܐ ܝܼܢܵܐ ܐܲܡܝܼܢܹ̈ܐ ܘܡܥܲܒܕܵܢܹ̈ܐ ܒܚܲܡܲܝܬܵܐ ܕܐ݉ܢܵܫܹ̈ܐ ܡ݂ܢ ܡܪܵܥܬܵܐ ܒܟܘܿܒ݂ܝܼܕ 19. ܐܵܢܲܢܩܵܝܬܵܐ ܝܠܵܗ̇ ܩܵܐ ܠܵܘܟ݂ܘܿܢ ܕܗܵܘܘܹܐ ܠܵܘܟ݂ܘܿܢ ܡܵܘܕܥܵܢܘܼܬܵܐ ܐ݉ܚܲܪܵܝܬܵܐ ܒܘܼܕ ܛܘܼܥܵܡܹ̈ܐ ܩܵܐ ܫܲܪܸܪܝܼܬܘܿܢ ܠܚܲܡܲܝܬܵܐ ܒܘܼܫ ܥܸܠܵܝܬܵܐ ܕܲܠܩܘܼܒ݂ܠ ܕܒ݂ܵܝܪܘܿܣ.

ܕܵܐܟ݂ܝܼ ܒܸܕ ܦܵܝܫܝܼܬܘܿܢ ܡܛܘܿܥܡܹ̈ܐ

ܐܝܼܬ ܛܘܼܥܵܡܹ̈ܐ ܗܕܝܼܖܹ̈ܐ ܥܲܡ:

• ܐܵܣܝܹ̈ܐ ܓܵܘܵܢܵܝܹ̈ܐ
• ܒܹܝܬ ܐܵܣܝܘܼܬܵܐ ܕܢܵܦܵܣ ܕܐܵܣܝܹ̈ܐ ܓܵܘܵܢܵܝܹ̈ܐ
• ܨܲܝܕܵܠܝܼܵܬܹ̈ܐ
• ܚܸܠܡܲܬܹ̈ܐ ܕܚܘܼܠܡܵܢܵܐ ܕܟܢܘܼܫܬܵܐ.

ܘܵܠܹܐ ܕܗܲܡܙܸܡܝܼܬܘܿܢ ܥܲܡ ܚܲܕ݉ ܐܵܣܝܵܐ ܓܵܘܵܢܵܝܵܐ ܐܸܢ ܐܝܼܬܠܵܘܟ݂ܘܿܢ ܐܲܝܟܲܢܵܘܵܬܹ̈ܐ ܥܲܬܝܼܩܹ̈ܐ ܐܵܘ ܠܵܐ ܝܬܘܿܢ ܚܲܬܝܼܬܹ̈ܐ ܠܟܡܵܐ ܣܸܖ̈ܦܹܐ ܣܢܝܼܩܹ̈ܐ ܝܬܘܿܢ.

ܛܘܼܥܵܡܹ̈ܐ ܝܼܢܵܐ ܡܲܓܵܢ، ܘܠܵܐ ܝܬܘܿܢ ܣܢܝܼܩܹ̈ܐ ܠܦܸܬܩܵܐ ܕܡܝܼܕܝܼܟܹܝܪ ܩܵܐ ܕܦܵܝܫܝܼܬܘܿܢ ܡܛܘܿܥܡܹ̈ܐ.

ܡܵܢܝܼ ܡܵܨܹܐ ܕܦܵܐܹܫ ܡܛܘܿܥܡܵܐ

ܟܠܚܲܕ݉ ܒܥܘܼܡܪܵܐ ܕ 5 ܫܸܢܹ̈ܐ ܘܥܸܠܸܠ ܝܼܠܹܗ ܚܫܝܼܚܵܐ ܩܵܐ ܛܲܥܲܡܬܵܐ. ܚܲܕ݉ܟܡܵܐ ܫܲܒ݂ܖܹ̈ܐ ܒܥܘܼܡܪܵܐ ܒܹܝܠ 6 ܝܲܖ̈ܚܹܐ ܘܬܚܘܿܬ 5 ܫܸܢܹ̈ܐ ܝܼܢܵܐ ܚܫܝܼܚܹ̈ܐ ܩܵܐ ܛܲܥܲܡܬܵܐ ܐܸܢ ܝܼܢܵܐ:

• ܡܚܝܼܠܹ̈ܐ ܒܚܲܣܝܼܢܘܼܬܵܐ ܕܦܲܓ݂ܪܵܐ
• ܐܝܼܬܠܗ݉ܘܿܢ ܚܕܵܐ ܡܥܵܘܟ݂ܘܼܬܵܐ
• ܐܝܼܬܠܗ݉ܘܿܢ ܐܲܝܟܲܢܵܘܵܬܹ̈ܐ ܥܦܝܼܦܹ̈ܐ ܕܚܘܼܠܡܵܢܵܐ.

