vic_logo
coronavirus.vic.gov.au

tui puipui COVID-19 (COVID-19 vaccine) - Samoan (Samoan)

Fa’amtalaga e fa’atatau i le saogālemu o le tui puipūiā o le COVID-19 ma lona fa’asologa atu.

If you are concerned, call the coronavirus hotline 1800 675 398 (24 Hours).
If you need an interpreter, call TIS National on 131 450.
Please keep Triple Zero (000) for emergencies only.

O mea e tatau ona e iloa

  • tagata uma ua 40 tausaga le matutua ma sili atu ua mafai ona fai ni o latou tui o le COVID-19 i le taimi nei.
  • nisi tagata ei lalo ifo o le 40 tausaga le matutua ua mafai fo’i ona fai ni o latou tui, e aofia ai:
    • Tagata e lamatia lo latou soifua e le COVID-19 ona o galuega latou te faia, e fa’apei o tagata e galulue mo le puipuia o le soifua maloloina, puipuia i latou e i ai fa’ale-tonu o le tino po’o le mafaufau, o le va’aia o tagata-matutua, i latou e lavea’iina tagata mama’i po’o ē a’afia i fa’alavelave fa’afuase’i, i latou e galulue i Fale-tali-malō e fa’anofo ‘esea ai tagata malaga mai fafo, ma tagata e galulue I malae va’alele ma uāfu-mo-va’a tetele.
    • Tagata e ono fa’ata’otolia pe a maua i le COVID-19, e fa’apei o tagata e i ai ni mea e fa’ale-tonu i ō latou tino po’o lo latou soifua maloloina.
    • Tagata e nonofo, galulue pe tausia I latou maualuga le avanoa e maua gofie ai i ni ma’i, po’o pesia I le COVID-19, e pei o tagata e va’aia i latou e i ai mea e fa’aletonu iō latou tino po’o le mafaufau, ma i latou e galulue i Fale-tali-malō o fa’anofo ‘esea ai tagata-malaga ma e o va’aiaōtatou tuāoi.
    • Mo le lisi atoa, va'ai le Mo e mafai ona fai'a tui puipuia.
  • tagata ua 60 tausaga ma sili atu ua mafai ona fai'a latou tui puipuia e fa’aaogaina ai le Astra Zeneca.
  • tagata e i lalo ifo o le 60 tausaga e mafai ona fa'ia o latou tui puipuia e fa’aaogaina le Pfizer.
  • le tui puipuia mo le COVID-19 e fa'ia fua mo so’o se tasi. E le mana'omia ai se Medicare card.
  • le tui puipui e fai i lou loto malie. E mafai ona e filifili e fai sou tui puipuia.
  • E te mana’omia tui puipui e lua mai le tui puipui a lea e tasi o le COVID-19 ina ia malu puipuia atili oe.
  • A uma lou ulua’i tui, o le a ta’u atu le aso e tatau ona fai ai lou tui lona lua.
  • tui puipūiā uma lava, e muamua ona pāsia ina ia mautinoa e saogalemu a’o le’i fa’aāogāina mo so’o se tasi i Ausetalia.
  • A fai o e popole i lou soifua maloloina po’o e fa’alētonu pe faia sou tui puipui o le COVID-19, talanoa i lau foma’i.

O le mea e tatau ai ona faia sou tui puipui.

O le mauaina o le tui puipui o le COVID-19:

  • e fa’aiti’itia ai le maua o oe i le COVID-19.
  • e puipuia ai oe mai i le fa’ateteleina o sou ma’i pe a fai e maua oe i le COVID-19.
  • fesoasoani e puipūiā ‘au uō, o lou aīga ma tagata o lou nu’u.

Afai ua to'atele tagata ua uma ona fa’ia o latou tui puipuia, o le a fa'afaigata ai e le COVID-19 Vairusi ona pepesi. O le a puipuia ai fo'i ma i latou ua le mafai ona faia tui puipui.

