ប្រសិនបើអ្នកត្រូវការជំនួយបន្ថែមជាភាសារបស់អ្នក អ្នកអាចទូរសព្ទទៅ TIS National លេខ 131 450 ហើយស្នើសុំអ្នកបកប្រែផ្ទាល់មាត់ បន្ទាប់មកស្នើសុំឱ្យគេភ្ជាប់អ្នកទៅ មជ្ឈមណ្ឌលហៅទូរសព្ទនៃការដឹកជញ្ជូនសាធារណៈរបស់រដ្ឋវិចថូរៀ តាមលេខ 1800 800 007។
បច្ចុប្បន្នភាពលើការធ្វើដំណើរនាពេលបច្ចុប្បន្ន
ចាប់ពីម៉ោង 11.59 យប់ ថ្ងៃអង្គារ ទី 20 ខែកក្កដា ឆ្នាំ 2021 ប្រសិនបើអ្នកមានគម្រោងចូលរដ្ឋវិកថូរៀពីតំបន់ពណ៌ក្រហម សូមកត់សម្គាល់ថា៖
- ប្រធានមន្ត្រីសុខាភិបាលបានផ្អាកជាបណ្ដោះអាសន្ន ក្នុងការចេញលិខិតអនុញ្ញាតសម្រាប់តំបន់ពណ៌ក្រហម។
ប្រសិនបើអ្នកចង់ចូលក្នុងរដ្ឋវិកថូរៀក្រោយម៉ោង 11:59 យប់ ថ្ងៃអង្គារ ទី 20 ខែកក្កដា ឆ្នាំ 2021 ហើយអ្នកបានស្ថិតក្នុងតំបន់ពណ៌ក្រហមក្នុងរយៈពេល 14 ថ្ងៃកន្លងទៅ មុនពេលការចូល អ្នកនឹងតម្រូវឱ្យមានការលើកលែង ករណីពិសេស ឬលិខិតអនុញ្ញាតដែលមានសិទ្ធិទទួលដើម្បីចូលរដ្ឋវិកថូរៀ។ ការនេះក៏អនុវត្តផងដែរចំពោះអ្នករស់នៅក្នុងរដ្ឋវិកថូរៀ។
ការលើកលែង៖ អ្នកត្រូវតែដាក់ពាក្យសម្រាប់ការលើកលែង។ ការលើកលែងនានាត្រូវបានផ្ដល់ជូនតែនៅក្រោមកាលៈទេសៈពិសេសមួយចំនួនប៉ុណ្ណោះ រួមមានសម្រាប់ហេតុផលក្នុងការថែទាំ និងហេតុផលអាណិតអាសូរ។
ការលើកលែង៖ ការលើកលែងនានាអនុវត្តតែចំពោះប្រភេទជាក់លាក់មួយចំនួនប៉ុណ្ណោះ (ឧទាហរណ៍ ក្រុមបុគ្គលិកយន្តហោះ ឬប្រសិនបើអ្នកកំពុងធ្វើដំណើរក្នុងគ្រាមានអាសន្ន ឬប្រសិនបើអ្នកកំពុងគេចពីគ្រោះថ្នាក់ណាមួយ)។
លិខិតអនុញ្ញាតដែលមានសិទ្ធិទទួល៖ លិខិតអនុញ្ញាតដែលមានសិទ្ធិទទួល រួមមានលិខិតអនុញ្ញាតឆ្លងកាត់ សម្រាប់មនុស្សដែលកំពុងធ្វើដំណើរឆ្លងកាត់រដ្ឋវិកថូរៀ ទៅកាន់ព្រំដែនមួយផ្សេងទៀត និងលិខិតអនុញ្ញាតឱ្យបុគ្គលិកធ្វើការដែលបញ្ជាក់ច្បាស់លាស់ សម្រាប់បុគ្គលិកធ្វើការដែលបានចុះក្នុងបញ្ជីនៅលើ ។
