vic_logo
coronavirus.vic.gov.au

Na gaunisala eso ni nomu vei lako yaki (Travel and transport) - Vosa Vakaviti (Fijian)

Vaka muria vaka vinaka tiko na veiveisau eso ni tuvatuva ni cicivaki ni basi, sitima se tram, kei na kena vaka tabui na veilakoyaki me yacova na gauna yalataki, vaka kina na vei tosoyaki e lomai Ositerelia kei vanua tani.

Ke o gadreva e dua na dau ni vakavakadewa, qai qiriti iratou na TIS Nationa enal 131 450 ka kerea kina e dua na vakadewa vosa ka kerea sara mo semati vei iratou na I vakalesilesi ni Transport Victoria ena naba ni talevoni 1800 800 007.

Tukutuku vakavoi me baleta na gauna ni veitosoyaki

Mai na 11.59pm ena siga Tusiti na i ka 20 ni Jiulai 2021, ke ko gadreva mo curumi Victoria mai na dua na Vanua Boro Damudamu, sa gadrevi mo ni kila:

  • Na i Liuliu ni Tabana ni Bula (Chief Health Officer) e sa mai vakarubeca vakawawa tu na soli ni i vola tara ni curu mai na vei vanua Boro Damudamu (Red Zone).
  • Ke o’ni gadreva mo ni curumi Victoria mai ni oti na 11.59pm ena siga Tusiti na i 20 Jiulai 2021, ka o’ni a tiko mai ena dua na Vanua Boro Damudamu ena lomai ni 14 na siga ni o sebera ni curumi Victoria, sa na gadrevi me tiko vei kemuni e dua na i vola me ulabaleti (exemption), veivagalalataki, se i vola tara/veivakadonui me rawa ni qai curumi o Victoria. Oqo e ra wili talega kina na lewe ni Vanua era vakaitikotiko e Victoria.

    • Ulabaleta (Exemptions): Sa gadrevi mo kerea na veivakadonui me ulabaleti na lawa ni vakatatabu. Na Veivakadonui me Ulabaleti na Lawa, e soli ga ki na dua ga na I tuvatuva e rui bibi sara me vaka na loloma ni veivueti kei na veikabibi ka dredre ka tara tiko na nona bula edua (care and compassionate reasons).

    • Veivagalalataki (exceptions): Na veivagalalataki e soli ga ena so na i tuvatuva bibi, me vaka na veika ka tuvai koto oqo era, o ira na cakacaka ena loma ni waqavuka, o ira na pasidia era lako tiko kina dua na dredre ka ra gadrevi mera tiko kina (emergency), se ke ko drovaka tiko na nomu vakamavoataki (escaping harm).

    • Na I Vola Tara: Na i Vola Tara e soli ena vei naki ka wili kina ke o gadreva mo takosovi Victoria mo lako tale kina dua na vanua (transit permits), ka soli talega vei ira e tiko vei ira na Specified Worker Permits, ka ra wili ena i tuvatuva ni Specified Worker List.

  • Ke o’ni saga mo ni curumi Victoria ka sega vei kemuni na i vola tara me ulabaleti kina lawa ni curu, vola tara ni veivagalalataki se na i vola tara ni curu, ‘oni na totogitaki vakailavo mo na sauma e AUD$5452.00 ka na rawa talega me sogoti vei iko mo curu se ko sa na laki tiko vakagalala ki na otela vakarautaki mo ni tiko vagalala kina me 14 na siga, ka o na sauma taucoko sara na nomu i sau ni tiko ena Otela koya.

  • Ke o’ni curumi Victoria me rawa ni ko takoso kina dua tale na vanua (transit traveller), sa gadrevi me vakadewataki veikemuni ni sa talabusese tale tikoga na mate oqo e New South Wales. Sa dodonu mo ni vakatabui kemuni mo ni lako curuma na veivanua e curusesea tiko kina na mate oqo (areas of high community transmission) ena veivanua raraba e Serene ka sa vakadeitaka na Tabana ni Bula e New South Wales. Ia, kevaka mo sa na lako curuma yani na veivanua ririkotaki oqo, sa dodonu mo tuvatuva ka vakavakarau makawa toka ni bera na nomu I lakolako, ka mo na levea kina na vakavodo waiwai ni motoka, na voli kakana e gaunisala ka levei na cegu e tolo ni sala e na maliwa ni veivanua ririkotaki oqo.

Ke o’ni gadreva, mo ni wilika na vei tukutuku me baleta na veivanua boro damudamu (red), seninawanawa (orange), kei na drokadroka (green) e Australia kei Niu Siladi (New Zealand), mo ni sikova na, visit the travel updates page.

