vic_logo
coronavirus.vic.gov.au

ដំបូន្មាន​សុខាភិបាល និង​ការ​ដាក់​កំហិត​ផ្សេងៗ (Health advice and restrictions) - ខ្មែរ (Khmer)

ព័ត៌មាន បច្ចុប្បន្នភាព និងដំបូន្មានទាក់ទងនឹងការផ្ទុះរាតត្បាតនៃ coronavirus (COVID-19)។

ប្រសិនបើអ្នកមានការព្រួយបារម្ភ សូមទូរសព្ទទៅខ្សែទូរសព្ទបន្ទាន់សម្រាប់ Coronavirus តាម លេខ 1800 675 398 (24 ម៉ោង)។
ប្រសិនបើអ្នកត្រូវការអ្នកបកប្រែផ្ទាល់មាត់ សូមទូរសព្ទទៅ TIS National តាមលេខ 131 450 ឬ ទូរសព្ទទៅខ្សែទូរសព្ទបន្ទាន់សម្រាប់ Coronavirus តាមលេខ 1800 675 398 រួច​ចុច​លេខសូន្យ (០)។
សូមរក្សាទុកលេខសូន្យបីដង (000) សម្រាប់តែភាពអាសន្នប៉ុណ្ណោះ។

អ្វី​ដែល​អ្នក​ត្រូវ​ចង​ចាំ

មាន​ចំណុច​សំខាន់​មួយ​ចំនួន​​ដែល​យើង​អាច​ធ្វើ​បាន​ដើម្បី​រក្សា​សុវត្ថិភាពដល់​ក្រុម​គ្រួសារ និង​សហគមន៍​របស់​យើង​ពី coronavirus (COVID-19)៖

  • កាន់ម៉ាស់មកជាមួយគ្រប៉ពេលវេលា ហើយពាក់ម៉ាសពេលនៅខាងក្រៅផ្ទះរបស់អ្នក លុះត្រាតែមានករណីលើកលែងស្របច្បាប់។
  • លាង​សម្អាត​ដៃរបស់អ្នក​ឲ្យ​បាន​ញឹក​ញាប់។ ចូរ​ប្រើ​សាប៊ូ និង​ទឹក ឬ​ប្រើ​​ទឹក​អាល់​កុល។ ការ​ធ្វើ​បែប​នេះ​នឹង​រក្សា​សុវត្ថិភាព​យើង​ពី COVID-19 ដែល​មេរោគ​នេះ​អាច​រស់​នៅ​លើ​ផ្ទៃនៃរបស់ផ្សេងៗបាន​ជា​ច្រើន​ថ្ងៃ។
  • ត្រូវរក្សា​គម្លាត​យ៉ាង​តិច 1.5 ម៉ែត្រ​ពី​អ្នក​ផ្សេង។
  • ​បើ​អ្នក​មិន​ស្រួល​ខ្លួន  សូម​ទៅ​ធ្វើ​តេស្ត ហើយ​នៅផ្ទះ។ ​​ការ​ទៅ​ធ្វើ​តេស្ត​ភ្លាមៗ ទោះជាមានរោគ​សញ្ញា​ស្រាល​យ៉ាង​ណា​ក្ដី​​ក៏ជួយ​កាត់​បន្ថយ​ការ​ឆ្លង​រាល​ដាល​ COVID-19 បានដែរ។
  • ការ​ធ្វើ​តេស្ត​រកមើល COVID-19 មិន​គិត​ថ្លៃ​ទេ​សម្រាប់មនុស្សគ្រប់រូប។ ដោយ​រាប់​បញ្ចូល​ទាំង​អ្នក​ដែល​គ្មានប័ណ្ណ Medicare ដូចជា​​អ្នកទេសចរ​ណ៍មក​ពីក្រៅ​ប្រទេស កម្មករ​អន្តោប្រវេសន៍ និង​ជន​ស្វែង​សុំ​សិទ្ធិ​ជ្រក​កោនជាដើម។
  • ទៅ​ចាក់​វ៉ាក់សាំង​​ COVID-19 ប្រសិនបើអ្នកមានសិទ្ធទទួលបាន។
  • ប្រសិន​បើ​អ្នក​ទៅ​ទីតាំង​អាជីវកម្ម​ណា​មួយ ឬ​កន្លែង​ការងារ អ្នក​ត្រូវ​តែ​ចុះ​ឈ្មោះ​ដោយ​ប្រើ​កម្មវិធី​​ Service Victoria app ។

