vic_logo
coronavirus.vic.gov.au

COVID-19 အကသံၣ်ဆဲးဒီသဒၢတၢ်ဆါ (COVID-19 vaccine) - ကျိာ် (Karen)

တၢ်ဂ့ၢ်တၢ်ကျိၤဘၣ်ဃး COVID-19 ကသံၣ်ဆဲးဒီသဒၢတၢ်ဆါအတၢ်ထုးထီၣ်ဟ့ၣ်လီၤဒီးတၢ်ပူၤဖျဲး

If you are concerned, call the coronavirus hotline 1800 675 398 (24 Hours).
If you need an interpreter, call TIS National on 131 450.
Please keep Triple Zero (000) for emergencies only.

တၢ်လၢနကလိၣ်သ့ၣ်ညါ

  • ပှၤတဂၤလၢ်လၢ်လၢအသးနံၣ်အိၣ် ၄၀ ဒီးအါန့ၢ်အန့ၣ်မၤန့ၢ် COVID-19 အကသံၣ်ဆဲးဒီသဒၢတၢ်ဆါအံၤသ့လံလီၤ
  • ပှၤလၢအသးနံၣ်အိၣ် ၄၀ ဆူအဖီလာ်တနီၤန့ၣ်ကြၢးဘၣ်စ့ၢ်ကီး၀ဲဒၣ်လၢကသံၣ်ဒီသဒၢတၢ်ဆါအံၤအဂီၢ်လီၤ,ပှၤသ့ၣ်တဖၣ်အံၤပၣ်ဃုာ်-
    • ပှၤလၢအအိၣ်ဒီးတၢ်လီၤပျံၤလၢအအါလၢအကဒိးန့ၢ်ဘၣ် COVID-19 မ့ၢ်လၢအ၀ဲသ့ၣ်အတၢ်ဖံးတၢ်မၤအဃိ, အဒိဒ်သိး တၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အ အပှၤမၤတၢ်ဖိတဖၣ်,နီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့အတၢ်ကွၢ်ထွဲကဟုကယာ်ဒီး တၢ်ကွၢ်ထွဲကဟုကယာ်သးပှၢ်တဖၣ်အပှၤမၤတၢ်ဖိ,ပှၤမၤတၢ်ဖိလၢအဖံးမၤတၢ်လၢဂ့ၢ်ဂီၢ်အူအတၢ်မၤစၢၤတဖၣ်ဒီးဟံၣ်ဒွဲအတၢ်အိၣ်လီၤဖျီၣ်ကွၢ်ဟုၣ်တၢ်ဆါဒီးကဘီယူၤပျီဒီးကဘီသန့အပှၤမၤတၢ်ဖိတဖၣ်
    • ပှၤလၢအတၢ်အိၣ်သးအိၣ်အါလၢကဆူးဆါထီၣ်ဒိၣ်ဒိၣ်မုၢ်မုၢ်ဖဲအ၀ဲသ့ၣ်မ့ၢ်ဒိးန့ၢ် COVID-19 အခါ, အဒိဒ်သိးပှၤလၢအနီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့တဂၤဒီးပှၤလၢအအိၣ်ဒီး တၢ်ဆူးတၢ်ဆါန့ၣ်လီၤ.
    • ပှၤလၢအအိၣ်ဆိး,ဖံးမၤမ့တမ့ၢ်ကွၢ်ထွဲကဟုကယာ်ပှၤလၢအအိၣ်ဒီးတၢ်လီၤပျံၤလၢကဆူးဆါထီၣ်ဒိၣ်ဒိၣ်မ့တမ့ၢ်မၤန့ၢ် COVID-19, အဒိဒ်သိးပှၤကွၢ်ထွဲကဟုကယာ်ပှၤလၢအအိၣ်ဒီးနီၢ်ခိနီၢ် သးက့ၢ်ဂီၤတလၢတပှဲၤတဆူၣ်တချ့ဒီးပှၤလၢအအိၣ်ဆိးဃုာ်ဒီးပှၤလၢအဖံးမၤတၢ်လၢဟံၣ်ဒွဲ တၢ်အိၣ်လီၤဖျီၣ်ကွၢ်ဟုၣ်တၢ်ဆါဒီးကီၢ်ဆၢအပှၤမၤတၢ်ဖိတဖၣ်န့ၣ်လီၤ.
    • လၢစရီအလၢအပှဲၤအဂီၢ်ကွၢ်ဘၣ် မ့ၢ်မတၤဆဲးဒီသဒၢသးဒီးကသံၣ်ဆဲးဒီသဒၢတၢ်ဆါသ့လဲၣ်
  • ပှၤလၢအသးနံၣ်အိၣ် ၆၀ ဒီးဆူအဖီခိၣ်တဖၣ်မၤန့ၢ် AstraZeneca အကသံၣ်ဆဲးဒီသဒၢတၢ်ဆါ သ့လီၤ.
  • ပှၤလၢအသးနံၣ်အိၣ် ၆၀ ဆူအဖီလာ်တဖၣ်ကဘၣ်တၢ်ဟ့ၣ်လီၤအီၤဒီး Pfizer အကသံၣ်ဆဲးဒီ သဒၢတၢ်ဆါန့ၣ်လီၤ.
  • COVID-19 အကသံၣ်ဆဲးဒီသဒၢတၢ်ဆါန့ၣ်တၢ်ဟ့ၣ်ကလီအီၤလၢပှၤကိးဂၤဒဲးအဂီၢ်လီၤ. နတလိၣ်ဘၣ် Medicare အကးဘၣ်.
  • တၢ်ဆဲးကသံၣ်ဆဲးဒီသဒၢတၢ်ဆါအံၤမ့ၢ်တၢ်မုာ်သးမၤကလီအီၤန့ၣ်လီၤ. နဃုထၢလၢနကဆဲးဒီသဒၢနသးဒီးကသံၣ်အံၤသ့လီၤ.
  • နကလိၣ်ဘၣ်ကသံၣ်ခံဖျၢၣ် (တၢ်ဆဲးကသံၣ်) လၢအမ့ၢ် COVID-19 အကသံၣ်ဆဲးဒီသဒၢတၢ်ဆါ တခါဃီဒ်သိးအကတုၤလီၤတီၤလီၤအဂီၢ်န့ၣ်လီၤ.
  • ဖဲနမ့ၢ်ဒိးန့ၢ်ဘၣ်ကသံၣ်အခီၣ်ထံးတဖျၢၣ်န့ၣ်,နကဘၣ်တၢ်တဲဘၣ်နၤဒီးတၢ်ဆၢကတီၢ်လၢနကဒိးန့ၢ်ဘၣ်ကဒီးကသံၣ်ဆဲးခံဖျၢၣ်တဖျၢၣ်လၢအခါဖဲလဲၣ်န့ၣ်လီၤ.
  • ကယဲၢ်မ့ၢ်ကသံၣ်ဆဲးဒီသဒၢတၢ်ဆါတဖၣ်တၢ်သမံသမိးအီၤလီၤတံၢ်လီၤဆဲးလၢတၢ်ကမၤလီၤတံၢ်အတၢ်ပူၤဖျဲး တချုးတၢ်ဟ့ၣ်အီၤဒီးတၢ်ပျဲလၢတၢ်ကသူအီၤလၢအီးစတြ့လယါအပူၤန့ၣ်လီၤ.
  • ဖဲနမ့ၢ်အိၣ်ဒီးတၢ်ဘၣ်ယိၣ်ဘၣ်ဃးနတၢ်အိၣ်ဆူၣ်အိၣ်ချ့မ့တမ့ၢ်လၢတၢ်ကမၤန့ၢ် COVID-19 အကသံၣ်ဆဲးဒီသဒၢတၢ်ဆါအခါန့ၣ်,ကတိၤတၢ်ဒီးနကသံၣ်သရၣ်တက့ၢ်.

