vic_logo
coronavirus.vic.gov.au

स्वास्थ्य सल्लाह र प्रतिबन्धहरू (Health advice and restrictions) - नेपाली (Nepali)

परिवर्तित प्रतिबन्धहरूको सारांश

यदि तपाईंलाई सरोकार भएमा Coronavirus को हटलाइन नम्बर १८०० ६७५ ३९८ मा (२४ घण्टानै ) सम्पर्क गर्नुहोस् .
यदि तपाईंलाई दोभाषेको आवश्यकता परेमा TIS National को नम्बर १३१४५० मा सम्पर्क गर्नुहोस्.
आकस्मिक सेवा को लागि मात्र तिनवटा शुन्य (०००) प्रयोग गर्नुहोस्.

तपाईंले सम्झनु पर्ने कुराहरू

हामी हाम्रो परिवार र समुदायलाई कोरोनाभाइरस (COVID-19) बाट सुरक्षित राख्न निम्न महत्त्वपूर्ण कार्यहरू गर्न सक्छौः

  • नियमित रूपमा आफ्ना हातहरू धुनुहोस् । साबुन र पानीको प्रयोग गर्नुहोस् वा ह्यान्ड सेनिटाइजर लिएर हिंड्नुहोस् । यसले हामीलाई कोरोनाभाइरस (COVID-19) बाट सुरक्षित रहन मद्दत गर्छ जुन सतहहरूमा धेरै दिनसम्म जीवित रहन सक्छ ।
  • अरू मानिसबाट कम्तिमा १.५ मिटरको दूरी राख्नुहोस् ।
  • यदि तपाईं अस्वस्थ हुनुहुन्छ भने परीक्षण गराउनुहोस् र घरमै बस्नुहोस् । तपाईंमा लक्षणहरू हल्कै देखिए पनि आफ्नो परीक्षण शीघ्र गराउनुहोस् । यसले कोरोनाभाइरस (COVID-19) को फैलावट कम गर्न मद्दत गर्दछ ।
  • कोरोनाभाइरस (COVID-19) परीक्षण सबैका लागि नि:शुल्क हो । Medicare कार्ड नभएका बिदेशी आगन्तुकहरू, आप्रवासी कामदारहरू तथा शरणार्थीहरू सबैले नि:शुल्क कोरोनाभाइरस परीक्षण गराउन सक्छन् ।
  • तपाईं योग्य हुने बित्तिकै खोप लगाउन जानुहोस् ।

भिक्टोरियाका वर्तमान प्रतिबन्धका चरणहरू

परिस्थिति परिवर्तन भएको खण्डमा भिक्टोरियाका प्रमुख स्वास्थ्य अधिकारी (Victorian Chief Health Officer) ले प्रतिबन्धहरू परिवर्तन गर्न सक्दछन् ।

मिति बिहिबार, १० जून २०२१, राती ११.५९ बजेदेखि मेलबर्न महानगरमा बसोवास गर्नेहरूका लागिः

