vic_logo
coronavirus.vic.gov.au

ክታበት ኮቪድ-19 (COVID-19 vaccine) - ትግርኛ (Tigrinya)

ሓበሬታ ብዛዕባ መስርሕ ዝርጋሐን ድሕንነትን ክታበት ኮቪድ-19

ዘተሓሳስበካ እንተኾይኑ ናብ ኮሮና ቫይረስ/coronavirus ብሆትላይን 1800 675 398 (24 ሰዓታት) ጌርካ ምድዋል።.
ኣስተርጓማይ እንተደሊኻ፤ ን TIS National ብስልኪ 131 450 ጌርካ ምድዋል.
በጃኹም ብሰለስተ ዜሮ (000) ንህጹጽ ጸገም ጥራይ.

ክትፈልጦ ዘሎካ

  • መደብ ክታበት ኣውስትራልያ፡ ኣብ ቪክቶርያ ካብ 22 ለካቲት 2021 ኣትሒዙ ኽጅምር እዩ።
  • ኣብ ትሕቲ እቲ ቐዳማይ ክፋል መደብ ክታበት ኣውስትራልያ፡ እቶም ኣብ ሕብረተሰብና ዝያዳ ኽጥቅዑ ዝኽእሉ ዘበሉ ቐዳምነት ተዋሂብዎም ኣሎ፣ እዚኦም ነዞም ዝስዕቡ የጠቓልሉ፦
    • ሰራሕተኛታት ውሸባን ዶብን፡ እንተላይ ኩሎም እቶም ኣብ መደብ ውሸባ ሆቴል ዝዓይዩ ሰራሕተኛታት
    • ኮቪድ-19 ምስ ዘለዎምን ክህልዎም ዝኽእልን ሰባት ብቐጥታ ዝዓይዩ ሰራሕተኛታት ክንክን ጥዕና፡ እንተላይ ኮቪድ-19 ኸም ዘለዎም እተጠርጠሩ ሰባት ኣብ ዘለዉዎ ኽፍሊ ዝዓይዩ ሰራሕተኛታት ሆስፒታል
    • ኣብ መእለዪ ኣረጋውያንን ስንኩላንን ዝሰርሑ ሰራሕተኛታት
    • ኣብ መእለዪ ኣረጋውያንን ስንኩላንን ዝነብሩ።
  • ከም መደብ እቲ መስርሕ ምዝርጋሕ ክታበት፡ መንግስቲ ቪክቶርያ ካብ 22 ለካቲት (2021) ጀሚሩ ንሰራሕተኛታት ውሸባ ሆቴል፡ ንሰራሕተኛታት መዕርፎ ነፈርትን ወደባትን፡ ብዝያዳ ኽጥቅዑ ንዝኽእሉ ሰራኽተኛታት ክንክን ጥዕና፡ ኣብ ህዝባዊ መእለዪ ኣረጋውያን ንዝሰርሑን ንዝነብሩ ዘበሉ ክታበት ኮቪድ-19 ኽዕድል እዩ።
  • መንግስቲ ቪክቶርያ ነቶም ኣብ ብሕታዊ መእለዪ ኣረጋውያንን ስንኩላንን ዝሰርሑን ዝነብሩን ዘበሉ እውን ክታበት ኮቪድ-19 ክህብ ሓላፍነት ኣለዎ።
  • ተወሳኺ ፈውሲ እናፈረየ ብዝኸደ መጠን፡ ብዙሓት ሰባት ነቲ ኽታበት ክረኽብዎ ክኽእሉ እዮም። መንግስቲ ኣውስትራልያ ኣብ 2021 ኩሎም ሰብ ኣውስትራልያ ኸም ዝኽተቡ ኽገብር እዩ ሸቶ ገይሩ ዘሎ።
  • ክታበት ኮቪድ-19 ንኹሉ ሰብ ብዘይ ክፍሊት እዩ ክውሃብ።
  • ሕደ ኻብ ዝዀነ ክታበት ኮቪድ-19፡ ክልተ ፈውሲ ኽትወስድ (ክልተ ግዜ ኽትውጋእ) የድልየካ።
  • ነታ ቐዳመይቲ ፈውሲ ምስ ወሰድካያ፡ ነታ ኻልአይቲ ፈውሲ መዓስ ክትወስዳ ኸም ዘድልየካ ኽትሕበር ኢኻ።
  • እቲ ክታበት ምሉእ ብምሉእ ክዓዪ እንተ ዀይኑ፡ ነታ ኻልአይቲ ፈውሲ ኽትወስዳ ኣገዳሲ እዩ።
  • ኩሉ እቲ ኽታበት ኣብ ኣውስትራልያ ኣብ ጥቕሚ ኽውዕል ፍቓድ ቅድሚ ምርካቡ፡ ድሕንነቱ ዝሓለወ እንተ ዀይኑ ንምርግጋጽ ብጥንቃቐ ተፈቲኑ እዩ።
  • ብዛዕባ ጥዕናኻ ወይ ብዛዕባ ክታበት ኮቪድ-19 ምውሳድ እንተ ተሻቒልካ፡ ንሓኪምካ ኣዛርቦ።