ဘၣ်မနုၤအဃိယကြၢးဆဲးဒီသဒၢယသးလဲၣ်

တၢ်မၤန့ၢ် COVID-19 အကသံၣ်ဆဲးဒီသဒၢတၢ်ဆါန့ၣ်-

  • မၤစှၤလီၤနတၢ်လီၤပျံၤလၢနကဆူးဆါထီၣ်ဒီး COVID-19 န့ၣ်လီၤ
  • ဒီသဒၢနၤလၢနကဆူးဆါထီၣ်နးနးကလဲာ်ဖဲနမ့ၢ်မၤန့ၢ် COVID-19 အခါ
  • မၤစၢၤဒီသဒၢနတံၤသကိးတဖၣ်,ဟံၣ်ဖိဃီဖိဒီးပှၤတ၀ၢန့ၣ်လီၤ.

ဖဲပှၤအါဒံအါဂၤမ့ၢ်ဆဲးဒီသဒၢအသးဒီးကသံၣ်လံန့ၣ်, COVID-19 အဃၢ်ကရၤလီၤအသးညီညီဒ်သိးဒီးလၢညါ တသ့လၢၤဘၣ်. တၢ်အံၤဒီသဒၢစ့ၢ်ကီးပှၤလၢအဆဲးဒီသဒၢသးဒီးကသံၣ်အံၤတသ့တဖၣ်အဂီၢ်န့ၣ်လီၤ.

ကသံၣ်ဆဲးဒီသဒၢတၢ်ဆါအတၢ်ပူၤဖျဲး

  • ကယဲၢ်မ့ၢ်ကသံၣ်ဆဲးဒီသဒၢတၢ်ဆါခဲလၢာ်,ပာ်ဃုာ် COVID-19 အကသံၣ်ဆဲးဒီသဒၢတၢ်ဆါ န့ၣ်လိၣ်ဖျိ၀ဲဒၣ်တၢ်ပူၤ ဖျဲးအတၢ်ဖီၣ်ဃံးအပတီၢ်တဖၣ်လၢအီးစတြ့လယါ တၢ်ကူစါယါဘျါပီးလီတဖၣ်အပှၤပၢဆှၢရဲၣ်တၢ်တၢ် (Therapeutic Goods Administration)
  • နကဘၣ်တၢ်ဆဲးဒီသဒၢနၤဒီးကသံၣ်အံၤခီဖျိတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤမၤတၢ်ဖိလၢအအိၣ်ဒီးတၢ်ပျဲလၢကမၤတၢ်အံၤအဂီၢ်န့ၣ်လီၤ.
  • ဒ်ကသံၣ်ဆဲးဒီသဒၢတၢ်ဆါခဲလၢာ်ခဲဆ့အသိး, ပှၤတနီၤဘၣ်တဘၣ်ကလဲၤခီဖျိဘၣ်ပတီၢ်မုၢ်ကသံၣ်အတၢ်ဘၣ်ဒိဘၣ်ထံးတဖၣ်ဖဲဆဲး၀ဲဒၣ် COVID-19 အကသံၣ်ဆဲးဒီသဒၢတၢ်ဆါ၀ံၤအလီၢ်ခံန့ၣ်လီၤ. တၢ်အံၤပာ်ဃုာ်-
    • တၢ်ဆါဖဲတၢ်ဆဲးပာ်ကသံၣ်အလီၢ်
    • တၢ်လီၤဘှံးလီၤတီၤ
    • ယုၢ်ညၣ်ဆါ
    • ခိၣ်သၣ်ဃံဆါ
    • တၢ်လိၤကိၢ်ဒီးတၢ်ကနိး
    • စုဆၢခီၣ်ဆၢဆါတဖၣ်န့ၣ်လီၤ.

