vic_logo
coronavirus.vic.gov.au

Здравствени совети и рестрикции (Health advice and restrictions) - Македонски (Macedonian)

Информации, најнови вести и совети за епидемијата на коронавирус (COVID-19).

Ако сте загрижени, јавете се на дежурната линија за коронавирус на 1800 675 398 (24 часа).
Ако Ви е потребен преведувач, јавете се на TIS National на 131 450, или јавете се на дежурната линија за коронавирус на 1800 675 398 и притиснете на опцијата 0.
Ве молиме повиците на Трипати Нула (000) да бидат само за итни случаи.

Што мора да запамтите

Има важни нешта што може да ги правиме за нашите семејства и заедницата да ги заштитиме од коронавирусот (КОВИД-19):

  • Секогаш кога излегувате од дома, носете со себе маска, освен ако за вас важи законски исклучок.
  • Редовно мијте ги рацете. Користете сапун и вода или средство за дезинфекција на рацете. Тоа помага да се заштитиме од КОВИД-19 кој може да живее на површини неколку дена.
  • Одржувајте растојание од најмалку 1.5 метар од други луѓе.
  • Ако не се чувствувате добро,  тестирајте се и останете дома. Раното тестирање, дури и ако вашите симптоми се благи, помага да се забави ширењето на КОВИД-19.
  • Тестирањето за КОВИД-19 е бесплатно за сите. Тоа важи и за луѓето без Medicare карта, како што се посетителите од странство, странските работници и лицата кои бараат азил.
  • Ако имате право на вакцина против КОВИД-19, вакцинирајте се.
  • Ако влегувате во деловна или работна просторија, мора да се пријавите со апликацијата на Service Victoria.

Сегашни степени на ограничувања во Викторија

Главниот здравствен началник на Викторија (Victorian Chief Health Officer) може да ги смени овие ограничувања ако ситуацијата се смени.

Од 11:59 навечер во вторник, 27 јули 2021

  • Нема ограничувања на причините за излегување од дома.
  • Нема ограничување колку далеку можете да патувате.
  • Може да патувате низ Викторија, меѓутоа за патување во зимските центри има неколку ограничувања.
  • Може да патувате во регионалните викториски зимски центри само ако сте направиле тест за COVID-19 не повеќе од 72 часа пред да пристигнете во зимскиот центар и сте добиле негативен резултат пред да пристигнете. Децата на возраст под 12 години не мора да се тестираат. Како услов за одење на скијачките терени, мора да бидете во состојба да покажете доказ за негативен резултат од тестот, на пример, текст порака од центарот за тестирање.
  • Секогаш мора да носите со вас маска, освен во случај на законски исклучок.
  • Мора да носите маска во затворен простор и на отворено, освен ако за вас важи законски исклучок. Не мора да носите маска во вашиот дом или домот на вашиот интимен партнер.
  • Не се дозволени приватни собири. Тоа значи дека не е дозволено во вашиот дом да ве посетуваат пријатели или семејството и вам не ви е дозволено да ги посетувате нивните домови.
  • Можете да се видите со пријателите и семејството надвор, на јавно место во група од најмногу 10 лица (со исклучок на доенчиња под 12 месеци). Јавно место е место достапно на членовите на јавноста, како на пример парк или плажа. Ова не го вклучува дворот на вашиот дом.
  • Ако влегувате во деловна или работна просторија, мора да се пријавите со апликацијата на Service Victoria. Ова вклучува места како што се супермаркети, кафулиња и канцеларии.

Работа и образование

  • Училиштата и градинките се отворени.
  • Универзитетите и високообразовните установи се отворени.
  • Ако можете да работите или учите/студирате од дома, морате да продолжите да го правите тоа.
  • Ако не можете да работите од дома, може да одите на работа.
  • Работните организации како што се административните установи може да го зголемат капацитетот на 25% или 10 лица, во зависност од тоа кој број е поголем. Овој максимален број може да се надмине ако повеќе од 25% или 10 лица (во зависност од тоа кој број е поголем) не се во состојба да работат од дома.

Добра и услуги

  • Продавниците се отворени со ограничување на густината од 1 лице на 4 квадратни метри. Додека пазарувате, треба да го одржувате дозволениот број на потрошувачи во продавница. Ова ограничување помага сите лица кои се во продавницата да бидат на растојание од 1,5 метри меѓу нив.
  • Салоните за разубавување и за лична нега се отворени, со ограничувања на густината од 1 лице на 4 квадратни метри. Маските можат да се извадат ако е потребно да се направи третман, на пример, козметички третман на лице или потстрижување на брада. Лицето кое ви ја нуди услугата ќе треба да носи маска, освен ако за него/неа важи законски исклучок.

