vic_logo
coronavirus.vic.gov.au

Vai huki puipui COVID-19 (COVID-19 vaccine) - Vagahau Niue (Niuean)

Tau fakailoaga hagao ke he tufatufaaga he vai huki COVID-19 mo e tau puhala puipui.

If you are concerned, call the coronavirus hotline 1800 675 398 (24 Hours).
If you need an interpreter, call TIS National on 131 450.
Please keep Triple Zero (000) for emergencies only.

Tau fakailoaaga kua lata ia koe ke iloa

  • Tau tagata oti ne kua 40 tau ki luga kua moua e fakaatāina ke oatu he magaaho nei mo e moua e huki fakagata ke lata mo e COVID-19.
  • Falu tagata ne lalo hifo he 40 tau kua fai tu-tonuhia foki, kaeke:
    • Kua putoia a koe ke he fufuta tagata ne kua tokoluga lahi haau a ligaliga ke moua e gagao COVID-19 ha ko e gahuaaga haau, tuga e tau tagata gahua he faahi malolo tino, faahi leveki tagata nakai katoatoa e malolo tino moe manamanatuaga mo e leveki e tau fuakau, gahua he emergency service, hotela toka tagata nofo-puipui pihia mo e malē vakalele mo e uaafo.
    • Tau tagata kua lahi e ligaliga ke gagao lahi kaeke ke moua he gagao COVID-19, tuga e tau tagata nakai katoatoa e malolo tino moe manamanatuaga poke falu a gagao fitā he lauia he tino.
    • Tau tagata ne nonofo, gahua mo e leveki atu kia lautolu ne kua tokoluga lahi e ligaliga ke gagao lahi kaeke ke moua e COVID-19, tuga e tau tagata leveki kia lautolu ne nakai katoatoa e maolo tino moe manamanatuaga mo lautolu ne nonofo he tau hotela ke he tau-puipuiaga mo lautolu e tau tagata gahua he tau katofia (boarder workers).
    • Ke kitia e tau fakamaumauaga huki kumi atu kehe Ko hai kua tonuhia ke moua e huki puipui.
  • Tau tagata 60 tau ki luga moua e vai-huki fakagata AstraZeneca
  • Tau tagata 60 tau ki lalo moua e vai-huki fakagata Pfizer
  • Nakai fai totogi e vai huki COVID-19 ke lata mo e tau tagata oti. Pihia foki a lautolu ne nakai fai Medicare card.
  • Ko e huki fakagata toka ni ke he fifiliaga he tagata ko e huki poke nakai huki.
  • Ko e laga-ua la e huki haau mai he taha he tau vai-huki COVID-19 ke moua e malolo katoa he vai ke puipui aki a koe.
  • Ka oti e huki fakamua haau, to talaatu he tagata huki ko e moua he mogo fē e huki ke lagaua aki,
  • Ko e tau vai huki oti kua fitā ni he tivi fakamakutu e tau pulotu ke kitia kua mitaki mooli e vai huki to moua e fakaatāaga ke fakaaoga i Osetalia nei.
  • Kaeke kua fai manatu tupetupe a koe ke he haau a malolo tino mo e vai huki COVID-19, tutala ke he haau a toketa ke moua falu a fakamaamaaga.

Ko e ha kua lata ia koe ke moua e huki puipui nei

Tau kakano hanei ati lata ai ke moua e huki COVID-19:

  • ke fakamatukutuku hifo haau a ligaliga ke moua he gagao COVID-19
  • puipui a koe ke ua tokelea lahi e gagao kaeke kua tolavea ke moua he gagao COVID-19
  • lagomatai puipui haau a tau kapitiga, magafaoa mo e tau tagata he maaga katoa.

Kaeke kua huki e puke tagata laulahi aki e huki fakagata nei, to nakai mukamuka ke pikitia viko e gagao COVID-19. Ko e tauteaga nei lagomatai atu foki e puipui kia lautolu ne kua nakai maeke ke moua e huki fakagata nei.