ဖးဘၣ်တၢ်ဂ့ၢ်တၢ်ကျိၤတချုးနဆဲးဒီသဒၢနသးဒီးကသံၣ်အခါတက့ၢ်.

လၢတၢ်ဂ့ၢ်တၢ်ကျိၤဆူညါဘၣ်ဃးကသံၣ်အတၢ်ဘၣ်ဒိဘၣ်ထံးဖဲနဆဲး၀ဲဒၣ် COVID-19 အကသံၣ်ဆဲးဒီသဒၢတၢ်ဆါ၀ံၤအလီၢ်ခံန့ၣ်ကွၢ်ဘၣ်-

ဖဲနမ့ၢ်အိၣ်ဒီးတၢ်ဘၣ်ယိၣ်တမံၤလၢ်လၢ်လၢအဘၣ်ဃးဒီး COVID-19 အကသံၣ်ဆဲးဒီသဒၢတၢ်ဆါအခါန့ၣ်,နကြၢးကတိၤတၢ်ဒီးနကသံၣ်သရၣ်န့ၣ်လီၤ.

တၢ်တုၤလီၤတီၤလီၤ

ဒ်ပှၤလၢအကကွဲၢ်ကကွဲၢ်လၢဟီၣ်ခိၣ်အံၤဆဲးဒီသဒၢအသးလၢကသံၣ်ဆဲးဒီသဒၢတၢ်ဆါအသိး, ပသ့ၣ်ညါ လၢမ့ၢ်ကသံၣ်ဆဲးဒီသဒၢတၢ်ဆါတဖၣ်ဒီသဒၢပှၤလၢကျဲဒ်လဲၣ်န့ၣ်ဂ့ၤဒိၣ်ထီၣ်လီၤ. တၢ်ဂ့ၢ်တၢ်ကျိၤလၢလာ်န့ၣ်ဒိးသန့ၤထီၣ်လၢ တၢ်ဃုသ့ၣ်ညါလၢခံကတၢၢ်အဖီခိၣ်, ပာ်ဃုာ်တၢ်ဃုသ့ၣ်ညါမၤလိလၢပှၤတ၀ၢတဖၣ်အပူၤဖဲပှၤအါဒံအါဂၤဒိးန့ၢ်ဘၣ် COVID-19 အကသံၣ်ဆဲးဒီသဒၢတၢ်ဆါန့ၣ်လီၤ.

AstraZeneca အကသံၣ်ဆဲးဒီသဒၢတၢ်ဆါဒီသဒၢနၤလၢတၢ်ကဒိးန့ၢ်ဘၣ် COVID-19 န့ၣ်လီၤ

  • ဃုာ်ဒီးကသံၣ်ဆဲးဒီသဒၢတၢ်ဆါခံဖျၢၣ်, ကသံၣ်တဖျၢၣ်ဒီးတဖျၢၣ်အတၢ်ဆၢကတီၢ်အယံာ် ၁၂ နွံ, နတၢ်အိၣ်သးလၢနကဆူးဆါထီၣ်ဒီး COVID-19အံၤကစှၤလီၤ၀ဲဒၣ်ထီၣ်ဘး ၉၀ မျးကယၤဃၣ်ဃၣ်န့ၣ်လီၤ.
  • ကသံၣ်ဆဲးဒီသဒၢတၢ်ဆါအခီၣ်ထံးတဖျၢၣ်၀ံၤအလီၢ်ခံ, နတၢ်အိၣ်သးလၢနကထီၣ်ဘၣ်တၢ်ဆါဟံၣ် ခီဖျိ COVID-19အဃိန့ၣ်စှၤလီၤ၀ဲဒၣ် ၉၀ မျးကယၤန့ၣ်လီၤ.

Pfizer အကသံၣ်ဆဲးဒီသဒၢတၢ်ဆါဒီသဒၢနၤလၢနကဒိးန့ၢ်ဘၣ် COVID-19 န့ၣ်လီၤ

  • ဃုာ်ဒီးကသံၣ်ဆဲးဒီသဒၢတၢ်ဆါခံဖျၢၣ်, ကသံၣ်တဖျၢၣ်ဒီးတဖျၢၣ်အတၢ်ဆၢကတီၢ်အယံာ် ၂၁သီ, နတၢ်အိၣ်သးလၢနကဆူးဆါထီၣ်ဒီး COVID-19အံၤကစှၤလီၤ၀ဲဒၣ်ထီၣ်ဘး ၉၅ မျးကယၤဃၣ်ဃၣ်န့ၣ်လီၤ.
  • ကသံၣ်ဆဲးဒီသဒၢတၢ်ဆါအခီၣ်ထံးတဖျၢၣ်၀ံၤအလီၢ်ခံ, နတၢ်အိၣ်သးလၢနကထီၣ်ဘၣ်တၢ်ဆါဟံၣ် ခီဖျိ COVID-19အဃိန့ၣ်စှၤလီၤ၀ဲဒၣ် ၈၀ မျးကယၤန့ၣ်လီၤ.

