vic_logo
coronavirus.vic.gov.au

கோவிட்-19 தடுப்பூசி (COVID-19 vaccine) - தமிழ் (Tamil)

கோவிட்-19 தடுப்பூசி விநியோக மற்றும் அதன் பாதுகாப்புத் திட்டம் பற்றிய தகவல்

உங்களுக்குக் கவலைகள் ஏதும் இருந்தால், 1800 675 398-இல் (24 மணி நேர) ‘கொரோனா வைரஸ் (coronavirus )அவசர இணைப்’பினை அழையுங்கள்.
மொழிபெயர்த்துரைப்பாளர் ஒருவர் உங்களுக்குத் தேவைப்பட்டால், ‘TIS நேஷனல்’ (TIS National)-ஐ 131 450-இல் அழையுங்கள்.
இலக்கம் ‘000’ -வை அவசரகாலங்களுக்கு மட்டுமென வைத்துக்கொள்ளுங்கள்.

நீங்கள் தெரிந்துகொள்ள வேண்டிய விடயங்கள்

  • 40க்கும் மேல் வயதுடைய அனைவரும் இப்போது கோவிட்-19 தடுப்பூசியை இட்டுக்கொள்ளலாம்.
  • சில 40 வயதிற்கு உள்ள, பின் வருவோரும் இதற்கு தகுதி பெறுவர்:.
    • சுகாதாரப் பராமரிப்புப் பணியாளர்கள், இயலாதோர், முதியோர் பராமரிப்புப் பணியாளர்கள், அவசரகால சேவைப் பணியாளர்கள், தங்கும் விடுதி நோய்த்தடைக்காப்புப் பணியாளர்கள், விமான நிலையங்கள் மற்றும் துறைமுகங்களில் பணியாற்றுவோர் போன்ற தமது வேலையினால் கோவிட்-19தொற்றுக்கு அதியுயர் ஆபத்து உள்ளவர்கள்
    • இயலாதோர் அல்லது நோய்வாய்ப் பட்டோர் போன்றகோவிட்-19தொற்று ஏற்பட்டால் மிகவும் நோய்வாய்ப்படும் வாய்ப்பு உள்ளவர்கள்
    • இயலாதோர் பராமரிப்பாளர்கள், மற்றும் நோய்த்தடைக்காப்புப் பணியாளர்கள் மற்றும் எல்லைப் பணியாளர்கள் ஆகியோருடன் சேர்ந்து வாழ்பவர்கள் போன்ற நோய்வாய்ப்படுவதற்கானஅல்லது கோவிட்-19தொற்றுக்கு அதியுயர் ஆபத்து உள்ளவர்கள்
    • முழுப் பட்டியல் ஒன்றைக் காண ‘யாரெல்லாம் தடுப்பூசி இட்டுக்கொள்ளலாம்’ (Who can get vaccinated) எனும் வலைத்தளப்
  • 60க்கும் மேல் வயதுடையோர் AstraZeneca (ஆஸ்ட்ரா-ஸெனெகா) தடுப்பூசியை இட்டுக்கொள்ளலாம்.
  • 60 வயதிற்கு உள்ளானவர்களுக்கு Pfizer (‘ப்ஃபைஸர்) தடுப்பூசி இடப்படும்.
  • கோவிட்-19 தடுப்பூசி அனைவருக்கும் இலவசம். உங்களுக்கு Medicare (மெடிகெயர்) அட்டை தேவையில்லை.
  • தடுப்பூசியை இட்டுக்கொள்வது அவரவர் சொந்த விருப்பம். தடுப்பூசி இட்டுக்கொள்ளும் தெரிவினை நீங்கள் மேற்கொள்லலாம்.
  • தடுப்பூசி செயலூக்கம் உள்ளதாக்க ஒரே கோவிட்-19 தடுப்பூசியின் இரண்டு தவணைகள் (ஊசிகள்) உங்களுக்குத் தேவைப்படும்.
  • உங்களுக்கான முதல் ஊசியை இடும்போது உங்களுடைய இரண்டாவது ஊசி இட்டுக்கொள்வதைப் பற்றி உங்களுக்கு சொல்லப்படும்.
  • ஆஸ்திரேலியாவில் பயன்பாட்டு அங்கீகரிப்புக்கு முன், அனைத்துத் தடுப்பூசிகளும் பாதுகாப்பானவை என்பதை உறுதிப்படுத்த, அவை கவனமாக சோதிக்கப்படுகின்றன.
  • உங்களுடைய உடல்நலத்தைப் பற்றி, அல்லது கோவிட்-19 தடுப்பூசிஇட்டுக்கொள்வதைப் பற்றி உங்களுக்கு கவலை ஏதேனும் இருப்பின், உங்களுடைய மருத்துவருடன் பேசுங்கள்.
நீங்கள் ஏன் தடுப்பூசியை ட்டுக்கொள்ளவேண்டும்

