COVID-19 daalna zatui (COVID-19 vaccine) - Zomi (Zomi)

Banghangin natdalna zatui kisut huai hiam

Natdalna zatui pen COVID-19 hangin cinat gawp loh nading kidalna ah muanhuai-in muibun hi. Natna lungno pan bittak kidalcian theih nadingin natdalna zatui a hunhunin kisut ding thupi hi.

Natdalna kisut dan ding

Natdalna zatui kingahna munte:

• Cina-en (GP) te
• Huihdiknalam tawh kisai zato (GP Respiratory Clinic)
• Zatui saite
• Khuasung cidamnalam nasemte.

Damlohna omsa nei akl sut bangzah kisam ding cih na telcian keileh cina-en (PG) te hopih ding hoih hi.

Natdalna zatuite sumpiak kullo a khawnkhong hi a, natdalna kisut nadingin Medicare card kisam lo hi.

Kuate in natdalna kisun thei ding

Kum 5 leh a tungsiah khempeuh natdalna kisut thei hi. Kha 6 leh kum 5 nuai naupang pawlkhat natdalna kisun thei hi:

• natna dozawhna thanem leh
• pumpi cingtaklohna a neih leh
• damlohna tuamtuam a neih leh.

Omicron lungnote a bulphuh ahi namnih kikop natdalna zatui thak pen kum 18 leh a tungsiah khempeuh ading sutthuah dingin kingah hi.

Sut bangzah ding cih leh nang leh na naupangte ading koi natdalna zatui hoih ding cih tawh kisai cina-en (GP) te hopih in. Thulela kicingzaw theihna dingin, Natdalna kisut in ah pai in.

Natdalna zatui na kisut khit ciangin

Phim hong kidawtna mun ah cilesa natna, tawl/gim, cilesa na/golh, cisa akl khuasik leh guhletang natna cih bang a nunggu hoihlote om thei ding hi. A nunggu hoihlote pen pongman leh natdalna zatui in nasem hi cih limlak khat ahi hi. Tuate pen nasia khol lo uh a, ni khat ni nih khit ah bei lel hi.

A nasia nunggu hoihlo cih te tawm mahmah hi. Na lunghihmawh leh, akl tawmvei khit ah a nunggu hoihlote a bei nai keileh na siavuante hopih in.

COVID-19 natdalna zatui tawh kisai thute

Natdalna zatui khempeuh pen Australia gam sungah a kizat ma-in, Australia-gam Damna Zatui Vante Sittelna (Australian Therapeutic Goods Administration) in a ciangtan a khauh mahmah thukhunte tawh kituak hamtang ding hi. Tuate pen theihna kicing nei cidamna lam nasemte in a etcik uh ahi hi.

Australia gam ah, zattheih ding thukimna ngah natdalna zatui nam 4 om hi:

• Pfizer
• Moderna
• Novavax
• AstraZeneca

Kum leh damlohna zui-in mite in natdalna zatui tuamtek ngah thei uh hi. Koi natdalna zatui nang tawh kituak ding cih theih nadingin GP tawh kiho in.

Thulela kicingzaw

Natdalna zatui sutna zato zonna tawh GP akl tualsung zatui sai ah a sutkik ading minpia khol in. Thulela kicingzaw theihna dingin, Kumpi Coronavirus Huhna National Corovirus Helpline 1800 020 080 hopih in.