ប្រសិនបើអ្នកត្រូវការអ្នកបកប្រែផ្ទាល់មាត់ សូមហៅទូរសព្ទទៅសេវាកម្មបកប្រែភាសាសរសេរ និងបកប្រែផ្ទាល់មាត់ តាមលេខ 131 450។
មូលហេតុដែលអ្នកគួរតែចាក់វ៉ាក់សាំង
វ៉ាក់សាំងមានសុវត្ថិភាព និងប្រសិទ្ធភាពក្នុងការការពារមនុស្សពីការធ្លាក់ខ្លួនឈឺខ្លាំងដោយសារ COVID-19។ ជាការសំខាន់ដែលអ្នកត្រូវរក្សាមានបច្ចុប្បន្នភាពជាមួយនឹងវ៉ាក់សាំង ដើម្បីធានាការការពារជាអតិបរមាប្រឆាំងទល់នឹងវីរុស។
របៀបទទួលការចាក់វ៉ាក់សាំង
វ៉ាក់សាំងមាននៅឯ៖
- GPs
- គ្លីនិកផ្លូវដង្ហើម
- ឱសថស្ថាន
- សេវាកម្មសុខភាពសហគមន៍។
អ្នកគួរតែនិយាយជាមួយ GP ប្រសិនបើអ្នកមានរោគប្រចាំកាយ ឬមិនប្រាកដអ្នកត្រូវការចាក់ប៉ុន្មានដូស។
វ៉ាក់សាំងគឺឥតគិតថ្លៃ ហើយអ្នកមិនត្រូវការប័ណ្ណ Medicare ដើម្បីទទួលបានការចាក់វ៉ាក់សាំងទេ ។
អ្នកណាខ្លះអាចចាក់វ៉ាក់សាំង
មនុស្សគ្រប់រូបដែលមានអាយុ 5 ឆ្នាំ និងអាយុលើសនេះ មានសិទ្ធិទទួលបានការចាក់វ៉ាក់សាំង។ កុមារមួយចំនួនដែលមានអាយុចន្លោះ 6 ខែ និង 5 ឆ្នាំ មានសិទ្ធិទទួលបានការចាក់វ៉ាក់សាំង ប្រសិនបើពួកគេ៖
- មានប្រព័ន្ធការពាររាងកាយខ្សោយ
- មានពិការភាព
- មានស្ថានភាពសុខភាពច្រើន។
វ៉ាក់សាំងថ្មីប្រឆាំងមេរោគពីរផ្សេងគ្នា កំណត់គោលដៅលើទម្រង់បំប្លែង Omicron អាចរកបានជាដូសជំរុញសម្រាប់មនុស្សគ្រប់រូបដែលមានអាយុ 18 ឆ្នាំ និងអាយុលើសនេះ។
សូមនិយាយជាមួយ GP អំពីចំនួនដូស ហើយវ៉ាក់សាំងមួយណាដែលត្រូវបានណែនាំសម្រាប់អ្នក និងកូនរបស់អ្នក។ សម្រាប់ព័ត៌មានបន្ថែម សូមចូលមើល ។
ក្រោយការចាក់វ៉ាក់សាំងរបស់អ្នក
អ្នកអាចមានផលប៉ះពាល់មួយចំនួនដូចជា ការឈឺនៅកន្លែងម្ជុលចាក់ ការអស់កម្លាំង ការឈឺសាច់ដុំ គ្រុនក្ដៅ ឬគ្រុនរងារ និងការឈឺសន្លាក់។ ផលប៉ះពាល់គឺធម្មតា ហើយជាសញ្ញាថាវ៉ាក់សាំងកំពុងដំណើរការ។ ជាធម្មតាផលប៉ះពាល់ទាំងនេះគឺស្រាល ហើយបាត់ទៅវិញបន្ទាប់ពីមួយថ្ងៃ ឬពីរថ្ងៃ។
ផលប៉ះពាល់ធ្ងន់ធ្ងរគឺកម្រណាស់។ សូមទាក់ទងជាមួយវេជ្ជបណ្ឌិតរបស់អ្នក ប្រសិនបើអ្នកព្រួយបារម្ភ ឬប្រសិនបើផលប៉ះពាល់ណាមួយមិនបានបាត់ទៅវិញ ក្រោយពីរបីថ្ងៃទេ។
អំពីវ៉ាក់សាំង COVID-19
វ៉ាក់សាំងទាំងអស់ត្រូវតែបំពេញតាមស្តង់ដារសុវត្ថិភាពតឹងរ៉ឹងដែលកំណត់ដោយ រដ្ឋបាលគ្រប់គ្រងលើទំនិញទាក់ទងនឹងការព្យាបាលអូស្ត្រាលី (Australian Therapeutic Goods នៅមុនពេលវ៉ាក់សាំងទាំងនោះអាចត្រូវបានប្រើប្រាស់នៅក្នុងប្រទេសអូស្ត្រាលី។ វ៉ាក់សាំងទាំងនោះត្រូវបានគ្រប់គ្រងដោយគ្រូពេទ្យសុខភាពដែលមានគុណសម្បត្តិ។
នៅក្នុងប្រទេសអូស្ត្រាលី មានវ៉ាក់សាំងចំនួន 4 ប្រភេទ ដែលអាចរកបាន ហើយបានត្រូវអនុម័តឱ្យប្រើប្រាស់៖
- វ៉ាក់សាំងម៉ាក Pfizer
- វ៉ាក់សាំងម៉ាក Moderna
- វ៉ាក់សាំងម៉ាក Novavax
- វ៉ាក់សាំងម៉ាក AstraZeneca
មនុស្សអាចចាក់វ៉ាក់សាំងខុសៗគ្នា ផ្អែកលើអាយុ និងស្ថានភាពផ្នែកវេជ្ជសាស្ត្ររបស់ពួកគេ។ សូមនិយាយជាមួយ GP ដើម្បីស្វែងយល់ថាវ៉ាក់សាំងមួយណាដែលត្រឹមត្រូវសម្រាប់អ្នក។
Reviewed 09 December 2022