vic_logo
coronavirus.vic.gov.au

COVID-19 રસી (COVID-19 vaccine) - ગુજરાતી (Gujarati)

COVID-19 રસીના રસીકરણ કાર્યક્રમ અને સલામતી વિષેની માહિતી

જો તેમને ચિંતાજનક લાગતું હોય તો, coronavirus ની હોટલાઇન ૧૮૦૦ ૬૭૫ ૩૯૮ પર ફોન કરો (૨૪ ક્લાક).
જો તમારે દુભાષિયાની જરૂર હોય તો, TIS National ને ૧૩૧ ૪૫૦ પર ફોન કરો.<br/>ત્રણ શૂન્ય (૦૦૦)નો ઉપયોગ આપાત કાળમાં જ કરશો.

તમારે શું જાણવાની જરૂર છે

  • ઓસ્ટ્રેલિયાનો રસીકરણ કાર્યક્રમ વિક્ટોરિયામાં ૨૨ ફેબ્રુઆરી ૨૦૨૧થી શરૂ થશે.
  • ઓસ્ટ્રેલિયાના રસીકરણના કાર્યક્રમના પ્રથમ તબક્કા હેઠળ, આપણાં સમુદાયમાં સૌથી વધુ જોખમ ધરાવતાઓને પ્રાધાન્ય આપવામાં આવ્યું છે, જેમાં નીચેનાઓ સામેલ છેઃ
    • હોટેલ ક્વોરેન્ટાઇન કાર્યક્રમમાં કામ કરી રહેલા બધા જ કર્મચારીઓ સહિત, ક્વોરેન્ટાઇન અને સરહદો પર કામ કરી રહેલા કર્મચારીઓ
    • પ્રથમ હરોળના જોખમમાં હોય તેવા આરોગ્ય સંભાળ કર્મચારીઓ કે જેમાં COVID-19 અને શંકાસ્પદ દર્દીઓ સાથે COVID-19 વોર્ડમાં કામ કરતાં હોસ્પિટલના કર્મચારીઓનો સમાવેશ થાય છે
    • વૃદ્ધ કાળજી અને વિકલાંગોની સંભાળ કરતાં કર્મચારીઓ
    • વૃદ્ધ કાળજી અને વિકલાંગ સંભાળ ગૃહના રહેવાસીઓ.
  • રસીકરણ કાર્યક્રમનાં ભાગ રૂપે ૨૨ ફેબ્રુઆરી થી (૨0૨૧) શરૂ કરીને વિક્ટોરિયાની સરકાર હોટેલ ક્વોરેન્ટાઇન કર્મચારીઓ, વિમાનમથકો અને વહાણના બંદરો પર કામ કરતાં કર્મચારીઓ, વધુ જોખમ ધરાવતાં પ્રથમ હરોળનાં આરોગ્ય કર્મચારીઓ અને વૃદ્ધ કાળજી સુવિધાઓનો સંદર્ભ આપે છે જે નિવાસીઓ પૂર્ણ-સમય પર રહે છે, અને વિક્ટોરિયન સરકાર સુવિધા માટે ભંડોળ અને સહાય પૂરી પાડે છે તે કર્મચારીઓ અને રહેવાસીઓને COVID-19ના ડૉઝ પહોંચાડશે.
  • ખાનગી ક્ષેત્રની વૃદ્ધ સંભાળ અને વિકલાંગ સંભાળ કર્મચારીઓ અને રહેવાસીઓને રસી પૂરી પાડવાની જવાબદારી ઓસ્ટ્રેલિયાની સરકારની છે.
  • જેમ જેમ વધુ ડૉઝનું ઉત્પાદન થશે તેમ તેમ વધુ લોકો રસી મેળવી શકશે. ઓસ્ટ્રેલિયાની સરકાર વર્ષ ૨૦૨૧ દરમ્યાન તમામ લોકોને રસી અપાવવાનું લક્ષ્ય ધરાવે છે.
  • COVID-19 રસી દરેકને માટે મફત છે.
  • તમારે એક જ COVID-19 રસીના બે ડૉઝ (ઇંજેક્શન) લેવાના રહેશે.
  • જ્યારે તમે રસીનો પહેલો ડૉઝ મૂકાવશો ત્યારે તમને કહેવામાં આવશે કે રસીનો બીજો ડૉઝ તમારે ક્યારે મૂકાવવાનો છે.
  • રસીને સંપૂર્ણ અસરકારક બનાવવા માટે બીજો ડૉઝ લેવો મહત્વપૂર્ણ છે.
  • ઓસ્ટ્રેલિયામાં ઉપયોગ માટે મંજૂરી આપવામાં આવે તે પહેલાં, તે સુરક્ષિત છે તેની ખાતરી કરવા માટે તમામ રસીઓનું કાળજીપૂર્વક પરીક્ષણ કરવામાં આવે છે.
  • જો તમને તમારા સ્વાસ્થ્યની અથવા COVID-19 રસીની ચિંતા હોય, તો તમારા દાક્તર અથવા જી.પી. જોડે વાત કરો.

તમારે રસી શા માટે લેવી જોઇએ

COVID-19 રસી મૂકાવવાથીઃ

  • તમારુ COVID-19થી બીમાર થવાનું જોખમ ઘટાડે છે
  • જો તમને COVID-19નો ચેપ લાગે તો તમને અત્યંત બીમાર થવા સામે રક્ષણ આપે છે
  • તમારા મિત્રો, પરિવાર અને સમુદાયનું રક્ષણ કરવામાં મદદ કરે છે.

જો મોટાભાગના લોકોનું રસીકરણ થયેલું હોય તો, વાયરસ સરળતાથી ફેલાઇ શકશે નહિં, આનાથી જે લોકો રસી મૂકાવવાને સક્ષમ નથી તેઓનું પણ રક્ષણ થાય છે.

રસીની સલામતી

  • COVID-19 રસી સહિતની તમામ રસીઓનો ઓસ્ટ્રેલિયામાં ઉપયોગ થાય તે પહેલાં તેમને ઓસ્ટ્રેલિયાના Therapeutic Goods Administration દ્વારા નક્કી કરવામાં આવેલા કડક સલામતીના ધોરણોમાંથી પાસ થાવા ની જરૂર છે.
  • તમને પ્રશિક્ષિત આરોગ્ય સંભાળ કર્મચારી દ્વારા રસી આપવામાં આવશે.
  • તમામ રસીઓની જેમ, કેટલાક લોકો COVID-19 રસી લીધા પછી હળવી આડઅસરો અનુભવ કરી શકે છે. આમાં નીચેનાનો સમાવેશ થાય છેઃ
    • જ્યાં તમે ઈંજેક્શન લીધું છે ત્યાં દુખાવો
    • તાવ
    • સ્નાયુમાં દુખાવો
  • જો તમને રસી વિષે કોઈપણ ચિંતા હોય, તો તમારે તમારા દાક્તર અથવા જી.પી. જોડે વાત કરવી જોઇએ.

વધુ માહિતી

રસીકરણ યોજના સહિત ઓસ્ટ્રેલિયાના રસીકરણ કાર્યક્રમની વધુ માહિતી ઓસ્ટ્રેલિયાની સરકારની વેબસાઇટ પર છે.

Reviewed 06 April 2021

Coronavirus Victoria

24/7 Coronavirus Hotline

If you suspect you may have coronavirus (COVID-19) call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?