vic_logo
coronavirus.vic.gov.au

ថ្នាំ​វ៉ាក់​សាំង​បង្ការ​ COVID-19 (COVID-19 vaccine) - ខ្មែរ (Khmer)

ព័ត៌មាន​ស្តីពី​ការ​ចាប់​ផ្តើម​ចាក់វ៉ាក់​សាំង​បង្ការ COVID-19 និង​សុវត្ថិភាព

ប្រសិនបើអ្នកមានការព្រួយបារម្ភ សូមទូរសព្ទទៅខ្សែទូរសព្ទបន្ទាន់សម្រាប់ Coronavirus តាម លេខ 1800 675 398 (24 ម៉ោង).
ប្រសិនបើអ្នកត្រូវការអ្នកបកប្រែផ្ទាល់មាត់ សូមទូរសព្ទទៅ TIS National តាមលេខ 131 450.
សូមរក្សាទុកលេខសូន្យបីដង (000) សម្រាប់តែ ភាពអាសន្នប៉ុណ្ណោះ .

អ្វី​ដែល​អ្នកចាំបាច់​ត្រូវ​ដឹង​

  • ពលរដ្ឋ​ទាំង​ឡាយ​ណា​ដែល​មា​នអាយុ 40ឆ្នាំ និង​លើស​ពី​នេះ​អាច​ចាក់​វ៉ាក់​សាំង​បង្ការ COVID-19 បាន​ឥឡូវ​នេះ។
  • ពលរដ្ឋ​ទាំង​ឡាយ​ណា​ដែល​មាន​អាយុ​ក្រោម 40ឆ្នាំ​ក៏​អាច​ទទួល​វ៉ាក់​សាំង​បង្ការ​បាន​ផង​ដែរ​ ដោយរួមទាំង ៖
    • ពលរដ្ឋ​ដែល​មាន​ហានិភ័យ​ខ្ពស់​ក្នុង​ការ​ឆ្លង COVID-19 ដោយ​សារ​តែ​ការ​បំពេញ​ការងារ​ដូចជា​បុគ្គលិក​សុខាភិបាល បុគ្គលិក​មើល​ថែ​ទាំ​មនុស្ស​ចាស់ និង​អ្នក​មាន​ពិការភាព បុគ្គលិកសង្រ្គោះ​បន្ទាន់ បុគ្គលិក​ចត្តាឡីស័ក​តាម​សណ្ឋាគារ​ និង​បុគ្គលិក​តាម​អាកាស​យានដ្ឋាន និង​កំពង់​ផែ។
    • ពលរដ្ឋ​ទាំង​ឡាយ​ដែល​អាច​នឹង​ធ្លាក់​ខ្លួន​ឈឺ​ធ្ងន់​ពេល​ឆ្លង COVID-19 ដូច​ជា​ពលរដ្ឋ​ដែល​មាន​ពិការ​ភាព ឬ​មាន​ជំងឺ​ប្រចាំ​កាយ។
    • ពលរដ្ឋ​ទាំង​ឡាយ​ណា​ដែល​រស់​នៅ​ជាមួយ ធ្វើ​ការ​ ឬ​ថែ​ទាំ​អ្នក​ដែល​មា​ន​ហានិភ័យ​ខ្ពស់​ក្នុង​ការ​ឆ្លង​ជំងឺ ឬ​ឆ្លង COVID-19 ដូចជា​អ្នក​ថែ​ទាំ​អ្នក​មាន​ពិ​ការ​ភាព និង​ពលរដ្ឋ​ដែល​រស់​នៅ​ជាមួយ​បុគ្គលិក​ចត្តាឡីស័ក​តាម​សណ្ឋាគារ និង​មន្ត្រីព្រំដែន។
    • សម្រាប់​តារាង​លម្អិត​សូម​មើល តើ​នរណា​ខ្លះ​ អាច​ទទួល​វ៉ាក់​សាំង​បង្ការ​បាន
  • ពលរដ្ឋ​មាន​អាយុ 60ឆ្នាំ និង​ច្រើន​ជាង​នេះ​អាច​ទទួល​វ៉ាក់សាំង AstraZeneca
  • ពលរដ្ឋ​មាន​អាយុក្រោម 60ឆ្នាំ ​ទទួល​វ៉ាក់សាំងបង្កា​រ​ Pfizer
  • វ៉ាក់​សាំង​បង្ការ COVID-19 ផ្តល់​ជូន​ដោយ​មិន​គិត​ថ្លៃ​ដល់​ពលរដ្ឋ​គ្រប់​រូប។ អ្ន​ក​មិន​ចាំ​បាច់​មាន​ប័ណ្ណ Medicare ទេ
  • ការ​ចាក់​វ៉ាក់​សាំង​បង្ការ​គឺជាការ​ស្ម័គ្រ​ចិត្ត។ អ្នក​អាច​ជ្រើស​រើសយកការ​ចាក់​វ៉ាក់​សាំង​បាន។
  • អ្នក​ត្រូវ​ការ​ចាក់​វ៉ាក់សាំងពីរ​ដង នៃ​វ៉ាក់សាំង​បង្ការ​ COVID-19 ហើយត្រូវចាក់តែ​មួយ​ប្រភេទទេ​ដើម្បី​មាន​ប្រសិទ្ធ​ភាព។
  • នៅ​ពេល​អ្នក​ចាក់​លើក​ទីមួយ​រួច​ហើយ គ្រូ​ពេទ្យ​នឹង​ប្រាប់អ្នក​ថា​ត្រូវ​ចាក់​លើក​ទីពីរ​នៅ​ពេល​ណា។
  • គ្រប់​ថ្នាំ​វ៉ាក់​សាំង​ទាំង​អស់​សុទ្ធ​តែ​បាន​ធ្វើ​តេស្ត​យ៉ាង​ហ្មត់​ចត់​ដើម្បី​ឱ្យប្រាកដ​ថា​​វា​មាន​សុវត្ថិភាព​មុន​ពេល​មានការយល់ព្រម ​ឲ្យ​ប្រើ​ប្រាស់​នៅអូស្ត្រាលី។
  • ប្រសិន​បើ​អ្នក​ព្រួយបារម្ភ​ពីសុខភាព​របស់​អ្នក ឬ​បារម្ភ​ពី​ការ​ចាក់​វ៉ាក់​សាំង COVID-19 សូម​ពិភាក្សា​ជាមួយ​វេជ្ជ​បណ្ឌិត​របស់​អ្នក។

