vic_logo
coronavirus.vic.gov.au

കൊവിഡ്-19 വാക്‌സിൻ (COVID-19 vaccine) - മലയാളം (Malayalam)

കൊവിഡ്-19 വാക്‌സിൻ വിതരണവും സുരക്ഷയും - വിശദാംശങ്ങൾ

നിങ്ങൾക്ക് ആശങ്കയുണ്ടെങ്കിൽ കൊറോണവൈറസ് (COVID-19) ഹോട്ട്ലൈനിൽ വിളിക്കുക 1800 675 398 (24 മണിക്കൂറും).
നിങ്ങൾക്ക് പരിഭാഷകനെ ആവശ്യമുണ്ടെങ്കിൽ TIS National നെ വിളിക്കുക. നമ്പർ 131 450.
അടിയന്തരമായ സാഹചര്യങ്ങളിൽ മാത്രം Triple Zero (000) വിളിക്കുക.

നിങ്ങൾ അറിഞ്ഞിരിക്കേണ്ട കാര്യങ്ങൾ

  • 40 വയസ്സും മുകളിലും പ്രായമുള്ള എല്ലാവർക്കും ഇപ്പോൾ COVID-19 വാക്‌സിനേഷൻ സ്വീകരിക്കാം.
  • 40 വയസ്സിന് താഴെ പ്രായമുള്ള ചിലർക്ക് ഇപ്പോൾ അർഹതയുണ്ട്, ഉദാഹരണത്തിന്:
    • ജോലിചെയ്യുന്ന സാഹചര്യങ്ങൾ കാരണം COVID-19 രോഗബാധക്ക് സാധ്യത കൂടുതലുള്ളവർ ഇതിൽപ്പെടുന്നു. ആരോഗ്യ രംഗത്ത് ജോലി ചെയ്യുന്നവർ, ഡിസബിലിറ്റി കെയർ കൂടാതെ ഏജ്‌ഡ്‌ കെയർ ജീവനക്കാർ, അടിയന്തര സേവനം ഒരുക്കുന്ന ജീവനക്കാർ, ഹോട്ടൽ ക്വാറന്റൈൻ തൊഴിലാളികൾ, എയർപോർട്ട് തൊഴിലാളികൾ, തുറമുഖ തൊഴിലാളികൾ എന്നിവർ ഇതിന് ഉദാഹരണമാണ്.
    • COVID-19 രോഗബാധ ഉണ്ടായാൽ രോഗാവസ്ഥ ഗുരുതരമാകാൻ സാധ്യതയുള്ളവർ, ഉദാഹരണത്തിന് ഡിസബിലിറ്റി അല്ലെങ്കിൽ ആരോഗ്യ സംബന്ധമായ കാരണങ്ങളാൽ.
    • COVID-19 രോഗം ബാധിക്കാൻ സാധ്യത കൂടുതൽ ഉള്ളവരെയും രോഗം ബാധിച്ചാൽ ഗുരുതരമാകാൻ സാധ്യതയുള്ളവരെയും പരിചരിക്കുന്നവർ അല്ലെങ്കിൽ അവർക്കൊപ്പം ജീവിക്കുന്നവർ അല്ലെങ്കിൽ അവർക്കൊപ്പം ജോലി ചെയ്യുന്നവർ ഇതിൽ ഉൾപ്പെടുന്നു. ഡിസബിലിറ്റി രംഗത്തെ കെയറർമാർ, ഹോട്ടൽ ക്വാറന്റൈനിലോ അതിർത്തിയിലോ ജോലി ചെയ്യുന്നവരുടെ കുടുംബാംഗങ്ങൾ ഇതിന് ഉദാഹരണമാണ്.
    • ആർക്കെല്ലാം വാക്‌സിനേഷൻ സ്വീകരിക്കാം എന്നതിന്റെ പൂർണ്ണ പട്ടിക ഇവിടെ ലഭ്യമാണ്.
  • 60 വയസ്സും മുകളിലും പ്രായമുള്ളവർക്ക് AstraZeneca വാക്‌സിൻ സ്വീകരിക്കാം.
  • 60 വയസ്സിന് താഴെ പ്രായമുള്ളവർക്ക് Pfizer വാക്സിൻ സ്വീകരിക്കാം.
  • COVID-19 വാക്‌സിൻ എല്ലാവർക്കും സൗജന്യമാണ്. നിങ്ങൾക്ക് വാക്‌സിനേഷനായി Medicare കാർഡ് ആവശ്യമില്ല.
  • വാക്‌സിനേഷൻ സ്വീകരിക്കുക എന്നത് നിങ്ങൾ സ്വമേധയാ എടുക്കേണ്ട തീരുമാനമാണ്. വാക്‌സിനേഷൻ എടുക്കാനായി നിങ്ങൾക്ക് തീരുമാനിക്കാം.
  • COVID-19 വാക്‌സിനേഷൻ ഫലപ്രദമാകണമെങ്കിൽ ഒരേ വാക്‌സിന്റെ രണ്ട് ഡോസ് (കുത്തിവയ്പ്പ്) സ്വീകരിക്കേണ്ടതുണ്ട്.
  • ആദ്യ ഡോസ് ലഭിക്കുമ്പോൾ അടുത്ത ഡോസ് എപ്പോൾ എടുക്കണമെന്നുള്ള വിവരം നിങ്ങളെ അറിയിക്കും.
  • വാക്‌സിൻ സുരക്ഷിതമാണോ എന്ന് ഉറപ്പാക്കുന്നതിനുള്ള എല്ലാ പരിശോധനകൾക്കും ശേഷമാണ് ഓസ്‌ട്രേലിയയിൽ വാക്‌സിനുകൾ ഉപയോഗിക്കാനുള്ള അനുമതി നൽകുന്നത്.
  • നിങ്ങളുടെ ആരോഗ്യത്തെക്കുറിച്ചോ അല്ലെങ്കിൽ കൊവിഡ്-19 വാക്‌സിനെക്കുറിച്ചോ നിങ്ങൾക്ക് ആശങ്കയുണ്ടെങ്കിൽ നിങ്ങളുടെ ഡോക്ടറുമായി സംസാരിക്കുക.

