vic_logo
coronavirus.vic.gov.au

આરોગ્ય સલાહ અને પ્રતિબંધો (Health advice and restrictions) - ગુજરાતી (Gujarati)

કોરોનાવાયરસ (COVID-19)ના ચેપનો ફેલાવો, અદ્યતન માહિતી અને સલાહ.

જો તેમને ચિંતાજનક લાગતું હોય તો, કોરોનાવાયરસની હોટલાઇનને ૧૮૦૦ ૬૭૫ ૩૯૮ પર ફોન કરો (૨૪ ક્લાક).
જો તમને દુભાષિયાની જરૂર હોય તો, ટીસ નેશનલને ૧૩૧ ૪૫૦ પર ફોન કરો અથવા કોરોનાવાયરસ હોટલાઇનને ૧૮૦૦ ૬૭૫ ૩૯૮ પર ફોન કરી ૦ દબાવો.
કૃપા કરીને ત્રણ શૂન્ય (૦૦૦) ફક્ત કટોકટી માટે રાખો.

તમારે શું યાદ રાખવું જોઇએ

આપણા પરિવારો અને સમુદાયને કોરોનાવાયરસ (COVID-19) થી સુરક્ષિત રાખવા માટે આપણે કેટલીક મહત્વપૂર્ણ બાબતો કરી શકીએ છીએ:

  • હંમેશા માસ્ક તમારી જોડે જ રાખો અને તમે તમારા ઘરની બહાર હોવ ત્યારે તે પહેરો, સિવાય કે કાયદેસરનો અપવાદ લાગુ પડતો હોય.
  • તમારા હાથ નિયમિત રીતે ધોતાં રહો. સાબુ અને પાણીનો ઉપયોગ કરો અથવા હેન્ડસેનિટાઇઝરનો ઉપયોગ કરો. આ આપણને કોરોનાવાયરસ (COVID-19) થી સુરક્ષિત રહેવામાં મદદ કરે છે, જે ઘણા દિવસો સુધી સપાટીઓ પર રહી શકે છે.
  • અન્ય લોકોથી ઓછામાં ઓછા 1.5 મીટર દૂર રહો.
  • જો તમે અસ્વસ્થ હોવ તો, પરીક્ષણ કરાવો અને ઘરે રહો. તમારા લક્ષણો હળવા હોય તો પણ વહેલું પરીક્ષણ કરાવવાથી, કોરોનાવાયરસ (COVID-19) ના ફેલાવાને ધીમો કરવામાં મદદ થાય છે.
  • કોરોનાવાયરસ (COVID-19) ની તપાસ બધાને માટે મફત છે. જેમાં Medicare કાર્ડ ન હોય તેવા લોકો, જેમકે વિદેશી મુલાકાતીઓ, હિજરતી કામદારો અને આશ્રય માગતાં લોકોનો પણ સમાવેશ થાય છે.
  • જો તમે તેમ કરવા પાત્ર હોવ તો, COVID-19ની રસી લઇ લો.
  • જો તમે કોઇ ધંધા અથવા કાર્યસ્થળમાં પ્રવેશ કરો તો, તમારે Service Victoria appનો ઉપયોગ કરીને ચેક-ઇન કરવું જરૂરી છે.

વિક્ટોરિયાના વર્તમાન પ્રતિબંધ સ્તરો

જો પરિસ્થિતિ બદલાય તો, વિક્ટોરિયાના મુખ્ય આરોગ્ય અધિકારી (Victorian Chief Health Officer) પ્રતિબંધોમાં ફેરફાર કરી શકે છે.