ហេតុ​អ្វីបាន​ជាអ្នក​គួរ​ចាក់​វ៉ាក់​សាំង​បង្ការ

ការ​ចាក់​វ៉ាក់​សាំង​បង្ការ COVID-19 ៖

  • កាត់​បន្ថយ​ហានិភ័យ​ពីការ​ធ្លាក់​ខ្លួន​ឈឺ​ដោយ​មេរោគ COVID-19
  • ការ​ពារ​ខ្លួន​អ្នក​មិន​ឲ្យ​ធ្លាក់ខ្លួនឈឺ​ធ្ងន់​ធ្ងរ​ ប្រសិន​បើ​អ្នក​​ឆ្លង COVID-19
  • ជួយ​ការពារ​មិត្តភក្ដិ គ្រួសារ និង​សហគមន៍​របស់​អ្នក។

វីរុស COVID-19 មិន​អាច​ឆ្លង​ដោយ​ងាយ​ឡើយ បើ​ពលរដ្ឋ​ភាគ​ច្រើន​ទទួល​បានការ​ចាក់​វ៉ាក់សាំង​បង្ការ ។ ការធ្វើបែបនេះ​ក៏​អាច​ការពារ​ដល់​អ្នក​ដែល​មិន​អាច​ចាក់​វ៉ាក់សាំង​បាន​ផង​ដែរ។