ការ​ដាក់​កំហិត​បច្ចុប្បន្ននៅរដ្ឋ​វិចថូរៀ

ប្រធានមន្ត្រីសុខាភិបាលរដ្ឋ​វិចថូរៀ (Victorian Chief Health Officer) អាច​ធ្វើ​ការ​​ផ្លាស់​ប្តូរ​ការ​ដាក់​កំហិត​ទាំងនេះ​បើស្ថានការណ៍មានការប្រែប្រួល។​

ចាប់ពីម៉ោង 11:59 យប់ ថ្ងៃអង្គារទី 27 ខែកក្កដា ឆ្នាំ 2021

  • គ្មាន​ការ​ដាក់​កំហិត​លើ​មូល​ហេតុ​ក្នុង​ការ​ចាក​ចេញ​ពីផ្ទះ​ទេ។
  • គ្មាន​កា​រដាក់​កំហិត​លើ​ចម្ងាយ​ផ្លូវ​ធ្វើ​ដំណើរ​នោះ​ទេ។
  • អ្នកអាចធ្វើដំណើរបាននៅទូទាំងរដ្ឋវិកថូរៀ យ៉ាងណាក៏ដោយមានការដាក់កំហិតមួយចំនួនលើការធ្វើដំណើរទៅតំបន់រមណីយដ្ឋាន alpine resorts។
  • អ្នកអាចធ្វើដំណើរបានតែទៅកាន់តំបន់រមណីយដ្ឋាន Alpine Resorts វិកថូរៀតែ ប៉ុណ្ណោះប្រសិនបើអ្នកបានធ្វើតេស្ត COVID-19 មិនលើសពី 72 ម៉ោងមុនពេលអ្នកទៅដល់តំបន់រមណីយដ្ឋាន្ត alpine resort ហើយអ្នកមានលទ្ធផលតេស្តអវិជ្ជមាន មុនពេលទៅដល់។ កុមារមានអាយុក្រោម 12 ឆ្នាំ មិនត្រូវការធ្វើតេស្តទេ។ អ្នកត្រូវតែអាចបង្ហាញភស្តុតាងនៃលទ្ធផលតេស្តអវិជ្ជមាន ដែលជាលក្ខខណ្ឌមួយក្នុងការចូលទៅទីកន្លែងជិះស្គី ឧទាហរណ៍ សារជាអត្ថបទពីអ្នកផ្ដល់សេវាធ្វើតេស្តរបស់អ្នក។
  • អ្នក​ត្រូវ​យក​ម៉ាស់មុខជាប់​ខ្លួន​គ្រប់​ពេល​ លើក​លែង​តែ​មាន​ហេតុ​ផល​ស្រប​​ច្បាប់ក្នុង​ការ​មិន​ពាក់​ម៉ាស់។
  • អ្នកត្រូវតែពាក់ម៉ាស់មុខនៅក្នុងអគារ និងនៅក្រៅអគារ លុះត្រាតែមានករណីលើកលែងស្របច្បាប់។ អ្នកមិនត្រូវការពាក់ម៉ាស់មុខនៅផ្ទះរបស់អ្នក ឬនៅផ្ទះមិត្តភក្តិជិតស្និទ្ធរបស់អ្នកទេ។
  • ការប្រមូលផ្ដុំជាលក្ខណៈឯកជនមិនបានអនុញ្ញាតទេ។ នេះមានន័យថា អ្នកមិនបានអនុញ្ញាតឱ្យមានមិត្តភក្តិ ឬក្រុមគ្រួសារមកលេងផ្ទះរបស់អ្នកទេ ហើយអ្នកក៏មិនបានអនុញ្ញាតឱ្យទៅលេងផ្ទះរបស់ពួកគេដែរ។
  • អ្នកអាចជួបមិត្តភក្តិ និងក្រុមគ្រួសារនៅខាងក្រៅអគារ នៅកន្លែងសាធារណៈបាន នៅក្នុងក្រុមមួយដែលមានមនុស្សរហូតដល់ 10 នាក់ (មិនរួមបញ្ចូលក្មេងខ្ចីអាយុក្រោម 12 ខែទេ)។ ទី​តាំង​សាធារណៈ​គឺជា​ទីតាំង​ដែល​សាធារណជន​អាច​ប្រើប្រាស់​បាន​គ្រប់​គ្នា​ដូចជា​សួន​ច្បារ ឬ​មាត់​សមុទ្រ​ជាដើម។ ទីតាំង​នេះ​មិន​រាប់​បញ្ចូល​នូវ​ទី​ធ្លា​ក្នុង​របង​ផ្ទះ​របស់​អ្នក​នោះទេ។
  • ប្រសិន​បើ​អ្នក​ទៅ​ទីតាំង​អាជីវកម្ម​ណា​មួយ ឬ​កន្លែង​ការងារ អ្នក​ត្រូវ​តែ​ចុះ​ឈ្មោះ​ដោយ​ប្រើ​កម្មវិធី​​ Service Victoria app ។ ការធ្វើដូចនេះរួម​ទាំងនៅកន្លែងនានាដូចជានៅផ្សារ នៅហាង​កាហ្វេ និងនៅ​ទីតាំង​ការិយាល័យធ្វើការ​ជាដើម។

