ആരോഗ്യ നിർദ്ദേശങ്ങളും നിയന്ത്രണങ്ങളും (Health advice and restrictions) - മലയാളം (Malayalam)

വിക്ടോറിയയിൽ നിലവിലുള്ള നിയന്ത്രണങ്ങൾ

സാഹചര്യങ്ങൾ മാറുകയാണെങ്കിൽ നിയന്ത്രണങ്ങളിൽ മാറ്റം വരുത്താൻ Victorian Chief Health Officer ക്ക് കഴിയും.

നിലവിലുള്ള നിയന്ത്രണങ്ങൾ

ഈ സമയം മുതൽ:

• 20 പേർക്ക് വരെ കെട്ടിടത്തിന് പുറത്ത് ഒരുമിച്ച് കൂടാം. ഇത് വീടിന്റെ പരിസരത്തല്ല അനുവദിച്ചിരിക്കുന്നത്. പാർക്കോ ബീച്ചോ പോലുള്ള പൊതുസ്ഥലങ്ങളിലാണ് ഇത് ബാധകം.
• നിങ്ങളുടെ വീട്ടിൽ ഒരു ദിവസം 5 സന്ദർശകർക്ക് വരെ അനുവാദമുണ്ടാകും.
• നിങ്ങളുടെ വീട്ടിലുള്ളവർക്കൊപ്പം അല്ലെങ്കിൽ മറ്റ് അഞ്ച് പേർക്കൊപ്പം വിക്ടോറിയയിൽ അവധിക്കാല താമസസൗകര്യത്തിന് ബുക്ക് ചെയ്യാൻ അനുവാദമുണ്ട്.
• ഹെയർഡ്രസ്സിംഗ്, ബ്യുട്ടി ആൻഡ് പേഴ്സണൽ കെയർ സേവനങ്ങൾ നൽകുന്നവർക്ക് നിങ്ങളുടെ വീട്ടിൽ വരാൻ അനുവാദമുണ്ടാകും.
• റെസ്റ്റോറന്റുകൾ, പബ്ബുകൾ, ബാറുകൾ, കഫേകൾ എന്നിവയ്ക്ക് തുറക്കാം. രണ്ട് ചതുരശ്ര മീറ്ററിൽ ഒരാൾ എന്ന പരിധി പാലിച്ച് കെട്ടിടത്തിന് അകത്തും പുറത്തും ആളുകളുടെ എണ്ണം നിയന്ത്രിക്കേണ്ടതുണ്ട്. 25 പേരിൽ കൂടുതൽ ഉള്ളപ്പോഴാണ് രണ്ടു ചതുരശ്രമീറ്റർ വ്യവസ്ഥ ബാധകം.
• ചൂതാട്ടകേന്ദ്രങ്ങൾ തുറക്കും. ഉപഭോക്താക്കളുടെ എണ്ണത്തിൽ പരിധി ബാധകം.
• തത്സമയ സംഗീത പരിപാടികൾ അനുവദിക്കും. എന്നാൽ സാധ്യമാകുന്ന സാഹചര്യത്തിൽ കെട്ടിടത്തിന് പുറത്ത് നടത്തേണ്ടതുണ്ട്.
• ഫുഡ് കോർട്ടുകൾ തുറക്കും.
• പരസ്പര സ്പർശം ആവശ്യമായ കായിക ഇനങ്ങൾ കെട്ടിടത്തിന് അകത്തും പുറത്തും അനുവദിക്കും.