મંગળવારને ૨૭ જુલાઇ ૨૦૨૧ની રાતના ૧૧:૫૯ વાગ્યાથી

  • ઘરમાંથી બહાર નીકળવાના કારણો પર કોઇ પ્રતિબંધ નથી.
  • તમે મુસાફરી કરી શકો તે અંતર પર કોઇ મર્યાદા નથી.
  • તમે આખા વિક્ટોરિયામાં મુસાફરી કરી શકો છો, જો કે આલ્પાઇન રિસોર્ટની મુસાફરી પર અમુક પ્રતિબંધો છે.
  • જો આલ્પાઇન રિસોર્ટ પર પહોંચવાના ૭૨ કલાક પહેલાં તમે COVID-19ની તપાસ કરાવી હોય અને ત્યાં તમારા આગમન પહેલાં તમને નકારાત્મક પરિણામ મળી ગયું હોય તો જ તમે, પ્રાદેશિક વિક્ટોરિયાના આલ્પાઇન રિસોર્ટની મુલાકાત લઇ શકો છો. ૧૨ વર્ષથી નાની ઉંમરના બાળકોની તપાસ કરાવવાની જરૂર નથી. સ્કીઇંગ માટેના વિસ્તારોમાં પ્રવેશની શરત તરીકે તમારે નકારાત્મક પરિણામનો પૂરાવો બતાવવો પડશે, ઉદાહરણ તરીકે તમારા તપાસ પ્રતાદાનો લેખિત (ટેક્સટ) સંદેશો.
  • જો કાયદેસર અપવાદ લાગુ પડતો ન હોય તો, તમારે ચહેરાનો માસ્ક હંમેશા જોડે જ રાખવાનો રહેશે.
  • તમારે ઇમારતોની અંદર અને બહાર ચહેરા પર માસ્ક પહેરવો પડશે, સિવાય કે કાયદેસરનો અપવાદ લાગુ પડતો હોય. તમારે તમારા ઘરમાં અથવા તમારા જીવનસાથીના ઘરમાં ચહેરા પર માસ્ક પહેરવાની જરૂર નથી.
  • ખાનગી મેળાવડાઓની પરવાનગી નથી. આનો અર્થ કે તમે તમારા ઘરે મિત્રો કે પરિવારજનોને ન બોલાવી શકો અને તમને પણ તેમના ઘરે જવાની પરવાનગી નથી.
  • તમે મિત્રો અને પરિવારજનોને જાહેર સ્થળમાં ખુલ્લી જગ્યામાં વધુમાં વધુ ૧૦ વ્યક્તિઓના (૧૨ મહિનાથી નાની ઉંમરના શીશુઓ સિવાય) જૂથમાં મળી શકો છો. બગીચા અને સમુદ્ર કિનારા જેવા જાહેર જનતા દ્વારા ઉપયોગમાં લેવાતા સ્થળોને જાહેર સ્થળ કહે છે. તેમાં તમારા ઘરના વાડાનો સમાવેશ થતો નથી.
  • જો તમે કોઇ ધંધા અથવા કાર્યસ્થળમાં પ્રવેશ કરો તો, તમારે Service Victoria appનો ઉપયોગ કરીને ચેક-ઇન કરવું જરૂરી છે. આમાં સુપરમાર્કેટ, કાફે અને કાર્યસ્થળની ઓફિસો જેવા સ્થળોનો સમાવેશ થાય છે.

નોકરી અને અભ્યાસ

  • શાળાઓ અને બાળસંભાળ કેન્દ્રો ખુલ્લા છે.
  • યુનિવર્સિટીઓ અને ઉચ્ચ શિક્ષણ સુવિધાઓ ખુલ્લી છે.
  • જો શક્ય હોય તો, તમારે ઘરેથી કામ કરવાનું કે ભણવાનું ચાલુ રાખવું જોઇએ.
  • જો તમે ઘરેથી કામ કરી શકો તેમ ન હોવ તો, તમે કામ પર જઇ શકો છો.
  • કચેરીઓ જેવા કામના સ્થળો તેમની ૨૫% જેટલી ક્ષમતા અથવા ૧૦ લોકોમાંથી જે વધુ હોય તે પ્રમાણે વધી શકે છે. જો ક્ષમતાના ૨૫% અથવા ૧૦ (જે વધુ હોય તે) લોકોથી વધુ ઘરેથી કામ કરી શકે તેમ ન હોય તો, આ મર્યાદાથી આગળ જઇ શકાય છે.

સામાન અને સેવાઓ

  • ૪ ચોમી દીઠ ૧ વ્યક્તિની ઘનતા મર્યાદા સાથે દુકાનો ખુલ્લી છે. ખરીદી કરતી વખતે તમારે દુકાનમાં ગ્રાહકોની સંખ્યાની મર્યાદાનું પાલન કરવાનું રહેશે. આ મર્યાદા દુકાનમાં દરેકને એકબીજાથી ૧.૫ મીટર અંતર રાખવામાં મદદ કરે છે.
  • ૪ ચોમી દીઠ ૧ વ્યક્તિની ઘનતા મર્યાદા સાથે સૌંદર્ય (બ્યુટી) અને વ્યક્તિગત (પર્સનલ) સંભાળ સેવાઓ ખુલ્લી છે. સેવા માટે જરૂરી હોય, જેમકે ફેશિયલ અથવા દાઢી કાપવા, તો માસ્ક કાઢી શકાય છે. તમારા સેવાપ્રદાતાએ ચહેરા પર માસ્ક પહેરવો પડશે, સિવાય કે કાયદેસરનો અપવાદ લાગુ પડતો હોય.