ការ​ងារ និង​ការ​អប់រំ

  • សាលារៀន និងកន្លែងថែទាំកុមារបើកដំណើរការ។
  • សាកល​វិទ្យា​ល័យ និង​ថ្នាក់​ឧត្តម​សិក្សា​បើក​ដំណើរការ។
  • ប្រសិនបើអ្នកអាចធ្វើការ ឬសិក្សាពីផ្ទះបាន នោះអ្នកត្រូវតែបន្តធ្វើដូច្នោះទៀត។
  • ប្រសិនបើអ្នកមិនអាចធ្វើការពីផ្ទះបានទេ អ្នកអាចទៅធ្វើការបាន។
  • កន្លែងធ្វើការដូចជាការិយាល័យ អាចបង្កើនចំនួនសរុបរហូតដល់ 25% ឬមនុស្ស 10 នាក់ មួយណាក៏បានដែលច្រើនជាង។ ចំនួនកំណត់នេះអាចលើសបាន ប្រសិនបើច្រើនជាង 25% ឬមនុស្ស 10 នាក់ (មួយណាក៏បានដែលច្រើនជាង) ដែលមិនអាចធ្វើការពីផ្ទះបាន។

ទំនិញ និ​ងសេវាកម្ម​ផ្សេងៗ

  • ហាងនានាបើកដំណើរការដោយមានកម្រិតដង់ស៊ីតេមនុស្ស 1 នាក់ ក្នុង 4 ម៉ែត្រការ៉េ។ នៅ​ពេល​ទិញ​ទំនិញ​អ្នក​ត្រូវ​គោរព​តាម​ការ​កំណត់ចំនួន​អតិថិជន​នៅក្នុង​ហាង។ ការកំណត់នេះជួយឱ្យមនុស្សគ្រប់រូបនៅក្នុងហាង រក្សាគម្លាតបាន 1.5 ម៉ែត្រពីគ្នា។
  • សេវាកម្មកែសម្ផស្ស និងសេវាកម្មថែទាំផ្ទាល់ខ្លួនបើកដំណើរការ ដោយមានកម្រិតដង់ស៊ីតេមនុស្ស 1 នាក់ ក្នុង 4 ម៉ែត្រការ៉េ។ ម៉ាស់អាចដោះចេញបាននៅពេលចាំបាច់ដើម្បីបញ្ចប់ការព្យាបាល ដូចជាការធ្វើមុខ ឬការតម្រឹមពុកមាត់។ អ្នកផ្ដល់សេវាកម្មរបស់អ្នកនឹងត្រូវការពាក់ម៉ាស់មុខ ប្រសិនបើមិនមានការលើកលែងតាមច្បាប់ត្រូវអនុវត្តទេ។

កីឡា

  • កីឡា​សហគមន៍​គ្រប់​ប្រភេទអនុញ្ញាត​ឲ្យ​បើក​ដំណើរ​ការ​ទាំង​នៅក្នុង និង​ក្រៅ​អគារ។
  • ចំនួនអ្នកចូលរួមជាអប្បបរមា (អ្នកលេង គ្រូបង្វឹក អាជ្ញាកណ្ដាល មន្ត្រី និងអ្នកថែទាំ/ឪពុកម្ដាយ) ដែលត្រូវការហ្វឹកហាត់ ឬប្រកួត ត្រូវបានអនុញ្ញាតឱ្យចូលរួម ស្ថិតក្រោមកម្រិតដង់ស៊ីតេ។
  • មណ្ឌលកម្សាន្តផ្នែករាងកាយនៅក្នុងអគារ រួមមានកន្លែងកាយសម្ព័ន្ធបើកដំណើរការដោយមានកម្រិតដង់ស៊ីតេ។
  • ថ្នាក់ហាត់ប្រាណជាក្រុម ទាំងនៅក្នុងអគារ និងនៅក្រៅអគារ ត្រូវបានអនុញ្ញាតដោយមានកម្រិតកំណត់មនុស្ស 10 នាក់។
  • អាងហែលទឹកបើកដំណើរការ ដោយមានចំនួនមនុស្សអតិបរមា 100 នាក់ ក្នុងមួយកន្លែងនៅក្រៅអគារ និង 300 នាក់ ក្នុងមួយកន្លែងនៅក្រៅអគារ។