ስለምንታይ ክትክተብ ኣለካ፧

ክታበት ኮቪድ-19 ምውሳድ፦

  • ብኮቪድ-19 ንኽትሓምም ዘሎካ ተኽእሎ ይንክዮ
  • ብኮቪድ-19 እንተ ተለኺፍካ ድማ ኣዚኻ ንኸይትሓምም ይከላኸለልካ።
  • ንፈተውትኻን ንስድራቤትካን ንማሕበረሰብካን ንምዕቋብ ይሕግዝ።

መብዛሕትኦም ሰባት እንተ ተኸቲቦም፡ እቲ ቫይረስ ብቐሊሉ ኽላባዕ ኣይክእልን። እዚ ኸኣ ነቶም ክኽተቡ ዘይክእሉ እውን የዕቍብ እዩ።

ድሕንነት ክታበት

  • ኩሉ ክታበታት፡ እንተላይ ክታበት ኮቪድ-19 ኣብ ኣውስትራልያ ኣብ ጥቕሚ ኽውዕል ቅድሚ ምጅማሩ ብናይ ኣውስትራልያ Therapeutic Goods Administration ንዝወጸ ጥብቂ ዝዀነ መለክዒታት ድሕንነት ክሓልፎ የድልዮ እዩ።
  • ስልጠና ብዝወሰደ ሰራሕተኛ ክንክን ጥዕና ኢኻ ኽትክተብ።
  • ከም ኩሉ ኻልእ ክታበት፡ ገሊኦም ሰባት ክታበት ኮቪድ-19 ምስ ወሰዱ፡ ንኣሽቱ ጎድናዊ ሳዕቤናት ከጋጥሞም ይኽእል እዩ። ንኣብነት፦
    • ኣብቲ መርፍእ እተወጋእካሉ ቃንዛ ይስምዓካ
    • ረስኒ
    • ቅርጥማት
  • ብዛዕባ እዚ ኽታበት ዝዀነ ዘሻቕለካ ነገር እንተ ኣልዩካ፡ ንሓኪምካ ከተዘራርቦ ኣለካ።

ዝያዳ ሓበሬታ

ዝያዳ ሓበሬታ ብዛዕባ መደብ ክታበት ኣውስትራልያ፡ እንተላይ መደብ ምዝርጋሕ እቲ ክታበት፡ ኣብ ናይ መንግስቲ ኣውስትራልያ ወብሳይት ክርከብ ይከኣል እዩ።

Reviewed 06 April 2021

Coronavirus Victoria

24/7 Coronavirus Hotline

If you suspect you may have coronavirus (COVID-19) call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?