vic_logo
coronavirus.vic.gov.au

တၢ်လဲၤတၢ်က့ၤဒီးတၢ်တီထီၣ်ဆှၢလီၤ (Travel and transport) - ကညီကျိာ် - Karen

ဃုသ့ၣ်ညါဘၣ်ဃးတၢ်ဆီတလဲလၢအဘၣ်ထွဲဒီးကမျၢၢ်တၢ်တီထီၣ်ဆှၢလီၤ,တၢ်အိၣ်လီၤဖျီၣ်ကွၢ်စူၣ်တၢ်ဆါဒီးကီၢ်စဲၣ်တဘ့ၣ်ဒီးတဘ့ၣ်တၢ်လဲၤတၢ်က့ၤဒီးတၢ်လဲၤဆူထံဂုၤကီၢ်ဂၤန့ၣ်လီၤ.

ဖဲနမ့ၢ်လိၣ်ဘၣ်အါထီၣ်တၢ်မၤစၢၤလၢနကစၢ်အကျိာ်ဒၣ်န၀ဲန့ၣ်,ကိး TIS National လၢ 131 450 သ့၀ဲဒၣ်ဒီး ဃ့န့ၢ်ဘၣ်ပှၤကတိၤကျိးထံတၢ်တဂၤ,မ့ၢ်၀ံၤမၢအ၀ဲသ့ၣ်ဒုးဘၣ်ဘျးန့ၢ်နၤဒီး ကမျၢၢ်တၢ်တီထီၣ်ဆှၢလီၤ ဘံးထိရံယါ (Public Transport Victoria) တၢ်ကိးအလီၢ်လၢ  1800 800 007 တက့ၢ်.

ကတီၢ်အံၤတၢ်လဲၤထီၣ်က့ၤလီၤအတၢ် အိၣ်သးလၢခံကတၢၢ်တဖၣ်

စးထီၣ်မုၢ်နၤ 11.59 နၣ်ရံၣ်မုၢ်ယူၢ် 20 သီ ယူၤလံ 2021 န့ၣ်,နမ့ၢ်နကရဲၣ်ကျဲၤနုာ်လီၤ ဆူဘံးထိရံယါအပူၤဖဲနမ့ၢ်အိၣ်ဟဲလၢတၢ်လီၢ်လၢတၢ်ပာ်ပနီၣ်အီၤဒ်အကဲဟီၣ်က၀ီၤလၢအဂီၤ (Red Zone) တခါန့ၣ်,၀ံသးစူၤမၤနီၣ်ဘၣ်တၢ်တက့ၢ်-

  • ဆူၣ်ချ့၀ဲၤကျိၤမူဒါခိၣ်ကျၢၢ်အတၢ်ထုးထီၣ်ဟ့ၣ်တၢ်ပျဲလၢ ဟီၣ်က၀ီၤလၢအဂီၤတဖၣ်အဂီၢ်န့ၣ်အိၣ်ကတီၢ် အသးတစိၢ်တလီၢ်န့ၣ်လီၤ.
  • ဖဲနမ့ၢ်ကအဲၣ်ဒိးနုာ်လီၤဆူဘံးထိရံယါ အပူၤဖဲ မုၢ်ဟါ 11:59 နၣ်ရံၣ်, မုၢ်ယူၢ် 20 သီ ယူၤလံ 2021 အလီၢ်ခံဒီးနမ့ၢ်လဲၤတ့ၢ်ဘၣ်လၢဟီၣ်က၀ီၤလၢအဂီၤတခါလၢ 14 တချုးနဟဲနုာ်လီၤန့ၣ်, နကလိၣ်ဘၣ်တၢ်ပျဲပူၤတခါမ့တမ့ၢ်တၢ်ပျဲလၢအကြၢးဘၣ်တုၤထီၣ်ထီၣ်ဘးတခါလၢတၢ်ကနုာ်လီၤဆူဘံးထိရံယါအပူၤန့ၣ်လီၤ. တၢ်အံၤမ့ၢ်စ့ၢ်ကီး၀ဲလၢပှၤဘံးထိရံယါဖိတဖၣ်အဂီၢ်န့ၣ်လီၤ.