  • तपाईं घरबाट बाहिर निस्कन कुनै प्रतिबन्धहरु छैनन् ।
  • तपाईं घरबाट २५ किलोमिटर टाढा सम्म यात्रा गर्न सक्नुहुन्छ ।
  • कानूनसम्मत अपबाद रहेको स्थितिमा बाहेक, तपाईंले भित्री र बाहिरी स्थानहरूमा नाकमुख छोप्ने मास्क लगाउनु अनिवार्य छ (आफ्नो वा आफ्नो घनिष्ट पार्ट्नरको घरभित्र बाहेक) ।
  • तपाईंले एउटा नाकमुख छोप्ने मास्क सँधै बोकेर हिंड्नु पर्दछ ।
  • तपाईं काम गर्न जान, अध्ययन गर्न जान, हेरचाह तथा स्याहार सुसार गर्न जान वा खोप लगाउन जानको (यदि यो तपाईंको सबभन्दा नजिकको खोप केन्द्र हो भने) लागि बाहेक क्षेत्रीय भिक्टोरिया जान सक्नु हुन्न । यदि तपाईंको आवश्यक उपभोग्य बस्तुहरू किन्ने पसल क्षेत्रीय भिक्टोरियामा छ भने त्यहाँको सबै भन्दा नजिकको पसलसम्म जान सक्नुहुनेछ ।
  • आफ्नो घनिष्ट पार्टनर वा एकल सामाजिक घेरामा मनोनित व्यक्ति बाहेक तपाईंले अरू आगन्तुकहरूलाई घरमा निमत्याउन पाउनुहुन्न ।
  • तपाईं आफ्ना साथीहरू तथा परिवारलाई घर बाहिर (आउटडोर) सार्वजनिक स्थानमा १० जना सम्मको समूह बनाएर भेटघाट गर्न सक्नुहुन्छ । यो भेटघाट गर्ने स्थान पार्क वा समुद्री तट (बीच) जस्ता सार्वजनिक स्थान हुनु पर्छ– घरको बाहिर वा घर पछाडिको चौरमा होईन ।

QR code प्रवेश दर्ता (चेक-ईन)

तपाईं कुनै पनि व्यवसायिक स्थल वा काममा जाँदा, त्यहाँ जति समय बिताएपनि Service Vic app प्रयोग गरेर अनिवार्य प्रवेश दर्ता (चेक-ईन) गर्नु पर्नेछ । यस अन्तर्गत सुपरमार्केट, क्याफे तथा कार्यालयहरू जस्ता स्थानहरू पर्दछन् ।

काम र अध्ययन गर्न

  • विद्यालयहरू खुला रहनेछन् ।
  • विश्वविद्यालय तथा उच्चा शिक्षा शिक्षण संस्थाहरू खुला रहनेछन् ।
  • यदि तपाईं घरबाट काम गर्न सक्नुहुन्छ, तपाईंले घरमै बसेर काम गर्न जारी राख्नुपर्दछ ।
  • यदि तपाईं घरबाट काम गर्न सक्नुहुन्न भने तपाईं काममा जान सक्नुहुन्छ ।
  • कार्यालय वा कार्यस्थलहरूमा कार्यस्थलका २५% कर्मचारी वा १० जना कर्मचारी (जुन बढी हुन्छ) सम्म राखेर काम गर्न सक्नेछन् ।
  • यदि तपाईं घरबाट आफ्नो काम गर्न मिल्दैन भने तपाईं काम गर्न क्षेत्रिय भिक्टोरियामा जान सक्नुहुन्छ ।

उपभोग्य बस्तु र सेवाहरू

  • पसलहरू प्रति व्यक्ति ४ वर्गमीटर ठाउँको घनत्व राखेर सञ्चालन गर्न सकिन्छ । तपाईं पसल जाँदा पसलको ग्राहक संख्याको सीमा पालना गर्नु पर्नेछ । सबै ग्राहकहरू बीच १.५ मिटरको दूरी कायम राख्न ग्राहक संख्याको सीमा राखिएको हो ।
  • सौन्दर्य र व्यक्तिगत हेरचाह सेवाहरू प्रति व्यक्ति ४ वर्गमीटर ठाउँको घनत्व राखेर सञ्चालन गर्न सकिन्छ । सेवा उपलब्ध गराउँदा सेवाग्रहीले नाकमुख छोप्ने मास्क लगाउन मिल्ने सेवाहरू मात्र प्रदान गर्न सकिन्छ ।
  • पसलमा किनमेल गर्न, सौन्दर्य र व्यक्तिगत हेरचाह सेवाहरूमा जान आफ्नो घरबाट २५ किलोमिटर सम्म यात्रा गर्न सक्नुहुनेछ ।
  • यदि तपाईंको आवश्यक उपभोग्य बस्तुहरू किन्ने पसल क्षेत्रीय भिक्टोरियामा छ भने मात्र त्यहाँको सबै भन्दा नजिकको पसलसम्म जान सक्नुहुनेछ ।