Спорт

  • Сите спортови во заедницата, на отворено и внатре, се дозволени.
  • Дозволено е присуство на учесници (играчи, тренери, судии и старатели/родители) кои се неопходни за тренирање или натпреварување во минимален број, во зависност од ограничувањата за густина.
  • Центрите за физичка рекреација во затворен простор, вклучувајќи ги теретаните, се отворени и за нив важат ограничувањата за густина.
  • Дозволени се часови за групни вежби, во затворен простор и на отворено, со најмногу 10 лица.
  • Базените се отворени, со максимален број од 100 лица во затворен простор и 300 лица на отворено.

Вера и обреди

  • На венчавките може да присуствуваат најмногу 50 лица. Во ограничувањето се вклучени двојката и двајца сведоци. Лицето кое го води обредот, фотографот и другите кои работат на настанот не се вклучени во ограничувањето.
  • На погреби може да присуствуваат максимум 50 лица. Лицата кои го извршуваат погребот не се вклучени во ова ограничување.
  • Може да се одржуваат верски собири со најмногу 100 лица во затворен простор и 300 лица на отворено. Исто така важи ограничувањето за густина од 1 лице на 4 квадратни метри.

Угостителство

  • Рестораните, пабовите, баровите и кафулињата можат да бидат отворени и да служат седнати посетители, при што бројот на посетители на локалот е ограничен на 100 лица. Исто така се применуваат ограничувањата за густина. Во сите објекти ќе има лице за проверка за коронавирус (COVID Check-In Marshal) кое ќе надгледува дали посетителите се пријавуваат со апликацијата на Service Victoria.
  • Објектите со површина помала од 100 квадратни метри може да имаат најмногу 25 посетители.
  • Местата за брза храна се отворени за гости кои седат. Важат ограничувањата за густина со максимален број од 100 посетители во секој објект.

Забава

  • Објектите за забава како што се кината, казината, коцкарниците, аркадите, караоке клубовите и ноќните клубови се отворени и во нив се применуваат ограничувањата за густина, за максимален број на посетители и за ограничување на бројот на лица во група, и во нив мора да има лице за проверка на посетителите за коронавирус.
  • Објектите во заедницата, вклучувајќи ги библиотеките и организациите за поврзување на лицата во заедницата (neighbourhood houses), се отворени за најмногу 100 лица во затворен простор и 300 лица на отворено. Исто така се применуваат ограничувањата за густина. Во една група може да има најмногу 10 лица.
  • Во сите објекти ќе има лице за проверка за коронавирус (COVID Check-In Marshal) кое ќе надгледува дали посетителите се пријавуваат со апликацијата на Service Victoria.

Маски

  • Лицата на возраст од 12 години или кои се постари мора да носат маски во затворен простор и на отворено, освен ако за нив важи законски исклучок. Не мора да носите маска во вашиот дом.
  • Секогаш мора да носите со вас маска, освен во случај на законски исклучок.
  • Примери за законска причина за не носење маска го вклучуваат следново:
    • ако имате здравствен проблем како на пример сериозен проблем со кожата на вашето лице или проблем со дишењето
    • ако се задишувате кога вежбате.

Тестирање и изолација

Ако имате кој и да е симптом на коронавирусот (COVID-19), вие мора да се тестирате и да останете дома додека не ги добиете резултатите.  Не одете на работа, не одете во продавници.

Симптомите на COVID-19 вклучуваат:

  • висока температура, тресење од студ или потење
  • кашлање или болки во грлото
  • отежнато дишење
  • нос што „тече“
  • загубен осет за мирис или вкус

Тестирањето за COVID-19 е бесплатно за сите. Тоа се однесува и на луѓето без Medicare карта, како што се посетители од странство, странски работници и лица кои бараат азил.

Ако сте биле тестирани позитивни на коронавирус (COVID-19), мора да се изолирате (да останете) во вашиот дом.

Ако сте близок контакт на лице со COVID-19, мора да бидете во карантин (да останете дома) 14 дена и сè додека овластен службеник од Одделот за здравство не ве извести дека можете да излезете од карантин.

Ако живеете или сте биле со некого кој е близок контакт, од вас ќе биде побарано да останете дома.

Јавни места изложени на вирусот

Што треба да знаете

Ако сте биле на било кое од местата кои биле изложени на вирусот во текот на наведените времиња:

  • Следете ги наведените совети кои се специфични за местото кое било изложено на вирусот
  • Јавете се во Одделот за здравство (Department of Health) на 1300 651 160
  • Проверете каде можете да се тестирате

Кликнете тука за да видите кои се најновите места кои биле изложени на вирусот

Овие простории биле посетени од потврдени случаи на заразени лица додека биле заразни. Тоа не значи дека и натаму постои ризик во врска со тие простории. Безбедно можете да го посетувате местото во согласност со тековните ограничувања.