നിങ്ങൾ എന്തുകൊണ്ട് വാക്‌സിൻ എടുക്കണം

കൊവിഡ്-19 വാക്‌സിൻ എടുക്കുന്നതിന്റെ പ്രസക്തി:

  • കൊവിഡ്-19 രോഗം ബാധിക്കുന്നതിനുള്ള സാധ്യത കുറക്കുന്നു
  • കൊവിഡ്-19 രോഗബാധ ഗുരുതരമാകുന്നതിനുള്ള സാധ്യത കുറക്കുന്നു
  • നിങ്ങളുടെ സുഹൃത്തുക്കളുടെയും, കുടുംബത്തിന്റെയും കൂടാതെ സമൂഹത്തിന്റെയും സുരക്ഷക്കായി സഹായിക്കുന്നു.

ഭൂരിഭാഗം ആളുകളും വാക്‌സിനേഷൻ സ്വീകരിച്ചാൽ COVID-19 വൈറസ് വേഗത്തിൽ പടരില്ല. വാക്‌സിനേഷൻ സ്വീകരിക്കാൻ കഴിയാത്തവരെയും ഇത് സംരക്ഷിക്കും.

വാക്‌സിൻ സുരക്ഷ

  • കൊവിഡ്-19 വാക്‌സിനുൾപ്പെടെ എല്ലാ വാക്‌സിനുകളും ഓസ്‌ട്രേലിയയിൽ ഉപയോഗിക്കുന്നതിന് മുൻപ് Australian Therapeutic Goods Administration ന്റെ ഗുണനിലവാരം ഉറപ്പാക്കുന്നതിനുള്ള കർശനമായ സുരക്ഷാ പരിശോധന പൂർത്തിയാക്കണം.
  • അംഗീകൃത ആരോഗ്യ പ്രവർത്തകരാണ് നിങ്ങൾക്ക് വാക്‌സിനേഷൻ നൽകുക.
  • എല്ലാ വാക്‌സിനേഷനും പോലെ, COVID-19 വാക്‌സിനേഷൻ സ്വീകരിച്ച ശേഷവും സാധാരണയായി കാണുന്ന പാർശ്വഫലങ്ങൾ ചിലർക്ക്അനുഭവപ്പെടാം. താഴെ പറയുന്നവ ഇതിൽ ഉൾപ്പെടാം:
    • കുത്തിവയ്ച്ച സ്ഥലത്ത് വേദന
    • ക്ഷീണം
    • പേശിവേദന
    • തലവേദന
    • പനിയും വിറയലും
    • സന്ധിവേദന.

വാക്‌സിനേഷൻ സ്വീകരിക്കുന്നതിന് മുൻപ് ഇതിന്റെ വിശദാംശങ്ങൾ വായിക്കുക:

COVID-19 സ്വീകരിച്ച ശേഷമുള്ള പാർശ്വഫലങ്ങളെക്കുറിച്ച് കൂടുതൽ വിവരങ്ങൾ ഇവിടെ ലഭ്യമാണ്:

COVID-19 വാക്‌സിനേഷനെക്കുറിച്ച് നിങ്ങൾക്ക് എന്തെങ്കിലും ആശങ്കയുണ്ടെങ്കിൽ നിങ്ങളുടെ ഡോക്ടറോട് സംസാരിക്കുക.

എത്രമാത്രം ഫലപ്രദം

ലക്ഷകണക്കിന് ആളുകൾ ലോകമെമ്പാടും വാക്‌സിനേഷൻ സ്വീകരിച്ചതിൽ നിന്ന്, വാക്‌സിനേഷൻ നമ്മളെ എത്രമാത്രം സുരക്ഷിതമാക്കുന്നുഎന്ന കാര്യത്തിൽ കൂടുതൽ അറിവ് നേടാൻ കഴിഞ്ഞിട്ടുണ്ട്. ഏറ്റവും പുതിയ പഠനങ്ങളുടെ അടിസ്ഥാനത്തിലാണ് താഴെ കൊടുത്തിരിക്കുന്നവിവരങ്ങൾ തയ്യാറാക്കിയിരിക്കുന്നത്. വലിയൊരു ശതമാനം ആളുകൾ COVID-19 വാക്‌സിനേഷൻ സ്വീകരിച്ചിട്ടുള്ള സമൂഹങ്ങളിൽ നിന്നുള്ളപഠനങ്ങളും ഇതിൽ ഉൾപ്പെടുന്നു.

COVID-19 രോഗബാധ ഉണ്ടാകുന്നതിൽ നിന്ന് AstraZeneca വാക്‌സിൻ നിങ്ങളെ സംരക്ഷിക്കുന്നു.

  • പന്ത്രണ്ട് ആഴ്ച എന്ന ഇടവേള പാലിച്ചുകൊണ്ട് രണ്ട് ഡോസ് വാക്‌സിൻ സ്വീകരിച്ചവർക്ക്, COVID-19 മൂലംരോഗാവസ്ഥയിലാകുന്നതിനുള്ള സാധ്യത 90 ശതമാനത്തോളം കുറയുന്നു.
  • ആദ്യ ഡോസ് സ്വീകരിച്ച ശേഷം നിങ്ങൾ COVID-19 മൂലം ആശുപത്രിയിൽ അഡ്മിറ്റാവാനുള്ള സാധ്യത 90 ശതമാനത്തിലധികംകുറയുന്നു.

COVID-19 രോഗബാധ ഉണ്ടാകുന്നതിൽ നിന്ന് Pfizer വാക്‌സിൻ നിങ്ങളെ സംരക്ഷിക്കുന്നു.