Na I Tuvatuva  Ni Tauri I Vola Tara Ni Vei-lakoyaki e Victoria (Victorian Travel Permit Scheme)

E gadrevi mo kerea na curu Vanua e Vikatoria (Victoria) mai na veitikotiko kece sara ena Vanua e rua o Ositerelia (Australia) kei Niusiladi (New Zealand).

Na vakarautaki ni i vola tara oqo e baleti ira na vei lakoyaki kei ira na lewenivanua ka vakaitikotiko tudei e Victoria ka ra lesu tale tiko mai.

Na Vanua o Vikatoria (Victoria) e okata na veitikotiko e loma I Ositerelia (Australia) kei Niusiladi (New Zealand) me vanua boro drokadroka (green), seninawanawa (orange), se damudamu (red) ka dusia koto na I vakatagedegede ni rerevaki ni mate oqo na corona virus.

Nomu kerea na i vola tara, e na gadrevi mo solia e so na veika mei vakadinadina me baleta na vanua ko gole mai kina kei na vanua ko gole tiko kina.

Vei ira era vakaitikotiko ena i yalayala ni vei vanua era na sega ni gadreva e dua na i vola tara, ia ena gadrevi ga me ra solia e dua na i vakadinadina ni vanua era vakaitikotiko kina ena gauna era yaco mai kina ena i yalayala ni vanua.

Kerekere vakacava:

Kerea na nomu i vola tara vei Service Victoria.

Vola tara ni veiwasewase ni vanua

Na veivanua e okati me vanua boro damudamu (red), sa tabu dredre sara  mo na vakacurumi ka vaka vo ga ni o lewe ni Vanua, se vakaitikotiko tudei e Vikatoria (Victoria). Ke o ni lewe ni Vanua se vakaitikotiko tudei e Vikatoria (Victoria), ka o ni curuma mai e dua na vanua boro damudamu (red), o ni na gadrevi mo ni na laki tiko vakagalala ki na nomuni veivalevale se vei tikotiko me 14 na siga taucoko ni bera ni o ni qai vagalalataki mo ni veilakoyaki. E tiko e vica na vuna e rawa ni ko curu mai kina me vaka na i vola tara ni Specified Worker se Freight Workers, se na i vola tara ka vakatarai ga kina na cakacaka ni veivuke ni loloma.  Kevaka o gole mai e na i wasewase ni vanua boro damudamu (red) ka sega na nomu i vola tara e vakatarai ga kina e so na ka, se i vola tara ni cakacaka, ko na totogitaki vakailavo ka vakalesui tale.

Na i wasewase ni vanua boro seninawanawa (orange) e kena i balebale ni ko rawa ni kerea e dua na i vola tara ka mo na dikevi ena loma ni 72 na aua ena nomu yaco mai ki Victoria. Mo tiko ga ena nomu vale se vanua o vakaitikotiko kina ni se bera na nomu dikevi ka vaka kina ni sa oti na nomu dikevi, me yacova ni ko sa taura na macala ni nomu vakadikevi ka vakadeitaka ni sega ni ko tauvimate.

Na i wasewase ni vanua boro drokadroka (green) e kena i balebale ni rawa ni ko kerea e dua na nomu i vola tara mo curu mai kina ki Victoria. E na gauna ko sa tiko kina e Victoria e dodonu mo vakaraica tiko na veivakatakilakila ka mo dikevi kevaka ko vakila ni ko sega ni bula vinaka.

Ke oni gadreva mo ni vakadeitaka na veivanua boro damudamu (red), seninawanawa (orange) se boro drokadroka (green) ena loma ni Vanua Levu ko Ositerelia (Australia) kei Niusiladi (New Zealand), mo ni qai raica na Mape ena drauniveva ni Victorian Travel Permit System.

Vola tara kei na ka e vakatarai kina

E rawa ni ko kerea e dua na nomu i vola tara ka vakatarai ga kina eso na ka kevaka e tiko e dua na vuna bibi. Oqo e wili kina na:

  • vakarau ni veika me baleta na kena vakarau mai cava na bula se soqo ni veibulu.
  • lesu ki vale baleta na nomu i tuvaki ni bula vakayago, gagadre ni nomu tiko vakavinaka, gagadre mo qaravi se gagadre mo vukei ka lomani.
  • gagadre mo tosoi tale kina dua na vanua ena vuku ni leqa tubu koso
  • gagadre ni nona tiko vinaka e dua na manumanu ka tiko e na taudaku ni yalayala ni vanua.

Reviewed 26 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?