கோவிட்-19 தடுப்பூசியை இட்டுக்கொள்வது:

  • கோவிட்-19 - ஆல் நீங்கள் நோய்வாய்ப்படுவதற்கான ஆபத்தைக் குறைக்கிறது
  • உங்களுக்குக் ‘கோவிட்-19’ தொற்று ஏற்பட்டால், உங்களை தீவிர நோய்தாக்குதலில் இருந்து இருந்து பாதுகாக்கிறது
  • உங்களுடைய நண்பர்கள், குடும்பத்தினர் மற்றும் சமூகத்தினரைப் பாதுகாக்க உதவுகிறது.

பெரும்பான்மையான மக்களுக்குத் தடுப்பூசி இடப்பட்டால், கோவிட்-19 வைரசினால் எளிதாகப் பரவ இயலாது. தடுப்பூசியை இட்டுக்கொள்ள இயலாதவர்களையும் இது பாதுகாக்கும்.

தடுப்பூசியின் பாதுகாப்பு

  • அனைத்துத் தடுப்பூசிகளும் ஆஸ்திரேலியாவில் பயன்படுத்தப்படுவதற்கு முன், அவை Therapeutic Goods Administration எனும் ஆஸ்திரேலிய அமைப்பினால் ஏற்படுத்தப்பட்டுள்ள தீவிர பாதுகாப்புத் தர நிலைகளைக் கடந்தாக வேண்டும்.
  • தகுதி பெற்ற சுகாதாரப் பராமரிப்புப் பணியாளரால் உங்களுக்குத் தடுப்பூசி இடப்படும்.
  • அனைத்துத் தடுப்பூசிகளுக்கும் இருப்பதைப் போல, கோவிட்-19 தடுப்பூசியை இட்டுக்கொண்ட பிறகு பொதுவான பக்க விளைவுகள் சிலருக்கு ஏற்படக்கூடும். பின் வருவன இதில் அடங்கும்:
    • உங்களுக்கு ஊசிப் போடப்பட்ட இடத்தில் வலி
    • களைப்பு
    • தசை வலி
    • தலைவலி
    • காய்ச்சல் மற்றும் குளிர்க் காய்ச்சல்
    • மூட்டு வலி

தடுப்பூசியை இட்டுக்கொள்வதற்கு முன்பாக, இதைப் பற்றிய தகவல்களை வாசியுங்கள்:

உங்களுடைய கோவிட்-19 தடுப்பூசிகளைத் தொடர்ந்து ஏற்படவல்ல பக்க விளைவுகளைப் பற்றிய மேலதிகத் தகவல்களுக்குப் பின் வருவனவற்றைப் பாருங்கள்:

கோவிட்-19 தடுப்பூசியைப் பற்றிய கவலைகள் ஏதேனும் இருப்பின், நீங்கள் உங்களுடைய மருத்துவருடன் பேச வேண்டும்.

செயலூக்கம்

உலகெங்கும் இலட்சக் கணக்கான மக்கள் தடுப்பூசிகளைஇட்டுக்கொண்டு வரும் இவ்வேளையில், இத்தடுப்பூசிகள் நம்மை எவ்வளவு சிறப்பாகப் பாதுகாக்கின்றன என்பதைப் பற்றிய இன்னும் நல்லதொரு புரிதலை நாம் பெற்றுவருகிறோம். நிறைய மக்கள்கோவிட்-19தடுப்பூசியைஇட்டுக்கொண்ட சமூகங்களில் மேற்கொள்ளப்பட்ட ஆய்வுகளை உள்ளடக்கிய மிகச் சமீபத்திய ஆய்வின் தகவல்கள் கீழே கொடுக்கப்பட்டுள்ளன.