សុវត្ថិភាពថ្នាំវ៉ាក់សាំង

  • ថ្នាំ​វ៉ាក់​សាំង​គ្រប់​ប្រភេទ​ ដោយ​រួម​ទាំង​វ៉ាក់សាំង​បង្ការ COVID-19 ផងចាំបាច់​ត្រូវ​តែ​ឆ្លង​កាត់​ស្តង់​ដារ​សុវត្ថិភាព​យ៉ាង​តឹង​តែង​ដែល​បាន​កំណត់​ដោយរដ្ឋបាល​គ្រប់​គ្រង​ថ្នាំ​ពេទ្យ​អូស្ត្រាលី-Australian Therapeutic Goods Administration (Australian Therapeutic Goods Administration) មុន​ពេល​ដាក់​ឲ្យ​ប្រើប្រាស់​នៅ​អូស្ត្រាលី។
  • បុគ្គលិក​សុខាភិបាល​មាន​សមត្ថភាព​នឹង​ចាក់​វ៉ាក់​សាំង​ជូន​អ្នក
    • ដូច​គ្នា​នឹង​វ៉ាក់​សាំង​ផ្សេង​ទៀត​ផង​ដែរ ពលរដ្ឋ​មួយ​ចំនួន​អាច​ទទួល​រង​នូវ​ផល​រំខាន​​ខ្លះៗ​បន្ទាប់​ពី​ចាក់​វ៉ាក់សាំង​បង្ការ COVID-19 ​នេះរួច។ ផល​រំខាន​ទាំង​នេះ​រួម​ទាំង ៖
    • ឈឺ​ចាប់​នៅ​កន្លែង​ចាក់​
    • អស់​កម្លាំង
    • ឈឺចុក​សាច់​ដុំ
    • ឈឺ​ក្បាល
    • គ្រុនក្តៅ និង​រងា​ញ័រ​ញាក់
    • ឈឺចុក​ចាប់តាម​​សន្លាក់

សូម​អាន​ព័ត៌មាន​មុន​ពេល​​ការចាក់​វ៉ាក់​សាំង ៖

សម្រាប់​ព័ត៌មាន​បន្ថែម​ពី​ផល​រំខាន​ផ្សេងៗ​បន្ទាប់​ពី​ចាក់​វ៉ាក់សាំង​បង្ការ COVID-19 សូម​មើល ៖

ប្រសិន​បើ​អ្នក​មាន​ការ​ព្រួយ​បារម្ភ​ពី​វ៉ាក់សាំង​បង្ការ COVID-19 អ្នក​គួរ​តែ​ពិគ្រោះ​ជាមួយ​វេជ្ជ​បណ្ឌិត​របស់​អ្នក។

ប្រសិទ្ធិភាព

យើងនឹង​យល់​កាន់​តែ​ច្បាស់​​ថា តើ​វ៉ាក់​សាំង​ការពារ​យើង​បាន​​ល្អ​ប្រសើយ៉ាងណាខ្លះ នៅពេល​​ដែល​ពលរដ្ឋ​ជាច្រើន​លាន​នាក់​បាន​ចាក់​វ៉ាក់​សាំង​នៅ​ទូទាំង​ពិភព​លោក ។ ព័ត៌មាន​ខាង​ក្រោម​នេះ​ផ្អែក​ទៅ​លើ​ការ​ស្រាវ​ជ្រាវ​ថ្មីៗ​បំផុត​ ដោយ​រួម​ទាំង​ការស្រាវ​ជ្រាវក្នុងសហគមន៍​ដែល​ពលរដ្ឋជាច្រើន​បាន​ចាក់​វ៉ាក់សាំង​បង្ការ COVID-19។

វ៉ាក់សាំង​ AstraZeneca ការ​ពារ​អ្នក​ប្រឆាំង​នឹងការ​ឆ្លង COVID-19។

  • បន្ទាប់​ពី​ការ​ចាក់​វ៉ាក់សាំងបាន​ពីរ​ដង ដោយ​ទុក​ចន្លោះ​ពេល 12សប្តាហ៍​ពីគ្នា វ៉ាក់សាំងនេះ​អាច​ការ​ពារ​អ្នក​មិន​ឲ្យ​ឈឺ​ដោយ​សារការ​ឆ្លង COVID-19 រហូត​ដល់ទៅ 90ភាគរយ។
  • បន្ទាប់​ពី​​​ចាក់​វ៉ាក់សាំង​លើកទីមួយរួច វ៉ាក់សាំងនេះ​អាចការពារអ្នក​ដល់ទៅជាង 90ភាគរយ​​ដោយមិន​ឲ្យ​ធ្លាក់ខ្លួនឈឺដល់លក្ខណៈ​ចូល​សម្រាក​នៅមន្ទីរ​ពេទ្យ ​​ដោយ​សារការ​ឆ្លង COVID-19។

