vic_logo
coronavirus.vic.gov.au

COVID-19 daalna zatui (COVID-19 vaccine) - Zomi (Zomi)

COVID 19 daalna zatui hawmkhiatna leh a muanhuaina thu zaksakna.

Lunghihmawhna khatpeuh na neih leh coronavirus hotline 1800 675 398 hopih in (nai 24 kihong).
Kamphen na kisap leh TIS National 131 450 ah hopih in.
Triple Zero (000) pen emergency a ding bekin zang in.

Na theih ding a kisamte

  • COVID-19 natna daalna zatui pen mihing kum 40 pan a tungsiah kuamapeuh kisun thei ta hi.
  • Kum 40 nuailam mi pawlkhatte zong kisun thei hi. Tua te-in”
    • A nasep uh ahih manin COVID-19 ngahbaih thei dinmun aom ah, cidamna lam nasemte, gualbaanlo kemte leh uhaam kepna muna nasemte,thukin sepkhiatna nasemte leh zintunna inn keptuamna (hotel quarantine) leh vanlengtual leh tembaw khawlna mun a nasemte kihel hi.
    • COVID-19 ngahleh a cina mahmah thei dingte mite pen, gualbaanlo mite ahih keileh damlohna a neite hi.
    • Natna ngahbaih thei dingte ahih kei leh COVID-19 natna a ngah baih thei ding mite tawh a teng, nasem ahihkeileh mikemte, gentehna-in gualbaanlo kemte leh zinbuk keptuamna a semte leh gamgi a nasemte
    • Natna daalna zatui kisun thei dingte’ kigelhna Kua’n daalna zatui kisun thei cih ah en in.
  • Mihing kum 60 pan a tungsiah te AstraZeneca natna daalna zatui kisun thei.
  • Mihing kum 60 nuaisiahte pen Pfizer natna daalna zatui kisun ding hi.
  • COVID-19 natna daalna zatui in mi khempeuh a dingin akhawnkhong hi. Medicare card neih kullo hi.
  • Natna daalna zatui sut leh sutloh ding pen nangma thu hi. Kisutding na teel thei hi.
  • COVID-19 natna daalna zatui in hoihtaka na asep na dingin zatui nihvei kisut kul hi.
  • A khat veina na kisut ciangin, a nih veina cikciang kisun ding cih hong gen ding uh hi.
  • Daalna zatuite pen Australia ah zat ding phalna a om ma-in lungmuang takin in kizat theih na dingin limtakin kisit phot hi.
  • COVID-19 daalna zatui sut ding tawh kisai na cidamna a ding na patauh leh,na siavuante hopih in.

Bang hangin dalna zatui kisut huai hiam

COVID-19 daalna zatui kisut na in:

  • COVID-19 hanga a na cinat ding hong kiamtuam sak hi
  • COVID-19 na ngah khak leh a cina mahmah na hih ding pan hong daal hi.
  • Na lawmte, na innkuanpihte leh na mipihte bitna dingin hong huh hi.

Mi atamzawte natna daalna zatui kisunleh, COVID-19 lungno kizelh baihlo ding hi. Tua in natna daalna zatui kisun theilote kem hi.

Daalna zatui muanhuaina

  • Covid 19 akipan daalna zatui khempeuh pen Australian Therapeutic Goods Administration ten khauh taka a bawl a muanhuaina tehna a pelh zawh kul hi.
  • Cidamna lam pilna neite in natna daalna zatui hong sun ding uh hi.
  • Natna daalna zatuite dan mah in, mi pawlkhat te’n COVID-19 natna daalna kisut khit uh ciang ataangpi nawngkainate nei thei uh hi. Tuate sungah
    • zatui kisutna mun nasa
    • gim
    • ci leh sa nasa
    • lutang nasa
    • cisa leh khuasik
    • guh leh taang nasa.

Natna daalna zatui na kisut ma in thu leh la sim phot in.

COVID-19 natna daalna zatui tawh kisai nawngkainate na theih beh nopleh hiah en in.

COVID-19 natna daalna zatui tawh kisai patauhna na neihleh, na siavuante hopih in.