សាសនា និង​កម្ម​វិធី​ផ្សេងៗ

  • អាពាហ៍ពិពាហ៍អាចមានមនុស្សចូលរួមរហូតដល់ចំនួនអតិបរមា 50 នាក់។ ចំនួន​កំណត់​នេះ​រាប់​បញ្ចូល​គូស្វាមី​ភរិយា និង​សាក្សី​ពីរនាក់​ផង​ដែរ។ អាចារ្យ អ្នកថតរូប និងអ្នកផ្សេងទៀតដែលកំពុងធ្វើការនៅឯ​ពិធី​​នោះមិន​ត្រូវបានរាប់​បញ្ចូល​នៅក្នុង​ចំនួ​នកំណត់​នេះ​ទេ។
  • អនុញ្ញាត​ឲ្យ​រៀបចំ​ពិធី​បុណ្យ​សព​​ដោយ​មាន​ភ្ញៀវ​ចូលរួម​រហូត​ដល់ 50 នាក់។ បុគ្គលិក​រៀបចំ​ពិធី​បុណ្យ​មិន​រាប់​បញ្ចូល​ក្នុង​ចំនួន​កំណត់​នេះ​ទេ។
  • ការប្រមូលផ្ដុំខាងសាសនាអាចធ្វើទៅបានដោយមានមនុស្សរហូតដល់ 100 នាក់ នៅក្នុងអគារ និង 300 នាក់នៅក្រៅអគារ។ កម្រិតដង់ស៊ីតេមនុស្ស 1 នាក់ ក្នុង 4 ម៉ែត្រក៏ត្រូវអនុវត្តផងដែរ។

បដិសណ្ឋារកិច្ច

  • ភោជនីយដ្ឋាន តៀមស្រា បានីយដ្ឋាន និងហាងកាហ្វេ អាចបើកបានដោយមានកន្លែងអង្គុយសម្រាប់ភ្ញៀវចំនួនសរុបរហូតដល់ 100 នាក់។ កម្រិតដង់ស៊ីតេក៏ត្រូវអនុវត្តផងដែរ។ កន្លែងទាំងអស់នឹងត្រូវមានអ្នកត្រួតពិនិត្យការចុះឈ្មោះចូលសម្រាប់ COVID ដើម្បីតាមដានមនុស្សដែលចុះឈ្មោះចូល ដោយប្រើកម្មវិធីសេវាកម្មវិកថូរៀ (Service Victoria app)។
  • កន្លែងដែលមានទំហំតូចជាង 100 ម៉ែត្រការ៉េ អាចមានមនុស្សរហូតដល់ទៅ 25 នាក់។
  • កន្លែងលក់ម្ហូបអាហារបើកដំណើរការសម្រាប់សេវាកម្មមានកន្លែងអង្គុយ។ កម្រិតដង់ស៊ីតេអនុវត្តដោយមានចំនួនភ្ញៀវកំណត់អតិបរមា 100 នាក់ ក្នុងមួយកន្លែង។

ការម​កម្សាន្ត

  • កន្លែងកម្សាន្តនានា ដូចជារោងភាពយន្ត កាស៊ីណូ កន្លែងលេងផូគី កន្លែងលេងល្បែងវីដេអូ កន្លែងការ៉ាអូឃេ និងក្លឹបរាត្រី បើកដំណើរការដោយមានកម្រិតដង់ស៊ីតេ កម្រិតចំនួនភ្ញៀវ និងកម្រិតកំណត់ក្នុងក្រុម និងវត្តមាននៃការតម្រូវឱ្យមានអ្នកត្រួតពិនិត្យការចុះឈ្មោះចូលសម្រាប់ COVID។
  • កន្លែងសហគមន៍នានាដូចជាបណ្ណាល័យ និងផ្ទះអ្នកជិតខាង (neighbourhood houses) បើកដំណើរការសម្រាប់មនុស្សរហូតដល់TO 100 នាក់ ក្នុងមួយកន្លែងនៅក្នុងអគារ និង 300 នាក់ ក្នុងមួយកន្លែងនៅក្រៅអគារ។ កម្រិតដង់ស៊ីតេក៏ត្រូវអនុវត្តផងដែរ។ ទំហំក្រុមអតិបរមាមានមនុស្ស 10 នាក់។
  • កន្លែងទាំងអស់នឹងត្រូវមានអ្នកត្រួតពិនិត្យការចុះឈ្មោះចូលសម្រាប់ COVID ដើម្បីតាមដានមនុស្សដែលចុះឈ្មោះចូល ដោយប្រើកម្មវិធីសេវាកម្មវិកថូរៀ (Service Victoria app)។