खेलकूद

  • बाहिरी (आउटडोर) खेलकूद तथा मनोरञ्नात्मक स्थलहरू प्रति व्यक्ति ४ वर्गमीटर ठाउँको घनत्व राखेर तथा प्रति स्थल अधिकतम १०० जना व्यक्तिको सीमा राखेर पुनःसञ्चालन गर्न सकिन्छ । यदि दुई समूह बीच १०० मीटरको दूरी कायम गर्न सकिन्छ भने क्षमता सीमा लागू हुनेछैन जस्तै गल्फ खेल्ने स्थानहरूमा ।
  • अधिकतम १० जना व्यक्ति तथा एक प्रशिक्षक राखेर व्यक्तिगत प्रशिक्षण तथा बुटक्याम समूह सञ्चालन गर्न सकिन्छ ।
  • भित्री (इन्डोर) खेलकूद बन्द रहने छ ।
  • आउटडोर पौंडी पोखरी, स्पा, सौना, स्टीम-रूम र स्प्रिंगहरू प्रति व्यक्ति ४ वर्गमीटर ठाउँको घनत्व राखेर र प्रति स्थल अधिकतम १०० जना र प्रति समूह १० जना व्यक्तिको सीमा राखेर सञ्चालन गर्न सकिन्छ ।
  • तपाईं सामुदायिक खेलकुद, व्यायाम र अन्य मनोरन्जनका लागि तपाईंको घरबाट २५ किलोमिटर सम्म यात्रा गर्न सक्नुहुनेछ । तपाईं व्यायामका लागि तपाईंको अनुमति प्राप्त कार्यस्थलबाट २५ किलोमिटर सम्म यात्रा गर्न सक्नुहुनेछ । यी कारणहरूको लागि क्षेत्रीय भिक्टोरियामा यात्रा गर्न जान पाईंदैन ।

धार्मिक कार्यक्रम र समारोह

  • तपाईं अधिकतम १० जना व्यक्तिको उपस्थितिमा विवाह समारोह गर्न सक्नुहुन्छ । यस सीमामा विवाह गर्ने दम्पति र दुई जना साक्षीहरू समावेश छन् । विवाह गराउने सेलेब्रेन्ट र एक जना फोटोग्राफर यस सीमामा गनिदैन । सहानुभूतियोग्य कारणको लागि बाहेक निजी घरहरूमा विवाह कार्यक्रम गर्न पाईंदैन ।
  • अन्त्येष्टिमा ५० जनासम्म उपस्थित हुन पाईन्छ । यस सीमामा १२ महिना भन्दा कम उमेरका बच्चाहरू वा अन्त्येष्टि सञ्चालन गर्ने मानिसहरू समावेश हुँदैन । यदि अन्त्येष्टि एक निजी निवासमा आयोजना गरिन्छ भने निजी भेला प्रतिबन्ध लागू हुनेछ र त्यसका अतिरिक्त अन्त्येष्टि गर्न आवश्यक व्यक्तिहरूको न्यूनतम संख्या लागु हुनेछ ।
  • भित्री (इन्डोर) धार्मिक भेला र समारोहहरू प्रति व्यक्ति ४ वर्गमीटर ठाउँको घनत्व राखेर र प्रति स्थल अधिकतम ५० जना व्यक्तिको सीमा राखेर सञ्चालन गर्न सकिन्छ ।
  • तपाईं धार्मिक जमघट र समारोहहरूमा सहभागी हुन तपाईंको घरबाट २५ किलोमिटर सम्म यात्रा गर्न सक्नुहुनेछ ।
  • सहभागीहरू सबैले Service Victoria एप प्रयोग गरेर अनिवार्य प्रवेश दर्ता (चेक-ईन) गर्नु पर्छ ।

हस्पिटालिटि (आतिथ्य सेवा)

