vic_logo
coronavirus.vic.gov.au

COVID-19 Kaakuaisii (COVID-19 vaccine) - Hakha-Chin (Chin)

Covid kaakuaisii pek ningcang le himbawmnak caah theihtlei

Inn ah na um hrimhrim lai. Cu nih cun nunnak pawl kha a kham lai.<br/>Siaherhmi na ngeih ahcun, coronavirus kongkau ca chawnh khawh peng nak 1800675398 (suimilam 24) ah chawn.
Holhlettu na herh ahcun, 131450 ah TIS National kha chawn.
Ziru Pathum (000) hi zaangfahnaktein lakhruak ca lawng ah hman a si lai.

Na theih herh mi

  • Kum 40 in a cunglei minung paoh nih COVID-19 kaakuaisii chunh khawh a si cang
  • Cheukhat kum 40 tang minung zong chunh awkah aa tlak mi an um, cu hna cu:
    • An rian ruangah COVID-19 fawi tein a ngei kho ding mi pawl, biana ah ngandamnak zohkhenhnak rianṭuantu pawl, mi tlamtlinglo zohkhenhnak le tar zohkhenhnak rianṭuantu pawl, lakhruak mi bawmhnak rianṭuantu pawl, le hotel erhkhumhnak le vanlawng tual i rianṭuantu pawl
    • COVID-19 an ngeih sual cun fak tuk ding in a zawfak hnga ding mi tlamtlinglo le sii-ai chambaunak ngei mi hna
    • Nitin an nunnak khuasakṭinak, rianṭuannak le midang zohkhenhnak mi hna cu hawinak in fawi deuh in zawtfah a tong kho mi le COVID-19 a tong kho mi hna, biana ah mi tlamtlinglo zohkhenhtu, hotel erhkhumhnak le ramri rianṭuantu pawl
    • Hodah kaakuaisii aa chun kho timi cu hika ahhin tling deuh in zoh khawh a si
  • Kum 60 in cunglei minung nih AstraZeneca kaakuaisii an i chun kho
  • Kum 60 tanglei minung hna cu Pfizer kaakuaisii chunh an si lai
  • COVID-19 kaakuaisii cu ho ca paoh ah manlo a si. Medicare card zong na herh lo
  • Kaakuaisii chunh le chunhlo ding cu pumpak nawl a si. I chunh dingah naa thim khawh
  • Rian a ṭuannak ding caah aa khat mi kaakuaisii cu voi hnih in naa chunh a hau
  • A voikhatnak naa chunh tikah, zeitikah dah a voihnihnak naa chunh lai timi cu hngalh ter na si te lai
  • Australia ram chungah hman ding in timhtuahnak ca ahhin hi kaakuaisii pawl hi ralring tein hneksak cang mi an si
  • Na ngandamnak kongkau le COVID-19 kaakuaisii kongah na lungretheih cun, na siibawi kha tong.

Zeiruangahdah kaakuaisii naa chunh a herh

COVID-19 kaakuaisii i chunhnak nih:

  • COVID-19 zawtfahnak ral chung in an him ter deuh
  • COVID-19 na ngeih sual hmanh ah fak tukin zawtfahnak chung in an khamh
  • Na hawikom, chungkhar le mibu zong a him ter deuh hna.

Mi tam deuh nih an i chunh paoh ahcun, COVID-19 zawtnak rungrul cu a fawi tein a vai kho ti lai lo. Hi nih hin aa chun lomi pawl zong a him ter deuh ve hna lai.

Kaakuaisii himbawmnak

  • Zeibantuk kaakuaisii a si ah, COVID-19 kaakuaisii telh in, Australia ram chung ah hman an si hlan ahhin, Australian Therapeutic Goods Administration nih a ser mi tahfung tlamtling tein an tlinh a hau
  • Ṭha tein a thiam cang mi siibawi nih kaakuaisii cu an chunh lai
  • Kaakuaisii an si bantukin, cheukhat minung nih cun COVID-19 kaakuaisii an i chunh tikah zeimaw tete an hmuhton lai. Hi ah aa telmi cu:
    • sii naa chunhnak zawn a fak lai
    • thadihnak
    • thahri fahnak
    • lufahnak
    • taksa linh le khuasih
    • ruhkhuafah.

Kaakuaisii chunh hlanah rel awk kongkau:

COVID-19 kaakuaisii chunh hnu ah intuar mi kongkau pawl tam deuh theihnak:

COVID-19 kaakuaisii kongkau ah na lungretheih mi um cun, na siibawi tong ko.

Arianṭuannak

Vawlei kil li ah minung a nuainuai in kaakuaisii chunh cang an si tikah, kaakuaisii nih a kan huhphenh ningcang hi ṭha deuh in kan ifiang chin lengmang. A tanglei langhter mi kongkau hi a hmanung bik dothlatnak tuah mi hngatchan in a si i, hi dothlatnak ahhin COVID-19 kaakuaisii aa chun cang mi mibu pawl sin ah dothlatnak zong aa tel chih.