• ജിമ്മുകളിലും ഇൻഡോർ വ്യായാമ ക്‌ളാസ്സുകളിലും 50 പേരെന്ന പരിധി ബാധകം. ഔട്ട്ഡോർ ക്‌ളാസ്സുകൾക്ക് 100 പേർ പരിധി. ജിമ്മുകളിലും ഇൻഡോർ കായിക വേദികളിലും ആളുകളുടെ എണ്ണം നിയന്ത്രിക്കുന്നതിനായി നാല് ചതുരശ്ര മീറ്ററിൽ ഒരാൾ എന്ന പരിധി ബാധകം.
• നീന്തൽക്കുളങ്ങൾ തുറക്കും. ഇൻഡോർ നീന്തൽക്കുളങ്ങളിൽ നാല് ചതുരശ്ര മീറ്ററിൽ ഒരാൾ എന്ന പരിധിയും ഔട്ട്ഡോർ നീന്തല്കുളങ്ങളിൽ രണ്ട് ചതുരശ്ര മീറ്ററിൽ ഒരാളെന്ന പരിധിയും ബാധകം. ആളുകളുടെ എണ്ണം നിയന്ത്രിക്കുന്നത് ലക്ഷ്യമിട്ടാണ് ഇത്.
• സിനിമാ ഹാളുകൾ തുറക്കും. അനുവദിക്കുന്നവരുടെ എണ്ണത്തിൽ പരിധി ബാധകം.
• വിവാഹങ്ങൾ നടത്താം. വിവാഹ ചടങ്ങ് നടത്തുന്ന വേദിയുടെ വലുപ്പമനുസരിച്ചായിരിക്കും എത്രപേർക്ക് പങ്കെടുക്കാം എന്ന് തീരുമാനിക്കുക. രണ്ട് ചതുരശ്ര മീറ്ററിൽ ഒരാൾ എന്ന പരിധി ബാധകം. വിവാഹം നിങ്ങളുടെ വീട്ടിൽ നടത്തുകയാണെങ്കിൽ 5 പേരെന്ന പരിധി ബാധകം.
• മരണാനന്തര ചടങ്ങുകൾ നടത്താം. മരണാനന്തര ചടങ്ങ് നടത്തുന്ന വേദിയുടെ വലുപ്പമനുസരിച്ചായിരിക്കും എത്രപേർക്ക് പങ്കെടുക്കാം എന്ന് തീരുമാനിക്കുക. രണ്ട് ചതുരശ്ര മീറ്ററിൽ ഒരാൾ എന്ന പരിധി ബാധകം. മരണാനന്തര ചടങ്ങ് നിങ്ങളുടെ വീട്ടിൽ നടത്തുകയാണെങ്കിൽ 5 പേരെന്ന പരിധി ബാധകം.
• മതപരമായ ഒത്തുക്കൂടലുകൾ നടത്താം. രണ്ട് ചതുരശ്ര മീറ്ററിൽ ഒരാൾ എന്ന പരിധി ബാധകമാകും. കെട്ടിടത്തിന് അകത്തും പുറത്തും എത്ര പേർ വരെയുള്ള സംഘങ്ങളാകാം എന്നതിന് പരിധിയില്ല. അകത്തും പുറത്തും ഒരേ സമയത്ത് പരിപാടികൾ നടത്താം.
• കമ്മ്യുണിറ്റി കേന്ദ്രങ്ങൾ, വായനശാലകൾ തുടങ്ങിയ സാമൂഹിക വേദികൾ തുറക്കും. രണ്ട് ചതുരശ്ര മീറ്ററിൽ ഒരാൾ എന്ന പരിധി പാലിച്ച് ആളുകളുടെ എണ്ണം നിയന്ത്രിക്കേണ്ടതുണ്ട്.
  