    • တၢ်ပျဲပူၤတဖၣ်-နကဘၣ်ပတံထီၣ်တၢ်ပျဲပူၤတခါလီၤ. တၢ်ပျဲပူၤတဖၣ်န့ၣ်တၢ်ထုးထီၣ်ဟ့ၣ်လီၤအီၤထဲဒၣ်လၢတၢ်အိၣ်သးလီၤဆီတဖၣ်အဂီၢ်လၢအပာ်ဃုာ်တၢ်ကွၢ်ထွဲကဟုကယာ်အဂီၢ်ဒီးတၢ်သူၣ်ကညီၤသးကညီၤအတၢ်ဂ့ၢ်တဖၣ်အဂီၢ်န့ၣ်လီၤ.

    • တၢ်ပျဲပူၤတဖၣ်-တၢ်ပျဲပူၤဖျဲး တဖၣ်တၢ်သူအီၤထဲဒၣ်လၢကရူၢ်လီၤဆီဒၣ်တၢ်တဖၣ်အဂီၢ်(အဒိဒ်သိး, လၢကဘီယူၤအပှၤမၤတၢ်ဖိအကရူၢ်အဂီၢ်,မ့တမ့ၢ်ဖဲနလဲၤထီၣ်က့ၤတၢ်လၢ ဂ့ၢ်ဂီၢ်အူတၢ်အိၣ်သးအဂီၢ်မ့တမ့ၢ်ဖဲနမ့ၢ်ဃ့ၢ်ပူၤဖျဲးနသးလၢတၢ်မၤဘၣ်ဒိဘၣ်ထံးတဖၣ်အခါန့ၣ်လီၤ.

    • တၢ်ပျဲလၢအဖိးမံကြၢးဘၣ်တဖၣ်-တၢ်ပျဲလၢအဖိးမံကြၢးဘၣ်တဖၣ်ပၣ်ဃုာ်တၢ်လဲၤခီတဲာ်ဘၣ်တၢ်အတၢ်ပျဲတဖၣ်လၢပှၤလၢအလဲၤခီဂာ်ဘံးထိရံယါလၢအကလဲၤဆူကီၢ်စဲၣ်အဂၤတဘ့ၣ်ဒီးပှၤမၤတၢ်ဖိလၢတၢ်ပာ်လီၤဆီဃာ်အီၤအတၢ်ပျဲတဖၣ်လၢအမ့ၢ်၀ဲဒၣ်လၢပှၤမၤတၢ်ဖိတဖၣ်လၢတၢ်ရဲၣ်လီၤဃာ်အီၤလၢ ပှၤမၤတၢ်ဖိလၢတၢ်ပာ်လီၤဆီဃာ်အီၤအစရီ အပူၤန့ၣ်လီၤ.

  • ဖဲနမ့ၢ်ကျဲးစၢးနုာ်လီၤဆူဘံးထိရံယါအပူၤလၢတအိၣ်ဒီးတၢ်ပျဲပူၤဖျဲးတခါ, တၢ်ပျဲလၢတၢ်ကွၢ်ကပာ်န့ၢ်တၢ်မ့တမ့ၢ်တၢ်ကြၢးဘၣ်တုၤထီၣ်ထီၣ်ဘးတခါခါန့ၣ်, နကဘၣ်တၢ်ဃ့နၤဒီးစ့အီၣ်လိး AUD$5452 ဒီးတၢ်တပျဲနနုာ်လီၤဘၣ်,မ့တမ့ၢ်ပာ် လီၤနၤလၢဟံၣ်ဒွဲအတၢ်အိၣ်လီၤဖျီၣ်ကွၢ်ဟုၣ်တၢ်ဆါလၢ 14အဂီၢ်ဒီးနကဘၣ်ဟ့ၣ်တၢ်အလဲလၢနကစၢ်ဒၣ်၀ဲန့ၣ်လီၤ.