  • 21 ദിവസങ്ങളുടെ ഇടവേള പാലിച്ചുകൊണ്ട്, രണ്ട് ഡോസ് വാക്‌സിൻ സ്വീകരിക്കുന്നവർ, COVID-19 മൂലം രോഗാവസ്ഥയിലാകുന്നതിനുള്ളസാധ്യത 95 ശതമാനത്തോളം കുറയുന്നു.
  • ആദ്യ ഡോസ് സ്വീകരിച്ച ശേഷം നിങ്ങൾ COVID-19 മൂലം ആശുപത്രിയിൽ അഡ്മിറ്റാവാനുള്ള സാധ്യത 80 ശതമാനത്തിലധികംകുറയുന്നു.

COVID-19 വാക്‌സിനുകളിൽ എന്താണ് അടങ്ങിയിരിക്കുന്നത്

താഴെ പറയുന്നവ Pfizer വാക്‌സിനിലും AstraZeneca വാക്‌സിനിലും അടങ്ങിയിട്ടില്ല:

  • പാൽ
  • മുട്ട
  • ലാറ്റക്സ്
  • പന്നി ഇറച്ചിയോ അല്ലെങ്കിൽ അതിൽ നിന്നുള്ള ഉത്പ്പന്നങ്ങളോ (ഉദാഹരണത്തിന് പോർക്ക് ജെലാറ്റിൻ)

നിങ്ങൾക്ക് വാക്‌സിനേഷൻ എപ്പോൾ സ്വീകരിക്കാം

താഴെ പറയുന്നവർക്ക് ഇപ്പോൾ വാക്‌സിനേഷൻ സ്വീകരിക്കാം:

  • നാല്പത് വയസ്സും മുകളിലും പ്രായമുള്ളവർ
  • ഹോട്ടൽ ക്വാറന്റൈൻ ജോലിക്കാരും അതിർത്തി തൊഴിലാളികളും
  • ഹോട്ടൽ ക്വാറന്റൈൻ ജോലിക്കാരുടെയും അതിർത്തി തൊഴിലാളികളുടെയും വീട്ടിൽ ഉള്ളവർ
  • ആരോഗ്യ പ്രവർത്തകർ
  • ഏജ്‌ഡ്‌ കെയറിൽ ജോലി ചെയ്യുന്നവരും താമസിക്കുന്നവരും
  • ഡിസബിലിറ്റി കെയർ ജോലിക്കാരും താമസക്കാരും
  • അന്തർലീനമായ ആരോഗ്യ പ്രശ്നങ്ങൾ ഉള്ള പതിനാറിനും മുകളിലും പ്രായമുള്ളവർ
  • പ്രായപൂർത്തിയായിട്ടുള്ളവരിൽ ഗൗരവമായ ഭിന്നശേഷിക്കാർ
  • നാഷണൽ ഡിസബിലിറ്റി ഇൻഷുറൻസ് സ്കീമിൽ (NDIS) പങ്കാളികളായ ഭിന്നശേഷിക്കാർ
  • വാക്‌സിനേഷൻ വിതരണ പദ്ധതിയുടെ ഘട്ടം 1a, 1b എന്നിവയിൽ അർഹതയുള്ള വ്യക്തികളുടെ കെയറർമാർ (ശമ്പളം ലഭിക്കുന്നവരുംഅല്ലാത്തവരും), അല്ലെങ്കിൽ പ്രത്യേക ആരോഗ്യ പ്രശ്‍നങ്ങൾ ഉള്ള കുട്ടികളെ നോക്കുന്ന കെയറർമാർ - കൂടുതൽ വിവരങ്ങൾക്കായി COVID-19 വാക്‌സിനേഷൻ പദ്ധതിയുടെ ഘട്ടം 1b സന്ദർശിക്കുക.
  • ഡിസബിലിറ്റി രംഗത്തും ഏജ്‌ഡ്‌ കെയറിലും സഹായിക്കുന്ന ചില വോളന്റീയർമാർ - കൂടുതൽ വിവരങ്ങൾക്കായി COVID-19 വാക്‌സിനേഷൻപദ്ധതിയുടെ ഘട്ടം 1b സന്ദർശിക്കുക.
  • താഴെ പറയുന്നവർ ഉൾപ്പെടെ, രോഗം ബാധിക്കാൻ സാധ്യത കൂടുതലുള്ള രംഗങ്ങളിലും നിർണ്ണായക മേഖലകളിലും നിലവിൽ ജോലിചെയ്യുന്നവർ:
    • സായുധ സേനാ വിഭാഗത്തിൽ ജോലി ചെയ്യുന്നവർ
    • പോലീസ്, അഗ്നിശമന രംഗം, അടിയന്തര വിഭാഗത്തിലെ തൊഴിലാളികൾ
    • ഇറച്ചി, സീഫുഡ് പ്രോസസ്സിംഗ് തൊഴിലാളികൾ
  • കൂടുതൽ തൊഴിൽ മേഖലകളിൽപ്പെട്ടവരെ വിക്ടോറിയൻ സർക്കാർ ഉൾപ്പെടുത്തിയിട്ടുണ്ട്:
    • കമ്മ്യുണിറ്റി കറക്ഷൻ സ്റ്റാഫ് ഉൾപ്പെടെ കറക്റ്റീവ് ആൻഡ് ഡിറ്റെൻഷൻ സേവനങ്ങളിലെ ജീവനക്കാർ