Tui puipui saogalēmu

  • O tui puipui uma, e aofia ai le tui mo le COVID-19, e tatau ona pasi tu’utu’uga uma o le saogalēmu ua faia e le Australian Therapeutic Goods Administration, a’o le’i fa’aāogāina i totonu o Ausetalia.
  • E faia lou tui-puipui e le tagata ua a’oa’oina lelei ma pasi i le tausiga o le soifua maloloina.
  • E fa'apei o tui puipui uma lava, o nisi tagata latou te lagonaina nai fa’aletonu pe a ma’ea le tui puipui o le COVID-19. E aofia ai:
    • tigā le vaega o lou tino na fai ai lou tui.
    • lagona le lē-lavā.
    • tigā maso o lou tino
    • niniva pe tigā lou ulu.
    • ma’alili ma fiva
    • tigā le so’oga o ponāivi

Faitau lelei fa’amatalaga uma ae e le’i faia lou tiu-puipui.

Mo nisi fa’amatalaga e fa’atatau i mea e ono a’afia ai oe pe a ma’ea lou tui-puipui o le COVID-19 va’ai:

Afai o i ai ni ou popolega i le COVID-19 tui-puipui, talanoa i lou Foma'i.

Luga lelei

Ao faia tui-puipui mo le to’atele i le lalolagi atoa, ua mafai ona tatou malamalama nei i le tulaga ua i ai le puipuiga a le vaccine mo i tatou. O fa’amatalaga ua tu’uina atu i lalo ua fa’avae mai lea i su’esu’e lata mai, e aofia ai su’esu’ega i nofoaga ua uma ona faia ai tui-puipuia o tagata i le COVID-19 vaccine.

O le AstraZeneca tui-puipui e puipūia oe mai le COVID-19.

  • I le faia o ‘ou tui-puipui e lua, e vasa’i i le 12 vaiaso, ua puipuīa oe mo le 90 pasene ma e la’ititi lava le avanoa e ono maua ai oe i le COVID-19.
  • A uma ona faia lou tui-puipui muamua, ua ova atu i le 90 pasene le avanoa e lē avea ai oe i se Falema’i ona ua maua oe i le COVID-19.

O le Pfizer tui-puipui e puipuia oe mai le COVID-19.

  • A uma le lua o ‘ou tui-puipui e faia, e vasa’i i le 21 aso, ua sili atu i le 95 pasene le avanoa e lē mafai ai ona e toe maua i le COVID-19.
  • A uma lou tui-puipui muamua, ona sili atu lea i le 80 pasene le avanoa e lē avea ai oe i se falema’i ina ua maua oe i le COVID-19.

O mea o lo’o faia ai le COVID-19 vaccine

O tui-puipui o le Pfizer ma le AstraZeneca e le o i ai mea ia:

  • Susu
  • Fuāmoa
  • Latesi
  • Fasi-pua’a po’o mea’ai e fai i le pua’a (e fa’apei o le gelatine e fai i le pua’a)

Pe a fai lou tui-puipui

O tagata nei ua mafai ona fai ni o latou tui-puipui o le COVID-19 i le taimi nei:

  • Tagata ua 40 tausaga le matutua ma sili atu.
  • I latou o galulue i nofoaga o fa’anofo ‘esea ai tagata ma tagata o lo’o galulue i le va’aia o tuāoi o le atunu’u.
  • I latou e feso’ota’i ma ē o galulue i le va’aia o tagata o lo’o nofo ‘esea ma e o va’aia tuāoi o le atunu’u.
  • I latou o galulue i nofoaga tausi ma'i
  • Nofoaga mo tagata matutua ma e tausia i latou.
  • Tagata e i ai mea e fa’aletonu i ō latou tino ma e galulue mo i latou.
  • Tagata e 16 tausaga ma sili atu e i ai ni gasegase ua afaina ai i latou.
  • Tagata matutua ua i ai ni mafatiaga i tino.
  • O tagata ua maua i mafatiaga o le tino ma o lo’o fa'atasi atu i le National Disability Insurance Scheme (NDIS ).
  • Tagata o lo’o va’aia se tasi (totogi pe lē totogia) e agava’a i lalo o le Phase 1a ma le 1b, po’o tamaiti e va’aia fa’apitoa tulaga o ma’i o lo’o āfaina ai i latou – va’ai le COVID-19 vaccination program Phase 1b mo nisi fa’amatalaga.
  • nisi o tagata e galulue ma lagolago mo i latou e lē mafai ona latou faia le tele o mea ma tagata-matutua – va’ai le COVID-19 vaccination program Phase 1b mo nisi fa’amatalaga.
  • ē fa’amoemoeina ma tele mea e lamatia ai lo latou soifua o lo’o galulue, e aofia ai:
    • fitafita ma i latou e puipuīa le soifua o tagata.
    • leoleo, tīnei-mū, ‘au-faigaluega mo ma’i ma fa’alavelave fa’afuase’i.
    • i latou o galulue i fale-fasi-manu ma le ‘au-fai-faiva.
  • Ua fa’alauteleina e le faiga Malo-a-Vitoria le a’afia o tagata e aofia ai i latou i fale-fai- galuega nei:
    • fa’alelei’ina o mea sa leaga ona fai ma fa’asalaga e aofia ai i latou o galulue ai.
    • ē o galulue i nofoaga e fa’aete’ete gatā lo latou va’aiga e fa’apei o supported residential services
    • i latou o aveina ta’avale e fa’aāoga e so’o se tasi ma tagata lautele faigaluega
    • i latou e fefa’asoa’ai le fa’aāogaina o ā latou ta’avale ma ave-ta’avale la’u pasese.
    • tagata faigaluega uma i nofoaga e ulufale mai ai tagata mai fafo.
  • Tagata e maua gofie ma mauāluga le avanoa e maua ai i se ma’i po’o le pisia gofie i le COVID-19 e fa’apei o:
    • i latou e leai ni aīga, e lē lelei se mea e moe ai, po’o nofo i se nofoaga e lē tumau ai.
    • i latou o lo’o maua se fesoasoani mai i le drug ma le alcohol support services.
    • tagata o lo’o nonofo i nofoaga e i ai tagata ua afaina mafaufau.
    • i latou i totonu o nofoaga e faigata lo latou puipuiga e aofia ai ia fale mauāluluga ma fale maualalalo mo tagata lautele, o galuega lagolago mo tagata, nofoaga mo nu’u, nofoaga fenofoa'i ma isi.
    • pagota o lo’o taōfia ma i latou o lo’o va’ava’aia i totonu o correction facilities.
  • Tagata malaga ua ia maua se fa’atanaga fa’apitoa mai le malō o Ausetalia e malaga ‘ese ai mai i Ausetalia.
  • Tagata ua uma ona faia le tui-puipuīa muamua o le COVID-19 vaccine (e aofia ai i latou ua fo’i mai i isi Setete po’o fafo o Ausetalia) e mafai ona faia ō latou tui-puipui lona lua i le taimi ua tatau ai e lē āfaina po’o le ā le tulaga o i ai i latou.

O fea e te alu i ai e fai ai lou tui-puipui o le COVID-19.

A fai ua mafai ona fai sou tui-puipui, e tatau ona fa’atonu se feiloa’iga ma lau foma’i i le:

  • Ofisa o le Foma’i (foma’i)
  • Galuega fa'asoifua maloloina I nu’u
  • Galuega fa'asoifua maloloina ma va’ava’aia fa'a Aboriginal
  • Galuega fa'afomai mo le manava/ mama.
  • Nofoaga e fai ai tui-puipui.

E mafai ona fai e lau Foma’i lou tui-puipui pe a fai e te mana’o ai, ma o lo’o maua e lau Foma’I le COVID-19 vaccine. O le tagata e sili ona tāua e tatau ona e talanoa i ai o lau foma’i pe a fai o maua oe i mea nei:

  • se ma'i ua afaina ai oe
  • i ai ni au fesili po’o e popole i le faia o sou tui-puipui i le COVID-19 vaccine.

