vic_logo
coronavirus.vic.gov.au

COVID-19 එන්නත (COVID-19 vaccine) - සිංහල (Sinhalese)

ඔබට ගැටලු ඇත්නම්, කොරෝනා වෛරස් හොට්ලයින් 1800 675 398 (පැය 24) අමතා භාෂණ පරිවර්තකයෙකු ලබාගැනීමට 0 තෝරන්න.

ඔබට කිසියම් ගැටළුවක් ඇත්නම්, coronavirus හොට්ලයින් අංකය වන 1800 675 398 අමතන්න. (පැය 24 පුරා).
ඔබට භාෂා පරිවර්තකයෙකු අවශ්‍ය නම්, කරුණාකර 131 450 ඔස්සේ TIS National අමතන්න.
හදිසි අවස්ථා සඳහා පමණක් බිංදු තුන (000) අමතන්න.

ඔබ දැන සිටිය යුතු කරුණු

  • වයස අවුරුදු 40 සහ ඊට වැඩි සෑම දෙනාටම දැන් සිය COVID-19 එන්නත ලබා ගත හැකිය
  • වයස අවුරුදු 40 ට අඩු සමහර පුද්ගලයින් ද සුදුසුකම් ලබයි:
    • සෞඛ්‍ය සේවකයින්, ආබාධිත රැකවරණ සහ වැඩිහිටි රැකවරණ සේවකයින්, හදිසි සේවා සේවකයින්, හෝටල්නිරෝධායන හා ගුවන්තොටුපල සහ වරාය සේවකයින් වැනි රැකියාව හේතුවෙන් COVID-19 ආසාදනය වීමේ වැඩිඅවදානමක් ඇති පුද්ගලයින්
    • ආබාධිත හෝ වෛද්‍යමය තත්වයක් ඇති අය වැනි, COVID-19 ආසාදිත වුවහොත් බැරෑරුම් ලෙස අසනීප වීමට ඉඩඇති පුද්ගලයින්
    • අසනීප වීමේ හෝ COVID-19 ආසාදනය වීමේ වැඩි අවදානමක් සහිත පුද්ගලයින් සමග වාසය කරන, වැඩ කරන හෝ රැකවරණ සපයන අය, අබාධිතතා සහිත අයට රැකවරණ සපයන්නන් සහ හෝටල් නිරෝධායන හෝ දේශසීමාවල සේවය කරන්නන් සමග ජීවත්වන අය
    • සම්පූර්ණ ලැයිස්තුව සඳහා එන්නත ලබා ගත හැක්කේ කාටදැයි බලන්න.
  • වයස අවුරුදු 60 සහ ඊට වැඩි අයට AstraZeneca එන්නත ලබා ගත හැකිය
  • වයස අවුරුදු 60 ට අඩු අයට Pfizer එන්නත ලබා දෙනු ඇත
  • COVID-19 එන්නත සෑම කෙනෙකුටම නොමිලේ ලබාගත හැක. ඔබට Medicare කාඩ්පතක් අවශ්‍ය නොවේ
  • එන්නත ලබා ගැනීම ස්වේච්ඡා වේ. එන්නත ලබා ගැනීම ඔබට තෝරා ගත හැකිය.
  • ඵලදායී වීමට එකම COVID-19 එන්නත මාත්‍රා දෙකකින් (විදීමට) ගැනීමට අවශ්‍ය වේ.
  • ඔබ ඔබේ පළමු කොටස ලබා ගත් විට, ඔබේ දෙවන කොටස ලබා ගැනීමට අවශ්‍ය දිනය පිළිබඳව ඔබව දැනුවත් කරනු ඇත.
  • සියලුම එන්නත් ඕස්ට්‍රේලියාවේ භාවිතය සඳහා අනුමත කිරීමට පෙර ඒවා ආරක්ෂිත දැයි තහවුරු කර ගැනීම සඳහා ප්‍රවේශමෙන් පරීක්ෂා කරනු ලැබේ.
  • ඔබේ සෞඛ්‍යය ගැන හෝ COVID-19 එන්නත ලබා ගැනීම පිළිබඳව ඔබ කරදරයට පත්ව සිටී නම් ඔබේ වෛද්‍යවරයා සමඟ කතා කරන්න.