  • ဖဲနမ့ၢ်ပှၤလဲၤက့ၤတၢ်လၢအလဲၤခီဂာ်တၢ်တဂၤန့ၣ်, ၀ံသးစူၤမၤနီၣ်နဲလၢကတီၢ်အံၤတၢ်ဆါရၤလီၤအသးလၢ နူစီး၀့လ်အပူၤန့ၣ်လီၤ. နကြၢးဟးဆှဲးတၢ်လဲၤခီဂာ်တၢ်လီၢ်လၢအအိၣ်ဒီးပှၤတ၀ၢအတၢ်ဘၣ်ကူဘၣ်ဂာ်လၢအအါတဖၣ်လၢအအိၣ်လၢ၀့ၢ်ဒိၣ်စံးတနံၣ်တၢ်လီၢ်တဖၣ်လၢနူစီး၀့လ်တၢ်အိၣ်ဆူၣ်အိၣ်ချ့အ၀ဲၤကျိၤပာ်ပနီၣ်ဃာ်၀ဲန့ၣ်လီၤ. ဖဲနမ့ၢ်ကဘၣ်လဲၤခီဂာ်တၢ်လီၢ်သ့ၣ်တဖၣ်အံၤအခါ,နကြၢးရဲၣ်ကျဲၤဆိပာ်စၢၤနတၢ်လဲၤအံၤမ့ၢ်ဒ်သိးဖဲမ့ၢ်သ့မ့ၢ်ဘၣ်,နဟးဆှဲးတၢ်လိၣ်ဘၣ်လၢအမ့ၢ်တၢ်ကဘၣ်နုာ်လီၤပှ့ၤသိ,တၢ်အီၣ်တၢ်အီမ့တမ့ၢ်အိၣ်ဘှံးအိၣ်သါလၢတၢ်လီၢ်သ့ၣ်တဖၣ်အံၤကသ့အဂီၢ်န့ၣ်တက့ၢ်.

လၢတၢ်ကထံၣ်န့ၢ်တၢ်ဂ့ၢ်တၢ်ကျိၤဘၣ်ဃးကတီၢ်အံၤဟီၣ်က၀ီၤအဂီၤ,တဃ့ၢ်သၣ်အလွဲၢ်ဒီးအလွဲၢ်လါလၢအအိၣ်လၢအီးစတြ့လယါဒီးနူစံလဲန်အဂီၢ် လဲၤအိၣ်သကိးဘၣ်တၢ်လဲၤထီၣ်က့ၤလီၤအတၢ်ဂ့ၢ်လၢခံကတၢၢ်အကဘျံး တက့ၢ်.


ဘံးထိရံယါတၢ်လဲၤထီၣ်က့ၤလီၤအတၢ်ပျဲအတၢ်တိာ်ကျဲၤ


နကလိၣ်ပတံထီၣ်တၢ်ပျဲတခါလၢတၢ် ကနုာ်လီၤဆူဘံးထိရံယါအပူၤဖဲနမ့ၢ်အိၣ်ဟဲလၢအီးစတြ့လ ယါဒီးနူစံၣ်လဲၣ် တၢ်လီၢ်တခါလၢ်လၢ်အခါန့ၣ်လီၤ.


တၢ်ပျဲအသနူတခါအံၤမ့ၢ်၀ဲဒၣ်လၢပှၤလဲၤထီၣ်က့ၤလီၤဒီးပှၤလီၢ်အိၣ်လီၢ်ဆိးဖိလၢဘံးထိရံယါအပူၤလၢအဟဲက့ၤကဒါဆူကီၢ်စဲၣ်အပူၤဖဲအိၣ်လၢကီၢ်စဲၣ်အဂၤအပူၤ၀ံၤအလီၢ်ခံန့ၣ်လီၤ. 

ဘံးထိရံယါကပာ်ဖှိၣ်ပာ်ပနီၣ်အီးစတြ့လယါတၢ်လီၢ်အဂၤတဖၣ်,လၢအဒိးသန့ၤထီၣ်လၢခိၣ်ရိနၣ်ဘဲရၢးစ်အတၢ်လီၤပျံၤလၢတၢ်လီၢ်န့ၣ်အဖီခိၣ်ဒ် အလွဲၢ်လါ,တဃ့ၢ်သၣ်အလွဲၢ်မ့တမ့ၢ်အလွဲၢ်ဂီၤတဖၣ်န့ၣ်လီၤ. 