វ៉ាក់សាំង​ Pfizer ការ​ពារ​អ្នក​ប្រឆាំង​នឹងការ​ឆ្លង COVID-19។

  • បន្ទាប់​ពី​ការ​ចាក់​វ៉ាក់សាំងបាន​ពីរ​ដង ដោយ​ទុក​ចន្លោះ​ពេលយ៉ាង​តិច 21ថ្ងៃ​ពីគ្នា វ៉ាក់សាំងនេះអាច​ការ​ពារ​អ្នក​មិន​ឲ្យ​ឈឺ​ដោយសារ​ការ​ឆ្លងCOVID-19 រហូត​ដល់​ទៅ 95ភាគរយ។
  • បន្ទាប់​ពី​​​​ចាក់​វ៉ាក់សាំង​លើកទីមួយរួច ​វ៉ាក់សាំងនេះ​អាចការពារអ្នក​ដល់ទៅជាង 80ភាគរយ ​​ដោយមិន​ឲ្យ​ធ្លាក់ខ្លួនឈឺ​ដល់លក្ខណៈចូល​សម្រាក​នៅមន្ទីរ​ពេទ្យ​​ដោយសារ​ការ​ឆ្លង COVID-19។

សមាសធាតុ​ផ្សំ​វ៉ាក់សាំងបង្ការ COVID-19

វ៉ាក់សាំង​ Pfizer និងAstraZeneca គ្មាន​សមាសធាតុ​ផ្សំ​ដូ​ចខាង​ក្រោម​នេះ​ទេ ៖

  • ទឹក​ដោះ​គោ
  • ស៊ុត
  • ជ័រឡាតិក (Latex)
  • សាច់​ជ្រូក ឬ​ផលិតផល​ពី​សាច់​ជ្រូក (​ចាហួយ​អន្ធិលចម្រាញ់ពីសាច់​ជ្រូកជាដើម)

ពេល​ណា​អ្នក​អាច​ចាក់​វ៉ាក់សាំង​បង្ការ​បាន

ក្រុម​ពលរដ្ឋ​ដូ​ចបាន​រៀប​រាប់​ខាង​ក្រោម​នេះ​អាច​ចាក់​វ៉ាក់​សាំងបង្ការ COVID-19 បាន​ឥឡូវ​នេះ ៖