    • സപ്പോർട്ടഡ് റെസിഡൻഷ്യൽ സേവനങ്ങൾ പോലുള്ള ഹൈ റിസ്ക് അല്ലെങ്കിൽ അപകട സാധ്യത കൂടുതലുള്ള താമസസൗകര്യങ്ങളിൽ ജോലി ചെയ്യുന്നവർ
    • പൊതുജനങ്ങളുമായി ഇടപെടേണ്ടി വരുന്ന പൊതുഗതാഗത രംഗത്തെ ഡ്രൈവർമാരും തൊഴിലാളികളും
    • ഊബർ പോലുള്ള റൈഡ് ഷെയർ കൂടാതെ ടാക്സി ഡ്രൈവർമാർ
    • രാജ്യാന്തര തുറമുഖങ്ങളിൽ അല്ലെങ്കിൽ വിമാനത്താവളങ്ങളിൽ ജോലി ചെയ്യുന്നവർ
  • COVID-19 ബാധിക്കാൻ സാധ്യതയുള്ളവർ അല്ലെങ്കിൽ രോഗാവസ്ഥ ഗുരുതരമാകാൻ സാധ്യതയുള്ളവർ, ഉദാഹരണത്തിന്:
    • ഭവനരഹിതർ, തെരുവിൽ ഉറങ്ങുന്നവർ അല്ലെങ്കിൽ അടിയന്തര താമസസൗകര്യങ്ങളിൽ കഴിയുന്നവർ
    • മദ്യപാനത്തിനും മയക്കുമരുന്നിനും ചികിത്സാ സേവനങ്ങൾ സ്വീകരിക്കുന്നവർ
    • മാനസിക ആരോഗ്യ കേന്ദ്രങ്ങളിൽ താമസിച്ചുകൊണ്ട് ശുശ്രൂഷ സ്വീകരിക്കുന്നവർ
    • ഹൈ റൈസ്, ലോ റൈസ് പബ്ലിക് ഹൗസിംഗിൽ താമസിക്കുന്നവർ, സപ്പോർട്ടഡ് റെസിഡൻഷ്യൽ സേവനങ്ങൾ ഉപയോഗിക്കുന്നവർ,കമ്മ്യുണിറ്റി ഹൗസിംഗിൽ താമസിക്കുന്നവർ, മറ്റുള്ളവരുമായി പങ്കിടുന്ന താമസസൗകര്യം ഉപയോഗിക്കുന്നവർ
    • കസ്റ്റഡിയിലുള്ള തടവുകാരും തിരുത്തൽ കേന്ദ്രങ്ങളിൽ തടവിൽ കഴിയുന്നവരും
  • ഓസ്‌ട്രേലിയൻ സർക്കാരിൽ നിന്ന് യാത്രാ നിയന്ത്രണങ്ങളിൽ ഇളവ് ലഭിച്ചതിന് ശേഷം ഓസ്‌ട്രേലിയയിൽ നിന്ന് യാത്രക്കൊരുങ്ങുന്നവർക്ക്
  • COVID-19 വാക്‌സിനേഷന്റെ ആദ്യ ഡോസ് സ്വീകരിച്ചവർക്ക് രണ്ടാമത്തെ ഡോസ് ശരിയായ സമയത്ത് തന്നെ സ്വീകരിക്കാം (വിദേശത്ത്നിന്നും മറ്റ് സംസ്ഥാനങ്ങളിൽ നിന്നും തിരിച്ചെത്തിയവർക്കും ബാധകം). വാക്‌സിൻ വിതരണ പദ്ധതിയിലെ ഏത് ഘട്ടത്തിലാണ് ഇവരെന്നത്ഈ സാഹചര്യത്തിൽ പ്രശ്നമല്ല.