COVID-19 အကသံၣ်ဆဲးဒီသဒၢတၢ်ဆါအပီးအလီတဖၣ်

Pfizer ဒီး AstraZeneca အကသံၣ်ဆဲးဒီသဒၢတၢ်ဆါတပၣ်ဃုာ်၀ဲဒၣ်-

  • တၢ်နုၢ်ထံ
  • တၢ်ဒံၣ်
  • ရၢးဘၢၣ်အထုး
  • ထိးညၣ်မ့တမ့ၢ်ထိးညၣ်အပီးအလီတဖၣ်(အဒိဒ်သိးထိးအထံလီၤသကၤကိၢ်လိၣ်ထီၣ်အသး)

မ့ၢ်ယမၤန့ၢ်ကသံၣ်ဆဲးဒီသဒၢတၢ်ဆါတခါသ့လၢအခါဖဲလဲၣ်

ပှၤလၢလာ်တဖၣ်မၤန့ၢ် COVID-19 အကသံၣ်ဆဲးဒီသဒၢတၢ်ဆါလၢကတီၢ်အံၤန့ၣ်သ့လီၤ-

  • ပှၤလၢအသးနံၣ်အိၣ် ၄၀ ဒီးပှၢ်န့ၢ်အန့ၣ်တဖၣ်
  • ပှၤမၤတၢ်ဖိလၢအဖံးမၤတၢ်လၢဟံၣ်ဒွဲဒုးအိၣ်လီၤဖျီၣ်ကွၢ်ဟုၣ်တၢ်ဆါဒီးကီၢ်ဆၢတဖၣ်
  • ပှၤဟံၣ်ဒူၣ်တဒူၣ်ဃီလၢအတၢ်ထိးဘၣ်အိၣ်ဘူးအိၣ်ဒီးပှၤမၤတၢ်ဖိလၢအဖံးမၤတၢ်လၢ ဟံၣ်ဒွဲဒုးအိၣ်လီၤဖျီၣ်ကွၢ်ဟုၣ်တၢ်ဆါဒီးကီၢ်ဆၢတဖၣ်
  • တၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤမၤတၢ်ဖိတဖၣ်
  • သးပှၢ်တၢ်ကွၢ်ထွဲကဟုကယာ်အလီၢ်အပှၤမၤတၢ်ဖိဒီးပှၤအိၣ်ဆိးဖဲန့ၣ်တဖၣ်
  • နီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့အတၢ်ကွၢ်ထွဲကဟုကယာ်အလီၢ် အပှၤမၤတၢ်ဖိဒီးပှၤအိၣ်ဆိးဖဲန့ၣ်တဖၣ်
  • ပှၤလၢအသးနံၣ်အိၣ်၁၆ နံၣ်ဒီးဆူအဖီခိၣ်လၢအအိၣ်ဒီး တၢ်ဆူးတၢ်ဆါအတၢ်အိၣ်သးအိၣ်ပာ်စၢၤတဖၣ်
  • သးပှၢ်ဒိၣ်တုာ်ခိၣ်ပှဲၤလၢအအိၣ်ဒီးနီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့အဒိၣ်အမုၢ်တခါန့ၣ်လီၤ.
  • ပှၤလၢအအိၣ်ဒီးနီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့တခါလၢအမ့ၢ် NDIS အပှၤပၣ်ဃုာ်ပၣ်ဂီၢ်မၤ သကိးတၢ်တဖၣ်
  • ပှၤကွၢ်ထွဲကဟုကယာ်(န့ၢ်ဘၣ်လါလဲဒီးတမ့ၢ်ဘၣ်လါလဲ)၀ဲဒၣ်ပှၤတနီၤလၢအကြၢးဘၣ်တုၤထီၣ်ထီၣ်ဘး၀ဲဒၣ်လၢ အပတီၢ် 1a ဒီး1b အပူၤ, မ့တမ့ၢ်ဖိသၣ်တဖၣ်လၢအအိၣ်ဒီးတၢ်ဆူးတၢ်ဆါအတၢ်အိၣ်သးလီၤဆီတဖၣ်-ကွၢ်ဘၣ် COVID-19 အကသံၣ်ဆဲးဒီသဒၢတၢ်ဆါအတၢ်ရဲၣ်တၢ်ကျဲၤ အပတီၢ် 1b လၢတၢ်ဂ့ၢ်တၢ်ကျိၤလီၤတံၢ်ဆူညါအဂီၢ်တက့ၢ်.
  • နီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့ဒီးသးပှၢ်တၢ်ကွၢ်ထွဲကဟုကယာ်အတၢ်ဆီၣ်ထွဲအပှၤမုာ်သးမၤကလီတၢ်တၢ်နီၤ-ကွၢ်ဘၣ် COVID-19 အကသံၣ်ဆဲးဒီသဒၢတၢ်ဆါအတၢ်ရဲၣ်တၢ်ကျဲၤ အပတီၢ် 1b လၢတၢ်ဂ့ၢ်တၢ်ကျိၤလီၤတံၢ်ဆူညါအဂီၢ်တက့ၢ်.
  • ပှၤမၤတၢ်ဖိလၢအတၢ်ဖံးတၢ်မၤန့ၣ်ကဲတၢ်ဂ့ၢ်အကါဒိၣ်ဒီးအိၣ်ဒီးတၢ်လီၤပျံၤလၢကတီၢ်အံၤန့ၣ်အိၣ်လၢတၢ်မၤလၢအပာ်ဃုာ်-
    • သုးမုၢ်ဒီသဒၢထံကီၢ်တဂၤစုာ်စုာ်
    • ပၢၤကီၢ်,တၢ်ဒုးမ့ၣ်အူအ၀ဲၤကျိၤ,ဂ့ၢ်ဂီၢ်အူအတၢ်မၤစၢၤအတၢ်ဖံးတၢ်မၤအပှၤမၤတၢ်ဖိတဖၣ်