રમતો

  • ઇમારતોની અંદર અને ખુલ્લી જગ્યામાં રમાતી તમામ સામુદાયિક રમતોને પરવાનગી આપવામાં આવે છે.
  • ઘનતા મર્યાદાને આધીન, તાલીમ આપવા અથવા હરીફાઇમાં ભાગ લેવા જરૂરી ઓછામાં ઓછા સહભાગીઓ (રમવાવાળા, તાલીમ આપવાવાળા, રેફરી, અધિકારીઓ અને સંભાળ લેનારા∕ માતાપિતાઓ) ને હાજરી આપવાની મંજૂરી છે.
  • ઘનતા મર્યાદા સાથે જીમ સહિતના ઇમારતોની અંદર આવેલા મનોરંજન કેન્દ્રો ખુલ્લા છે.
  • ઇમારતોની અંદર અને બહાર જૂથમાં કસરતના વર્ગોને ૧૦ લોકોની મર્યાદામાં મંજૂરી છે.
  • ઇમારતની અંદર સ્થળ દીઠ વધુમાં વધુ ૧૦૦ લોકો અને ઇમારતની બહાર સ્થળ દીઠ વધુમાં વધુ ૩૦૦ લોકો સાથે તરણકૂંડો ખુલ્લા છે.

ધર્મ અને સમારંભ

  • લગ્નમાં વધુમાં વધુ ૫૦ લોકો હાજર હોય શકે છે. આ મર્યાદામાં લગ્ન કરનાર યુગલ અને બે સાક્ષીઓનો સમાવેશ થાય છે. લગ્ન કરાવનાર, ફોટા પાડનાર અને સમારોહમાં કામ કરતાં લોકોનો આ મર્યાદામાં સમાવેશ થતો નથી.
  • મરણોત્તર વિધિમાં વધુમાં વધુ 50 લોકો આવી શકે છે. મરણોત્તર વિધિ કરવા માટે જરૂરી લોકોનો આમાં સમાવેશ કરવામાં આવતો નથી.
  • ઇમારતોની અંદર વધુમાં વધુ ૧૦૦ લોકો અને ઇમારતોની બહાર ૩૦૦ લોકો સાથે ધાર્મિક મેળાવડા કરી શકાય છે. ૪ ચોમી દીઠ ૧ વ્યક્તિની ઘનતા મર્યાદા પણ લાગુ પડે છે.

હોસ્પિટાલિટી (આતિથ્ય સત્કાર)

  • રેસ્ટોરન્ટો, પબ, બાર અને કાફે બેઠકવાળી સેવાઓ માટે વધુમાં વધુ ૧૦૦ લોકોની કુલ સ્થળ મર્યાદા સાથે ખુલી શકે છે. ઘનતા મર્યાદા પણ લાગુ પડે છે. દરેક સ્થળે લોકો Service Victoria appમાં ચેક-ઇન કરે તે ખાતરી કરવા COVID ચેક-ઇન માર્શલ હશે.
  • ૧૦૦ ચોમીથી નાના સ્થળો પર એક સમયમાં વધુમાં વધુ ૨૫ લોકો હોય શકે.
  • બેઠક વ્યવસ્થા સાથે ફૂડ કોર્ટ ખુલ્લા છે. દરેક સ્થળે ૧૦૦ ગ્રાહકોની મહત્તમ મર્યાદા સાથે ઘનતા મર્યાદા લાગુ પડે છે.

મનોરંજન

  • મનોરંજનના સ્થળો જેવાકે સિનેમાગૃહો, જુગારખાના, પોકીઝ, આર્કેડ્સ, કેરેઓકે અને નાઇટક્લબ ઘનતા મર્યાદા, મહત્તમ ગ્રાહકોની સંખ્યાની મર્યાદા તથા જૂથ મર્યાદા અને COVID ચેક-ઇન માર્શલની હાજરી સાથે ખુલ્લાં છે.
  • પુસ્તકાલયો અને નેબરહુડ હાઉસિસ સહિતના સમુદાય સ્થળો ઇમારતની અંદરના દરેક સ્થળ દીઠ ૧૦૦ વ્યક્તિઓ અને ઇમારતની બહાર ૩૦૦ વ્યક્તિઓ સાથે ખુલ્લા છે. ઘનતા મર્યાદા પણ લાગુ પડે છે. જૂથના કદની મહત્તમ મર્યાદા ૧૦ વ્યક્તિઓની છે.
  • દરેક સ્થળે લોકો Service Victoria appમાં ચેક-ઇન કરે તે ખાતરી કરવા COVID ચેક-ઇન માર્શલ હશે.

