ඔබට කිසියම් ගැටළුවක් ඇත්නම්, coronavirus හොට්ලයින් අංකය වන 1800 675 398 අමතන්න. (පැය 24 පුරා).
ඔබට භාෂා පරිවර්තකයෙකු අවශ්‍ය නම්, කරුණාකර 131 450 ඔස්සේ TIS National අමතන්න.
හදිසි අවස්ථා සඳහා පමණක් බිංදු තුන (000) අමතන්න.
ඔබ දැන සිටිය යුතු කරුණු
- ඕස්ට්‍රේලියාවේ එන්නත් වැඩසටහන වික්ටෝරියා හි 2021 පෙබරවාරි 22 සිට ආරම්භ වේ.
- ඕස්ට්‍රේලියාවේ එන්නත් වැඩසටහනේ පළමු අදියර යටතේ, අපගේ ප්‍රජාවේ වඩාත්ම අවදානම් සහිත පුද්ගලයින්ට ප්‍රමුඛතාවය දී ඇත. එයට ඇතුලත් වන්නේ:
- හෝටල් නිරෝධායන වැඩසටහනේ සේවය කරන සියලුම කාර්ය මණ්ඩලය ඇතුළුව නිරෝධායන කටයුතු වල නිරතවන සහ ඕස්ට්‍රේලියාවේ දේශසීමා ආරක්ෂා කරන සේවකයින්.
- COVID-19 වෙනුවෙන් සේවය කරන සහ COVID-19 ආසාදිතයන් සිටී යැයි සැක සහිත වාට්ටු වල සේවය කරන රෝහල් කාර්ය මණ්ඩලය ඇතුළුව අවදානම් සහිතව, ඉදිරියේ සිට සේවය කරන සෞඛ්‍ය සේවකයින්
- වයස්ගත සත්කාරක හා ආබාධිත සත්කාරක ලබාදෙන කාර්ය මණ්ඩලය
- වයස්ගත සත්කාරක සහ ආබාධිත සත්කාරක ස්ථානවල නේවාසිකයින්
- එන්නත ලබාදීමේ ක්‍රියාවලියේ කොටසක් ලෙස පෙබරවාරි 22 (2021) සිට, වික්ටෝරියානු රජය විසින් හෝටල් නිරෝධායන සේවකයින්ට, ගුවන්තොටුපල සහ වරාය සේවකයින්ට, ඉහළ අවදානම් සහිත ඉදිරියේ සිට සේවය කරන සෞඛ්‍ය කාර්ය මණ්ඩලයට සහ රාජ්‍ය අංශයේ නේවාසික වයස්ගත සත්කාර සේවා ස්ථාන කාර්ය මණ්ඩලයට සහ පදිංචිකරුවන්ට COVID-19 එන්නත ලබා දෙනු ඇත.
- පෞද්ගලික අංශයේ වයස්ගත සත්කාර සහ ආබාධිත සත්කාර ස්ථාන වල නේවාසිකයින්ට සහ සේවකයින්ට එන්නත ලබා දීමේ වගකීම ඕස්ට්‍රේලියානු රජය සතුය.
- වැඩි ප්‍රමාණයක් නිපදවන විට වැඩි පිරිසකට එන්නත ලබා ගත හැකිය. 2021 දී ඕස්ට්‍රේලියාවේ වෙසෙන සියලුම පුද්ගලයින්ට එන්නත ලබා දීම ඕස්ට්‍රේලියානු රජයේ අරමුණයි.
- COVID-19 එන්නත සෑම කෙනෙකුටම නොමිලේ ලබාගත හැකිය.
- ඔබට එකම COVID-19 එන්නත කොටස් (එන්නත්)දෙකකින් ලබාගැනීමට අවශ්‍ය වේ.
- ඔබ ඔබේ පළමු කොටස ලබා ගත් විට, ඔබේ දෙවන කොටස ලබා ගැනීමට අවශ්‍ය දිනය පිළිබඳව ඔබව දැනුවත් කරනු ඇත.
- එන්නත සම්පූර්ණයෙන්ම ඵලදායී වීමට දෙවන කොටස ලබා ගැනීම වැදගත්ය.
- සියලුම එන්නත් ඕස්ට්‍රේලියාවේ භාවිතය සඳහා අනුමත කිරීමට පෙර ඒවා ආරක්ෂිත දැයි තහවුරු කර ගැනීම සඳහා ප්‍රවේශමෙන් පරීක්ෂා කරනු ලැබේ.
- ඔබේ සෞඛ්‍යය ගැන හෝ COVID-19 එන්නත ලබා ගැනීම පිළිබඳව ඔබ කරදරයට පත්ව සිටී නම් ඔබේ වෛද්‍යවරයා සමඟ කතා කරන්න.
ඔබ එන්නත ලබා ගත යුත්තේ ඇයි
COVID-19 එන්නත ලබා ගැනීම:
- COVID-19 වැළඳීමේ අවදානම අඩු කරයි
- COVID-19 වැළඳුනහොත් බලවත් සේ අසනීප වීමෙන් ඔබව ආරක්ෂා කරයි
- ඔබේ මිතුරන්, පවුල සහ ප්‍රජාව ආරක්ෂා කිරීමට උපකාරී වේ
බොහෝ පුද්ගලයින්ට එන්නත ලබා දී ඇත්නම්, වෛරසයට පහසුවෙන් පැතිර යා නොහැක. එන්නත ලබා ගත නොහැකි පුද්ගලයින්ද මෙමගින් ආරක්ෂා කරයි.
එන්නත් ආරක්ෂාව
- COVID-19 එන්නත ඇතුළුව සියලුම එන්නත් ඕස්ට්‍රේලියාවේ භාවිතා කිරීමට පෙර Australian Therapeutic Goods විසින්, නියම කර ඇති දැඩි ආරක්ෂක ප්‍රමිතීන් සම්මත කළ යුතුය.
- ඔබව පුහුණු සෞඛ්‍ය සේවකයෙකු විසින් එන්නත් කරනු ලැබේ.
- සියලුම එන්නත් මෙන්, COVID-19 එන්නත ලබා ගැනීමෙන් පසු ඇතැම් අයට සුළු අතුරු ආබාධ ඇතිවිය හැකිය. එම අතුරු ආබාධ නම්:
- ඔබට එන්නත් කළ ස්ථානයේ වේදනාව
- උණ
- මාංශ පේශීන්ගේ කැක්කුම
- එන්නත පිළිබඳව ඔබට යම්කිසි ගැටළුවක් ඇත්නම්, ඔබ ඔබේ වෛද්‍යවරයා සමඟ කතා කළ යුතුය.
වැඩිදුර විස්තර
සෑම පුද්ගලයෙකුටම එන්නත ලබාදීමේ සැලැස්ම ඇතුළුව, ඕස්ට්‍රේලියාවේ එන්නත් කිරීමේ වැඩසටහන පිළිබඳ වැඩි විස්තර Australian Government’s එකෙන් සොයාගත හැකිය.
Reviewed 06 April 2021