മുഖത്ത് ഉറച്ചിരിക്കുന്ന മാസ്ക്

കെട്ടിടത്തിന് അകത്ത് എപ്പോഴും മാസ്ക് ധരിക്കണം (നിങ്ങളുടെ വീട്ടിൽ ഒഴികെ). ജോലി സ്ഥലം, ഷോപ്പിംഗ് സെന്റർ, പൊതു ഗതാഗത സംവിധാനം എന്നിവയിൽ ഉൾപ്പെടെ ബാധകം. മറ്റുള്ളവരുമായി (ഒരുമിച്ച് താമസിക്കുന്നവർ അല്ലെങ്കിൽ) 1.5 മീറ്റർ അകലം പാലിക്കാൻ കഴിയില്ലെങ്കിൽ, കെട്ടിടങ്ങൾക്ക് പുറത്തും മാസ്ക് ധരിക്കണം.

ആവശ്യമുള്ളപ്പോൾ ധരിക്കുന്നതിന് നിങ്ങളുടെ കൈവശം എപ്പോഴും മാസ്ക് ഉണ്ടായിരിക്കണം. നിയമപരമായ ഇളവുകൾ ബാധകം. ഉദാഹരണത്തിന്:

• മുഖചർമ്മത്തെ ബാധിക്കുന്ന ഗുരുതര പ്രശ്നങ്ങൾ, ശ്വസന സംബന്ധമായ പ്രശ്നങ്ങൾ തുടങ്ങിയ ആരോഗ്യ സാഹചര്യങ്ങളുണ്ടെങ്കിൽ.
• വ്യായാമം ചെയ്യുമ്പോൾ ശ്വസിക്കാൻ ബുദ്ധിമുട്ട് അനുഭവപ്പെടുകയാണെങ്കിൽ

പരിശോധനയും ഐസൊലേഷനും

കൊറോണവൈറസിന്റെ (COVID-19) ഏതെങ്കിലും ലക്ഷണങ്ങൾ ഉണ്ടെങ്കിൽ നിർബന്ധമായും പരിശാധനക്ക് വിധേയരായതിന്ശേഷം ഫലം വരുന്നത് വരെ വീട്ടിലിരിക്കുക. ജോലിക്കോ കടകളിലോ പോകരുത്.

കൊറോണവൈറസിന്റെ ലക്ഷണങ്ങളിൽ ഇവ ഉൾപ്പെടുന്നു:

• പനി, കുളിരും വിയർപ്പും
• ചുമ അല്ലെങ്കിൽ തൊണ്ടവേദന
• ശ്വാസതടസ്സം
• മൂക്കൊലിപ്പ്
• മണമോ രുചിയോ നഷ്ടമാവുക

കൊറോണവൈറസ് (COVID-19) പരിശോധന എല്ലാവർക്കും സൗജന്യമാണ്. വിദേശത്ത് നിന്നുള്ള സന്ദർശകർ, കുടിയേറ്റ തൊഴിലാളികൾ, അഭയാർത്ഥികൾ എന്നിങ്ങനെ മെഡികെയർ കാർഡില്ലാത്തവർക്കും ഇത് ലഭിക്കും.

നിങ്ങളുടെ കൊറോണവൈറസ് (COVID-19) പരിശോധനാഫലം പോസിറ്റീവാണെങ്കിൽ നിങ്ങൾ നിർബന്ധമായും വീട്ടിൽ ഐസൊലേറ്റ് ചെയ്യണം.

കൊറോണവൈറസ് (COVID-19) ബാധിച്ചിട്ടുള്ള ആരുമായെങ്കിലും അടുത്ത സമ്പർക്കമുള്ള വ്യക്തിയാണ് നിങ്ങളെങ്കിൽ പതിനാല് ദിവസത്തേക്ക് നിർബന്ധമായും സ്വയം ക്വറന്റൈൻ ചെയ്യണം.

• What to do if you've tested positive coronavirus (COVID-19) (Word)
• What to do if you have been in close contact with someone with coronavirus (COVID-19) (Word)

കൊറോണവൈറസ്‌ ബാധിരുമായി സമ്പർക്കത്തിലുള്ള വ്യക്തിക്കൊപ്പം ജീവിക്കുന്നവരോടും അടുത്ത് ഇടപഴകിയവരോടും വീട്ടിലിരിക്കാൻ ആവശ്യപ്പെടും.

സഹായം ലഭ്യമാണ്

പരിശോധനാ ഫലത്തിനായി കാത്തിരിക്കുന്ന സമയത്ത് വരുമാനം നഷ്ടമാകുമെന്ന് ആശങ്കയുണ്ടെങ്കിൽ, നിങ്ങൾക്ക് $450 ഡോളർ കൊറോണവൈറസ് (COVID-19) പരിശോധനാ ഐസൊലേഷൻ ആനുകൂല്യത്തിന് (Test Isolation Payment) അർഹതയുണ്ടാകാം. ഇത് വീട്ടിലിരിക്കുന്ന സമയത്ത് നിങ്ങൾക്ക് സഹായകരമാകും.