  • ពលរដ្ឋ​មាន​អាយុ 40 ឆ្នាំ​ និង​ច្រើន​ជាង​នេះ
  • បុគ្គលិក​ចត្តាឡីស័ក​តាម​សណ្ឋាគារ និង​បុគ្គលិក​តាម​ព្រំដែន
  • ពលរដ្ឋ​រស់​នៅ​ជាមួយ​បុគ្គលិក​បម្រើ​ការងារ​ផ្នែក​ចត្តាឡីស័ក​តាម​សណ្ឋាគារ និង​បុគ្គលិក​ព្រំ​ដែន
  • បុគ្គលិក​ពេទ្យឬថែទាំសុខភាព
  • បុគ្គលិក​ថែ​ទាំ​មនុស្ស​ចាស់ និង​អ្នក​រស់​នៅ​តាម​មណ្ឌល​មនុស្ស​ចាស់
  • បុគ្គលិក​ថែ​ទាំ​អ្នក​មាន​ពិការភាព និង​អ្នក​មាន​ពិការ​ភាព
  • ពលរដ្ឋ​មាន​អាយុ 16 ឆ្នាំ និង​លើស​ពីនេះ​ ដែល​មាន​បញ្ហា​សុខភាព​ជា​​ប្រចាំកាយ
  • មនុស្ស​ពេញ​វ័យ​ដែល​មាន​ពិការភាព​ខ្លាំង
  • ពលរដ្ឋ​ដែល​មាន​ពិការ​ភាព និង​ជា​សមាជិកនៃគម្រោង​ធានា​រ៉ាប់រង​ពិការភាព​ថ្នាក់​ជាតិ NDIS
  • អ្នក​ថែទាំ (ទាំង​មាន​ប្រាក់​ឈ្នួល និង​គ្មាន​ប្រាក់​ឈ្នួល) នៃបុគ្គលដែល​មាន​សិទ្ធិ​ទទួលវ៉ាក់សាំង​នៅក្នុង​ដំណាក់​កាលឬ Phase 1a និង 1b ឬអ្នកថែទាំ​កុមារ​ដែល​មាន​បញ្ហា​សុខភាព​ជាក់​លាក់​មួយ​ចំនួន- សូម​ចូល​មើល កម្មវិធី​ចាក់​ថ្នាំ​បង្ការ​ COVID-19 ដំណាក់​កាលPhase 1b ដើម្បីមើល​ព័ត៌មាន​លម្អិត
  • អ្នក​ស្ម័គ្រ​ចិត្តចំនួន​ផ្នែកគាំពារ​មនុស្ស​ចាស់ និង​ជន​មាន​ពិការ​ភាព - សូម​ចូល​មើល កម្មវិធី​ចាក់​ថ្នាំ​បង្ការ​ COVID-19 ដំណាក់​កាលPhase 1b ​ដើម្បីមើល​​ព័ត៌មាន​លម្អិត
  • បុគ្គលិក​ដែល​មាន​ហានិភ័យ​ខ្ពស់​បំផុត​ដែល​កំពុង​បម្រើ​ការ​ងារក្នុងវិស័យមួយចំនួន​រួម​មាន ៖
    • បុគ្គលិក​ការពារ​ជាតិ
    • នគរបាល បុគ្គលិក​អគ្គិភ័យ និង​សង្រ្គោះ​បន្ទាន់
    • បុគ្គលិក​បម្រើ​ការងារ​នៅ​រោង​ចក្រ​កែ​ច្នៃ​សាច់ និង​គ្រឿង​សមុទ្រ
  • រដ្ឋាភិបាល​រដ្ឋ​វិកថូរៀ​បាន​ពង្រីក​កម្មវិធី​ចាក់​វ៉ាក់សាំង​ដើម្បី​រួម​បញ្ចូល​នូវ​ពលរដ្ឋ​ដែល​បម្រើ​ការងារ​នៅតាម​វិស័យ​ដូច​ជា​ ៖
    • បុគ្គលិក​បម្រើការងារ​នៅ​មណ្ឌល​កែ​ប្រែ និង​ឃុំ​ខ្លួន ដោយ​រួម​បញ្ចូល​ទាំង​បុគ្គលិក​មណ្ឌល​កែ​ប្រែ​តាម​សហគមន៍
    • បុគ្គលិក​បម្រើ​ការងារ​នៅ​កន្លែង​ស្នាក់​នៅ​ដែល​មាន​ហានិភ័យ​ខ្ពស់​ដូចជា សេវាកម្ម​ផ្ដល់កន្លែង​ស្នាក់​អាស្រ័យ​ដោយមានបុគ្គលិកគាំពារ។
    • អ្នក​បើក​បរ​យានជំនិះ​ដឹក​ជញ្ជូន​សាធារណៈ និង​បុគ្គលិក​ទាំង​ឡាយ​ណា​ដែល​ជួប​ផ្ទាល់​ជាមួយ​សាធារណ​ជន។
    • បុគ្គលិក​បើក​បរ​រថយន្ត​ឈ្នួល និង​តាក់ស៊ី
    • បុគ្គលិក​គ្រប់​រូប​នៅ​ច្រក​ចេញ​ចូល​អន្តរជាតិ
  • ពលរដ្ឋ​ងាយ​រង​គ្រោះ និង​មាន​ហានិភ័យ​ខ្ពស់​ក្នុង​ការ​ឆ្លង ឬ​​ធ្លាក់ខ្លួនឈឺ​ធ្ងន់​ធ្ងរ​ពេល​ឆ្លង COVID-19 ដូចជា ៖
    • ​អ្នកដែល​គ្មាន​កន្លែង​ស្នាក់​នៅ អ្នកសម្រាក​នៅ​កន្លែង​មិន​សម​រម្យ ឬ​អ្នកជ្រកកោននៅតាមទីលំ​នៅ​សម្រាប់​គ្រា​អាសន្ន
    • ​​អ្នកដែល​ទទួល​សេវា​គាំ​ពារ​ផ្នែក​គ្រឿង​ញៀន និង​គ្រឿង​ស្រវឹង
    • អ្នក​​ស្នាក់​នៅ​មន្ទីរ​ព្យា​បាល​វិបត្តិ​ផ្លូវ​ចិត្ត
    • ​អ្នកដែល​រស់​នៅ​កន្លែង​ស្នាក់​នៅ​ដែល​មេរោគ​ងាយ​ឆ្លង​រាល​ដាល​ដូចជា អគារ​ផ្ទះល្វែងខ្ពស់របស់រដ្ឋាភិបាល​ អគារផ្ទះល្វែងទាប​របស់រដ្ឋាភិបាល ទីលំនៅ​ដែលមាន​ផ្តល់​សេវាកម្មគាំពារ ផ្ទះ​សហគមន៍ ទីលំនៅបអាស្រ័យ​រួម​គ្នា​ជាដើម។
    • អ្នក​ទោស​នៅ​កន្លែង​ឃុំ​ឃាំង និង​អ្នក​ជាប់​ឃុំ​ក្នុង​មណ្ឌល​កែ​ប្រែ
  • អ្នក​ដំណើរ​ទាំង​ឡាយ​ណា​ដែល​ទទួល​បាន​ការ​អនុញ្ញាត​ឲ្យ​ធ្វើ​ដំណើរពី​រដ្ឋាភិបាល​អូស្ត្រាលី​ដើម្បី​ចាក​ចេញ​ពីអូស្ត្រាលី
  • ពលរដ្ឋ​ទាំង​ឡាយ​ណា​ដែល​បាន​ចាក់​ថ្នាំ​បង្ការ COVID-19 លើក​ទីមួយ​រួ​ចហើយ (ដោយ​រួម​បញ្ចូល​ទាំង​បុគ្គល​ទាំង​ឡាយ​ណា​ដែល​វិល​ត្រឡប់​មក​ពី​រដ្ឋ​ផ្សេង​ ឬ​ពីក្រៅ​ប្រទេស) អាច​ទទួល​ការ​ចាក់​ថ្នាំ​បង្ការ​ជាលើក​ទីពីរ​ក្នុង​ចន្លោះពេល​សម​ស្រប​រវាង​ការ​ចាក់​ថ្នាំទាំង​ពីរ​លើក​នេះ ដោយ​មិន​គិតថា​​បុគ្គលនោះ​ស្ថិត​នៅក្នុង​វេនឬដំណាក់កាល​ណាមួយ​នៃ​ការ​ចាក់វ៉ាក់សាំង​បង្ការ​នោះឡើយ។

