vic_logo
coronavirus.vic.gov.au

COVID-19 ویکسین (COVID-19 vaccine) ـ اردو (Urdu)

COVID-19 ویکسین کی پہلی بار دستیابی اور حفاظت کے بارے میں معلومات

اگر آپ فکرمند ہیں تو Coronavirus ہاٹ لائن کو فون کریں (24 گھنٹے)۔
اگر آپ کو انٹرپریٹر (زبانی مترجم) کی ضرورت ہے تو450 131 پر TIS National کو فون کریں۔
براہ مہربانی ٹرپل زیرو (000) پر صرف ہنگامی صورتحال میں کال کریں۔

آپ کو کیا جاننے کی ضرورت ہے:

  • آسٹریلیا کا ویکسین پروگرام وکٹوریہ میں 22 فروری 2021 سے شروع ہوگا۔
  • ویکسین پروگرام کے پہلے مرحلے کے تحت، ہماری کمیونٹی میں ان کو ترجیح دی گئی ہے جنہیں سب سے زیادہ خطرہ لاحق ہے، بشمول:
    • قرنطینہ اور سرحدی کارکنان، بشمول ہوٹل قرنطینہ پروگرام میں کام کرنیوالا عملہ۔
    • فرنٹ لائین پر خطرے سے دوچار طبّی کارکنان، بشمول ہسپتال عملہ جو COVID-19 وارڈوں میں کام کررہے ہوں-
    • عمررسیدہ ومعذور افراد کے مراکز کا عملہ
    • عمررسیدہ ومعذور افراد کے مراکز کے مکین
  • 22 فروری 2021 سے شروع ہونے والے ویکسین پروگرام کے تحت وکٹوریہ کی حکومت، ہوٹل قرنطینہ کے کارکنان، ہوائی اڈے اور بندرگاہوں کے کارکنان، فرنٹ لائین پر زیادہ خطرے سے دوچار طبّی کارکنان اور سرکاری مراکز براےٴ عمررسیدہ و معذور افراد کے مکین اور عملہ کوCOVID-19 ویکسین فراہم کرے گی ۔
  • آسٹریلیا کی حکومت نجّی مراکز براےٴ عمررسیدہ ومعذور افراد کے مکینوں اور عملے کو ویکسین فراہم کرنے کی ذمہ دار ہے۔
  • جوں ہی ویکسین کی مزید خوراکیں تیار کی جائیں گیں، ویکسین زیادہ لوگوں کو مل پائے گی۔ آسٹریلیا کی حکومت کا ہدف یہ ہے کہ2021 میں آسٹریلیا کے تمام لوگوں کو ویکسین لگا دی جائے۔
  • COVID-19 ویکسین سب کے لیے مفت ہے۔
  • آپ کو ایک ہی COVID-19 ویکسین کی دو خوراکوں کی ضرورت ہوگی۔
  • جب آپکو پہلی خورک ملے گی، تب آپ کو بتایا جائیگا کہ آپ کو دوسری خوراک کب لینی ہوگی۔
  • ویکسین کےمکمل طور پر موثر ہونے کے لیے اِس کی دوسری خوراک لینا اِہم ہے۔
  • آسٹریلیا میں استعمال ہونے کی منظوری سے قبل تمام ویکسینز کو احتیاط کیساتھ ٹیسٹ کیا جاتا ہے تاکہ ویکسین محفوظ ہو۔
  • اگر آپ اپنی صحت یا COVID-19 ویکسین لینے کے بارے میں فکر مند ہیں، تو اپنے ڈاکٹر سے بات کریں۔

آپ کو ویکسین کیوں لینی چاہیے

COVID-19 ویکسین لینے سے:

  • COVID-19 سے بیمار پڑنے کا خطرہ کم ہوجاتا ہے۔
  • آپ شدید بیمار ہونے سے محفوظ رہتے ہیں اگر آپ کو COVID-19 ہو بھی جاےٴ ۔
  • آپ کے دوستوں، خاندان اور برادری کو محفوظ رکھنے میں مدد ملے گی۔

اگر زیادہ تر لوگوں کو ویکسین لگ جاتی ہے، تو وائرس اِتنی آسانی سے نہیں پھیل سکتا۔ اس سے ان لوگوں کو بھی تحفّظ ملے گا جنہیں کسی وجہ سے ویکسین نہیں لگائی جا سکتی ہے۔

ویکسین کا محفوظ ہونا

  • تمام ویکسینز، بشمول COVID-19 ویکسین، کو آسٹریلیا میں استعمال سے قبل Australian Therapeutic Goods Administrationکے قائم کردہ سخت حفاظتی میعار سے گزرنا ہوتا ہے۔
  • آپ کو ایک تربیت یافتہ طبّی کارکن ویکسین لگائے گا۔
  • تمام ویکسینز کی طرح، کچھ لوگوں کو COVID-19 ویکسین لگنے کے بعد معمولی مضر اثرات کا سامنا ہو سکتا ہے۔ جیسے کہ:
    • ٹیکہ لگاٴے جانے والے حصّے میں درد
    • بُخار
    • پٹھوں میں درد
  • اگر ویکسین کے بارے میں آپکا کوئ سوال ہے، تو اپنے ڈاکٹر سے بات کریں۔

مزید معلومات

آسٹریلیا کے ویکسینیشن پروگرام، بشمول پہلی مرتبہ ویکسین دستیابی کا منصوبے، کے بارے میں مزید معلومات آسٹریلوی حکومت کی ویب سائیٹ پر پائی جا سکتی ہیں۔

Reviewed 08 April 2021

Coronavirus Victoria

24/7 Coronavirus Hotline

If you suspect you may have coronavirus (COVID-19) call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?