Ko e mitaki mooli nakai e vai huki

  • Ko e tau vai huki puipui gagao oti putoia ai foki e vai huki COVID-19, ko e moua la e maopoopoaga katoatoa mo e taliaga mai he Australian Therapeutic Goods Administration, to maeke laia ke fakaaoga i Osetalia.
  • To huki he tagata gahua kua pulotu ke he tau faga-gahua pehē nei mai he faahi malolo tino a koe.
  • Tuga ni e tau vai huki fakagata oti, to logona he falu a tagata falu a logonaaga gagao he magaaho ka oti ai e huki fakagata ke lata mo e COVID-19. Ko e tau fakamailoga nei:
    • mamahi e mata-huki
    • logona e lolelole ke he tino
    • mamahi e tau fua leke-pule poke tau alaga tino
    • mamahi poke malialia po e ulu
    • fiva mo e muli-makalili
    • joint pain.
    • mamahi e tau fatia tino

Totou fakamua e tau fakamaamaaga hagao ke he vai-huki to moua haau a huki fakagata:

Mae falu a fakamaaamaaga laulahi ke lata mo e tau logonaaga lafi ki luga (side effects) ka oti e huki fakagata he vai-huki COVID-19 kumi atu:

Kaeke kua fai manatu tupetupe a koe hagao ke he vai-huki fakagata COVID-19, kua lata ia koe ke fai fakatutalaaga mo e haau a toketa.

Gahua-mooli

Kua loga e miliona tagata he lalolagi katoa ne kua moua e huki fakagata nei, ati maeke ai ke hokulo e tau maamaaga ke he gahuahuaaga he vai-huki ke puipui aki a tautolu oti. Ko e tau folafolaaga na i lalo ko e tau fakavēaga mai he tau kumikumiaga foou, lalafi foki e tau kumikumiaga ki loto he tau maaga ne kua fitā e tokologa e tau tagata kua moua ai e vai huki fakagata ke lata mo e COVID-19.

AstraZeneca ko e vai-huki fakagata ke puipui aki a koe ke papale atu ke he COVID-19.

  • Ka moua ua e tau vai-huki, 12 e faahi-tapu he vahaloto he huki-mua mo e huki ke ua-aki, to malikiti hake ke he 90 e pasene e nakai ligaliga ke gagao a koe he moko COVID-19
  • Ka oti e huki-mua, kua 90 tei pasene haau he ligaliga to nakai toka he fale-gagao a koe ka moua e gagao COVID-19.

Pfizer ko e vai-huki fakagata ke puipui aki a koe ke papale atu ke he COVID-19.

  • Ka moua ua e tau vai-huki, vahaloto he 21 e aho he vehā, kua 95 e pasene he ligaliga to nakai gagao a koe ke he moko COVID-19
  • Ka oti e huki-mua he vai-huki fakagata, kua molea e 80 pasene haau he ligaliga to nakai toka he fale-gagao ha ko e COVID-19.

Ko e heigoa-i-loto (ingredients) he vai-huki COVID-19

Ko e vai-huki Pfizer mo e AstraZeneca nakai hāhā i ai e tau mena nei:

  • Huhu
  • Fufua moa
  • Huhua tuga e huhu ne moua mai he falu a akau
  • Vala puaka poke ha mena taute aki e vala puaka (tuga e gelatine).

Ko e mogo fe ke moua e koe e vai-huki fakagata

Ko lautolu hanei kua maeke ke moua e vai-huki puipui COVID-19 he magaaho nei:

  • Tau tagata ne kua 40 e tau moui ki luga
  • Tau tagata gahua he tau hotela ne nonofo he tau tagata nofo-puipui
  • Lautolu ne nonofo he taha e kaina mo lautolu ne gahua he tau hotela ne nonofo e tau tagata nofo-puipui
  • Tau tagata ne gahua he tau fale leveki ke he tau tagata gagao
  • Tau tagata ne gahua mo e nonofo he tau fale ne toka ai e tau fuakau
  • Tau tagata ne leveki mo e nonofo he tau fale ne toka e tau tagata nakai katoatoa e tau tino moe tau manamanatuaga
  • Tau tagata 16 tau moui mo e molea ki luga ne fai gagao tuai he tino
  • Tau tagata lalahi ne fai ukiuki e tino
  • Tau tagata ne fai gagao nakai katoatoa e manamanatuaga mo e tino ne fae fakaaoga e National Disability Insurance Scheme (NDIS)
  • Tau tagata leveki (totogi mo e gahua noa)ke he falu ne kua fai tu-tonuhia lalo-hifo he Phase 1a mo e 1b, poke tau fanau ne fai gagao kua kehē (specified medical condition) fakakia e polokalame vai-huki COVID-19 Phase 1b ke moua falu fakamaamaaga lafi ki luga
  • Tau tagata gahua noa ne leveki ke he falu a tagata ne nakai katoatoa e manamanatuaga poke tino, poke tau mamatua fuakau – fakakia e polokalame vai-huki COVID-19 Phase 1b ke moua falu fakamaamaaga lafi ki luga
  • Tau tagata gahua ne gahua he tau faahi gahua kua tokoluga lahi e ligaliga ke pikitia mai he falu tuga a lautolu nei:
    • o lautolu ne gahua ke leveki e mafola he motu nei (defence force)
    • o tau leoleo, lautolu e tau tamate-afi, lautolu ne oatu mafiti ke lagomatai a lautolu kua tupu e matematekelea lahi ki ai (emergency workers)
    • o Tau tagata gahua he tau fale tavili he tau vala manu mo e tau kai moana.
  • Kua hafagi he Fakatufono Victoria ke putoia ai foki a lautolu he tau faahi gahua nei:
    • lautolu ne gahua he tau fale puipui oti he tau faahi kehekehe
    • tau tagata gahua he tau high-risk accommodation ne gahua taute fekau he tau kaina nonofo he falu tagata
    • tau tagata fakaholo e tau peleo afi lau pasese mo lautolu ne gahua he tau peleo nei I mua he tau putuputu tagata
    • tau tagata fakaholo he tau motoka lau pasese tuga e ride share mo e tekesi
    • tau tagata gahua he tau gahua tatali atu ke he tau tagata o fenoga mai he tau motu kehe (international ports).
  • Tau tagata ne kua tokoluga lahi e hagahaga kelea kaeke kua to-lavea ke moua e gagao COVID-19, tuga a lautolu nei:
    • lautolu ne nakai fai kaina ke nonofo ai, lautolu ne momohe he tau kala puhala tu mo e nakai hagahaga mitaki e tau momoheaga, mo lautolu i loto he tau fale emergency accomodation
    • lautolu fae moua lagomatai ha kua fakaaoga fakahanoa e tau tegavai-kona (drugs) mo e kava
    • tau tagata ne nonofo he tau fale ke lata mo lautolu kua nakai hakohako e tau manamanatuaga (ulu-heketia)
    • tau tagata nonofo he tau kaina fakaeneene lahi tuga lautolu he tau fale tokoluga public housing, supported residental services, fale fakaaoga auloa he maaga, fale foaki tau poko momohe ke falu tagata mae falu foki
    • tau pagotā he tau fale puipui
  • Tau tagata ne kua moua e fakaatāaga mai he Fakatufono Osetalia ke maeke ke o kehe mai i Osetalia
  • Tau tagata ne kua fitā e moua e huki-fakamua he vai-huki fakagata COVID-19 (putoia ai foki e tau tagata ne liliu mai he falu a maaga i Osetalia poke tau motu kehe) kua maeke ke moua e huki keua-aki he magaaho kua lata ai he vahaloto he tau huki ne ua nakai fai kaupaaga ko e lakaaga fe ne kua nofo ai

Fano ke moua i fē haau a vai-huki fakagata COVID-19

Kaeke kua tu-tonuhia a koe, hea ke fakamau taha aponimene ma haau he:

  • Toketa poke kiliniki fa mahani a koe ki ai
  • Community Health Services
  • Aboriginal Community Controlled Health Services
  • General Practice Respiratory Clinics
  • Fonua fae taute ai e tau huki fakagata

Maeke a koe ke moua e huki fakagata he haau a toketa ka manako a koe ke pihia mo e maeke he toketa haau ke atu e huki fakagata COVID-19, Kua lata tonu ia koe ke fai fakatutalaaga mo e toketa haau kaeke kua pehe a koe:

  • fai gagao atu foki kua leva e haofia ke he haau a tino
  • ka fai hūhū poke tau manatu maimainā a koe hagao ke he vai-huki fakagata COVID-19.

Fakamau hifo fēfē haau a aponimene ke moua e vai-huki puipui COVID-19

Haē falu a puhala ke maeke ia koe ke fakamau hifo haau a aponimene ke moua e huki puipui COVID-19.