    • ပှၤလၢအဖံးမၤကတဲာ်ကတီၤထုးထီၣ်တၢ်ဖံးတၢ်ညၣ်ဒီးပီၣ်လဲၣ်အတၢ်အီၣ်တၢ်အီအပှၤမၤတၢ်ဖိတဖၣ်န့ၣ်လီၤ.
  • ဘံးထိရံယါအပဒိၣ်မၤလဲၢ်ထီၣ်၀ဲဒၣ်တၢ်မၤန့ၢ်သူကသံၣ်ဒီသဒၢအခွဲးယာ်ဆူပှၤလၢအဖံးမၤတၢ်လၢတၢ်ဖံးတၢ်မၤအလီၢ်လၢလာ်တဖၣ်လၢအပၣ်ဃုာ်-
    • တၢ်ဘှီဘၣ်မၤဂ့ၤထီၣ်ဒီးတၢ်ဒုးဃာ်အတၢ်မၤစၢၤတဖၣ်လၢအပာ်ဃုာ်ပှၤတ၀ၢတၢ်ဘှီဘၣ်မၤဂ့ၤထီၣ်တၢ်အပှၤမၤတၢ်ဖိ
    • ပှၤမၤတၢ်ဖိလၢအဖံးမၤတၢ်လၢတၢ်ဒုးအိၣ်ဒုးဆိးအတၢ်လီၢ်တၢ်ကျဲလၢအအိၣ်ဒီးတၢ်လီၤပျံၤလၢအမ့ၢ်တၢ်ဒ်သိးဒီး တၢ်အိၣ်တၢ်ဆိးအလီၢ်အကျဲအတၢ်မၤစၢၤတဖၣ်လၢတၢ်ဆီၣ်ထွဲအီၤ
    • ပှၤနီၣ်ကမျၢၢ်တၢ်တီထီၣ်ဆှၢလီၤဒီးပှၤမၤတၢ်ဖိလၢအဘၣ်ထံၣ်လိာ်သးဒီးကမျၢၢ်
    • ပှၤနီၣ်ထဲးကစံၣ်ဒီးသိလ့ၣ်ဒိးသကိး
    • ပှၤမၤတၢ်ဖိခဲလၢာ်လၢအဖံးမၤတၢ်လၢဘီမုၢ်ထံကီၢ်အါဘ့ၣ်အကဘီသန့အတၢ်နုာ်လီၤအလီၢ်န့ၣ်လီၤ.
  • ပှၤလၢအအိၣ်ဒီးတၢ်ဘၣ်ဒိဘၣ်ထံးသ့ညီညီအတၢ်အိၣ်သးအပူၤတဖၣ်ဒီးပှၤလၢအအိၣ်ဒီးတၢ်လီၤပျံၤလၢကဒိးန့ၢ်ဘၣ်မ့တမ့ၢ်ဆူးဆါထီၣ်ဒိၣ်ဒိၣ်မုၢ်မုၢ်လၢ COVID-19, အဒိဒ်သိး-
    • ပှၤလၢအလဲၤခီဖျိဘၣ်တၢ်တအိၣ်လၢၤဒီးဟံၣ်ဃီ,ဘၣ်မံဘၣ်ဂဲၤလၢတၢ်ပျီမ့တမ့ၢ်အိၣ်လၢဂ့ၢ်ဂီၢ်အူတၢ်အိၣ်တၢ်ဆိးအလီၢ်အကျဲ
    • ပှၤလၢအဒိးန့ၢ်ဘၣ်ကသံၣ်မူၤဘှီးဒီးသံးဂာ်အတၢ်ဆီၣ်ထွဲအတၢ်မၤစၢၤအတၢ်ဖံးတၢ်မၤတဖၣ်
    • ပှၤအိၣ်ဆိးလၢနီၢ်သးအတၢ်အိၣ်ဆူၣ်အိၣ်ချ့ဂ့ၢ်၀ီအတၢ်သူၣ်ထီၣ်အလီၢ်အကျဲတဖၣ်အပူၤ
    • ပှၤလၢအအိၣ်လၢတၢ်အိၣ်တၢ်ဆိးအလီၢ်အကျဲလၢအပာ်ဃုာ်ပဒိၣ်အဟံၣ်အဃီလၢတၢ်သူၣ်ထီၣ်အထီ,ဟံၣ်တဖျၢၣ်စုာ်စုာ်,တၢ်အိၣ်တၢ်ဆိးလီၢ်ကျဲအတၢ်မၤစၢၤလၢတၢ်ဆီၣ်ထွဲအီၤတဖၣ်, ပှၤတ၀ၢအဟံၣ်အဃီ, ဟံၣ်ဒွဲတဖၣ်ဒီးအဂၤတဖၣ်
    • ပှၤဃိၣ်ဖိလၢအအိၣ်လၢတၢ်ဒုးဃာ်အပူၤဒီးပှၤလၢအဘၣ်တၢ်ဖီၣ်အီၤတဖၣ်လၢအအိၣ်လၢတၢ်မၤဘၣ်မၤဂ့ၤထီၣ်အလီၢ်အကျဲတဖၣ်န့ၣ်လီၤ.
  • ပှၤလဲၤတၢ်က့ၤတၢ်လၢအဒိးန့ၢ်ဘၣ်တၢ်လဲၤထီၣ်က့ၤလီၤအတၢ်ဖီၣ်ဃံးအတၢ်ပျဲပူၤဖျဲးလၢအီးစတြ့လယါပဒိၣ်အအိၣ်ဒ်သိးအကဟးထီၣ်လၢအီးစတြ့လယါတဖၣ်
  • ပှၤလၢအဒိးန့ၢ်ဘၣ်တ့ၢ်လံ COVID-19 အကသံၣ်ဆဲးဒီသဒၢအခီၣ်ထံးတဖျၢၣ်(ပာ်ဃုာ်နီၢ်တဂၤစုာ်စုာ်လၢအဟဲက့ၤကဒါလၢကီၢ်စဲၣ်အဂၤမ့တမ့ၢ်ထံကီၢ်အဂၤ) ဒိးန့ၢ်ဘၣ်ကသံၣ်ခံဖျၢၣ်တဖျၢၣ်လၢတၢ်ဆၢကတီၢ်လၢအဘၣ်ကသံၣ်တဖျၢၣ်ဒီးတဖျၢၣ်အ ဘၢၣ်စၢၤတၢ်ပာ်လီၤတၢ်ဆၢတီၢ်အဂီၢ်လၢတအိၣ်ဒီးတၢ်ကွၢ်တၢ်ဆဲးကသံၣ်အပတီၢ်အိၣ်လၢဖဲလဲၣ်တခါလဲၣ်အပူၤဘၣ်န့ၣ်လီၤ.