Phattuampihna

Leitung ah mihing million tampite in natna daalna zatui a kisutkhit mahbang un, natna daalna zatui in eite hoihtaka hong kem ahihlam I tel theita hi. Hih anuaina thute pen COVID-19 natna daalna zatui kisunkhin mite tungah a nunung pen telsuina tungtawn a a kibawl hi.

AstraZeneca natna daalna zatui in COVID-19 panin hong daal hi.

  • Natna daalna zatui kaal 12 hal a nih vei kisutna in, COVID-19 tawh na cinat ding za- ah 90 bang tawmtuam sak hi.
  • Natna daalna zatui a khatveina na kisut khit ciang, COVID-19 tawh zato na lup ding za- ah 90 val bang tawmtuam sak hi.

Pfizer natna daalna zatui in COVID-19 natna ngah ding hong daal hi.

  • Natna daalna zatui nih vei kisut kikal ni 21 hal in na kisutna in, COVID-19 natna tawh na cinat ding za-ah 95 val bang hong daal hi.
  • A khat veina natna daalna zatui na kisut khit ciang, COVID-19 hanga na zato lup ding za-ah 80 hong tawm tuam sak hi.

COVID-19 natna daalna zatui sung ah a kihel teng

Pfizer leh AstraZeneca natna daalna zatui sungah a kihel lo

  • Bawngnawi
  • Aktui
  • Singnaai
  • Voksa ahihkeileh voksa tawh kibawl nate (gentehna in vok thau)

Cikciang natna daalna zatui kisun thei

Hih anuaia mite in COVID-19 natna daalna zatui kisun theita hi:

  • Kum 40 pan a tungsiahte
  • Zintun inn keptuamna leh gamgi nasemte
  • Zintun inn tuamkepna leh gamgi nasemte tawh kizom innkuanpihte
  • Cidamna lam nasemte
  • Uhaam khoi nasem leh uhaamte
  • Gualbaanlote kepna a nasem leh a om te
  • Kum 16 pan a tungsiah damlohna suuk zaw a neisate
  • Kumcing khin gualbatlohna a neite
  • National Disability Insurance Scheme (NDIS) ngah gualbanlote
  • Phase 1a leh 1b sunga a kihelte midangte ahih kei leh naupang cidamlote a kem carer ( sum ngah tawh sum ngahlo tawh) te- na theih beh nopleh COVID-19 natna daalna zatui gelna Phase 1 en in
  • Gualbaanlo pawl khat leh sum ngahlo a uham kepna a nasemte - theihbeh nop leh COVID-19 natna dallna geelna phrase 1b en in
  • Tu laitak a nasia leh a lauhuai mun a nasemte sungah:
    • galkapte
    • palik, mei, emergency lam nasemte
    • Sa leh tuipi pan apiang an bawl nasemte
  • Victorian Kumpi in hih anuaia munte a nasem mite zong kihelsak hi:
    • kipuahphatna leh kepdetna sepkhiatnate a sem tualsung phuaphatna nasem
    • Inn ah huhna piakhia sepkhiatna a sem alauhuai inn omkhawm na mun a nasemte
    • Tangpi zat meileng, mawtawpi hawlte, mipi tawh maitang kingat a nasemte
    • mawtaw tuangkhawm leh taxi hawlte
    • Tembaw khawlna muna nasemte khempeuh
  • Mi zawngkhal thanemte leh COVID-19 kilawh baihdeuh thei dingte ahihkeileh natna nasia nei thei dingte ahi:
    • Omna ding inn neilote, lupna ding lemlote, ahih kei leh dongtuak inn aa omte
    • Khamtheih-guihthei leh zu tawh kisai panpihna sepkhiatnate huhna ngahte
    • Lungism damlo kepna mun a omte
    • mi tuam diakte tenna Kumpi inn sang/inn niam a omte, panpihna ngah tenna innte, community inte, inn dei innte leh a dangte
    • Thongkiate leh puahphatna a mi kimante
  • Australia kumpi in Australia pan zinkhiat theih nang maapna angah khualzin mite
  • COVID-19 daalna zatui khatveina a kisun khinsate (state dang leh tuipigalte pan hong ciah mite) amau omna phase tawh kisai lo in a kisut kik hun ding sungin a nihveina zatui kisun thei uh hi.