ဘံးထိရံယါပာ်ပနီၣ်ဃာ်အီးစတြ့လယါတၢ်လီၢ် အဂၤဒီးနူစံၣ်လဲန်လၢအလွဲၢ်အလါ,တဃ့ၢ်သၣ် အလွဲၢ်မ့တမ့ၢ်အဂီၤလီၤ. တၢ်အံၤဒိးသန့ၤထီၣ်လၢခိၣ်ရိနၣ်ဘဲရၢးစ်အတၢ် လီၤပျံၤလၢအအိၣ် ၀ဲဒၣ် လၢတၢ်လီၢ်န့ၣ်အပူၤ လီၤ.


ပှၤလၢအအိၣ်ဆိးလၢကီၢ်ဆၢတၢ်လီၢ်တဖၣ်တလိၣ်ဘၣ်တၢ်ပျဲတခါဘၣ်ဆၣ်အ၀ဲသ့ၣ်ကလိၣ်ဟ့ၣ်ထီၣ်တၢ်အုၣ်သးဘၣ်ဃးအဟံၣ်လၢအအိၣ်လၢကီၢ်ဆၢအနီၢ်ဂံၢ်န့ၣ်လီၤ. 

တၢ်ကပတံထီၣ်ဒ်လဲၣ်-

ပတံထီၣ်တၢ်ပျဲတခါခီဖျိ တၢ်မၤစၢၤအတၢ်ဖံးတၢ်မၤ ဘံးထိရံယါ (Service Victoria).

တၢ်ပျဲအဟီၣ်က၀ီၤတဖၣ်

တၢ်လီၢ်တခါလၢအလွဲၢ်အဂီၤအခီပညီမ့ၢ်၀ဲမ့တမ့ၢ်ဘၣ်လၢနမ့ၢ်ပှၤအိၣ်ဆိးဖဲဘံးထိရံယါအပူၤဘၣ်န့ၣ် နနုာ်လီၤ ဆူဘံးထိရံယါအပူၤတသ့ဘၣ်. ဖဲနမ့ၢ်ဘံးထိရံယါလီၢ်အိၣ် လီၢ်ဆိးဖိဒီးနအိၣ်ဟဲက့ၤလၢ ဟီၣ်က၀ီၤအလွဲၢ်ဂီၤတခါန့ၣ်နကဘၣ်အိၣ်လီၤဖျီၣ်ကွၢ်ဟုၣ် တၢ်ဆါလၢနဟံၣ် ၁၄ သီန့ၣ်လီၤ. တၢ်ဂ့ၢ်ကအိၣ်တနီၤလၢနကနုာ်လီၤ ဘံးထိရံယါဒီးတၢ်ပျဲ,အဒိဒ်သိး Specified Worker မ့တမ့ၢ် Freight Workers တၢ်ပျဲတခါ,မ့တမ့ၢ်တၢ် ကွၢ်က ပာ်ကွံာ်မ့တမ့ၢ်တၢ်ပျဲပူၤဖျဲးအတၢ်ဟ့ၣ်တၢ်ပျဲတခါလၢတၢ်ကဘၣ်ကွၢ်ထွဲကဟုကယာ်ပှၤလၢအဆူးအဆါဒီးပှၤသးပှၢ်လၢအလိၣ်ဘၣ်တၢ်မၤစၢၤန့ၣ်လီၤ. ဖဲနမ့ၢ်ကအိၣ်ဟဲ၀ဲဒၣ်လၢဟီၣ်က၀ီၤအလွဲၢ်ဂီၤလၢတအိၣ်ဒီးတၢ်ကွၢ်ကပာ်မ့တမ့ၢ်တၢ်ပျဲပူၤဖျဲးမ့တမ့ၢ်တၢ်ဖံးမၤတၢ်သ့အတၢ်ပျဲတခါခါဘၣ်ဒီးနကဘၣ်တၢ်ဃ့နၤဒီးစ့အီၣ်လိးဒီးတၢ်ကမၢနက့ၤကဒါက့ၤန့ၣ်လီၤ.