ඔබ එන්නත ලබා ගත යුත්තේ ඇයි

COVID-19 එන්නත ලබා ගැනීම:

  • COVID-19 වැළඳීමේ අවදානම අඩු කරයි
  • COVID-19 වැළඳුනහොත් බලවත් සේ අසනීප වීමෙන් ඔබව ආරක්ෂා කරයි
  • ඔබේ මිතුරන්, පවුල සහ ප්‍රජාව ආරක්ෂා කිරීමට උපකාරී වේ

බොහෝ පුද්ගලයින් එන්නත ලබා ගෙන ඇත්නම්, COVID-19 වෛරසයට පහසුවෙන් පැතිර යා නොහැක. මෙමගින් එන්නත ලබා ගත නොහැකි පුද්ගලයින් ද ආරක්ෂාකරයි.

එන්නත් ආරක්ෂාව

එන්නත් ආරක්ෂාව:

  • COVID-19 එන්නත ඇතුළුව සියලුම එන්නත් ඕස්ට්‍රේලියාවේ භාවිතා කිරීමට පෙර Australian Therapeutic Goods Administration විසින්, නියම කරඇති දැඩි ආරක්ෂක ප්‍රමිතීන් සම්මත කළ යුතුය.
  • සුදුසුකම් ලත් සෞඛ්‍ය සේවකයෙකු විසින් ඔබට එන්නත ලබා දෙනු ඇත
  • සියලුම එන්නත් මෙන්ම, COVID-19 එන්නත ද ලබා ගැනීමෙන් පසු සමහර අයට සාමාන්‍ය අතුරු ආබාධ ඇතිවිය හැකිය. මෙයට ඇතුළත් විය හැකිය:
    • ඔබට එන්නත් කළ ස්ථානයේ වේදනාව
    • වෙහෙස
    • මාංශ පේශීන්වල කැක්කුම
    • හිසරදය
    • උණ සහ සීතල ගතියක් දැනීම
    • සන්ධිවල වේදනාව.

ඔබ එන්නත ලබා ගැනීමට පෙර තොරතුරු කියවා බලන්න:

ඔබේ COVID-19 එන්නත ලබාගැනීමෙන් පසු ඇතිවන අතුරු ආබාධ පිළිබඳ වැඩි විස්තර සඳහා බලන්න:

COVID-19 එන්නත පිළිබඳව ඔබට කිසියම් ගැටලුවක් ඇත්නම්, ඔබේ වෛද්‍යවරයා සමඟ කතා කළ යුතුය.

ඵලදායීතාවය

ලොව පුරා මිලියන සංඛ්‍යාත ජනතාවකට එන්නත ලබා ගන්නා විට, එන්නත් මගින් අපව ආරක්ෂා කරන්නේ කෙසේද යන්න පිළිබඳව අපට වඩා හොඳ අවබෝධයක්ලැබේ. පහත තොරතුරු පදනම් වී ඇත්තේ බොහෝ දෙනෙකුට COVID-19 එන්නත ලබා දී ඇති ප්‍රජාවන්හි පර්යේෂණ ද ඇතුළුව නවතම පර්යේෂණ මත ය.

AstraZeneca එන්නත COVID-19 ආසාදනයට එරෙහිව ඔබව ආරක්ෂා කරයි

  • සති 12 ක පරතරයකින් යුත් එන්නත මාත්‍රා දෙකකින් පසු, ඔබට COVID-19 ආසාදනය වී අසනීප වීමට ඇති ඉඩකඩසියයට 90 ක් දක්වා අඩුකරයි.
  • එන්නතෙහි පළමු මාත්‍රාවෙන් පසුව, ඔබ COVID-19 ආසාදනය වී රෝහල් ගත වීමට ඇති ඉඩකඩ සියයට 90 කට වඩාඅඩුය.

Pfizer එන්නත ඔබව COVID-19 ආසාදනය වීමට එරෙහිව ආරක්ෂා කරයි

  • අවම වශයෙන් දින 21 ක පරතරයක් ඇතිව එන්නත මාත්‍රා දෙකකින් පසු, ඔබ COVID-19 ආසාදනය වී අසනීප වීමට ඇතිඉඩකඩ සියයට 95 කින් අඩුය.
  • එන්නතෙහි පළමු මාත්‍රාව ලබා ගැනීමෙන් පසුව, ඔබ COVID-19 ආසාදනය වී රෝහල් ගත වීමට ඇති ඉඩකඩ සියයට 80 කට වඩා අඩුය.