ચહેરા પર માસ્ક

  • ૧૨ વર્ષ અને તેથી વધુ ઉંમરના દરેકે ઇમારતોની અંદર અને બહાર ચહેરા પર માસ્ક પહેરવો પડશે, સિવાય કે કાયદેસરનો અપવાદ લાગુ પડતો હોય. તમારે તમારા ઘરમાં ચહેરા પર માસ્ક પહેરવાની જરૂર નથી.
  • જો કાયદેસર અપવાદ લાગુ પડતો ન હોય તો, તમારે ચહેરાનો માસ્ક હંમેશા જોડે જ રાખવાનો રહેશે.
  • ચહેરા પર માસ્ક ન પહેરવાના કાયદેસરના કારણોના ઉદાહરણોમાં નીચેનાનો સમાવેશ થાય છેꓽ
    • જો તમને ચહેરા પર ત્વચાની ગંભીર બીમારી અથવા શ્વાસની તકલીફ જેવી તીબીબી સ્થિતિ હોય
    • જો કસરત કરતી વખતે તમને શ્વાસ ચઢી ગયો હોય.

તપાસ અને અલગ રહેવું

જો તમને કોરોનાવાયરસ (COVID-19) ના કોઇ લક્ષણો જણાતાં હોય તો, તમારે  તપાસ કરાવવી જોઇએ અને તમારું પરિણામ ન આવે ત્યાં સુધી ઘરે જ રહેવું જોઇએ. કામ પર કે દુકાનો પર જશો નહિં.

COVID-19ના ચિન્હોમાં નીચેનાનો સમાવેશ થાય છે:

  • તાવ, ઠંડી લાગવી અથવા પરસેવો થવો
  • ઉઘરસ કે ગળામાં દુખાવો
  • શ્વાસ લેવામાં તકલીફ
  • નાકમાંથી પાણી નીકળવું
  • સ્વાદ અથવા ગંધની ભાવના ગુમાવવી

કોરોનાવાયરસ (COVID-19) ની તપાસ બધાને માટે મફત છે. તેમાં Medicare કાર્ડ વગરના લોકો કે જેમાં, વિદેશી મુલાકાતીઓ, હિજરતી કામદારો અને આશ્રય ઇચ્છુક લોકોનો સમાવેશ થાય છે.

જો તમારું કોરોનાવાયરસ (COVID-19) ની તપાસનું પરિણામ હકારાત્મક આવે તો, તમારે તમારા ઘરમાં જ બધાથી અલગ રહેવું જોઇએ.

જો તમે COVID-19 થયું હોય તેવા કોઇના નજીકના સંપર્કમાં આવ્યા હોવ (ક્લોઝ કોન્ટેક્ટ) તો, તમારે ૧૪ દિવસ સુધી અને તમે ક્વોરેન્ટાઇનમાંથી બહાર આવી શકો છો એવી સલાહ આરોગ્ય ખાતાના અધિકૃત અધિકારી ન આપે ત્યાં સુધી, ક્વોરેન્ટાઇન (ઘરમાં જ રહો) કરવું જ પડશે.

જો તમે ગાઢ સંપર્કમાં આવેલાની સાથે રહેતા હોવ અથવા તેમની સાથે સમય પસાર કર્યો હશે, તો તમને પણ ઘરે રહેવાનું કહેવામાં આવશે.

ચેપ ફેલાવાની શક્યતાવાળા (એક્સપોઝર) જાહેર સ્થળો

તમારે શું કરવાની જરૂર છે

જો જણાવેલ સમયમાં તમે કોઇ પણ એક્સપોઝર સ્થળો પર ગયા હોવ તો:

તાજેતરના એક્સપોઝર સ્થળોની સૂચિ જોવા અહિં ક્લિક કરો

આ પરિસરોની, પુષ્ટિ થયેલ કેસોએ તેમના ચેપી સમયગાળા દરમ્યાન મુલાકાત લીધી હતી. આનો અર્થ એ નથી કે આ પરિસરો સાથે સતત જોખમ સંકળાયેલું છે. વર્તમાન પ્રતિબંધોને આધીન તમે આ સ્થળોની સલામત રીતે મુલાકાત લઇ શકો છો.