COVID-19 വാക്‌സിനേഷൻ എവിടെയാണ് സ്വീകരിക്കാൻ കഴിയുക

അർഹതയുള്ളവർക്ക് താഴെ പറയുന്ന കേന്ദ്രങ്ങളിൽ നിന്ന് വാക്‌സിൻ സ്വീകരിക്കാനായി അപ്പോയ്ന്റ്മെന്റ് എടുക്കാം:

  • ജിപി കേന്ദ്രങ്ങൾ (ഡോക്ടർമാർ)
  • സാമൂഹിക ആരോഗ്യ കേന്ദ്രങ്ങൾ
  • അബൊറിജിനൽ സമൂഹത്തിന്റെ നിയന്ത്രണത്തിലുള്ള ആരോഗ്യ സേവനങ്ങൾ
  • ജനറൽ പ്രാക്ടീസ് റെസ്പിറേറ്ററി ക്ലിനിക്കുകൾ
  • വാക്‌സിനേഷൻ കേന്ദ്രങ്ങൾ.

നിങ്ങളുടെ ഡോക്ടർ COVID-19 വാക്‌സിനേഷൻ നൽകുന്നുണ്ടെങ്കിൽ നിങ്ങൾക്ക് വേണമെങ്കിൽ ഡോക്ടറിൽ നിന്ന് വാക്‌സിനേഷൻ സ്വീകരിക്കാം. നിങ്ങൾക്ക് താഴെ പറയുന്ന കാര്യങ്ങൾ ബാധകമാണെങ്കിൽ വാക്‌സിനേഷനെക്കുറിച്ച് നിങ്ങളുടെ ഡോക്ടറുമായി സംസാരിക്കുക:

  • മുൻപുള്ള ഒരു ആരോഗ്യ പ്രശ്നം
  • ചോദ്യങ്ങൾ ഉണ്ടെങ്കിൽ അല്ലെങ്കിൽ വാക്‌സിനേഷൻ എടുക്കുന്നതിൽ ആശങ്കയുണ്ടെങ്കിൽ.

COVID-19 വാക്‌സിനേഷനായി എങ്ങനെ അപ്പോയ്ന്റ്മെന്റ് എടുക്കാം

COVID-19 വാക്‌സിനേഷൻ സ്വീകരിക്കുന്നതിനായി ബുക്ക് ചെയ്യുന്നതിന് പല മാർഗ്ഗങ്ങൾ ഉണ്ട്.