கோவிட்-19 தொற்று ஏற்படுவதிலிருந்து AstraZeneca (ஆஸ்ட்ரா-ஸெனெகா) தடுப்பூசி உங்களைப் பாதுகாக்கிறது

  • 12 வார கால இடைவெளியில் இரு தவணைகள் இடப்படும் இந்தத் தடுப்பூசியால், உங்களுக்குகோவிட்-19-னால் நோய்வாய்ப்படும் வாய்ப்பு 90 சதவீதம் வரை குறைவு.
  • இத்தடுப்பூசி மருந்தின் முதல் தவணைஇட்டுக்கொண்ட பிறகு, உங்களுக்குகோவிட்-19-னால்மருத்துவமனையில் அனுமதிக்கப்படுவதற்கான வாய்ப்பு 90 சதவீதத்திற்கும் மேல் குறைவு.

கோவிட்-19 தொற்று ஏற்படுவதிலிருந்து Pfizer (ப்ஃபைஸர்) தடுப்பூசி உங்களைப் பாதுகாக்கிறது

  • குறைந்தபட்சமாக 21நாள் இடைவெளியில் இரு தவணைகள் இடப்படும் இத்தடுப்பூசி, கோவிட்-19-னால்நோய்வாய்ப்படும் வாய்ப்புஉங்களுக்கு 95 சதவீதம் குறைவு.
  • இத்தடுப்பூசி மருந்தின் முதல் தவணையை நீங்கள் இட்டுக்கொண்டதும், கோவிட்-19-னால்மருத்துவ மனையில் அனுமதிக்கப்படும் வாய்ப்பு உங்களுக்கு 80 சதவிதத்திற்கும் மேல் குறைவு.

‘கோவிட்-19’ தடுப்பூசிகளில் அடங்கியுள்ள செய்பொருட்கள்

பின் வருவன Pfizer (ப்ஃபைஸர்) மற்றும் AstraZeneca (ஆஸ்ட்ரா-ஸெனெகா) தடுப்பூசிகளில் இல்லை.

  • பால்
  • முட்டை
  • தாவரப் பால்
  • பன்றி இறைச்சி அல்லது பன்றி இறைச்சி உற்பத்திப்பொருள் (பன்றி ஊன்பசை போன்றவை)

நீங்கள் தடுப்பூசியை எப்போது இட்டுக்கொள்ள இயலும்

பின்வருபவர்கள் தடுப்பூசியை இப்போது இட்டுக்கொள்ளலாம்:

  • 40க்கும் மேல் வயதுடையோர்
  • தங்கும் விடுதி நோய்த்தடைக்-காப்புப் பணியாளர்கள் மற்றும் எல்லை கடந்து பணியாற்றுவோர்
  • தங்கும் விடுதி நோய்த்தடைக்காப்புப் பணியாளர்கள் மற்றும் எல்லைப் பணியாளர்கள் தொடர்ப்பில் இருக்கும் குடும்பத்தார்கள்
  • சுகாதாரப் பராமரிப்புப் பணியாளர்கள்
  • முதியோர் பராமரிப்புப் பணியாளர்கள் மற்றும் முதியோர் இல்ல வாசிகள்
  • இயலாதோர் பராமரிப்புப் பணியாளர்கள் மற்றும் இயலாதோர் இல்ல வாசிகள்
  • உள்ளார்ந்த நோய்வாய்ப் பட்ட 16, 16க்கும் மேல் வயதுடையோர்
  • வயதுவந்த குறிப்பிடத்தக்க இயலாதோர்
  • ‘தேசிய இயலாமைக் காப்பீட்டுத் திட்ட வசதி’ (National Disability Insurance Scheme (NDIS))-யில் கலந்துகொண்ட இயலாதோர்
  • கட்டம் 1a (Phase 1a) மற்றும் 1b -யின் கீழ் தகுதி பெறும் நபர்கள் மற்றும் குறிப்பிட்ட நோய்வாய்ப்பட்ட குழந்தைகளின் பராமரிப்பாளர்கள் (ஊதியம் பெறும், ஊதியம் பெறாத பராமரிப்பாளர்கள்) – மேலதிகத் தகவல்களுக்கு கோவிட்-19 தடுப்பூசித் திட்டம் கட்டம் 1b’ (COVID-19 vaccination program Phase 1b for further details)’ யைப் பாருங்கள்
  • சில இயலாதோர் பராமரிப்பு மற்றும் முதியோர் பராமரிப்புத் தொண்டர்கள் - மேலதிகத் தகவல்களுக்கு ‘கோவிட்-19 தடுப்பூசித் திட்டம் கட்டம் 1b’ (COVID-19 vaccination program Phase 1b for further details) யைப்பா ருங்கள்
  • பின் வருவோரை உள்ளடக்கிய, தற்போது பணியில் இருக்கும் அதி தேவை, அதியுயர் ஆபத்தினை எதிர்கொள்ளும் பணியாளர்கள்
    • பாதுகாப்புப் படையோர்
    • காவல்துறையினர், தீயணைப்பாளர்கள், அவசரகால சேவை பணியாளர்கள்
    • இறைச்சி, கடலுணவுப் பதனத் தொழிலாளர்கள்
  • கீழ் வரும் பணியிடங்களில் உள்ளோரை உள்ளடக்க விக்டோரிய அரசு இதற்கான அணுகல் வசதியை விரிவுபடுத்தியுள்ளது:
    • சமூகத் திருத்தப் பணியாளர்களை உள்ளடக்கிய திருத்த, தடுப்புக்காவல் சேவைகள்
    • இல்லசேவைஆதரவு அளித்தல் போன்ற அதியுயர் ஆபத்துள்ள தங்குமிடச் சூழல்களில் பணியாற்றுபவர்கள்
    • பொதுமக்களை எதிர்கொள்ளும் பொதுப்போக்குவரத்து சாதன ஓட்டுநர்கள் மற்றும் பணியாளர்கள்
    • பகிர்வு சவாரி மற்றும் வாடகைஊர்தி ஓட்டுநர்கள்
    • சர்வதேச உள்-நுழைவுத் துறைமுகங்கள் மற்றும் விமான நிலையங்கள்
  • கோவிட்-19-னால்பாதிப்பு அடைவதற்கும், பாரதூரமான நோய்த்தொற்று ஏற்படுவதற்குமான உயர் ஆபத்து உள்ள பின் வருவோரைப் போன்றவர்கள்:
    • வீடற்ற நிலையில் இருப்போர், பொது இடங்களில் உறங்குவோர் அல்லது அவசரகால தங்குமிடங்களில் இருப்போர்
    • போதைப் பொருள் மற்றும் மதுபானம் குறித்த ஆதரவு சேவைகளைப் பெறுவோர்
    • மனநல சேவை இல்லங்களில் வசிப்போர்
    • அடுக்கு மாடி மற்றும் மாடிக் கட்டிடங்களில் உள்ள பொது வீட்டு வசதிகள், ஆதரவோடு கூடிய இல்லசேவைகள், சமூக வீட்டு வசதிகள், அறைத்தொகுதி வீடுகள் மற்றும் இதர வகைப்பட்ட எளிதில் பாதிப்படையக்கூடிய வீட்டு-வசதிகளில் வசிப்போர்
    • காவலில் உள்ள சிறைக் கைதிகள் மற்றும் திருத்துசேவை காவலில் தடுத்துவைக்கப்பட்டோர்.
  • ஆஸ்திரேலியாவை விட்டு வெளியேற ஆஸ்திரேலிய அரசாங்கத்திடமிருந்து விதிவிலக்கு பெற்றுள்ள பயணிகள்
  • கோவிட்-19முதல் தவணை தடுப்பூசியை ஏற்கனவே இட்டுக்கொண்டவர்கள், அவர்கள் எவ்வொரு கட்டத்தில் இருந்தாலும், இரண்டு தவணைகளுக்கு இடையே இருக்கவேண்டிய சரியான நேரம் வரும்போது இரண்டாவது தவணையை அவர்கள் பெற்றுக்கொள்ளலாம் (வேறு மாநிலங்களில் இருந்தும், வெளி நாடுகளில் இருந்தும் வந்திருப்போரும் இதில் அடங்குவர்).

நீங்கள் கோவிட்-19தடுப்பூசியை இட்டுக்கொள்ள எங்கு செல்லவேண்டும்

நீங்கள் தகுதி பெறுபவர் எனில், பின் வரும் இடங்களுக்கு நீங்கள் முன்பதிவினைச் செய்துகொள்ளலாம்:

  • பொது மருத்துவ சிகிச்சையகங்கள்
  • சமூக சுகாதார சேவைகள்
  • பூர்வகுடியினர் (aboriginal) கட்டுப்பாட்டு சுகாதார சேவைகள்’
  • பொது மருத்துவ சுவாச சிகிச்சையகங்கள்
  • தடுப்பூசி அளிப்பு மையங்கள்.