ប្រសិនបើអ្នកព្យាយាមចូលរដ្ឋវិកថូរៀដោយគ្មានការលើកលែង ករណីពិសេស ឬលិខិតអនុញ្ញាតដែលមានសិទ្ធិទទួលទេ អ្នកនឹងត្រូវផាកពិន័យចំនួន AUD$5452 ហើយអាចត្រូវបានបដិសេធមិនឱ្យចូល ឬដាក់ឱ្យធ្វើចត្តាឡីស័កនៅសណ្ធាគារចំនួន 14 ថ្ងៃ ដោយត្រូវបង់ចំណាយដោយខ្លួនអ្នកផ្ទាល់។
ប្រសិនបើអ្នកជាអ្នកធ្វើដំណើរឆ្លងកាត់ សូមកត់សម្គាល់ថាមានការឆ្លងរាតត្បាតនៅរដ្ឋញូវសៅវែល នាពេលបច្ចុប្បន្ននេះ។ អ្នកគួរតែជៀសវាងការឆ្លងកាត់នៅតាមតំបន់នានាដែលមានការឆ្លងរោគក្នុងសហគមន៍ខ្ពស់នៅក្នុងមហាតំបន់ស៊ីដនីយ (Greater Sydney) ដែលបានកំណត់ដោយក្រសួងសុខាភិបាលរដ្ឋញូវសៅវែល។ ប្រសិនបើអ្នកត្រូវតែឆ្លងកាត់តំបន់ទាំងនេះ អ្នកគួរតែរៀបចំគម្រោងធ្វើដំណើររបស់អ្នកទុកជាមុន នៅពេលណាដែលអាចធ្វើទៅបាន ដោយអ្នកអាចជៀសវាងការឈប់ទិញប្រេងឥន្ធនៈ ម្ហូបអាហារ ឬសម្រាកនៅទីតាំងទាំងនេះ។
ដើម្បីមើលព័ត៌មានទាក់ទងនឹងតំបន់ពណ៌ក្រហម ពណ៌ទឹកក្រូច និងពណ៌បៃតងបច្ចុប្បន្ន នៅក្នុងប្រទេសអូស្ត្រាលី និងប្រទេសនូវែលសេឡង់ ។
លិខិតអនុញ្ញាតធ្វើដំណើរចូលរដ្ឋវិកថូរៀ (Victorian Travel Permit Scheme)
អ្នកត្រូវការដាក់ពាក្យសុំលិខិតអនុញ្ញាតដើម្បីចូលក្នុងរដ្ឋវិកថូរៀពីកន្លែងណាមួយនៅក្នុងប្រទេសអូស្ត្រាលី និងប្រទេសនូវែល សេឡង់។
ប្រព័ន្ធលិខិតអនុញ្ញាតនេះប្រើប្រាស់សម្រាប់អ្នកធ្វើដំណើរ និងពលរដ្ឋមានលំនៅដ្ឋាននៅរដ្ឋវិកថូរៀ ដែលត្រូវត្រឡប់មកផ្ទះរបស់ខ្លួនវិញ
រដ្ឋវិកថូរៀចាត់ថ្នាក់លើផ្នែកនានាផ្សេងទៀតនៃប្រទេសអូស្ត្រាលី និងប្រទេសនូវែល សេឡង់ថា ជាតំបន់ពណ៌បៃតង ពណ៌ទឹកក្រូច ឬពណ៌ក្រហម អាស្រ័យទៅតាម ហានិភ័យនៃវីរុសកូរ៉ូណា (coronavirus) នៅក្នុងតំបន់នោះ។
ដើម្បីដាក់ពាក្យសុំលិខិតអនុញ្ញាតនេះ អ្នកចាំបាច់ត្រូវផ្តល់ព័ត៌មានលម្អិតពីទីតាំងចេញដំណើរ និងទីតាំងដែលត្រូវធ្វើដំណើរទៅ។
ពលរដ្ឋទាំងឡាយណាដែលរស់នៅតាមតំបន់ព្រំប្រទល់នឹងមិនចាំបាច់មានលិខិតអនុញ្ញាត ទេ ប៉ុន្តែត្រូវបង្ហាញពីភស្តុតាងបញ្ជាក់ពីអាសយដ្ឋាននៅតាមតំបន់ព្រំប្រទល់។
របៀបដាក់ពាក្យសុំ