COVID-19 natna daalna zatui koimun ah kisun ding

A kisunthei dingte sungah na kihel leh, hih munteah hunciam bawlkholhna (appointment) na bawl thei hi:

  • Taangpi Siavuante (siavuante)
  • Tualsung cidamna lam sepna munte
  • Aboriginal Tualsung Kemcing Cidamna Sepkhiatnate
  • Taangpi Kilahna Huihdiikna tawk kisai zato neute
  • Natna daalna zatui sutna munte

Na siavuan in COVID-19 natna daalna zatui asut leh na sivuan kiangah natna daalna zatui na kisun thei hi. Siavuan na neih leh hih vai amah tawh kikup hoih pen hi.

  • Damlohna neisa nahihleh
  • Dotnop ahihkeileh COVID-19 natna daalna zatui kisut ding na patauh leh.

Natna daalna zatui kisut nading appointment koici bawl ding

COVID-19 natna daalna zatui kisut nading appointment bawl na dingah teel ding tawmkhat om hi.

Kum 60 tungsiahte ading

  • GP zato neu ahihkeileh nang tawh kinai cidamna lam sepkhiatna mun ah bawl in
  • Natna daalna zatui sutna phualpi pen 1800 675 398 sam inla, kamphen nadeih leh 0 meek in.
  • Natna daalna zatui sutna mun pawlkhat in booking bawlkhol lo in zong sun uh hi. Na pai ziau leh zatui sun dingte man dong na ngak kul hi. Pai ziau a kisut theihna munte leh a hon hunte uh kan phot in.

Kum 60 nuaisiah te ading

  • Appointment bawlna ding in 1800 675 398 sam in la kamphen na deih leh 0 tel in.
  • Natna daalna zatui sutna mun pawlkhatte ah zasak khollo in paiziau ding kiphal a, natna daalna zatui ong sun dingte manhun ciang ngak kul hi. Koi munte ah kisun thei cih leh ahon hun nai bangzah cihte kan in.

Victoria natna daalna zatui sutna munte thu leh tua munte hon hun ding naikaalte na theihbeh nopleh Vaccination centres ah en in.

Natna daalna zatui kisun dingin na pai ciang bang pua ding

  • Nanta daalna zatui sutna mun ah maituam na thuah kul hi.
  • Photo ID, na neih leh
  • Medicare card, na neihleh (ahihhang medicare card pen kisamlo )
  • Mimal Cidamnakepna Theihpihna nambat, medicare card na neih kei leh
  • Nasepna ID ahih keileh nasepna pute kiang pan lai, na nasep hangin COVID-19 natna daalna zatui kisun ding nahihleh
  • Na damlohna tangthute kilempihlo cih dan

A kikhaat mahmah sikhalna nawngkaina

AstraZeneca natna daalna zatui leh a kikhaat mahmah natna kizopna om a, tua sungah si khalhna leh simal neute kiam gawpna om thei hi. Tua pen sikhalhna (Thrombosis) tawh na pumpi in simalneu tampi bawl natna (thrombocytopenia syndrome-TTS) kici hi.

Australia Kumpi tung pan hih a kikhaat mahmah si khal theih nawngkaina thuthakte sim in.

Nang pau in a kiletsa thu manphate

COVID-19 natna daalna zatui kisutna ding bangci kiginkholh ding

Pfizer natna daalna zatui thu le late

AstraZeneca natna daalna thu le late

Thu kicingzaw

Asutralia natna daalna zatui gelna thute pen Australia Kumpi website ah kisim thei hi.

Thu kicingzaw

Australia I daalna zatui vaihawmna tawh kisai na theihbeh nop leh Australia Kumpi Website ah na en thei ding hi.

Minam leh biakna makaite’ vanzat te

Reviewed 11 July 2021

Coronavirus Victoria

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?