ម៉ាស់​មុខ

  • អ្នកណាម្នាក់ដែលមានអាយុ 12 ឆ្នាំ និងអាយុច្រើនជាងនេះ ត្រូវតែពាក់ម៉ាស់មុខនៅក្នុងអគារ និងនៅក្រៅអគារ លុះត្រាតែមានករណីលើកលែងស្របច្បាប់។ អ្នកមិនត្រូវការពាក់ម៉ាស់មុខនៅផ្ទះទេ។
  • អ្នក​ត្រូវ​យក​ម៉ាស់មុខជាប់​ខ្លួន​គ្រប់​ពេល​ លើក​លែង​តែ​មាន​ហេតុ​ផល​ស្រប​​ច្បាប់ក្នុង​ការ​មិន​ពាក់​ម៉ាស់។
  • ឧទាហរណ៍​ខ្លះៗ​ពីហេតុ​ផលស្រប​ច្បាប់​ក្នុង​ការ​មិន​ពាក់​ម៉ាស់មុខ រួ​មមាន៖
    • ប្រសិន​បើ​អ្នក​មាន​ហេតុ​ផល​ស្ថានភាពសុខភាព ដូចជា​ស្ថានភាពជំងឺ​សើ​ស្បែក​ធ្ងន់​ធ្ងរកើត​លើ​មុខ ឬ​មាន​បញ្ហា​ដក​ដង្ហើម
    • ប្រសិន​បើ​អ្នក​ពិបាកខ្លាំងក្នុងការដក​ដង្ហើម​​ពេល​ហាត់​ប្រាណ។

ការធ្វើតេស្ដ និងការដាក់ឱ្យនៅដាច់ពីគេឯង

ប្រសិន​បើ​អ្នក​មាន​រោគ​សញ្ញា​ណាមួយ​ទាក់​ទង​នឹង coronavirus (COVID-19), អ្នកត្រូវតែ ធ្វើតេស្ត ហើយត្រូវស្នាក់នៅផ្ទះរហូតដល់អ្នកទទួលបានលទ្ធផលរបស់អ្នក។ កុំ​ទៅធ្វើ​ការ​ ឬទៅ​ហាងលក់ទំនិញផ្សេងៗ។

រោគសញ្ញានៃ COVID-19 រួមមាន៖

  • គ្រុន​ក្តៅ រងាញ័រញាក់ ឬ​បែក​ញើស
  • ក្អក ឬ​ឈឺ​បំពង់ក
  • ពិបាក​ដក​ដង្ហើម
  • ហៀរ​សម្បោរ
  • បាត់​បង់​ក្លិន​ ឬ​រស​ជាតិ

ការ​ធ្វើ​តេស្ត​រក COVID-19 មិន​គិត​ថ្លៃ​ទេ​សម្រាប់មនុស្សគ្រប់រូប។ ការមិន​គិត​ថ្លៃ​នេះរួមទាំទាំងអ្នក​ដែល​គ្មានប័ណ្ណ Medicare ដូចជា​​អ្នកទេសចរណ៍​មក​ពីក្រៅ​ប្រទេស កម្មករ​អន្តោប្រវេសន៍ និង​ជន​ស្វែង​សុំ​សិទ្ធិ​ជ្រក​កោនជាដើម។

ប្រសិន​បើ​អ្នក​ធ្វើ​តេស្ត​រក​ឃើញ​វិជ្ជមាន​នៃ coronavirus (COVID-19) អ្នក​ត្រូវ​ស្ថិត​នៅ​ដាច់​តែ​ឯង​ (ស្នាក់នៅ) នៅផ្ទះរបស់​អ្នក។

