vic_logo
coronavirus.vic.gov.au

COVID-19 Kaakuaisii (COVID-19 vaccine) - Hakha-Chin (Chin)

Covid kaakuaisii pek ningcang le himbawmnak caah theihtlei

Inn ah na um hrimhrim lai. Cu nih cun nunnak pawl kha a kham lai.<br/>Siaherhmi na ngeih ahcun, coronavirus kongkau ca chawnh khawh peng nak 1800675398 (suimilam 24) ah chawn.
Holhlettu na herh ahcun, 131450 ah TIS National kha chawn.
Ziru Pathum (000) hi zaangfahnaktein lakhruak ca lawng ah hman a si lai.

Na theih herh mi

  • February 22, 2021 thawk in Victoria chungah Australia kaakuaisii chunh ding timhtuahnak cu aa thawk lai.
  • Australia ramchung kaakuaisii chunh ding timhtuahnak i a voikhat nak ah chunh ding mi hna ah, hawi hlei deuh in zawtfahnak a ngei kho ding mi minung pawl papek an si i, cu ah aa tel mi hna cu:
    • Erhkhumhnak le ramri zohkhenh tu pawl an si i, hotel ah erhkhumhnak pehtlai in in rianṭuan tu zong an i tel
    • Zawtfahnak hmaisung ah a um mi ngandamnak lei rianṭuan tu pawl, COVID-19 zohkhenhnak khan le COVID-19 ruangah siizungpi ah rianṭuan tu pawl
    • Tar zohkhenhnak le pum tlamtlinglo zohkhenhnak rianṭuan tu
    • Tar zohkhenhnak le pum tlamtlinglo zohkhenhnak ah a um mi
  • February 22, 2021 thawk in, kaakuaisii pek ningcang ah ceihkhan cang bang, Victoria Cozah nih COVID-19 kaakuaisii cu hotel erhkhumh rianṭuan tu pawl, vanlawng le tilawng hmun rianṭuan tu pawl, cun zawtfahnak hmaisung ah um mi ngandamnak lei rianṭuan tu hna le cozah tar zohkhenhnak ah rianṭuan mi le zohkhenh mi minung pawl caah a phawtzamh lai
  • Australia Cozah cu cozah-lo tar zohkhenhnak le pum tllamtlinglo zohkhenhnak ah rianṭuan tu le um mi pawl caah kaakuaisii pek dingah ṭuanvo a ngei.
  • Sii cu tam deuh in ser chuah a si tikah, mi tam deuh nih kaakuaisii cu an i chunh cio lai. Australia Cozah nih aa tinh mi cu 2021 chungah Australia ramchung minung vialte nih kaakuaisii an i chunh khawh ding hi a si.
  • COVID-19 kaakuaisii cu ho ca paoh ah manlo a si.
  • A sii hi voihnih in naa chunh a herh i COVID-19 kaakuaisii veve an si lai.
  • A voikhatnak naa chunh tikah, zeitikah dah a voihnihnak naa chunh lai timi cu hngalh ter na si te lai.
  • Kaakuaisii rian a ṭuan khawhnak ding caah voihnih ning tein naa chunh ding hi a biapi tuk.
  • Australia ram chungah hman ding in timhtuahnak ca ahhin hi kaakuaisii pawl hi ralring tein hneksak cang mi an si.
  • Na ngandamnak kongkau le COVID-19 kaakuaisii kongah na lungretheih cun, na siibawi kha tong.

Zeiruangahdah kaakuaisii naa chunh a herh

COVID-19 kaakuaisii i chunhnak nih:

  • COVID-19 zawtfahnak ral chung in an him ter deuh
  • COVID-19 na ngeih sual hmanh ah fak tukin zawtfahnak chung in an khamh
  • Na hawikom, chungkhar le mibu zong a him ter deuh hna

Mi tam deuh nih an i chunh paoh ahcun, zawtnak rungrul cu a vai kho tuk ve lo. Hi nih hin aa chun kho lomi pawl zong a him ter deuh ve hna lai.

Kaakuaisii himbawmnak

  • Zeibantuk kaakuaisii a si ah, COVID-19 kaakuaisii telh in, Australia ram chung ah hman an si hlan ahhin, Australian Therapeutic Goods Administration nih a ser mi tahfung tlamtling tein an tlinh a hau.
  • Ṭha tein a thiam cang mi siibawi nih kaakuaisii cu an chunh lai
  • Kaakuaisii an si bantukin, cheukhat minung nih cun COVID-19 kaakuaisii an i chunh tikah zeimaw tete an hmuhton lai. Hi ah aa telmi cu:
    • sii naa chunhnak zawn a fak lai
    • taklinh
    • titsa fah
  • Kaakuaisii kongah na lungretheih ahcun, na siibawi tong ko.

Theihding dang

Australia kaakuaisii chung ding timhtuahnak kongkau le zeitin phawtzamh ningcang a si lai timi cu Australian Government’s website ahhin tam deuh in na hmuh khawh lai.

Reviewed 06 April 2021

Coronavirus Victoria

24/7 Coronavirus Hotline

If you suspect you may have coronavirus (COVID-19) call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?