COVID-19 එන්නත් වල ඇති අමුද්‍රව්‍ය

Pfizer සහ AstraZeneca එන්නත්වල අඩංගු නොවේ:

  • කිරි
  • බිත්තර
  • රබර් කිරි වැනි කිරි (ලේටෙක්ස්)
  • ඌරු මස් හෝ ඌරු මස්වලින් කල නිෂ්පාදන (ඌරු මස් ජෙලටින් වැනි).

ඔබට එන්නත ලබාගත හැක්කේ කවදාද

පහත සඳහන් පුද්ගලයින්ට දැන් COVID-19 එන්නත ලබා ගත හැකිය:

  • අවුරුදු 40 සහ ඊට වැඩි පුද්ගලයින්
  • හෝටල් නිරෝධායන සහ දේශසීමාවල වැඩකරන වෘත්තීකයන්
  • හෝටල් නිරෝධායන හා දේශසීමා වෘත්තිකයන් සමග ජීවත්වෙන පුද්ගලයින්
  • සෞඛ්‍ය සේවකයින්
  • වැඩිහිටි රැකවරණ කාර්ය මණ්ඩලය සහ නේවාසිකයන්
  • ආබාධිත රැකවරණ කාර්ය මණ්ඩලය සහ නේවාසිකයන්
  • බැරෑරුම් වෛද්‍යමය තත්වයක් ඇති වයස අවුරුදු 16 සහ ඊට වැඩි පුද්ගලයින්
  • සැලකිය යුතු අබාධිතතා සහිත වැඩිහිටියන්
  • ජාතික ආබාධිත රක්‍ෂණ යෝජනා ක්‍රමයට (NDIS)ඇතුළත් වී සිටින ආබාධිතතා සහිත පුද්ගලයින්
  • අදියර 1a සහ 1b යටතේ සුදුසුකම් ලත් සමහර පුද්ගලයන්ට හෝ නිශ්චිත වෛද්‍යමය තත්වයන් ඇති දරුවන්ට රැකවරණ සපයන්නන් (වැටුප් ලබන හා නොලබන) - වැඩි විස්තර සඳහා COVID-19 එන්නත් කිරීමේ වැඩසටහන 1b අදියර බලන්න.
  • සමහර ආබාධිත සහ වැඩිහිටිරැකවරණ උපකාර ස්වේච්ඡා සේවකයන් - වැඩි විස්තර සඳහා COVID-19 එන්නත් කිරීමේ වැඩසටහන 1b අදියර බලන්න.
  • දැනට සේවයේ යෙදී සිටින තීරණාත්මක වන හා ඉහළ අවදානම සහිත වෘත්තිකයන්:
    • ආරක්ෂක හමුදා භටයන්
    • පොලිස්, ගිනි, හදිසි සේවා වෘත්තීකයන්
    • මස් හා මුහුදු ආහාර සකසන සැකසුම් සේවකයන්.
  • වික්ටෝරියානු රජය පහත සඳහන් සේවා ස්ථානවලට පුද්ගලයින් ඇතුළත් කිරීම සඳහා ප්‍රවේශය පුළුල් කර ඇත:
    • ප්‍රජාවන් නිවැරදි මගට ගැනීමේ කාර්ය මණ්ඩලය ඇතුළුව නිවැරදි කිරීම් සහ රැඳවුම් සේවාවන්
    • උපකාර සැපයෙන නේවාසික සේවා වැනි ඉහළ අවදානම් සහිත නවාතැන්වල සේවය කරන කාර්ය මණ්ඩලය
    • පොදු ප්‍රවාහන රියදුරන් සහ මහජනතාවට මුහුණදී වැඩකරන සේවකයන්
    • මිනිසුන් ගෙනයන සේවාවල සහ කුලී රථවල රියදුරන්
    • ජාත්‍යන්තර පිවිසුම් ගුවන් සේවා සහ වරායන්හි සියලුම කාර්ය මණ්ඩලය.
  • පහත දැක්වෙන අය ඇතුළුව අවදානමට ලක් වී සිටින පුද්ගලයන්ට COVID-19 ආසාදනය වීමේ හා බැරෑරැම් ලෙස අසනීප වීමේ ඉහළ අවදානමක් වේ:
    • නිවාස නැති, එළිමහනෙහි නිදාගන්නා හෝ හදිසි නවාතැන් පහසුකම් නැති අය
    • ඖෂධ සහ මධ්‍යසාර උපකාර සේවා ලබා ගන්නා අය
    • මානසික සෞඛ්‍ය පහසුකම් ලබාදෙන නේවාසික ස්ථානවල නේවාසිකයන්
    • තට්ටු විශාල ගණනකින් යුත් / තට්ටු කිහිපයකින් යුත් පොදු නිවාස, උපකාර සැපයෙන නේවාසික සේවා, ප්‍රජා නිවාස, කාමර නිවාස සහ වෙනත් තැන් ඇතුළු සංවේදී නවාතැන්වල ජීවත්වන අය
    • අත්අඩංගුවේ සිටින සිරකරුවන් සහ සිරගෙවල්වල රැඳවියන්.
  • ඔස්ට්‍රේලියාවෙන් පිටවීම සඳහා ඔස්ට්‍රේලියානු රජයෙන් සංචාරක සීමා කිරීම් නිදහස් කර ඇති සංචාරකයින්
  • COVID-19 එන්නතෙහි පළමු මාත්‍රාව දැනටමත් ලබාගෙන ඇති පුද්ගලයින්ට (ප්‍රාන්තවලින් හෝ විදේශයන්ගෙන් ආපසුපැමිණි පුද්ගලයින් ද ඇතුළුව) ඔවුන් සිටින අවධිය කුමක් වුවත් ඔවුන්ගේ දෙවන මාත්‍රාව සුදුසු කාලයට අනුව ලබා ගතහැකිය.