60 വയസ്സിന് മുകളിൽ പ്രായമുള്ളവർക്ക്

  • നിങ്ങളുടെ അടുത്തുള്ള ജിപി കേന്ദ്രത്തിൽ അല്ലെങ്കിൽ ആരോഗ്യ പരിപാലന കേന്ദ്രത്തിൽ ബുക്ക് ചെയ്യാം.
  • 1800 675 398 എന്ന നമ്പറിൽ വിളിച്ച് ഒരു വാക്‌സിനേഷൻ കേന്ദ്രത്തിൽ ബുക്ക് ചെയ്യാം. പരിഭാഷകനെ ആവശ്യമെങ്കിൽ 0 അമർത്തുക.
  • ബുക്കിംഗ് ഇല്ലാതെ നേരിട്ട് ചെല്ലുന്നത് ചില വാക്‌സിനേഷൻ കേന്ദ്രങ്ങളിൽ അനുവദിക്കുന്നുണ്ട്. നിങ്ങൾ ബുക്കിംഗ് ഇല്ലാതെചെല്ലുകയാണെങ്കിൽ വാക്‌സിനേഷൻ നൽകുന്നതിന് പരിശീലനം ലഭിച്ചിട്ടുള്ള ഒരു അംഗീകൃത ഇമ്മ്യൂണൈസർക്കായി കാത്തിരിക്കേണ്ടിവന്നേക്കാം. ബുക്കിംഗ് ഇല്ലാതെ വാക്‌സിൻ കേന്ദ്രങ്ങളിലേക്ക് ചെല്ലുന്നത് അനുവദനീയമാണോ എന്നതും ഇവരുടെ പ്രവർത്തന സമയവുംഅതത് കേന്ദ്രങ്ങളുമായി മുൻകൂട്ടി പരിശോധിക്കുക.

60 വയസ്സിന് താഴെ പ്രായമുള്ളവർക്ക്

  • നിങ്ങൾക്ക് അപ്പോയ്ന്റ്മെന്റ് വേണമെങ്കിൽ 1800 675 398 എന്ന നമ്പറിൽ വിളിക്കുക. പരിഭാഷകനെ ആവശ്യമെങ്കിൽ 0 അമർത്തുക.
  • ബുക്കിംഗ് ഇല്ലാതെ നേരിട്ട് ചെല്ലുന്നത് ചില വാക്‌സിനേഷൻ കേന്ദ്രങ്ങളിൽ അനുവദിക്കുന്നുണ്ട്. നിങ്ങൾ ബുക്കിംഗ് ഇല്ലാതെചെല്ലുകയാണെങ്കിൽ വാക്‌സിനേഷൻ നൽകുന്നതിന് പരിശീലനം ലഭിച്ചിട്ടുള്ള ഒരു അംഗീകൃത ഇമ്മ്യൂണൈസർക്കായി കാത്തിരിക്കേണ്ടിവന്നേക്കാം. ബുക്കിംഗ് ഇല്ലാതെ വാക്‌സിൻ കേന്ദ്രങ്ങളിലേക്ക് ചെല്ലുന്നത് അനുവദനീയമാണോ എന്നതും ഇവരുടെ പ്രവർത്തന സമയവുംഅതത് കേന്ദ്രങ്ങളുമായി മുൻകൂട്ടി പരിശോധിക്കുക.

വിക്ടോറിയയിലെ വാക്‌സിനേഷൻ കേന്ദ്രങ്ങളെക്കുറിച്ചും പ്രവർത്തന സമയവും അറിയാൻ വാക്‌സിനേഷൻ കേന്ദ്രങ്ങൾ എന്ന ലിങ്ക്സന്ദർശിക്കുക.