ဟီၣ်က၀ီၤလၢအအိၣ်ဒီးတဃ့ၢ်သၣ်အလွဲၢ် အခီပညီမ့ၢ်၀ဲနပတံထီၣ်၀ဲဒၣ်တၢ်ပျဲတခါသ့ဒီးနကလိၣ်မၤကွၢ်နသးလၢ 72နၣ်ရံၣ်အတီၢ်ပူၤဖဲနဟဲတုၤလၢဘံးထိရံယါအပူၤအခါန့ၣ်လီၤ. နကဘၣ်အိၣ်ဆိးလၢဟံၣ်တချုးဒီးဖဲနမၤကွၢ်နသး၀ံၤအ လီၢ်ခံတုၤလီၤလၢနဒိးန့ၢ်က့ၤနတၢ်မၤကွၢ်အစၢလၢအစံးတၢ်ဆါအဃၢ်တအိၣ်ဘၣ်တစုန့ၣ်လီၤ.

ဟီၣ်က၀ီၤအလွဲၢ်လါ အခီပညီမ့ၢ်၀ဲနပတံထီၣ်၀ဲဒၣ်တၢ်ပျဲတခါဒီးနုာ်လီၤဆူဘံးထိရံယါအပူၤသ့လီၤ. တဘျီဖဲမ့ၢ်အိၣ် လၢဘံးထိရံယါအပူၤန့ၣ်နကြၢးကွၢ်ဟုၣ်တၢ်ဆါပနီၣ်တဖၣ်ဒီးမၤကွၢ်နသးဖဲနတူၢ်ဘၣ်တၢ်တမုာ်တလၤအခါန့ၣ်တက့ၢ်. 

လၢတၢ်ကထံၣ်န့ၢ်တၢ်လီၢ်တဖၣ်လၢအီးစတြ့လယါဒီး နူစံၣ်လဲန်အပူၤလၢအအိၣ်၀ဲဒၣ်လၢအလွဲၢ် ဂီၤ, တဃ့ၢ်သၣ်အလွဲၢ် မ့တမ့ၢ်အလါ အဂီၢ်, ကွၢ်ဘၣ်ဟီၣ်ခိၣ်ဂီၤ လၢအအိၣ်ဖဲ  ဘံးထိရံယါတၢ်လဲၤထီၣ်က့ၤလီၤတၢ်ပျဲအသနူအကဘျံးပၤ အလိၤန့ၣ်တက့ၢ်.  


တၢ်ပျဲပူၤဖျဲးတဖၣ်အဂီၢ်တၢ်ပျဲ

နပတံထီၣ်တၢ်ပျဲပူၤဖျဲးတခါအဂီၢ်အတၢ်ပျဲဖဲနမ့ၢ်အိၣ်ဒီးတၢ်ဂ့ၢ်လၢအဖိးသဲစးအခါသ့လီၤ. တၢ်အံၤပာ်ဃုာ်-

  • သးသမူလဲၤခံကတၢၢ်အတၢ်မၤအသးမ့တမ့ၢ်တၢ်သံတၢ်ပှၢ်အမူး
  • တၢ်ဟဲက့ၤကဒါဆူဟံၣ်မ့ၢ်လၢတၢ်အိၣ်ဆူၣ်အိၣ်ချ့,တၢ်အိၣ်မုာ်ဆိးပၢၤ,တၢ်ကွၢ်ထွဲကဟုကယာ်မ့တမ့ၢ်တၢ်သူၣ်ကညီၤသးကညီၤအတၢ်ဂ့ၢ်တဖၣ်အဃိ
  • ဂ့ၢ်ဂီၢ်အူတၢ်သုးလီၢ်သုးကျဲ
  • ဆၣ်ဖိကီၢ်ဖိတဒုအတၢ်အိၣ်မုာ်ဆိးပၢၤလၢကီၢ်ဆၢလၢန့ၣ်တကပၤ

Reviewed 23 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?