AstraZeneca kaakuaisii nih COVID-19 in an huhphenh khawh

  • Zarh 12 dan in, kaakuaisii hi voi hnih na chunh mi thawng in COVID-19 in na zawt lo dingah zatuak 90 paoh cu a fiang.
  • A voikhatnak kaakuaisii naa chunh thawng in, COVID-19 ruangah siizung tiang na phanh sual lo dingah zatuak 90 paoh cun a fiang.

Pfizer kaakuaisii nih COVID-19 in an huhphenh khawh

  • Ni 21 dan in, kaakuaisii voi hnih na chunh mi thawng in COVID-19 in na zawt lo dingah zatuak 95 paoh cu a fiang.
  • A voikhatnak kaakuaisii naa chunh thawng in, COVID-19 ruangah siizung tiang na phanh lo dingah zatuak 80 paoh cun a fiang.

COVID-19 kaakuaisii sernak ah aa telmi thil hna

Pfizer le AstraZeneca kaakuaisii chungah a um lomi cu:

  • Caw hnuk
  • Arti
  • Thing thling
  • Voksa le voksa in tuah mi thil hna

Zeitik ah dah kaakuaisii naa chunh khawh

A tanglei minung pawl nih COVID-19 kaakuaisii cu atu ah an i chun kho cang:

  • Kum 40 in a cunglei minung pawl
  • Hotel erhkhumhnak le ramri rianṭuan pawl
  • Hotel ehrkhumhnak le ramri rianṭuan he khuasa ṭimi mi chungkhar pawl
  • Ngandamnak zohkhenhtu pawl
  • Tar sawng um le a zohkhenhtu pawl
  • Mi tlamtlinglo sawng um le a zohkhentu pawl
  • Ngandamlonak fak a ngei mi kum 16 in a cunglei minung
  • Pum tlamtlinlonak ngan a ngei mi upa pawl
  • Pum tlamtlinlonak he National Disability Insurance Scheme (NDIS) ah aa telmi hna
  • Phase 1a le 1b chungah telh chihmi minung hna i a zohkhentu (tangka pek he peklo he), siloah ngamdamlonak pakhatkhat a ngei mi ngakchia hna – Phase 1b i COVID-19 kaakuaisii chunh ning cawlcanghnak ahkhan tling deuh zoh khawh a si
  • Pumtlamtlinglo le tar zohkhenhnak caah aa pumpe mi cheukhat caah cun – Phase 1b i COVID-19 kaakuaisii chunh ning cawlcanghnak ahkhan tling deuh zoh khawh a si
  • A herh bak mi rian le ṭihnung deuh rian a ṭ uan mi pawl:
    • Ram a hupphengtu ralkap pawl
    • Palik, meithat, lakruak mi bawmhnak rian ṭ uantu pawl
    • Sa le rilimehang a tuahto mi pawl
  • Victoria Cozah nih hi bantuk hmunhma rianṭuan pawl ca zongah ichun kho ve ding a tuah ve:
    • Phunglam cawnnak le thongthlaknak hmun i rianṭuantu pawl, mibu chung phunglam cawnpiaktu pawl telh in
    • A him tling lomi umnak hmun pawl i rianṭuantu pawl, abiana ah nitin khuasaknak leiah bawmh haumi minung pawl an umnak hmun zohkhenhtu pawl
    • Zapi tlunkalnak citmi mawngtu le mipi luhchuahnak karlak ah rianṭuantu pawl
    • Motor ihrawm citmi le taxi mawngtu pawl
    • Ramchung ramleng thilphorhnak rianṭuantu pawl vialte.
  • Him tein umnak hmun ngeih lo ruangah COVID-19 in fak piin a zaw kho mi dirhmun ah a um mi minung pawl:
    • Umnak ngei lomi minung pawl, harsa tukin lamkam ah a it mi minung pawl, siloah lakhruak idornak hmun ah ah a um mipawl
    • Sii-ai le zu ruangah bawmhnak a tong mi pawl
    • Thluak lei tlamtlinlonak umnak hmun i a um mi pawl
    • A buai thlaknak pakhatkhat ruangah cozah ngeih mi inn niam/inn sang mibu umnak hmun ah a um mi pawl, zohkhenhnak hmun i um mi pawl, mibu zohkhenhnak hmun i ummi pawl, innkhan hlan i um mi pawl le hi bantuk phunphai ah a um mi pawl
    • Thong tla pawl le phunglam cawn awkah tlaihhren nak hmun i um mi pawl
  • Khualtlawng a si i Australia Cozah nih Australia chuahtaak dingah nawl pek mi pawl
  • A voikhatnak COVID-19 kaakuaisii a chun cang mi nih (ramchung ramleng in a kirmi an si ah) a voihnihnak an i chunh ding mi ca a caan zat le zat lo zoh in a vuihnihnak zong an si chun kho lai, zeibantuk dirhmun i an va dir pek zong ah.