ប្រសិនបើអ្នកមានទំនាក់ទំនងជិតស្និទ្ធជាមួយអ្នកណាម្នាក់ដែលមាន COVID-19 នោះអ្នកត្រូវតែធ្វើចត្តាឡីស័ក (ស្នាក់នៅផ្ទះ) រយៈពេល 14 ថ្ងៃ និងរហូតដល់អ្នកត្រូវបានណែនាំថា អ្នកអាចចាកចេញពីការធ្វើចត្តាឡីស័កបានដោយមន្ត្រីដែលមានសិទ្ធិអនុញ្ញាតពីក្រសួងសុខាភិបាល។

ប្រសិន​បើ​អ្នក​រស់​នៅ​ជាមួយ ឬ​បាន​ចំណាយ​ពេល​ជាមួយ​នរណា​ម្នាក់​ដែល​ត្រូវគេ​ចាត់​ទុក​ថា​ជា​អ្នក​បាន​នៅ​ក្បែរ​អ្នក​មាន​មេរោគ នោះអ្នកក៏​នឹងត្រូវ​បាន​ស្នើ​សុំ​ឲ្យ​ស្នាក់​នៅ​ផ្ទះ​ផង​ដែរ។

ទីកន្លែងរងប៉ះពាល់សាធារណៈ

អ្វីដែលអ្នកត្រូវធ្វើ

ប្រសិនបើអ្នកបានទៅទីកន្លែងណាមួយខាងក្រោម ក្នុងអំឡុងពេលដែលបានបញ្ជាក់៖

  • សូមអនុវត្តតាមដំបូន្មានជាក់លាក់ដែលបានចុះបញ្ជី សម្រាប់ទីទីកន្លែងដែលរងប៉ះពាល់នោះ
  • សូមទាក់ទងមកក្រសួងសុខាភិបាល តាមលេខ 1300 651 160
  • រកមើល កន្លែងដែលត្រូវធ្វើតេស្ត

ចុចនៅទីនេះដើម្បីមើលទីកន្លែងដែលរងប៉ះពាល់ចុងក្រោយបំផុត

អគារទាំងនេះត្រូវបានបញ្ជាក់ថាអ្នកមានករណីបានមក ក្នុងអំឡុងពេលនៃការឆ្លងរបស់ពួកគេ។ នេះមិនមានន័យថា មានហានិភ័យដែលកំពុងកើតមានទាក់ទងនឹងអគារនោះទេ។ អ្នកអាចមកកាន់ទីកន្លែងនេះបានដោយសុវត្ថិភាព ស្របតាមការដាក់កំហិតបច្ចុប្បន្ន។

អំឡុងពេលនៃការរងប៉ះពាល់ ឆ្លុះបញ្ចាំងពីកាលបរិច្ឆេទ ឬពេលវេលាដែលអ្នកណាម្នាក់មាន COVID-19 បានទៅកាន់ទីកន្លែងនោះ។ ការមកកន្លែងនេះបានកើតឡើង ក្នុងអំឡុងពេលដែលមនុស្សនោះបានកំពុងឆ្លង។ នេះរួមបញ្ចូលទាំង 48 ម៉ោង មុនពេលពួកគេវិវត្តចេញជារោគសញ្ញា។

ទីកន្លែងត្រូវបានកំណត់អត្តសញ្ញាណ ក្នុងអំឡុងពេលនៃការតាមដានទំនាក់ទំនង។ ការតាមដានទំនាក់ទំនងកើតឡើង បន្ទាប់ពីមានអ្នកណាម្នាក់ធ្វើតេស្តរកឃើញ COVID-19 វិជ្ជមាន។

ទីកន្លែងស្ថិតនៅក្នុងបញ្ជីសម្រាប់រយៈពេល 14 ថ្ងៃ បន្ទាប់ពីអ្នកណាម្នាក់នៅពេលចុងក្រោយនេះមាន COVID-19 បានទៅក្នុងអំឡុងពេលនោះ។ រយៈពេល 14 ថ្ងៃ គឺជារយៈពេលវែងបំផុត (រយៈពេលបង្ករោគ) ដែលអ្នកណាម្នាក់បានទៅទីកន្លែងមួយ ហើយបានមានទំនាក់ទំនងជាមួយអ្នកណាម្នាក់ ដែលមាន COVID-19 អាចមានវីរុស មុនពេលពួកគេលេចចេញជារោគសញ្ញា។

ទីតាំងនានាដែលមានហានិភ័យនឹងនៅតែស្ថិតក្នុងបញ្ជី សម្រាប់រយៈពេល 14 ថ្ងៃ ចាប់ពីការរងប៉ះពាល់ថ្មីៗបំផុត។