မ့ၢ်တၢ်ကလဲၤမၤန့ၢ်န COVID-19 အကသံၣ်ဆဲးဒီသဒၢတၢ်ဆါလၢတၢ်လီၢ်ဖဲလဲၣ်

ဖဲနမ့ၢ်ကြၢးဘၣ်တုၤထီၣ်ထီၣ်ဘးအခါ, နကလိၣ်မၤတၢ်သ့ၣ်နံၤဖးသီတခါဖဲ-

  • ထီရီၤတၢ်ကူစါယါဘျါတၢ်တဖၣ် (ကသံၣ်သရၣ်တဖၣ်)
  • ပှၤတ၀ၢအတၢ်အိၣ်ဆူၣ်အိၣ်ချ့အတၢ်မၤစၢၤအတၢ်ဖံးတၢ်မၤတဖၣ်
  • ထူလံၤအဘီရံၤကၠၢၣ်နၢၣ်ပှၤတ၀ၢရဲၣ်ကျဲၤမၤ၀ဲဒၣ်တၢ်အိၣ်ဆူၣ်အိၣ်ချ့အတၢ်မၤစၢၤအတၢ်ဖံးတၢ်မၤတဖၣ်
  • ထီရီၤတၢ်ကူစါယါဘျါတၢ်ကသါထီၣ်ကသါလီၤအတၢ်ဆါဟံၣ်ဖိတဖၣ်
  • ကသံၣ်ဆဲးဒီသဒၢတၢ်ဆူးတၢ်ဆါအလီၢ်ခၢၣ်သးတဖၣ်န့ၣ်လီၤ.

နမၤန့ၢ်ကသံၣ်ဆဲးဒီသဒၢတၢ်ဆါလၢနကသံၣ်သရၣ်အအိၣ်သ့၀ဲဒၣ်ဖဲနမ့ၢ်အဲၣ်ဒိးဒီးနကသံၣ်သရၣ်ဟ့ၣ်၀ဲဒၣ် COVID-19 အကသံၣ်ဆဲးဒီသဒၢတၢ်ဆါတဖၣ်အခါန့ၣ်လီၤ. ပှၤအဂ့ၤကတၢၢ်လၢတၢ်ကကတိၤသကိးတၢ်န့ၣ်ကမ့ၢ် ၀ဲဒၣ်နကသံၣ်သရၣ်ဖဲနနမ့ၢ်အိၣ်ဒီး-

  • တၢ်ဆူးတၢ်ဆါအတၢ်အိၣ်သးလၢအအိၣ်ပာ်လၢညါတခါ
  • တၢ်သံကွၢ်တဖၣ်မ့တမ့ၢ်ဘၣ်ယိၣ်တၢ်ဘၣ်ဃးဒီးတၢ်ဒိးန့ၢ် COVID-19 အကသံၣ်ဆဲးဒီသဒၢတၢ်ဆါတခါန့ၣ်လီၤ.

မ့ၢ်တၢ်ကဟံးန့ၢ်ပာ်တၢ်ဆၢကတီၢ်လၢ COVID-19 အကသံၣ်ဆဲးဒီသဒၢတၢ်ဆါအတၢ်သ့ၣ်နံၤဖးသီဒ်လဲၣ်

တၢ်ဃုထၢတဖၣ်အိၣ်၀ဲဒၣ်တဘျုးခါလၢတၢ်ကမၤတၢ်န့ၢ်တၢ်ဆၢကတီၢ်တခါလၢန COVID-19 အကသံၣ်ဆဲးဒီသဒၢတၢ်ဆါအတၢ်သ့ၣ်နံၤဖးသီအဂီၢ်န့ၣ်လီၤ.