വാക്‌സിനേഷൻ അപ്പോയിന്റ്‌മെന്റിന് എന്തെല്ലാം കൊണ്ടുവരണം

  • വാക്‌സിനേഷൻ കേന്ദ്രത്തിൽ മുഖത്ത് ഉറച്ചിരിക്കുന്ന മാസ്ക് ധരിക്കേണ്ടതുണ്ട്
  • ഫോട്ടോ പതിച്ച തിരിച്ചറിയൽ കാർഡ് (ഇതുണ്ടെങ്കിൽ)
  • Medicare കാർഡുണ്ടെങ്കിൽ കൊണ്ടുവരിക (Medicare കാർഡ് നിർബന്ധമല്ലെങ്കിൽ കൂടി)
  • Medicare കാർഡില്ലെങ്കിൽ ഇൻഡിവിജുവൽ ഹെൽത്ത്കെയർ ഐഡന്റിഫൈയർ നമ്പർ
  • നിങ്ങളുടെ തൊഴിൽ സാഹചര്യം കാരണം വാക്‌സിനേഷൻ സ്വീകരിക്കുകയാണെങ്കിൽ, തൊഴിലുടമയിൽ നിന്നുള്ള കത്ത് അല്ലെങ്കിൽഎംപ്ലോയീ ID കൊണ്ടുവരിക
  • നിങ്ങളുടെ ആരോഗ്യ സംബന്ധമായ ചരിത്രം, ഉദാഹരണത്തിന് അലെർജികളുടെ വിവരങ്ങൾ.

വളരെ അപൂർവമായി കാണുന്ന രക്തം കട്ടപിടിക്കൽ (പാർശ്വഫലം)

AstraZeneca വാക്‌സിന് അപൂർവമായി കാണുന്ന രക്തം കട്ടപിടിക്കുന്നതും കുറഞ്ഞ ബ്ലഡ് പ്ലേറ്റ്ലറ്റ് ലെവലും ഉണ്ടാകുന്ന പാർശ്വഫലവുമായിബന്ധമുണ്ട്. ഇതിനെ ത്രോംബോസിസ് വിത്ത് ത്രോംബോസൈറ്റോപീനിയ സിൻഡ്രോം (TTS) എന്നാണ് പറയുന്നത്.

വളരെ അപൂർവമായി കാണുന്ന രക്തം കട്ടപിടിക്കുന്ന പാർശ്വഫലം സംബന്ധിച്ച് ഓസ്‌ട്രേലിയൻ സർക്കാരിന്റെ ഏറ്റവും പുതിയ വിവരങ്ങൾവായിക്കുക.

പരിഭാഷ ചെയ്ത വിവരങ്ങൾ നിങ്ങളുടെ ഭാഷയിൽ

COVID-19 വാക്‌സിനേഷനായി എങ്ങനെ തയ്യാറെടുക്കാം

Pfizer വാക്‌സിൻ സംബന്ധിച്ചുള്ള വിവരങ്ങൾ അറിയാൻ

AstraZeneca വാക്‌സിൻ സംബന്ധിച്ചുള്ള വിവരങ്ങൾ അറിയാൻ

കൂടുതൽ വിവരങ്ങൾ

ഓസ്‌ട്രേലിയയുടെ വാക്‌സിനേഷൻ വിതരണ പദ്ധതിയെക്കുറിച്ച് കൂടുതൽ അറിയാൻ ഓസ്‌ട്രേലിയൻ സർക്കാർ വെബ്‌സൈറ്റ്സന്ദർശിക്കാവുന്നതാണ്.

കൂടുതൽ വിവരങ്ങൾ

ഓസ്‌ട്രേലിയൻ വാക്‌സിനേഷൻ പദ്ധതിയെക്കുറിച്ചുള്ള കൂടുതൽ വിവരങ്ങളും, വിതരണത്തിന്റെ വിശദാംശങ്ങളും ഓസ്‌ട്രേലിയൻ സർക്കാർ വെബ്‌സൈറ്റിൽ നിന്ന് (the Australian Government’s website) അറിയാം.

ആധികാരികമായ വിവരങ്ങളുടെ ലിങ്കുകൾ നിങ്ങളുടെ ഭാഷയിൽ.

സാമൂഹിക നേതാക്കൾക്കും മത നേതാക്കൾക്കുമുള്ള വിവരങ്ങൾ ഉൾപ്പെടുത്തിയ കിറ്റുകൾ.

Reviewed 23 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?