ស្វែងរកទីកន្លែងរងប៉ះពាល់សាធារណៈ

ចុចនៅទីនេះដើម្បីមើលទីកន្លែងដែលរងប៉ះពាល់ចុងក្រោយបំផុត ឬមើល ផែនទីនៃទីកន្លែងដែលប៉ះពាល់សាធារណៈនៅក្នុងរដ្ឋវិចថូរៀ

សម្រាប់អស់អ្នកដែលបានធ្វើដំណើរឆ្លងកាត់ប្រទេសអូស្រ្តាលី សូមអានបញ្ជីនៃទីកន្លែងរងប៉ះពាល់ដែលបានបោះផ្សាយ សម្រាប់រដ្ឋនីមួយៗខាងក្រោម៖

ប្រសិនបើអ្នកនៅក្នុងរដ្ឋវិចថូរៀ ហើយបានទៅទីតាំងទាំងនេះ ក្នុងអំឡុងពេលវេលាដែលបានបញ្ជាក់ សូមធ្វើតាមដំបូន្មានដែលបានរាយក្នុងបញ្ជី ហើយទាក់ទងមកយើងតាមទូរសព្ទលេខ 1300 651 160

ទីកន្លែងទាំងនេះត្រូវបានធ្វើបច្ចុប្បន្នភាព នៅពេលទទួលបានព័ត៌មានថ្មី ដូច្នេះសូមចូលមើលម្ដងទៀតឱ្យបានទៀងទាត់។

ដើម្បីមើលទីតាំងនៃកន្លែងធ្វើតេស្តនានា សូមចូលមើល កន្លែងដែលត្រូវធ្វើតេស្ត

កម្រិតទី 1, ទី 2 និងទី 3 ដែលបានពន្យល់

ទីកន្លែងរងប៉ះពាល់កម្រិតទី 1

នរណាម្នាក់ដែលបានមកទីកន្លែងរងប៉ះពាល់កម្រិតទី 1 ក្នុងអំឡុងពេលដែលបានចុះក្នុងបញ្ជី ត្រូវដាក់ខ្លួនឱ្យនៅដាច់ចេញពីគេភ្លាមៗ ត្រូវធ្វើតេស្ត រកមើល COVID-19 និងធ្វើចត្តាឡីស័ករយៈពេល 14 ថ្ងៃ គិតចាប់ពីកាលបរិច្ឆេទនៃការរងប៉ះពាល់។ អ្នកក៏គួរទាក់ទងមកក្រសួងសុខាភិបាលផងដែរ តាមទូរសព្ទលេខ 1300 651 160

ទីកន្លែងរងប៉ះពាល់ កម្រិតទី 2

នរណាម្នាក់ដែលបានមកទីកន្លែងរងប៉ះពាល់កម្រិតទី 2 ក្នុងអំឡុងពេលដែលបានចុះបញ្ជី គួរធ្វើតេស្តរកមើល COVID-19 ភ្លាមៗ រហូតដល់ទទួលបានលទ្ធផលអវិជ្ជមាន។ អ្នកក៏គួរទាក់ទងមកក្រសួងសុខាភិបាលផងដែរ តាមទូរសព្ទលេខ 1300 651 160

បន្តឃ្លាំមើលរោគសញ្ញា ធ្វើតេស្តម្តងទៀត ប្រសិនបើរោគសញ្ញាលេចឡើង។

ទីកន្លែងរងប៉ះពាល់ កម្រិតទី 3

នរណាម្នាក់ដែលបានមកទីកន្លែងរងប៉ះពាល់កម្រិតទី 3 ក្នុងអំឡុងពេលដែលបានចុះបញ្ជី គួរតែតាមដានរោគសញ្ញា។ ប្រសិនបើរោគសញ្ញាវិវត្តចេញមក ត្រូវធ្វើតេស្តរកមើល COVID-19 ឱ្យបានភ្លាមៗ ហើយ ដាក់ខ្លួនឱ្យនៅដាច់ចេញពីគេ រហូតដល់អ្នកទទួលបានលទ្ធផលអវិជ្ជមាន។

តើខ្ញុំអាចទូរសព្ទទៅអ្នកណា ប្រសិនបើខ្ញុំត្រូវការជំនួយ?