ܐܝܼܬ ܚܲܕ݉ ܛܘܼܥܵܡܵܐ ܕܬܪܹܝܢ ܦܸܚܡܘܼܬܐ ܕܲܠܩܘܼܒ݂ܠ ܕܕܡܫܲܚܠܦܹ̈ܐ ܕܐܘܿܡܝܼܟܪܘܿܢ ܐܲܝܟ݂ ܣܸܪܦܵܐ ܚܲܝܠܸܢܵܢܵܐ ܩܵܐ ܟܠܚܲܕ݉ ܒܥܘܼܡܪܵܐ ܕ 18 ܫܸܢܹ̈ܐ ܘܥܸܠܸܠ.

ܗܲܡܙܼܡܘܼܢ ܥܲܡ ܚܲܕ݉ ܐܵܣܝܵܐ ܓܵܘܵܢܵܝܵܐ ܒܘܼܕ ܟܡܵܐ ܣܸܖ̈ܦܹܐ ܘܐܲܝܢܝܼ ܛܘܼܥܵܡܵܐ ܡܘܿܚܫܸܚܵܐ ܝܠܹܗ ܩܵܐ ܠܵܘܟ݂ܘܿܢ ܘܩܵܐ ܫܲܒ݂ܪܵܘܟ݂ܘܿܢ. ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܣܲܚܒܸܪܘܼܢ ܠ ܦܘܼܫܘܼܢ ܡܛܘܿܥܡܹ̈ܐ.

ܒܵܬܲܪ ܛܲܥܲܡܬܵܘܟ݂ܘܿܢ

ܩܵܘܡܵܐ ܕܗܵܘܝܼܠܵܘܟ݂ܘܿܢ ܡܲܥܒܕܵܢܘܵܬܹ̈ܐ ܓܹܢ݉ܒܵܝܹ̈ܐ ܐܲܝܟ݂ ܡܲܪܥܵܐ ܐܲܝܟܵܐ ܕܫܩܝܼܠ ܠܵܘܟ݂ܘܿܢ ܠܚܡܵܛܵܐ، ܟܸܟ̰ܚܵܐ، ܡܲܪܥܵܐ ܕܥܨܵܠܹ̈ܐ، ܚܲܡܚܲܡܬܵܐ ܘܡܲܪܓܲܕܬܵܐ ܐܵܘ ܡܲܪܥܵܐ ܕܡܦܲܨܠܵܬܹ̈ܐ. ܡܲܥܒܕܵܢܘܵܬܹ̈ܐ ܓܹܢ݉ܒܵܝܹ̈ܐ ܝܼܢܵܐ ܥܝܵܕܵܝܹ̈ܐ ܘܚܲܕ݉ ܢܝܼܫܲܢܩܵܐ ܝܢܵܐ ܕܛܘܼܥܵܡܵܐ ܦܠܵܚܵܐ ܝܠܹܗ. ܝܼܢܵܐ ܥܝܵܕܵܐܝܼܬ ܡܲܟܝܼܟܹ̈ܐ ܘܟܹܐ ܐܵܙܠ݉ܝܼ ܒܵܬܲܪ ܚܲܕ݉ ܐܵܘ ܬܪܹܝܢ ܝܵܘܡܵܢܹ̈ܐ.

ܡܲܥܒܕܵܢܘܵܬܹ̈ܐ ܓܹܢ݉ܒܵܝܹ̈ܐ ܚܲܝܠܵܢܹ̈ܐ ܝܼܢܵܐ ܪܲܒܵܐ ܒܵܨܘܿܖܹ̈ܐ. ܡܲܚܒܸܪܘܼܢ ܩܵܐ ܐܵܣܝܵܘܟ݂ܘܿܢ ܐܸܢ ܝܼܬܘܿܢ ܢܝܼܓܵܪܲܢ، ܐܵܘ ܐܸܢ ܟܠܵܝܗܝ ܡܲܥܒܕܵܢܘܵܬܹ̈ܐ ܓܹܢ݉ܒܵܝܹ̈ܐ ܠܵܐ ܝܢܵܐ ܐ݉ܙܝܼܠܹ̈ܐ ܒܵܬܲܪ ܚܲܕ݉ܟܡܵܐ ܝܵܘܡܵܢܹ̈ܐ.

