Wainimate ni COVID-19 (COVID-19 vaccine) - Vosa Vakaviti (Fijian)

Na cava mo cula kina ena itatarovi ni matetaka

E yaga qai veitqomaki sara vakalevu na icula ni itatarovi ni matetaka meda kua kina ni tauvimate bibi mai na COVID-19. E bibi mo cula ena ivakarau ni itataqomaki ena kena gauna mo rawa ni taqomaki vinaka mai na manumanu ni mate.

Mo cula vakacava

E vakarautaki na icula ni itatarovi vei:

• Ira na Vuniwai
• Valenibula e dikevi kina na iCegu
• Sitoa ni Volitaki Wainimate
• Valenibula ena veitikotiko.

O rawa ni veitalanoa kei na dua na Vuniwai ke tauvi iko tiko e dua na mate se o sega ni kila se vica na ivakarau mo cula kina.

E sega ni saumi na icula ni itatarovi, ena sega ni gadrevi tale ga me tiko nomu kad ni Medicare mo cula.

O cei e rawa ni cula

O ira kece na yabaki 5 lako cake era rawa ni cula ena itatarovi ni matetaka. Eso na gonelalai e tiko nodra yabaki ena maliwa ni 6 na vula qai lailai mai na yabaki 5 era rawa ni cula kevaka e:

• vakaleqai na sotia ni yagodra
• vakaleqai na ituvaki ni yagodra
• vicavata na mate e tauvi ira.

E dua na icula ni itatarovi me vukea na yago me bulia na itataqomaki me valuta na manumanu ni mate ni Omicron e sa tiko ena gauna qo vei ira na yabaki 18 se sivia.

Mo veitalanoataka kei na dua na Vuniwai ena levu ni ivakarau ni icula ni itatarovi mo cula kina kei na kena e ganiti iko kei luvemu. Mo kila eso tale na itukutuku, rai ena Get vaccinated.

Ni o sa cula oti

Ena tiko na revurevu ena basika me vaka na mosi ni vanua o cula kina, wawale, mosi ni masela, katakata se batabata kei na mosi ni isema ni yago. Na veika qori ena dau yaco ga qai vakatakila ni sa cakacaka tiko na wainimate. E sega ni bibi sara qai rawa ni oti ena loma ni dua ga se rua na siga.

E tutu yadua me qai basika na revurevu ni mate e bibi sara. Mo veivosaki kei nomu vuniwai kevaka o leqataka e dua na ka, se mani o vakila voli ga na revurevu eso ni oti e vica na siga.

Veika e baleta na wainimate ni COVID-19

Na itatarovi kece ni matetaka me na muria vinaka na ivakatagedegede e vakatura na Australian Therapeutic Goods Administration ni bera ni rawa ni vakayagataki e Ositerelia. E tiko o ira na kendau ena tabana ni bula era na veisoliyaka.

E 4 na wainimate e vakadonui me vakayagataki e Ositerelia:

• Pfizer
• Moderna
• Novavax
• AstraZeneca

Ena rawa ni duidui na wainimate era cula kila na tamata, vakatau ena nodra yabaki kei na ituvaki ni nodra bula. Mo veitalanoa kei na dua na Vuniwai mo kila na cula ni itatarovi cava e ganiti iko.

Me ikuri ni itukutuku

Mo tuvanaka nomu cula tarava vua e dua na vuniwai se sitoa ni volitaki wainimate ena vaccine clinic finder. Mo kila eso tale na itukutuku, qiriti ratou na dauniveiqaravi ni Coronavirus Helpline ena 1800 020 080.