ប្រសិនបើអ្នកត្រូវការជំនួយ សូមទូរសព្ទមក បណ្តាញទូរសព្ទទាន់ហេតុការណ៍ស្តីពី COVID-19 របស់ក្រសួងសុខាភិបាលរដ្ឋវិចថូរៀ តាមទូរសព្ទលេខ 1800 675 398

ប្រសិនបើអ្នកត្រូវការអ្នកបកប្រែផ្ទាល់មាត់តាមទូរសព្ទ សូមទាក់ទងមក TIS National តាមលេខ 131 450

ការ​ឧបត្ថម្ភគឺ​មាន​សម្រាប់​អ្នក

ប្រសិន​បើ​អ្នក​មាន​ការ​ព្រួយ​បារម្ភ​ពីការ​បាត់​បង់​ប្រាក់​ចំណូល​ ខណៈ​ដែល​​រង់​ចាំ​លទ្ធ​ផល​ធ្វើ​តេស្ត អ្នក​អាច​មាន​សិទ្ធិ​ទទួល​បានការ​ឧបត្ថម្ភប្រាក់ចំនួន 450 ដុល្លារ​ សម្រាប់ការដាក់ឱ្យនៅដោយឡែកពីគេពេលធ្វើតេស្ត coronavirus (COVID-19)។ ប្រាក់ឧបត្ថម្ភ​នេះនឹងជួយគាំទ្រដល់​អ្នក​នៅពេល​ស្នាក់​នៅផ្ទះ។

ប្រសិន​បើអ្នក​ធ្វើ​តេស្តមានលទ្ធផលវិជ្ជមាន ឬ​អ្នកបាន​នៅជិត​បុគ្គល​ណាដែល​មាន​បញ្ជាក់ថាមានមេរោគ អ្នក​អាច​មានសិទ្ធិទទួលបាន​ការឧបត្ថម្ភប្រាក់ចំនួន $1500 ដុល្លារ។ សម្រាប់​ព័ត៌មាន​បន្ថែម​ សូម​ទូរសព្ទ​ទៅ​ខ្សែ​ទូរសព្ទ​បន្ទាន់ Coronavirus តាម​លេខ 1800 675 398។ ប្រសិន​បើ​អ្នក​ត្រូវ​ការ​អ្នក​បក​ប្រែផ្ទាល់មាត់ សូម​ចុច​លេខសូន្យ (0)។

បើ​អ្នក ឬ​នរណា​ម្នាក់​ដែល​អ្នក​ស្គាល់​មាន​អាការៈអន្ទះសារក្នុងចិត្ត ឬ​មាន​ការ​បារម្ភ​ច្រើន - សូម​ទូរសព្ទទៅ Lifeline តាម​លេខ 13 11 14 ឬ Beyond Blue តាម​លេខ 1800 512 348។ ​បើ​អ្នក​ត្រូវ​ការ​អ្នក​បក​ប្រែផ្ទាល់មាត់ ដំបូង​ត្រូវ​ទូរសព្ទ​ទៅ TIS National តាម​លេខ 131 450

ប្រសិន​បើ​អ្នក​មាន​អារម្មណ៍​ឯកា​ អ្នក​អាច​ទូរសព្ទ​ទៅខ្សែ​ទូរសព្ទ​បន្ទាន់ Coronavirus តាម​លេខ 1800 675 398 រួច​ចុច​លេខបី (3)។ ប្រសិន​បើ​អ្នក​ត្រូវ​ការ​អ្នក​បក​ប្រែផ្ទាល់មាត់ សូម​ចុច​លេខសូន្យ (0)។ គេ​នឹង​ភ្ជាប់​ខ្សែ​ទូរសព្ទ​អ្នក​ទៅកាន់​អ្នក​ស្ម័គ្រ​ចិត្ត​ម្នាក់ដែលមក​ពីកាកបាទក្រហមអូស្ត្រាលី (Australian Red Cross) ដែល​អាច​ភ្ជាប់​អ្នក​ទៅ​កាន់​សេវាកម្ម​ជំនួយគាំ​ទ្រ​ដែលមាននៅក្នុង​តំបន់។

ធនធាន​ផ្សេងៗទៀត

សូមប្រើប្រាស់ឯកសារខាងក្រោមនេះ ហើយចែករំលែកជាមួយសហគមន៍របស់អ្នកតាមអ៊ីមែល បណ្តាញសង្គម ឬ បណ្តាញសហគមន៍ផ្សេងៗទៀត។

ការ​ធ្វើ​តេស្ត និង​ការ​នៅ​ដាច់​ដោយ​ឡែក

ការរក្សា​សុវត្ថិភាព

ការ​ស្វែងសុំ​ជំនួយ

ម៉ាស្កឬក្បាំង​គ្រប​ច្រមុះ និងមាត់

Reviewed 29 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?