നിങ്ങൾക്ക് വൈറസ്ബാധ സ്ഥിരീകരിക്കുകയോ, രോഗം സ്ഥിരീകരിച്ചയാളുമായി അടുത്ത സമ്പർക്കത്തിൽ വരികയോ ചെയ്താൽ, 1,500 ഡോളർ സാമ്പത്തിക സഹായത്തിന് അർഹതയുണ്ടായേക്കാം. കൂടുതൽ വിവരങ്ങൾക്ക് Coronavirus Hotline ൽ വിളിക്കുക. നമ്പർ 1800 675 398. നിങ്ങൾക്ക് പരിഭാഷകനെ ആവശ്യമുണ്ടെങ്കിൽ പൂജ്യം (0) അമർത്തുക.

നിങ്ങൾക്കോ, നിങ്ങൾക്ക് പരിചയമുള്ള മറ്റാർക്കെങ്കിലുമോ മാനസിക ഉത്കണ്ഠയോ ആശങ്കയോ അനുഭവപ്പെടുന്നുണ്ടെങ്കിൽ 13 11 14 എന്ന നമ്പരിൽ Lifelineനെയോ, 1800 512 348 എന്ന നമ്പരിൽ Beyond Blueനെയോ ബന്ധപ്പെടാം. പരിഭാഷകനെ ആവശ്യമുണ്ടെങ്കിൽ ആദ്യം 131 450 എന്ന നമ്പരിൽ വിളിക്കുക.

നിങ്ങൾക്ക് ഒറ്റപ്പെടൽ അനുഭവപ്പെടുന്നുണ്ടെങ്കിൽ 1800 675 398 എന്ന കൊറോണവൈറസ് ഹോട്ട്ലൈൻ നമ്പറിൽ ബന്ധപ്പെടാം (Coronavirus Hotline). നമ്പർ ഡയൽ ചെയ്ത ശേഷം മൂന്ന് (3) അമർത്തുക. പരിഭാഷകനെ ആവശ്യമുണ്ടെങ്കിൽ പൂജ്യം (0) അമർത്തുക. Australian Red Cross ൽ നിന്നുള്ള വോളന്റിയർ നിങ്ങളെ യോജ്യമായ പ്രാദേശിക സേവനങ്ങളുമായി ബന്ധപ്പെടുത്തും.

• $450 ഡോളർ കൊറോണവൈറസ് (COVID-19) പരിശോധനാ ആനുകൂല്യം (Word)
• $1500 Pandemic Leave Disaster Payment (Word)

Resources

Please use the materials below and share them with your community by email, social media or other community networks.

Testing and isolation

• Testing for coronavirus (COVID-19) (Word)
• What to do if you've tested positive coronavirus (COVID-19) (Word)
• What to do if you have been in close contact with someone with coronavirus (COVID-19) (Word)
• Get tested if you have these symptoms poster (PDF)
• Any symptoms however mild, get tested social media tile (JPG)
• Coronavirus testing is quick safe and easy (PDF)

Staying safe

• High risk COVIDSafe plan for Victorian workplaces (Word)
• 3 ways to stay safe poster (PDF)
• Wash your hands regularly poster (PDF)
• Cover your cough and sneeze poster (PDF)
  

Getting help

• $1500 Pandemic Leave Disaster Payment (Word)
• $450 Coronavirus Test Isolation Payment (Word)
• Emergency Relief Packages fact sheet (Word)
• Emergency support factsheet (Word)
• How to access services you need - public housing estates (Word)
• Looking after your mental health during coronavirus (COVID-19) pandemic (PDF)
• Looking after your mental health during coronavirus (COVID-19) pandemic (Word)
• Family violence factsheet (Word)
• Family violence support - public housing estates (Word)

Face coverings

• Design and preparation of cloth mask (PDF)
• How to wear a facemask (PDF)