COVID-19 kaakuaisii chunh ah khoika ah dah na kal lai

Na tlintlak ahcun, hi hna pawl sinah tonnak ngei ding in na hal khawh:

  • Chungkhar GP siibawi sinah
  • Mibu Ngandamnak Zohkhenhnak sinah
  • Aboriginal Mibu Ngandamnak Zohkhenhnak sinah
  • Thawdawpchuah Ngandamnak Rianttuantu Siibawi sinah
  • Kaakuaisii chunhnak hmunhma sinah.

Na siibawi nih COVID-19 kaakuaisii chunhnak a tuah ko ahcun, cu na siibawi sinah na duh cun naa chun kho. Cucaah, hibantuk na si ahcun na siibawi cu na ton i biaruah hmasa hi a ṭha bik:

  • ngandamlonak phun khatkhat a ngei cia mi na si ah
  • COVID-19 kaakuaisii kongah ṭihphannak le biahalnak na ngeih ahcun.

COVID-19 kaakuaisii chunh dingah zeitin tonnak na tuah lai

COVID-19 kaakuaisii chunh dingah tonnak hi lam zeimawzat in tuah khawh a si.

Kum 60 in a cunglei caah

  • Na chungkhar GP siibawi siloah naa naihnak bik sii inn tonnak caan ser ko
  • Kaakuaisii chunhnak hmunhma cu phone in 1800 675 398 ah chawn law caan sernak tuah ko. Holhlet na herh ahcun 0 kha hmet
  • Cheukhat kaakuaisii chunhnak hmunhma ahcun tonnak caan ser cia loin an luhter hna. Cu bantuk i na va luh ahcun, kaakuaisii chunhtu aa manh hlanlo na hngah ve hau lai. Khuazeika hmun dah va kal luhnak an cohlan i zeitikcaan ahdah an awn timi hika hin zoh.

Kum 60 in a tanglei

  • Kaakuaisii ichun ding in caan sernak cu phone in 1800 675 398 ah chawn law. Holhlet na herh ahcun 0 kha hmet.
  • Cheukhat kaakuaisii chunhnak hmunhma ahcun tonnak tuah loin an luhter hna. Cu bantuk i na va luh ahcun, kaakuaisii chunhtu aa manh hlanlo na hngah ve hau lai. Khuazeika hmun dah va kal luhnak an cohlan i zeitikcaan ahdah an awn timi hika hin zoh.

Victoria ramkhulh chung ah kaakuaisii chunhnak hmun pawl khuazeiah an um le zeitikcaan ah an awn timi tam deuh theihnak caah Kaakuaisii hmunhma pawl hi zoh.

Kaakuaisii chunhnak na kal tikah zeidah naa ken a hau

  • Kaakuaisii chunhnak hmun na kal tikah hmai huhnak naa hruk a herh
  • Na sinak fehtertu hmanthlak, na ngeih ahcun
  • Medicare card, na ngeih ahcun (Medicare card ngeih lo zongah poi cu poi lo)
  • Pumpak Ngandamnak zohkhenhnak fehtertu number, Medicare card na ngeih lo cun
  • Na rian ruangah kaakuaisii naa chunh ahcun, na rianṭuannak ID siloah na rianṭuan hmun in ṭial piak mi catlap
  • Naa ṭeh lomi le na rak ngeih mi damlonak kongkau pawl.

Atlawm tak in a chuak sual kho mi thikhalnak

AstraZeneca kaakuaisii nih hin a tlawm ngai mi nincanlonak hi a chuah pi tawn i, cu ah aa telmi cu thikhalnak le thichuah a pihtertu zawrnak hi an si. Cu bantuk cu Thikhalnak (Thrombosis) tiah auh a si thitaapnak le thichuah a pihtertu zawrnak ruang i a chuak mi (thrombocytopenia syndrome) (TTS) he aa pehtlaimi a si.

Hi a chuak sual kho tawn mi a tlawm ngai mi thikhalnak kongkau he pehtlai in Australia Cozah nih a hnubik a chuah mi kongkau cu relchap.

Na holh in leh mi theihding ca pawl

COVID-19 kaakuaisii chunh awkah i timhtuah ningcang

Pfizer kaakuaisii he pehtlai in zoh ding

AstraZeneca kaakuaisii he pehtlai in zoh ding

Theihding dang

Australian Cozah website ah Australia kaakuaisii chunh ning cawlcanghnak kongkau cu tam deuh in zoh khawh a si.

Theihding dang

Australia kaakuaisii chung ding timhtuahnak kongkau le zeitin phawtzamh ningcang a si lai timi cu Australian Government’s website ahhin tam deuh in na hmuh khawh lai.

A dang zumhtlak thawngpang pawl

Mibu hruaitu le biaknak lei hruaitu hna caah hmankhawh mi theihtlei.

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?