vic_logo
coronavirus.vic.gov.au

د کرونا د ویروس لپاره واکسین (COVID-19 vaccine) - پشتو (Pashto)

د کرونا د ویروس (COVID-19) د واکسین د پیل او خوندیتوب په هکله معلومات

که تاسی اندیښنه لری، د coronavirus د هات لاین په شمیره 398 675 1800 (24 ساعته) ته زنګ ووهی.
که تاسی ترجمان ته اړتیا لری، TIS National ته په 131 450 زنګ ووهی.
مهربانی وکړی د دری صفر (000) شمیره یواځی اضطراری حالت لپاره وساتی.

هغه څه چې تاسې باید پرې پوه شی

  • د اسټرالیا د واکسین پروګرام به د ۲۰۲۱ کال د فبرورۍ په ۲۲ نیټه په ویکټوریا کې پیل شي.
  • د اسټرالیا د واکسین پروګرام په لومړۍ مرحله کې، زمونږ د ټولنې هغو خلکو ته چې له ډېرخطرسره مخامخ دي لومړیتوب ورکول شوئ، په شمول:
    • قرنطین او سرحدي(پولې) کارکوونکي، ټول هغه کارکوونکي چې د هوټل د قرنطین په پروګرام کې کار کوي، شامل دي
    • د روغتیایی پاملرنې د لومړۍ کرښې کارکوونکي چې په په خطرکې دي، په دې کې د روغتونونو کارکوونکي چې د کرونا د ویروس په مشکوکو څانګو (وارډونو) کې کار کوي شامل دي
    • د زړو خلکو او معیوبینو د پاملرنې کارکوونکي
    • د زړو خلکو او معیوبینو د پاملرنې په ځایونو کې مېشت خلک.
  • د پلي کولو یوه برخه دا ده چې د ویکټوریا دولت به د کرونا د ویروس (COVID-19) د واکسین اندازه (ډوزونه) د هوټل د قرنطین کارکوونکو، د هوایي ډګر کارکوونکو، د لومړۍ کرښې روغتیایي کارکوونکوته چې له ډېرخطر سره مخ دي، د مېشت عامه سکتوراود زړو خلکو د پاملرنې کار کوونکوته چې په هستوګنځي کې کار کوي د ۲۰۲۱ کال د فرورۍ د ۲۲ نیټې څخه ورورسوي.
  • د اسټرالیا حکومت مکلف دئ چې د خصوصي سکتورعمرلرونکوپاملرنې او معلولینو پاملرنې اوسېدونکو او کارمندانو ته واکسین چمتو کړي.
  • هر څومره چې د واکسین ډوزونه ډېرتولید شي، نو ډېرخلک به وکولای شي چې واکسین ترلاسه کړي. د اسټرالیا دولت غواړي چې په اسټرالیا کې ټول خلک د ۲۰۲۱ کال په درشل کې واکسین شي.
  • د کرونا د ویروس (COVID-19) واکسین د هرچا لپاره وړیا دئ.
  • تاسې د کرونا د ویروس (COVID-19) له یو ډول واکسین څخه دوه ډوزونو یا پیچکاریو ته اړتیا لرئ.
  • کله چې تاسې ته لومړی ډوز درکول شي، نو تاسې ته به د دوهم ډوزپه برخه کې چې څه وخت یې ترلاسه کولای شئ معلومات درکول شي.
  • ددې لپاره چې واکسین په بشپړ ډول اغېزه وکړي نو دا اړینه ده چې تاسې د واکسینو دوهم ډوز هم ترلاسه کړی.
  • ټول واکسینونه په خورا احتیاط سره ازمایل شوي ترڅو چې ډاډ ترلاسه شي چې هغوی خوندي دي مخکې له دې چې په اسټرالیا کې د کارولو لپاره منظور شي.
  • که تاسې د خپل صحت په اړه او یا د کرونا د ویروس (COVID-19) د واکسینو په اړه اندیښمن یاست، له خپل ډاکټر سره خبرې وکړئ.

ولې تاسې باید واکسین وکړئ

د کرونا د ویروس (COVID-19) واکسینو کول

  • د کرونا په ویروس (COVID-19) د ناروغۍ د اخته کېدوخطر کموي
  • که چېرې تاسې د کرونا په ویروس (COVID-19) اخته شی نو تاسې به له سختې ناروغۍ څخه وساتي.
  • ستاسې د ملګرو، کورنۍ او ټولنې په خوندي ساتلو کې مرسته کوي.

که چېرې اکثریت خلک واکسین شي، ویروس په آسانۍ سره نشي کولای چې خپور شي. دا هغه خلک هم خوندي ساتي چې نشي کولای واکسین شي.

د واکسینو خوندیتوب

  • ټول واکسینونه، د کرونا ویروس (COVID-19) د واکسین په ګډون، مخکې له دې چې په اسټرالیا کې وکارول شي باید د خوندیتوب له هغوټینګو معیارون بریالي تېر شي کوم چې د اسټرالیا د معالجوي اجناسو د ادارې په واسطه ټاکل شوي دي.
  • تاسې به د روغتیايي مسلکي کارکوونکو په وسیله واکسین شئ.
  • لکه ټول نور واکسینونه، ځینې خلک کیدای شي چې د کرونا ویروس (COVID-19) له واکسین څخه وروسته لږ جانبي عوارض تجربه کړي. دا هم په کې شامل دي چې:
    • په کوم ځای مو چې پیچکارۍ کړي وي په هغه ځای کې درد
    • تبه
    • د عضلاتو درد
  • که تاسې د واکسین په اړه کومه اندیښنه لرئ، تاسې باید له خپل ډاکټر سره خبرې وکړئ.

نور معلومات

د اسټرالیا د واکسین کولو د پروګرام په هکله نور معلومات، د پلي کولو دپلان په شمول، د اسټرالیا ددولت په ویب پاڼه کې پیدا کولای شئ.

Reviewed 06 April 2021

Coronavirus Victoria

24/7 Coronavirus Hotline

If you suspect you may have coronavirus (COVID-19) call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?