ܒܘܼܕ ܛܘܼܥܵܡܹ̈ܐ ܕܟܘܿܒ݂ܝܼܕ 19

ܟܠܵܝܗܝ ܛܘܼܥܵܡܹ̈ܐ ܘܵܠܹܐ ܕܠܵܚܡܝܼ ܥܲܡ ܫܸܘܝܹ̈ܐ ܩܸܫܝܹ̈ܐ ܕܐܲܡܝܼܢܘܼܬܵܐ ܡܘܿܬܒܹ̈ܐ ܒܝܲܕ ܡܕܲܒܪܵܢܘܼܬܵܐ ܐܘܿܣܬܪܵܠܝܵܝܬܵܐ ܕܡܸܢܕܝܵܢܹ̈ܐ ܕܕܲܪܡܲܢܬܵܐ ܩܲܕ݉ܡ ܕܦܵܝܫܝܼ ܡܘܿܦܠܸܚܹ̈ܐ ܓܵܘ ܐܘܿܣܬܪܵܠܝܵܐ. ܝܼܢܵܐ ܡܕܘܿܒܖܹ̈ܐ ܒܝܲܕ ܐܵܣܝܹ̈ܐ ܡܗܝܼܖܹ̈ܐ ܕܚܘܼܠܡܵܢܵܐ.

ܓܵܘ ܐܘܿܣܬܪܵܠܝܵܐ، ܐܝܼܬ 4 ܛܘܼܥܵܡܹ̈ܐ ܗܕܝܼܖܹ̈ܐ ܘܡܫܘܿܪܸܖܹ̈ܐ ܩܵܐ ܡܲܦܠܲܚܬܵܐ:

• ܦܦ̮ܵܝܙܲܪ
• ܡܘܿܕܸܪܢܵܐ
• ܢܘܿܒ݂ܵܒ݂ܵܟܣ
• ܐܲܣܬܪܵܐܙܹܢܝܼܟܵܐ

ܡܵܨܝܼ ܐ݉ܢܵܫܹ̈ܐ ܕܩܲܒܠܝܼ ܛܘܼܥܵܡܹ̈ܐ ܦܖ̈ܝܼܫܹܐ ܒܸܢܝܹ̈ܐ ܥܲܠ ܥܘܼܡܪܵܝܗܝ ܘܐܲܝܟܲܢܵܘܵܬܵܝܗܝ ܐܵܣܝܵܝܹ̈ܐ. ܗܲܡܙܸܡܘܼܢ ܥܲܡ ܚܲܕ݉ ܐܵܣܝܵܐ ܓܵܘܵܢܵܝܵܐ ܩܵܐ ܕܝܵܕܥܝܼܬܘܿܢ ܐܲܝܢܝܼ ܛܘܼܥܵܡܵܐ ܠܚܝܼܡܵܐ ܝܠܹܗ ܩܵܐ ܠܵܘܟ݂ܘܿܢ.

ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ

ܕܒ݂ܘܿܩܘܼܢ ܡܵܘܥܕܵܐ ܕܣܸܪܦܵܘܟ݂ܘܿܢ ܕܒܹܐܬܵܝܵܐ ܝܠܹܗ ܥܲܡ ܚܲܕ݉ ܐܵܣܝܵܐ ܓܵܘܵܢܵܝܵܐ ܐܵܘ ܚܕܵܐ ܨܲܝܕܵܠܝܼܬܵܐ ܡܲܗܲܠܵܝܬܵܐ ܒܡܲܦܠܲܚܬܵܐ ܕ ܡܲܫ̃ܟ݂ܚܵܢܵܐ ܕܒܹܝܬ ܐܵܣܝܘܼܬܵܐ ܕܛܘܼܥܵܡܵܐ. ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܡܲܚܒܸܪܘܼܢ ܩܵܐ ܚܘܼܛܵܐ ܕܥܘܼܕܪܵܢܵܐ ܐܲܬܪܵܝܵܐ ܕܒ݂ܵܝܪܘܿܣ ܕܟܘܿܪܘܿܢܵܐ ܥܲܠ ܪܲܩܡܵܐ 1800 020 080.