လၢပှၤလၢအသးပှၢ်ဒိၣ်န့ၢ် ၆၀ တဖၣ်အဂီၢ်

  • မၤန့ၢ်တၢ်ဆၢကတီၢ်တခါလၢတၢ်ကလဲၤဆဲးကသံၣ်အဂီၢ်ဖဲ GP မ့တမ့ၢ်တၢ်အိၣ်ဆူၣ်အိၣ်ချ့အတၢ်မၤစၢၤလၢအဘူးဒီးနၤတဖျၢၣ်ခီဖျိ
  • တၢ်ဟံးန့ၢ်တၢ်ဆၢကတီၢ်လၢကသံၣ်ဆဲးဒီသဒၢတၢ်ဆါအလီၢ်ခၢၣ်သးတခါခီဖျိတၢ်ကိး၀ဲဒၣ် 1800 675 398 န့ၣ်တက့ၢ်. ဃုထၢ 0 ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤအခါတက့ၢ်.
  • ကသံၣ်ဆဲးဒီသဒၢတၢ်ဆါအလီၢ်ခၢၣ်သးတနီၤန့ၣ်ပျဲ၀ဲဒၣ်ပှၤကမျၢၢ်လၢကဟဲနုာ်လီၤဆဲးကသံၣ်လၢတအိၣ် ဒီးတၢ်သ့ၣ်နံၤဖးသီတခါန့ၣ်လီၤ. ဖဲနမ့ၢ်လဲၤဒၣ်ဒ်န့ၣ်အခါ, ဘၣ်တဘၣ်နကလိၣ်အိၣ်ခိးတုၤလီၤလၢပှၤလၢ အကဆဲးန့ၢ်နၤဒီးကသံၣ်ဆဲးဒီသဒၢတၢ်ဆါအိၣ်ကလီ၀ဲဒၣ်လၢအကဟ့ၣ်နၤဒီးကသံၣ်ဆဲးဒီသဒၢတၢ်ဆါန့ၣ်လီၤ. သံကွၢ်ဘၣ်လီၢ်ခၢၣ်သးတဖၣ်လၢအတူၢ်လိာ်တၢ်လဲၤဒၣ်ဒ်န့ၣ်ဒီးအ၀ဲသ့ၣ်အတၢ်အိးထီၣ်အသးအနၣ် ရံၣ်တဖၣ်န့ၣ်တက့ၢ်.

လၢပှၤလၢအသးနံၣ်အိၣ် ၆၀ ဆူအဖီလာ်တဖၣ်အဂီၢ်

  • နကြၢးမၤန့ၢ်တၢ်သ့ၣ်နံၤဖးသီတခါခီဖျိတၢ်ကိး၀ဲဒၣ် 1800 675 398 န့ၣ်လီၤ. ဃုထၢထီၣ် 0 ဖဲနမ့ၢ်ကလိၣ် ဘၣ်ပှၤကတိၤကျိးထံတၢ်တဂၤအခါတက့ၢ်.
  • ကသံၣ်ဆဲးဒီသဒၢတၢ်ဆါအလီၢ်ခၢၣ်သးတနီၤန့ၣ်ပျဲ၀ဲဒၣ်ပှၤကမျၢၢ်လၢကဟဲနုာ်လီၤဆဲးကသံၣ်လၢတအိၣ် ဒီးတၢ်သ့ၣ်နံၤဖးသီတခါန့ၣ်လီၤ. ဖဲနမ့ၢ်လဲၤဒၣ်ဒ်န့ၣ်အခါ, ဘၣ်တဘၣ်နကလိၣ်အိၣ်ခိးတုၤလီၤလၢပှၤလၢ အကဆဲးန့ၢ်နၤဒီးကသံၣ်ဆဲးဒီသဒၢတၢ်ဆါအိၣ်ကလီ၀ဲဒၣ်လၢအကဟ့ၣ်နၤဒီးကသံၣ်ဆဲးဒီသဒၢတၢ်ဆါန့ၣ်လီၤ. သံကွၢ်ဘၣ်လီၢ်ခၢၣ်သးတဖၣ်လၢအတူၢ်လိာ်တၢ်လဲၤဒၣ်ဒ်န့ၣ်ဒီးအ၀ဲသ့ၣ်အတၢ်အိးထီၣ်အသးအနၣ် ရံၣ်တဖၣ်န့ၣ်တက့ၢ်.

လၢတၢ်ဂ့ၢ်တၢ်ကျိၤဆူညါဘၣ်ဃးဒီးဘံးထိရံယါအကသံၣ်ဆဲးဒီသဒၢတၢ်ဆါအလီၢ်ခၢၣ်သးတဖၣ်လၢအပာ်ဃုာ်အတၢ်အိးထီၣ်အနၣ်ရံၣ်န့ၣ်လဲၤအိၣ်သကိးဘၣ် ကသံၣ်ဆဲးဒီသဒၢတၢ်ဆါအလီၢ်ခၢၣ်သးတဖၣ်န့ၣ်တက့ၢ်