ඔබේ COVID-19 එන්නත ලබා ගැනීමට යා යුත්තේ කොතැනටද?

ඔබ සුදුසුකම් ලබන්නේ නම්, ඔබට වේලාවක් වෙන්කරවා ගත හැකිය:

  • වෛද්‍යවරුන්ගෙන්
  • ප්‍රජා සෞඛ්‍ය සේවාවන්ගෙන්
  • ආදිවාසී ප්‍රජා පාලක සෞඛ්‍ය සේවාවලින්
  • හුස්ම ගැනීමේ අපහසුතා සම්බන්ධ රෝගවලට ප්‍රතිකාර කරන සායනවලින්
  • COVID-19 එන්නත් මධ්‍යස්ථානවලින්.

ඔබට අවශ්‍ය නම් ඔබේ වෛද්‍යවරයාගෙන් එන්නත ලබා ගත හැකි අතර ඔබේ වෛද්‍යවරයා COVID-19 එන්නත් ලබා දෙයි. පහත දැක්වෙන තත්වයන් ඔබට ඇත්නම්, කථා කිරීමට සිටින හොඳම පුද්ගලයා ඔබේ වෛද්‍යවරයා වේ:

  • කලක සිට පවතින වෛද්‍යමය තත්වයක්
  • COVID-19 එන්නත ලබා ගැනීම පිළිබඳව ගැටලු හෝ සිත්තැවුලක් ඇත්නම්.

ඔබේ COVID-19 එන්නත ලබාගැනීමට වේලාවක් වෙන්කර ගන්නේ කෙසේද

ඔබේ COVID-19 එන්නතට වේලාවක් වෙන්කරවා ගැනීම සඳහා විකල්ප කිහිපයක් තිබේ.