តើ​ទៅ​ចាក់​វ៉ាក់សាំង​បង្ការ COVID-19 នៅ​ទីណា

ប្រសិន​បើ​អ្នក​ដល់​វេនឬសិទ្ធដែល​ត្រូវ​ចាក់​វ៉ាក់សាំង​បង្ការ អ្នក​អាចកក់​កន្លែង​ចាក់​នៅ ៖

  • វេជ្ជ​បណ្ឌិត​ប្រចាំ​គ្រួសារ
  • ​សេវាកម្ម​សុខាភិបាល​តាម​សហគមន៍
  • សេវាកម្ម​សុខាភិបាល​របស់​ជន​ជាតិ​ដើម
  • គ្លីនិកពិនិត្យ​ជំងឺ​ផ្លូវ​ដង្ហើម
  • មណ្ឌល​ចាក់​វ៉ាក់សាំង​

អ្នក​អាច​ទទួល​ការ​ចាក់​វ៉ាក់​សាំង​បង្ការ​ពី​វេជ្ជ​បណ្ឌិត​របស់​អ្នក​ប្រ​សិន​បើ​អ្នក​ចង់ ហើយ​វេជ្ជ​បណ្ឌិត​របស់​អ្នក​គឺជាអ្នកផ្តល់​​វ៉ាក់សាំង​បង្ការ COVID-19 ។ មនុស្ស​ដ៏​ប្រសើ​រ​បំផុតសម្រាប់អ្នក​ក្នុងការប្រឹក្សាយោបល់​គឺ​វេជ្ជ​បណ្ឌិត​របស់​អ្នក ប្រសិន​បើ​អ្នក​មាន ៖

  • ជំងឺ​ប្រចាំ​កាយ
  • សំណួរឬចម្ងល់ផ្សេងៗ ឬ​មាន​ការ​ព្រួយ​បារម្ភ​ពីការ​ចាក់​វ៉ាក់​សាំង​បង្ការ COVID-19 ។