நீங்கள் தடுப்பூசியை இட்டுக்கொள்ள விரும்பினால், மற்றும்உங்களுடைய மருத்துவர் கோவிட்-19தடுப்பூசிகளை வழங்கிக்கொண்டிருந்தால்,உங்களுடைய தடுப்பூசியை உங்களுடைய மருத்துவரிடம் இட்டுக்கொள்ளலாம். பின் வரும் காரணங்களுக்காகநீங்கள் பேசுவதற்கு மிகவும் ஏற்றவர் உங்களுடைய மருத்துவரே ஆவார்:

  • முன்பிருந்து இருக்கும் மருத்துவ நோய்நிலை
  • உங்களுக்குக் கேள்விகள்அல்லது கோவிட்-19தடுப்பூசியைஇட்டுக்கொள்வது குறித்து உங்களுக்குப் பதற்றம்

கோவிட்-19 தடுப்பூசியை இட்டுக்கொள்வதற்கான முன்பதிவினைச் செய்வது எப்படி

கோவிட்-19 தடுப்பூசியை இட்டுக்கொள்வதற்கான உங்களுடைய முன்பதிவினைச் செய்வதற்கான தெரிவுகள் சில உள்ளன:

60 வயதிற்கு மேற்பட்டோருக்கு

  • உங்களுக்கு அண்மையிலுள்ள ஜி.பி (பொது மருத்துவர்) அல்லது சுகாதார சேவை ஒன்றில் முன்பதிவு செய்யுங்கள்
  • 1800 675 398-எனும் இலக்கத்தினை அழைப்பதன் மூலம் தடுப்பூசி அளிப்பு மையம் ஒன்றில் நீங்கள் முன்பதிவு செய்துகொள்ளலாம். மொழிபெயர்த்துரைப்பாளர் ஒருவர் உங்களுக்குத் தேவைப்பட்டால் ‘0’ (பூஜ்யம்)-வைத் தெரிவு செய்யுங்கள்.
  • சில தடுப்பூசி அளிப்பு மையங்களில் முன்பதிவு இல்லாமலேயே நீங்கள் நேரடியாக உள்ளே செல்லலாம். முன்பதிவு இல்லாமல் நீங்கள் சென்றால், தடுப்பூசி இடும் நபர் ஒருவர் உங்களுக்குக் கிடைக்கும் வரை நீங்கள் காத்திருக்க வேண்டியிருக்கக் கூடும். நீங்கள் எந்தத் தடுப்பூசி அளிப்பு மையங்களில் ‘முன்பதிவு இல்லாமல் நேரடியாகச் செல்லலாம்’ என்பதை அறிய ‘நேரடி அனுமதி மற்றும் திறந்திருக்கும் நேரம்’ ( accept walk ins and their opening hours)- யில் பார்த்துத் தெரிந்து கொள்ளுங்கள்.

60 வயதிற்குக் கீழ்ப்பட்டவர்களுக்கு

  • 1800 675 398 எனும் இலக்கத்தினை அழைத்து நீங்கள் முன்பதிவு ஒன்றைச் செய்துகொள்ள வேண்டும். மொழிபெயர்த்துரைப்பாளர் ஒருவர் உங்களுக்குத் தேவைப்பட்டால் ‘0’ (பூஜ்யம்)-வைத் தெரிவு செய்யுங்கள்.
  • சில தடுப்பூசி அளிப்பு மையங்களில் முன்பதிவு இல்லாமலேயே நீங்கள் நேரடியாக உள்ளே செல்லலாம். முன்பதிவு இல்லாமல் நீங்கள் சென்றால், தடுப்பூசி இடும் நபர் ஒருவர் உங்களுக்குக் கிடைக்கும் வரை நீங்கள் காத்திருக்க வேண்டியிருக்கக் கூடும். நீங்கள் எந்தத் தடுப்பூசி அளிப்பு மையங்களில் ‘முன்பதிவு இல்லாமல் நேரடியாகச் செல்லலாம்’ என்பதை அறிய ‘நேரடி அனுமதி மற்றும் திறந்திருக்கும் நேரம்’ (accept walk ins and their opening hours)- யில் பார்த்துத் தெரிந்துகொள்ளுங்கள்.