60 ට වැඩි පුද්ගලයින් සඳහා

  • අසල ඇති සාමාන්‍ය වෛද්‍ය හෝ සෞඛ්‍ය සේවාවක දී වේලාවක් වෙන් කර ගැනීම
  • 1800 675 398 අමතා එන්නත් මධ්‍යස්ථානයකින් වෙන්කරවා ගැනීම. ඔබට භාෂණ පරිවර්තකයෙකු අවශ්‍ය නම් 0 තෝරන්න
  • සමහර එන්නත් කිරීමේ මධ්‍යස්ථාන වෙන්කරවා ගැනීමකින් තොරව පුද්ගලයන්ට ඇතුළුවීමට ඉඩ සලසයි. ඔබ එසේ ගිය හොත්,එන්නතක් ලබා දීමට සුදුසුකම් ලත් සෞඛ්‍ය නිලධාරියෙකුට අවස්ථාවක් ලැබෙන තුරු බලා සිටීමට සිදු විය හැකිය. වෙන් කර ගැනීමක් අවශ්‍ය නොවන්නේ කුමන මධ්‍යස්ථානවලට ද යන්න හා ඒවා පටන් ගන්නා වේලාවන් ගැන පරීක්ෂා කර බලන්න.

60 ට අඩු පුද්ගලයින් සඳහා

විවෘත වේලාවන් ඇතුළුව වික්ටෝරියානු එන්නත් මධ්‍යස්ථාන පිළිබඳ වැඩි විස්තර දැනගැනීම සඳහා එන්නත් මධ්‍යස්ථාන වෙත යන්න.

ඔබේ එන්නත ලබාගැනීමට ඔබ සමඟ රැගෙන යායුතු දේ

  • ඔබ එන්නත් කිරීමේ මධ්‍යස්ථානයක සිටින විට මුහුණු ආවරණයක් පැළඳිය යුතුය
  • ඔබ සතුව ඇත්නම්, ඡායාරූප හැඳුනුම්පත
  • ඔබ සතුව ඇත්නම්, Medicare කාඩ්පත (Medicare කාඩ්පතක් අවශ්‍ය නොවුවද)
  • ඔබට Medicare කාඩ්පතක් නොමැති නම් තනි පුද්ගල සෞඛ්‍ය හඳුනාගැනීමේ අංකය
  • ඔබේ රැකියාව නිසා ඔබ COVID-19 එන්නතක් ලබාගන්නේ නම් සේවා හැඳුනුම්පතක් හෝ ඔබේ සේවායෝජකයාගේ ලිපියක්
  • අසාත්මිකතා වැනි ඔබේ වෛද්‍ය ඉතිහාසය පිළිබඳ තොරතුරු.

ඉතා දුර්ලභ රුධිරය කැටි ගැසීමේ අතුරු ආබාධයක්

AstraZeneca එන්නත හා ඉතා දුර්ලභ තත්වයක් අතර සම්බන්ධයක් ඇති අතර, එයට රුධිරය කැටි ගැසීම සහ අඩු රුධිර පට්ටිකා මට්ටමට සම්බන්ධ තත්වයක් වේ. මෙය රුධිර කැටි ගැසීම (Thrombosis) සහිත ත්‍රොම්බොසයිටහීනතාව (Thrombocytopenia) (TTS) ලෙස හැඳින්වේ.

මෙම දුර්ලභ රුධිර කැටි ගැසීමේ අතුරු ආබාධය පිළිබඳව ඔස්ට්‍රේලියානු රජයෙන් ලබා දෙන නවතම තොරතුරු කියවන්න.

ඔබේ භාෂාවෙන් තොරතුරු පත්‍රිකා පරිවර්තනය කර ඇත

ඔබේ COVID-19 එන්නත ලබා ගැනීමට සූදානම් වන්නේ කෙසේද

Pfizer එන්නත සඳහා වැදගත් තොරතුරු

AstraZeneca එන්නත සඳහා වැදගත් තොරතුරු

වැඩිදුර විස්තර

ඔස්ට්‍රේලියාවේ එන්නත් කිරීමේ වැඩසටහන පිළිබඳ වැඩි විස්තර ඔස්ට්‍රේලියානු රජයේ වෙබ් අඩවියෙන් සොයාගත හැකිය.

වැඩිදුර විස්තර

සෑම පුද්ගලයෙකුටම එන්නත ලබාදීමේ සැලැස්ම ඇතුළුව, ඕස්ට්‍රේලියාවේ එන්නත් කිරීමේ වැඩසටහන පිළිබඳ වැඩි විස්තර Australian Government’s website එකෙන් සොයාගත හැකිය.

භාෂාවෙන් වෙනත් ප්‍රයෝජනවත් තොරතුරු වෙත සබැඳි

ප්‍රජා සහ ආගමික නායකයින් සඳහා ලිපි මාලාවක්

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?