એક્સપોઝર સમયગાળો COVID-19 ધરાવતા કોઇએ કયા સમયે અને તારીખે તે સ્થળની મુલાકાત લીધી હતી તે દર્શાવે છે. આ મુલાકાત જ્યારે વ્યક્તિ ચેપ ધરાવતો હતો ત્યારે લેવામાં આવી હતી. તેમાં તેઓને લક્ષણો અનુભવવાના શરૂ થયા તેના પહેલાંના ૪૮ કલાકનો પણ સમાવેશ થાય છે.

આ સ્થળોને સંપર્કમાં આવેલાઓને શોધવાની ક્રિયા (કોન્ટેક્ટ ટ્રેસિંગ) દરમ્યાન ઓળખી કાઢવામાં આવ્યા હતા. જ્યારે કોઇનું COVID-19ની તપાસનું પરિણામ હકારાત્મક આવે છે ત્યાર પછી કોન્ટેક્ટ ટ્રેસિંગ કરવામાં આવે છે.

છેલ્લીવાર COVID-19 ધરાવતા કોઇ વ્યક્તિએ જે તે સ્થળની મુલાકાત લીધી હોય ત્યાર પછી, તે સ્થળ ૧૪ દિવસ સુધી સૂચિમાં રહે છે. ૧૪ દિવસનો સમય, સૌથી લાંબો સમયગાળો (ઇન્ક્યુબેશન પરિયડ) છે જે, કોઇએ એક સ્થળની મુલાકાત લીધી હોય અને COVID-19 ધરાવતા કોઇના સંપર્કમાં આવ્યા હોય, તો તેમને લક્ષણો દેખાવાના શરૂ થાય તે પહેલાં તે વ્યક્તિમાં આ સમયગાળા દરમ્યાન વાયરસ હોય શકે.

જોખમવાળા સ્થળો, સૌથી તાજેતરના એક્સપોઝરથી ૧૪ દિવસ સુધી સૂચિમાં રહેશે.

એક્સપોઝર ધરાવતા જાહેર સ્થળો જાણો

તાજેતરના એક્સપોઝર સ્થળોની સૂચિ જોવા અહિં ક્લિક કરો અથવા વિક્ટોરિયાનો જાહેર એક્સપોઝર સ્થળોનો નક્શો જુઓ.

જેમણે આખા ઓસ્ટ્રેલિયાના જુદા-જુદા સ્થળોની મુસાફરી કરી છે તેઓ કૃપા કરીને, દરેક રાજ્યના એક્સપોઝર ધરાવતા જાહેર સ્થળોની સૂચિ નીચે જોશો;

જો તમે વિક્ટોરિયામાં છો અને આ સ્થળોએ જણાવેલ સમયે ગયા હોવ તો, સૂચિત સલાહને અનુસરો અને ૧૩૦૦ ૬૫૧ ૧૬૦ પર અમારો સંપર્ક કરો.

જેમ-જેમ નવી માહિતી ઉપલબ્ધ થાય તેમ-તેમ આ સ્થળોની યાદી અદ્યતન કરવામાં આવે છે, તેથી નિયમિત રીતે તે જોતા રહેશો.

તપાસ માટેના સ્થળો જોવા માટે, તપાસ ક્યાં કરાવવીની મુલાકાત લો.

ટાયર્સ ૧, ૨ અને ૩ની સમજ

ટાયર ૧ એક્સપોઝર સ્થળ

સૂચિત સમય દરમ્યાન ટાયર ૧ એક્સપોઝર સ્થળની મુલાકાત લેનાર કોઇ પણ વ્યક્તિએ તરત જ અન્યોના સંપર્કમાં આવવાનું ટાળવું (આઇસોલેટ થવું) જોઇએ, COVID-19ની તપાસ કરાવવી જોઇએ અને એક્સપોઝરની તારીખથી ૧૪ દિવસ માટે બધાથી દૂર રહેવું (ક્વોરેન્ટાઇન થવું) જોઇએ. તમારે ૧૩૦૦ ૬૫૧ ૧૬૦ પર આરોગ્ય ખાતાનો પણ સંપર્ક કરવો જોઇએ.