Mae tau tagata ne 60 tau moui ki luga

  • Fakamau haau a aponimene he toketa (GP) poke faahi malolo tino (health service) kua tata kia koe
  • Hea atu he numela 1800 675 398 ke fakamau ke he taha fonua ne huki e vai fakagata. Peehi e 0 kaeke manako a koe ke moua taha tagata fakaliliu ke he haau a vagahau motu
  • Kua fakaatā he falu a fonua ne huki e vai fakagata e falu tagata ke huhū atu ki loto pete ni e nakai fai aponimene. Kaeke kua hu atu pihia a koe, ligaliga fai magaaho a koe ke fakatali to atā taha pulotu huki ke huki a koe. Fakakia ko e tau fonua huki fe ne talia a lautolu ke hu atu kae nakai fai aponimene mo e tau magaaho hafagi

Mae tau tagata lalo hifo he 60

  • Kua lata ia koe ke fakamau haau aponimene hea e numela 1800 675 398. Peehi e 0 kaeke manako ke moua taha tagata fakaliliu ke he haau a vagahau
  • Kua fakaatā he falu a fonua ne huki e vai fakagata e falu tagata ke huhū atu ki loto pete ni e nakai fai aponimene. Kaeke kua hu atu pihia a koe, ligaliga fai magaaho a koe ke fakatali to atā taha pulotu huki ke huki a koe. Fakakia ko e tau fonua huki fe ne talia a lautolu ke hu atu kae nakai fai aponimene mo e tau magaaho hafagi

Mae falu a fakailoaaga laulahi hagao ke he tau fonua huki ha Victoria mo e tau tulā hafagi kumi atu ke he Tau fonua ke moua e huki.

Ko e heigoa ke tamai ka hau ke he aponimene huki haau

  • Tui e pa ihu ke malū haau a ihu mo e gutu he tau magaaho oti ko koe i loto he fonua huki
  • Tamai e photo ID haau, kaeke kua fai
  • Tamai e Medicare card, kaeke kua fai (pete ni nakai fai fakaogaaga e Medicare)
  • Numela Individual Healthcare Identifier, ka nakai fai Medicare card
  • Numela Gahua (Emplyee ID) poke tohi mai he haau a takitaki gahua, kaeke koe moua e huki puipui COVID-19 haau ha koe gahua ne gahua ai a koe
  • Folafolaaga hagao ke he medical history haau mua atu ke he tau mena kua nakai lata mo koe (allergies)

Falu lekua tupu-lavea (rare) tuli-teputepu e toto (blood clotting)

Fai kitiaaga e vai huki AstraZeneca mo e lekua tupu-lavea ko e tuli-teputepu toto, kua tuli-teputepu e toto mo e tokolalo lahi e totouaga he tau blood platelet. Ko e mena nei ne fakahigoa ko e Thrombosis with thrombocytopenia syndrome (TTS).

Totou e tau vala tala-foou ke he tau fakamaamaaga mai he Fakatufono Osetalia hagao ke he lekua tupu-lavea nei ka tuli-teputepu e toto (blood clotting side effects)

Tau fakamaumauaga mahuiga kua fakaliliu ke he Vagahau Niue

Ko e heigoa ke taute to moua haau a huki puipui COVID-19

Potaaga koloa pepa ke fakamaama ke lata mo e vai-huki Pfizer

Potaaga koloa pepa ke fakamaama ke lata mo e vai-huki AstraZeneca

Mae falu a fakailoaaga laulahi

Mae falu a fakamaamaaga laulahi he polokalame huki puipui ha Osetalia haia ki loto he Kupega Hila he Fakatufono Osetalia.

Mae falu a fakailoaaga laulahi

Tau fakailoaaga laulahi ke lata ia mo e polokalame vai huki ha Osetalia, lalafi atu mo e tau palana kua fakatoka ke lata mo e tufatufa he vai huki, haia ne tohia i loto he Australian Government’s website.

Tau fakamatutakiaga ke he falu a fakailoaga kua tohia ke he vagahau Niue

Tau fakailoaaga kua pota auloa ke lata mo e tau takitaki he tau maaga pihia foki mo e tau akoako

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?