နကဘၣ်ဟဲစိာ်ဃုာ်ဒီးနၤဆူနတၢ်သ့ၣ်နံၤဖးသီလၢကသံၣ်ဆဲးဒီသဒၢတၢ်ဆါအဂီၢ်န့ၣ်မ့ၢ်မနုၤလဲၣ်

  • နကလိၣ်ဖျီၣ်နီၣ်ကျၢၢ်ဘၢမဲာ်တခါဖဲနအိၣ်၀ဲဒၣ်လၢကသံၣ်ဆဲးဒီသဒၢတၢ်ဆါတခါအလီၢ်ခၢၣ်သးန့ၣ်လီၤ
  • ID လၢအအိၣ်ဒီးနဂီၤဖဲနတၢ်မ့ၢ်အိၣ်
  • Medicare အကး,ဖဲနတၢ်မ့ၢ်အိၣ်(ဖဲ Medicare အကးန့ၣ်တၢ်တလိၣ်ဘၣ်အီၤအခါဒၣ်လဲာ်န့ၣ်လီၤ)
  • နီၢ်တဂၤစုာ်စုာ်တၢ်အိၣ်ဆူၣ်အိၣ်ချ့အတၢ်ကွၢ်ထွဲကဟုကယာ်အနီၢ်ဂံၢ်ဖဲန Medicare အကးမ့ၢ်တအိၣ်အခါ
  • ပှၤမၤတၢ်ဖိ ID မ့တမ့ၢ်လံာ်ပရၢလၢအအိၣ်ဟဲလၢနတၢ်မၤကစၢ်,ဖဲနမ့ၢ်ကမၤန့ၢ် COVID-19 အကသံၣ်ဆဲးဒီသဒၢတၢ်ဆါမ့ၢ်လၢနတၢ်ဖံးတၢ်မၤအဃိ
  • တၢ်ဂ့ၢ်တၢ်ကျိၤဘၣ်ဃးနကသံၣ်ကသီအတၢ်စံၣ်စိၤအဒိဒ်သိးတၢ်တဖိးဒီးသွံၣ်အတၢ်ဂ့ၢ်ကီတဖၣ်န့ၣ်လီၤ.

ကသံၣ်အတၢ်ဘၣ်ဒိဘၣ်ထံးလၢတနါစိၤကဲထီၣ်အသးလၢအမ့ၢ်သွံၣ်ကိၢ်လိၣ်ထီၣ်အသး

တၢ်ဘျးစဲလၢ AstraZeneca အကသံၣ်ဆဲးဒီသဒၢတၢ်ဆါဒီးတၢ်ဆူးတၢ်ဆါအတၢ်ကဲထီၣ်အသးလၢတနါစိၤကဲ ထီၣ်အဘၢၣ်စၢၤအိၣ်၀ဲဒၣ်လီၤ,တၢ်အံၤပၣ်ဃုာ်သွံၣ်ကိၢ်လိၣ်ထီၣ်အသးဒီး သွံၣ်ဖျၢၣ်အနီၢ်ဂံၢ်အပတီၢ်စှၤလီၤန့ၣ်လီၤ. တၢ်ဆူးတၢ်ဆါအတၢ်ကဲထီၣ်အသးတခါအံၤတၢ်ကိးအမံၤဒ် (Thrombosis) ဃုာ်ဒီး (thrombocytopenia) syndrome (TTS) န့ၣ်လီၤ.

ဖးဘၣ် တၢ်ဂ့ၢ်တၢ်ကျိၤလၢခံကတၢၢ်လၢအအိၣ်ဟဲ၀ဲဒၣ်လၢအီးစတြ့လယါအပဒိၣ် ဘၣ်ဃးကသံၣ်အတၢ်ဘၣ်ဒိဘၣ်ထံးလၢအမ့ၢ်သွံၣ်ကိၢ်လိၣ်ထီၣ်အသးလၢတနါစိၤကဲထီၣ်န့ၣ်တက့ၢ်.

တၢ်ဂ့ၢ်နီၢ်နီၢ်အလံာ်ကဘျံးလၢတၢ်ကျိးထံပာ်လံအီၤလၢနကျိာ်ဒၣ်န၀ဲ

မ့ၢ်တၢ်ကကတဲာ်ကတီၤပာ်နသးလၢန COVID-19 အကသံၣ်ဆဲးဒီသဒၢတၢ်ဆါအဂီၢ်ဒ်လဲၣ်

တၢ်တိစၢၤမၤစၢၤလၢ Pfizer အကသံၣ်ဆဲးဒီသဒၢတၢ်ဆါအဂီၢ်

တၢ်တိစၢၤမၤစၢၤလၢ AstraZeneca အကသံၣ်ဆဲးဒီသဒၢတၢ်ဆါအဂီၢ်

လၢတၢ်ဂ့ၢ်တၢ်ကျိၤဆူညါအဂီၢ်

တၢ်ဂ့ၢ်တၢ်ကျိၤဆူညါအီးစတြ့လယါပဒိၣ်အကသံၣ်ဆဲးဒီသဒၢတၢ်ဆါအတၢ်ရဲၣ်တၢ်ကျဲၤန့ၣ်တၢ်ထံၣ်န့ၢ်အီၤသ့၀ဲဒၣ်ဖဲ အီးစတြ့လယါပဒိၣ်အပှာ်ယဲၤဘျးစဲအလိၤန့ၣ်လီၤ.

လၢတၢ်ဂ့ၢ်တၢ်ကျိၤဆူညါအဂီၢ်

လၢတၢ်ဂ့ၢ်တၢ်ကျိၤအါထီၣ်ဘၣ်ဃးအီးစတြ့လယါကသံၣ်ဒီသဒၢတၢ်ဆါအတၢ်ရဲၣ်တၢ်ကျဲၤအဂီၢ်,ပာ်ဃုာ်တၢ်ထုးထီၣ်ဟ့ၣ်လီၤကသံၣ်အတၢ်ရဲၣ်တၢ်ကျဲၤန့ၣ်တၢ်ထံၣ်န့ၢ်အီၤဖဲ အီးစတြ့လယါပဒိၣ်အပှာ်ယဲၤသန့အလိၤသ့၀ဲဒၣ်န့ၣ်လီၤ.

လ့းခ်လၢအဘၣ်ထွဲဒီးတၢ်တိစၢၤမၤစၢၤလၢတၢ်နာ်န့ၢ်အီၤသ့တဖၣ် လၢကျိာ်

လံာ်လဲၢ်ပီးလီဟ့ၣ်တၢ်ဂ့ၢ်တၢ်ကျိၤလၢပှၤတ၀ၢဒီးတၢ်ဘူၣ်တၢ်ဘါအခိၣ်အနၢ်တဖၣ်အဂီၢ်

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?