ટાયર ૨ એક્સપોઝર સ્થળ

સૂચિત સમય દરમ્યાન ટાયર ૨ એક્સપોઝર સ્થળની મુલાકાત લેનાર કોઇ પણ વ્યક્તિએ તાત્કાલિકમાં COVID-19ની તપાસ કરાવવી જોઇએ અને તેમને તપાસનું નકારાત્મક પરિણામ ન મળે ત્યાં સુધી આઇસોલેટ થવું જોઇએ. તમારે ૧૩૦૦ ૬૫૧ ૧૬૦ પર આરોગ્ય ખાતાનો પણ સંપર્ક કરવો જોઇએ.

લક્ષણો પર નજર રાખતા રહો, જો લક્ષણો જણાય તો ફરી તપાસ કરાવો.

ટાયર ૩ એક્સપોઝર સાઇટ

સૂચિત સમય દરમ્યાન ટાયર ૩ એક્સપોઝર સ્થળની મુલાકાત લેનાર કોઇ પણ વ્યક્તિએ લક્ષણો પર નજર રાખતા રહેવું જોઇએ. જો લક્ષણો શરૂ થાય તો, તરત જ COVID-19ની તપાસ કરાવો અને તમને તપાસનું નકારાત્મક પરિણામ ન મળે ત્યાં સુધી આઇસોલેટ થાવ.

જો મારે મદદની જરૂર હોય તો હું કોને ફોન કરી શકું?

જો તમારે મદદની જરૂર હોય તો, ૧૮૦૦ ૬૭૫ ૩૯૮ પર વિક્ટોરિયાના આરોગ્ય ખાતાની COVID-19 હોટલાઇનને ફોન કરો.

જો તમારે દુભાષિયાની જરૂર હોય તો, ટીસ નેશનલને ૧૩૧ ૪૫૦ પર ફોન કરો.

સહાય ઉપલબ્ધ છે

જો તમારા પરીક્ષણનું પરિણામ આવે ત્યાં સુધી આવક ગુમાવવાની ચિંતા હોય તો, તમે ૪૫૦ ડૉલરનો કોરોનાવાયરસ (COVID-19) ટેસ્ટ આઇસોલેશન આધાર રકમ મેળવવા પાત્ર હોય શકો છો. આ રકમ તમને ઘરે રહેવામાં મદદ કરશે.

જો તમારું પરિણામ હકારાત્મક આવે અથવા તમે પુષ્ટિ થયેલ કિસ્સાના નજીકનાં સંપર્કમાં આવ્યા હોવ તો, તમે $૧૫૦૦ નું એક ભથ્થું મેળવવાને પાત્ર હોય શકો છો. વધુ માહિતી માટે કોરોનોવાયરસ હોટલાઇનને ૧૮૦૦ ૬૭૫ ૩૯૮ પર ફોન કરો. જો તમારે દુભાષિયાની જરૂર હોય તો, શુન્ય (૦) દબાવશો.

જો તમે અથવા તમે ઓળખતા હોવ તેવું કોઇ ઉત્સુક અથવા ચિંતીતી હોય તો, Lifelineને ૧૩ ૧૧ ૧૪ અથવા Beyond Blueને ૧૮૦૦ ૫૧૨ ૩૪૮ પર ફોન કરો. જો તમારે દુભાષિયાની જરૂર હોય તો, પહેલાં ૧૩૧ ૪૫૦ પર ફોન કરો.

જો તમે એકલતા મહેસૂસ કરતા હોવ તો, તમે કોરોનાવાયરસ હોટલાઇન (Coronavirus Hotline)ને ૧૮૦૦ ૬૭૫ ૩૯૮ પર ફોન કરીને ત્રણ (૩) દબાવો. જો તમારે દુભાષિયાની જરૂર હોય તો, શુન્ય (૦) દબાવશો. તમને Australian Red Crossના એક સ્વયંસેવક સાથે જોડવામાં આવશે, જે તમને સ્થાનિક સહાય સેવાઓ સાથે મેળવી આપશે.

સંસાધનો

કૃપા કરીને નીચેની સામગ્રીનો ઉપયોગ કરો અને તેને ઇમેઇલ, સોશિયલ મીડિયા અથવા અન્ય કમ્યુનિટી નેટવર્ક દ્વારા તમારા સમુદાયમાં વહેંચો.

તપાસ અને અળગાપણું (અન્યોથી અલગ રહેવું)

સલામત રહો

મદદ મેળવો

ચહેરા પરનું આવરણ

Reviewed 29 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?