திறப்பு நேரங்கள் உள்ளடங்க, விக்டோரிய மாநிலத் தடுப்பூசி அளிப்பு மையங்களைப் பற்றிய மேலதிகத் தகவல்களுக்கு தடுப்பூசி அளிப்பு மையங்கள் (Vaccination centres) எனும் வலைத்தளப் பக்கத்திற்குச் செல்லுங்கள்.

தடுப்பூசியிடும் வேளையின்போது நீங்கள் என்ன கொண்டுவரவேண்டும்

  • தடுப்பூசி அளிப்பு மையம் ஒன்றில் இருக்கும் பொழுது முகக்கவசத்தை நீங்கள் அணிந்துகொள்ள வேண்டியிருக்கும்
  • புகைப்பட அடையாள ஆவணம் ஒன்று, உங்களிடம் இருப்பின்
  • Medicare (மெடிகெயர்) அட்டை, உங்களிடம் ஒன்று இருப்பின் (Medicare (மெடிகெயர்) அட்டை ஒன்று அவசியம் இல்லாவிட்டாலும்)
  • மெடிகெயர் (Medicare) அட்டை ஒன்று உங்களுக்கு இல்லாவிட்டால், தனிநபர் சுகாதாரப் பராமரிப்பு அடையாள இலக்கம்
  • உங்களுடைய வேலையின் காரணமாக நீங்கள் கோவிட்-19தடுப்பூசியை இட்டுக்கொள்கிறீர்கள் எனில், உங்களுடைய முதலாளியால் கொடுக்கப்பட்ட தொழிலாளர் அடையாள ஆவணம்
  • ஒவ்வாமைகள் போன்ற உங்களுடைய மருத்துவ வரலாற்றினைப் பற்றிய தகவல்கள்.

இரத்த உறைவு மிக அரிதாக ஏற்படும் ஒரு பக்க விளைவு

இரத்த உறைவு மற்றும் இரத்த தட்டுக்கள் (platelet) குறைவடையும் நிலை ஆகியவற்றுடன் சம்பந்தப்பட்ட மிக அரிதான பக்க விளைவு ஒன்றிற்கும் AstraZeneca (ஆஸ்ட்ரா-ஸெனெகா) தடுப்பூசிக்கும் இடையே தொடர்பு ஒன்று இருக்கிறது. இந்த குறைந்த இரத்த தட்டுகளோடு கூடிய இரத்த உறைவு ஏற்படும் நிலை ‘இரத்த தட்டு குறைநிலை ரத்த உறைவு நோய்’ (Thrombosis with thrombocytopenia syndrome (TTS)) என்று சொல்லப்படுகிறது.

இரத்த உறைவு ஏற்படும் இந்த மிக அரிதான பக்க விளைவைப் பற்றி அறிய 'ஆஸ்திரேலிய அரசாங்கத்திடமிருந்து மிகச் சமீபத்தியத் தகவல்' (latest information from the Australian Government)எனும் வலைத்தளப் பக்கத்தினைப் பாருங்கள்.

மொழிபெயர்க்கப்பட்டு உங்கள் மொழியில் உள்ள தகவல்-ஏடுகள்

உங்களுடைய கோவிட்-19 தடுப்பூசியை இட்டுக்கொள்வதற்காக ஆயத்தமாவது எப்படி

Pfizer (ப்ஃபைஸர்) தடுப்பூசிக்கான மூலவளங்கள்

AstraZeneca (ஆஸ்ட்ரா-ஸெனெகா) தடுப்பூசி மருந்திற்கான மூலவளங்கள்

மேலதிகத் தகவல்கள்

ஆஸ்திரேலியாவின் தடுப்பூசி அளிப்புத் திட்டத்தினைப் பற்றிய மேலதிகத் தகவல்களை ‘ஆஸ்திரேலிய அரசாங்கத்தினது வலைத்தள’த்தில் (the Australian Government’s website)காணலாம்.

மேலதிகத் தகவல்கள்

தடுப்பூசி விநியோகத் திட்டத்துடன், ஆஸ்திரேலியாவின் தடுப்பூசியிடல் திட்டத்தினைப் பற்றிய மேலதிகத் தகவல்களை ஆஸ்திரேலிய அரசாங்கத்தினது வலைத்தலத்தில் - (Australian Government’s website) காணலாம்.

மற்ற மொழிகளில் உள்ள நம்பத்தக்க வளங்களுக்கான இணைப்புகள்

சமூக மற்றும் சமயப் பிரமுகர்களுக்கான வழிகாட்டுப் பொதிகள்

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?