របៀប​ធ្វើការណាត់ដើម្បី​ចាក់​វ៉ាក់សាំង​បង្ការ COVID-19

មាន​ជម្រើស​មួយ​ចំនួន​ដើម្បី​ធ្វើការណាត់​ចាក់​វ៉ាក់សាំង​បង្ការ COVID-19។

សម្រាប់​ពលរដ្ឋ​មាន​វ័យ​លើស 60ឆ្នាំ

  • ធ្វើការណាត់​ដើម្បី​ចាក់​វ៉ាក់សាំង​បង្ការ​ជាមួយ​វេជ្ជ​បណ្ឌិត​ប្រចាំ​គ្រួសារ​ ឬ​សេវាកម្ម​សុខា​ភិ​បាល​នៅជិតអ្នក
  • ធ្វើការណាត់នៅមណ្ឌល​ចាក់​វ៉ាក់សាំង​ដោយ​ទូរស័ព្ទ​ទៅកាន់​លេខ 1800 675 398។ សូម​ជ្រើស​រើស​លេខសូន្យ (០) ប្រសិន​បើអ្នកត្រូវ​ការ​អ្នក​បក​ប្រែ។
  • មណ្ឌល​ចាក់​វ៉ាក់​សាំង​មួយ​ចំនួន​អនុញ្ញាត​ឲ្យពលរដ្ឋ​​ដើរ​ចូល​ទៅ​ចាក់​ដោយ​មិន​ចាំ​បាច់​មាន​ការ​ណាត់ទុក​ជាមុន។ ប្រសិន​បើ​អ្នក​ទៅ​កាន់​មណ្ឌល​ដោយ​គ្មាន​ការ​កក់​ទុក​ជាមុន អ្នក​ត្រូវ​រង់​ចាំ​រហូ​តដល់​គ្រូ​ពេទ្យ​ទំនេរ​ដើម្បីចាក់​ថ្នាំ​បង្ការ​ដល់​អ្នក។ សូម​ចូល​មើល​ថា​តើ​មណ្ឌល​ណា​ខ្លះ​ ​ព្រមផ្ដល់​ការ​ចាក់មិន​បាច់ណាត់​ និង​ម៉ោង​បើ​ក​ដំណើរ​ការ

សម្រាប់​ពលរដ្ឋ​មាន​វ័យ​ក្រោម 60ឆ្នាំ

  • អ្នកគួរ​តែ​ធ្វើការណាត់ចាក់​វ៉ាក់​សាំង​បង្ការ​ដោយ​ទូរស័ព្ទ​ទៅលេខ 1800 675 398។ ចូរ​ជ្រើស​រើស​លេខសូន្យ (០) ប្រសិន​បើ​ត្រូវ​ការ​អ្នក​បក​ប្រែ
  • មណ្ឌល​ចាក់​វ៉ាក់​សាំង​បង្ការ​មួយ​ចំនួន​អនុញ្ញាត​ឲ្យពលរដ្ឋ​ចូល​ទៅ​ចាក់​ដោយ​មិន​បាច់​មានការណាត់ទុក​ជាមុន។ ប្រសិន​បើ​អ្នក​ទៅ​កាន់​មណ្ឌល​ដោយ​គ្មាន​ការ​ណាត់​ទុក​ជាមុន អ្នក​ត្រូវ​រង់​ចាំ​រហូ​តដល់​គ្រូ​ពេទ្យ​ទំនេរ​ដើម្បីចាក់​ថ្នាំ​បង្ការ​ដល់​អ្នក។ សូម​ចូល​មើល​ថា​តើ​មណ្ឌល​ណា​ខ្លះ​ ​ព្រមផ្ដល់​ការ​ចាក់​មិន​បាច់ណាត់​ និង​ម៉ោង​បើ​ក​ដំណើរ​ការ

សម្រាប់​ព័ត៌មាន​បន្ថែម​ពី​មណ្ឌល​ចាក់​វ៉ាក់សាំង​នៅ​រដ្ឋ​វិកថូរៀ និ​ងម៉ោង​បើក​ដំណើរ​ការ​សូម​ចូល​ទៅមើល មណ្ឌល​ចាក់​វ៉ាក់សាំង