ចូរដាក់ពាក្យសុំលិខិតអនុញ្ញាតតាមរយៈគេទំព័រ សេវាកម្មរដ្ឋវិកថូរៀ (Service ។
តំបន់ត្រូវការលិខិតអនុញ្ញាត
តំបន់ពណ៌ក្រហមមានន័យថា អ្នកមិនអាចចូលរដ្ឋវិកថូរៀបានទេ ប្រសិនបើអ្នកមិនមែនជាអ្នកស្នាក់នៅរដ្ឋវិកថូរៀ។ ប្រសិនបើអ្នកជាអ្នកស្នាក់នៅរដ្ឋវិកថូរៀ ចូលមកពីតំបន់ពណ៌ក្រហម នោះអ្នកនឹងត្រូវតែធ្វើចត្តាឡីស័កនៅផ្ទះរយៈពេល 14 ថ្ងៃ។ មានហេតុផលមួយចំនួនដែលអ្នកអាចធ្វើដំណើរមកកាន់រដ្ឋនេះបានដូចជា អ្នកមានលិខិតអនុញ្ញាតសម្រាប់បុគ្គលិកមួយចំនួន ឬបុគ្គលិកផ្នែកភស្តុភា ឬមានលិខិតលើកលែងដោយសារករណីធុរៈថែទាំសមាជិកគ្រួសារចាំបាច់។ ប្រសិនបើអ្នកចូលមករដ្ឋវិកថូរៀពីតំបន់ក្រហមដោយគ្មានករណីលើកលែង ឬលិខិតអនុញ្ញាតបំពេញការងារ អ្នកនឹងរងការផាកពិន័យ ហើយត្រូវវិលត្រឡប់ថយក្រោយវិញ។
តំបន់លឿង មានន័យថាអ្នកអាចដាក់ពាក្យសុំលិខិតអនុញ្ញាត និងត្រូវធ្វើតេស្តក្នុងរយៈពេល 72ម៉ោងមុនមកដល់រដ្ឋវិកថូរៀ។ អ្នកត្រូវតែស្នាក់នៅផ្ទះមុន និងក្រោយពេលធ្វើតេស្ត រហូតដល់ទទួលបានលទ្ធផលតេស្តអវិជ្ជមាន។
តំបន់បៃតង មានន័យថាអ្នកអាចដាក់ពាក្យសុំលិខិតអនុញ្ញាតចូលរដ្ឋវិកថូរៀ។ ពេលមកដល់រដ្ឋវិកថូរៀ អ្នកត្រូវតាមដានរោគសញ្ញា និងត្រូវទៅធ្វើតេស្តភ្លាមបើអ្នកមិនស្រួលខ្លួន។
ដើម្បីមើលតំបន់នានានៅក្នុងប្រទេស អូស្ត្រាលី និងប្រទេសនូវែលសេឡង់ ដែលជាតំបន់ពណ៌ក្រហម តំបន់ពណ៌ទឹកក្រូច ឬតំបន់ពណ៌បៃតង សូមមើលផែនទីនៅលើ ទំព័រប្រព័ន្ធលិខិតអនុញ្ញាតធ្វើដំណើរចូលរដ្ឋវិកថូរៀ (the Victoria Travel Permit System ។
ករណីលើកលែងចំពោះលិខិតអនុញ្ញាត
អ្នកអាចដាក់ពាក្យសុំលិខិតអនុញ្ញាតសម្រាប់ករណីលើកលែង ប្រសិនបើអ្នកមានហេតុផលសមស្រប។ ហេតុផលទាំងនេះអាចរួមមាន ៖
- មកមើលសាច់ញាតិដែលនឹងទទួលមរណភាព ឬចូលរួមបុណ្យសព
- ត្រឡប់មកផ្ទះវិញក្នុងហេតុផលសុខភាព សុខុមាលភាព ការថែទាំ ឬមានធុរៈចាំបាច់ផ្សេងៗទៀត
- ការផ្លាស់ទីលំនៅក្នុងករណីគ្រោះអាសន្ន
- មើលថែទាំសត្វដែលនៅម្ខាងទៀតនៃព្រំដែន។
Reviewed 22 July 2021