E fa’apefea ona fa’atonu lou tui-puipui o le COVID-19

E le tele ni avanoa mo le fa’atonuina o sou tui-puipui i le COVID-19 vaccine.

Mo tagata ua sili atu i le 60 tausaga lo latou matutua

  • Fa’atonu sou avanoa i se GP po’o se health service e latalata ane iā te oe.
  • Fa’atonu sou avanoa i se vaccination centre i lou telefoni i le 1800 675 398. O’omi le 0 pe a e fia maua se fa’amatala-upu.
  • nisi vaccination centres ua latou fa’atagain tagata e ō mai e fai ni o latou tui-puipui e aunoa ma se fa’atonuga [booking]. A fai e te sau e fai sou tui-puipui, e te fa’atali se’i avanoa se tasi e mafai ona ia faia sou tui-puipui. Siaki nofoaga e mafai ona latou faia tui-puipui e aunoa ma se fa’atonuga [booking], ma taimi e tatala ai.

Mo tagata ei lalo ifo o le 60 tausaga lo latou matutua

Mo nisi fa’amatalaga e fa’atatau i le faia o tui-puipui i Vitoria e aofia ai taimi e tatala ai, asiasi ane i le Vaccination centrepo’o le Nofoaga o lo’o faia ai tui-puipui.

O mea e tatau ona e sau ma Oe i le faia o lou tui-puipui

  • E tatau ona e faia se pupuni mo lou isu, gutu ma ‘ou foliga pe a fai o e nofo i totonu o se nofoaga o fai ai ni tui-puipui po’o le vaccination centre.
  • Ave sou ata e mafai ona fa’amaonia ai oe [Photo ID], pe a maua.
  • Ave lau Medicare card pe a o i ai (e ui lava ina e le mana’omia lau Medicare card)
  • Ave lau numera e iloa ai Oe [Individual Healthcare Identifier number], pe a fai e leai sau Medicare card.
  • ID a Oe o lau galuega [Employee ID] po’o se tusi mai i lau galuega, pe a fai o fai sou tui-puipui o le COVID-19 ona o lau galuega.
  • Fa’amatalaga o lou soifua maloloina e pei o ni mea e tutupu pe a togafitia oe [allergies].

O se poloka o ‘ou āla-toto e le masani ona tupu

E i ai se feso’ota’iga i le va o le AstraZeneca vaccine ma le mea e seāseā tupu, e a’afia ai le poloka o ‘ou ala-toto ma le tulaga maualalo o lou toto [low blood platelet levels]. O lenei tulaga e ta’ua o le Thrombosis with thrombocytopenia syndrome (TTS).

Faitau fa’amatalaga lata mai e mai i le Malō-o-Ausetalia fa’atatau i lenei mea e seāseā tupu, o le poloka lea o ‘ou āla-toto.

O pepa ua fa’aliliuina ai mea tonu e ao ona e silafia i lau gagana.

Sauniuniga mo lou tui-puipui o le COVID-19.

O mea e tatau ona e iloa e fa’atatau i le Pfizer vaccine

O mea e tatau ona e iloa e fa’atatau i le AstraZeneca vaccine

Mo nisi fa’amatalaga

Mo nisi fa’amatalaga i le polokalame o tui-puipui i Ausetalia e mafai ona maua i le Australian Government website.

Mo nisi fa’amatalaga

Mo nisi fa’amatalaga o le polokalame o tui puipui a Ausetalia, e aofia ai le tatalaina atu i tua, e mafai ona maua i le website a le Mālō-o-Ausetalia (Australian Government’s website).

Feso’ota’i atu iā i latou e fa’atuatuaina i gagana.

Mea ua saunia [Kits] mo mafutaga ma ta’ita’i-o-le-‘au-fa’atuatua.

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?