អ្វី​​ខ្លះដែលត្រូវយកទៅជាមួយ​ពេល​ទៅ​ចាក់​វ៉ាក់សាំង​តាមការណាត់

  • អ្នក​ត្រូវ​ពាក់​ម៉ាស្ក​គ្រប​មុខ និង​ច្រមុះ​ឲ្យ​បាន​ជិត​ល្អ​ពេល​ទៅ​មណ្ឌល​ចាក់​វ៉ាក់សាំង
  • អត្តសញ្ញាណប័ណ្ណ​ដោយ​មាន​រូប​ថត​ប្រសិន​បើ​អ្នក​មាន
  • ប័ណ្ណ Medicare ប្រសិន​បើ​មាន (គ្មាន Medicare ក៏​បានដែរ)
  • លេខ​សំគាល់ថែ​ទាំ​សុខភាព​​ផ្ទាល់​ខ្លួន ប្រសិន​បើ​អ្នក​គ្មានMedicare
  • ​ប័ណ្ណ​សំគាល់​ខ្លួននិយោជិត ឬ​លិខិត​ពី​និយោជក ប្រសិន​បើ​អ្នក​ចាក់​វ៉ាក់សាំង​បង្ការ COVID-19 ដោយ​សារ​តែ​ការងារ​របស់​អ្នក
  • ព័ត៌មាន​ផ្សេងៗ​ស្តីពី​ប្រវត្តិ​សុខភាព​របស់​អ្នក​ដូចជា​អាលែហ៊្សី​ជាដើម។
    ផល​ប៉ះពាល់ដោយ​មាន​ឈាម​កក​ដ៏​កម្រ

មាន​ទំនាក់​ទំនង​រវាង​វ៉ាក់​សាំង AstraZeneca និង​បញ្ហា​សុខភាព​ដ៏​កម្រ​ ដែល​ពាក់​ព័ន្ធ​នឹង​ឈាម​កក​ និង​កម្រិត​រំហូរ​ឈាមធ្លាក់​ទាប។ បញ្ហា​នេះ​មាន​ឈ្មោះ​ថា ការ​កក​ឈាម​ក្នុង​សសៃ​ឈាម (Thrombosis) ដោយ​មានរោគ​សញ្ញា​ឈាម​កក (thrombocytopenia syndrome (TTS)។

សូម​អាន ព័ត៌មាន​ថ្មីៗ​បំផុត​ពីរដ្ឋាភិបាល​អូស្ត្រាលី​​ស្តីពី​ផល​ប៉ះ​ពាល់​បណ្តាល​ឲ្យ​មាន​ឈាម​កក​ក្នុង​សសៃ​ឈាម​ដ៏​កម្រ​នេះ។

កម្រង​ព័ត៌មាន​ដែល​បាន​បក​ប្រែ​ជា​ភាសា​របស់​អ្នក

របៀប​ត្រៀម​រៀបចំ​ខ្លួន​ចាក់​វ៉ាក់​សាំង​បង្ការ COVID-19

ព័ត៌មាន​ផ្សេងៗ​ស្តីពីវ៉ាក់សាំង Pfizer

ព័ត៌មាន​ផ្សេងៗ​ស្តីពីវ៉ាក់សាំង AstraZeneca

ព័ត៌មាន​បន្ថែម

ព័ត៌មាន​បន្ថែម​ស្តីពី​កម្មវិធី​ចាក់​វ៉ាក់​សាំង​របស់​រដ្ឋាភិបាល​អូស្ត្រាលី​មាន​នៅ​លើ គេហទំព័រ របស់​រដ្ឋាភិបាល​អូស្ត្រាលី

ព័ត៌មាន​បន្ថែម

ព័ត៌មាន​បន្ថែម​ស្តីពី​កម្មវិធី​ចាក់​ថ្នាំ​វ៉ាក់​សាំង​របស់​ប្រទេស​អូស្ត្រាលី ដោយរួម​ទាំង​ផែន​ការ​ចាក់​វ៉ាក់​សាំងមាន​នៅ​លើ​គេហទំព័រ​រដ្ឋាភិបាល​អូស្ត្រាលី the Australian Government’s website

តំណភ្ជាប់​ទៅ​ប្រភព​ព័ត៌មាន​ដែល​គួរ​ឲ្យ​ទុក​ចិត្ត​បាន​ជា​ភាសា

កញ្ចប់​ព័ត៌មាន​ផ្សេងៗ​សម្រាប់​មេដឹកនាំ​សហគមន៍ និង​មេដឹកនាំសាសនា។

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?