Периодот на изложеноста на вирусот го одразува датумот или времето кога лице со КОВИД-19 го посетило тоа место. Посетата била во текот на периодот кога лицето било заразно. Ова го вклучува периодот од 48 часа пред да се појават симптоми кај лицето.

Местата се идентификуваат со следење на контактите (contact tracing). Следењето на контакти се спроведува откако некое лице ќе добие позитивен тест за КОВИД-19.

Местата остануваат на списокот 14 дена откако лице со КОВИД-19 последен пат ги посетило во текот на тој период. 14 дена е најдолгиот временски период (период на инкубација) кога лице што го посетило местото и било во контакт со некој што има КОВИД-19 може да го има вирусот пред да започне да покажува симптоми.

Ризичните места ќе останат на списокот 14 дена од последното изложување на вирусот.

Најдете јавни места кои биле изложени на вирусот

Кликнете тука за да видите кои се најновите места кои биле изложени на вирусот или погледнете ја мапата на јавните места во Викторија кои биле изложени на вирусот.

За лицата кои патувале низ Австралија, ве молиме проверете ги објавените списоци подолу со места изложени на вирусот во секоја држава и територија;

Ако сте во Викторија и сте ги посетиле овие места во наведените времиња, следете ги наведени совети и контактирајте нѐ на 1300 651 160.

Списокот на овие места се ажурира како што се добиваат нови информации, затоа проверувајте го редовно.

За да видите каде се наоѓаат местата за тестирање, отидете на веб-страницата 'Каде да се тестирате' (Where to get tested).

Објаснување на Нивоата 1, 2 и 3

Места изложени на вирусот на Ниво 1

Секој кој посетил место што било изложено на вирусот на Ниво 1 во текот на наведените времиња, мора веднаш да се изолира, да се тестира за КОВИД-19 и да биде во карантин 14 дена од датумот кога бил изложен на вирусот. Исто така, треба да го контактирате Одделот за здравство на 1300 651 160.

Места изложени на вирусот на Ниво 2

Секој кој посетил место што било изложено на вирусот на Ниво 2 во текот на наведените времиња, треба веднаш да се тестира за КОВИД-19 и да се изолира сѐ додека не добие негативен резултат. Исто така, треба да го контактирате Одделот за здравство на 1300 651 160.

Продолжете да проверувате дали имате симптоми и ако се појават, тестирајте се повторно.

Места изложени на вирусот на Ниво 3

Секој кој посетил место што било изложено на вирусот на Ниво 3 во текот на наведените времиња, треба да проверува дали има симптоми. Ако се појават симптоми, веднаш направете тест за КОВИД-19 и изолирајте се додека не добиете негативен резултат.

На кого можам да се јавам ако ми треба помош?

Ако ви треба помош, јавете се на дежурната линија за КОВИД-19 во Одделот за здравство на Викторија на 1800 675 398.

Ако ви треба преведувач преку телефон, ве молиме јавете се на TIS National на 131 450.

Можете да добиете поддршка

Ако сте загрижени дека ќе загубите приходи додека го чекате резултатот од вашиот тест, може да имате право на поддршка од 450 долари за коронавирус (КОВИД 19) изолација по тестирање ($450 coronavirus (COVID-19) Test Isolation support).   Тоа ќе ви помогне да останете дома.

Ако вашиот тест е позитивен или сте близок контакт на потврден случај, можеби имате право на исплата од 1.500 долари. За повеќе информации јавете се на дежурната линија за коронавирусот на 1800 675 398. Ако ви треба преведувач, притиснете нула (0).

Ако вие или некој кого го знаете е вознемирен или загрижен, може да се јавите на Lifeline на 13 11 14 или на Beyond Blue на 1800 512 348. Ако ви треба преведувач, прво јавете се на 131 450.

Ако се чувствувате изолирани, може да се јавите на дежурната линија за коронавирус (Coronavirus Hotline) на 1800 675 398 и притиснете три (3).  Ако ви треба преведувач, притиснете нула (0). Ќе добиете врска со доброволец од Црвен крст на Австралија (Australian Red Cross) кој може да ве поврзе со локални служби за поддршка.

Материјали

Ве молиме користете ги материјалите наведени подолу и споделете ги со вашата заедница, преку електронска пошта, социјални медиуми или други општествени мрежи.

Тестирање и изолација

Останување безбедни

Добивање помош

Покривки за лице

Reviewed 29 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?