  • रेष्टुरेन्ट र क्याफेहरू प्रति व्यक्ति ४ वर्गमीटर ठाउँको घनत्व राखेर भोजन सेवा (डाईन-ईन) सञ्चालन गर्न सकिन्छ । प्रति समूह १० जना व्यक्ति र ५० जना सम्म भित्र बसेर खाने गरि प्रति स्थल अधिकतम १०० जना व्यक्तिको सीमा रहने छ । यो भोजन गर्ने अतिथिहरूका बीच १.५ मिटरको दूरी कायम राख्न ग्राहक संख्याको सीमा राखिएको हो ।
  • फूडकोर्टहरू ग्राहकहरूको संख्या सीमित राखेर पुनःसञ्चालन गर्न सकिन्छ ।
  • तपाईं खाना खान (डाईन-ईन) वा खान लिन जान (टेक-अवे) तपाईंको घरबाट २५ किलोमिटर सम्म यात्रा गर्न सक्नुहुनेछ ।
  • ग्राहकहरू सबैले Service Victoria एप प्रयोग गरेर अनिवार्य प्रवेश दर्ता (चेक-ईन) गर्नु पर्छ ।

मनोरञ्जन

  • केहि भित्री (इन्डोर) मनोरञ्जन स्थलहरू प्रति व्यक्ति ४ वर्गमीटर ठाउँको घनत्व राखेर र प्रति स्थल अधिकतम ५० जना व्यक्तिको सीमा राखेर सञ्चालन गर्न सकिन्छ ।
  • तपाईं भित्री (इन्डोर) बस्ने मनोरञ्जन स्थलहरू जान तपाईंको घरबाट २५ किलोमिटर सम्म यात्रा गर्न सक्नुहुनेछ ।

क्षेत्रिय भिक्टोरिया

मिति बिहिबार, १० जून २०२१, राती ११.५९ बजेदेखि क्षेत्रिय भिक्टोरियामा बसोवास गर्नेहरूका लागिः

प्रतिबन्धहरू अझै खुकुलो भएका छन् ।

यो मिति देखिः

  • घर बाहिर (आउटडोर) १० जना सम्म भेटघाट गर्न सक्नुहुन्छ । यो भेटघाट गर्ने स्थान पार्क वा समुद्री तट (बीच) जस्ता सार्वजनिक स्थान हुनुपर्छ– घरमा होईन ।
  • तपाईंको घरमा हरेक दिन २ जना सम्म आगन्तुकहरू आउन सक्नेछन् । यसमा बच्चाहरू गणना गरिनेछैन ।
  • तपाईं बिदा मनाउन क्षेत्रिय भिक्टोरियामा घुम्नजाँदा बस्नको लागि आफ्ना घरपरिवार सहित अन्य २ जना सम्मको लागि आवासहरू बुक गर्न सक्नुहुन्छ ।
  • हेयरड्रेसर, सौन्दर्य सेवा तथा ब्यक्तिगत स्याहार सेवाहरू घरमै बोलाउन सकिन्छ । यी सेवाहरू उपलब्ध गराउन मास्क हटाउन आवश्यक छ भने सेवाहरूको दौरान तपाईंले मास्क लगाउनु पर्दैन, जस्तै फेशियल गराउँदा वा दाह्री कटाउँदा । तपाईंको सेवा प्रदायकले भने अनुहारको मास्क लगाउनु पर्छ ।
  • रेष्टुरेन्ट, पबहरू, बारहरू र क्याफेहरूमा ७५ जना सम्म भित्र बसेर खाने गरि उक्त परिसरमा जम्मा १५० जना ग्राहकहरू बाहिर बसेर खाने गरि सेवा सञ्चालन गर्न सकिने छ । सानो ठाउँहरूमा कम संख्यामा व्यक्तिहरू जम्मा हुन सक्छन् ।
  • ग्राहकहरूको कुल संख्या सीमित राखेर खाद्य प्रांगण (फूड कोर्ट) खुल्ला गरिनेछ ।
  • सबै भित्री (ईनडोर) र बाहिरी (आउटडोर) सामुदायिक खेलकुदहरू सञ्चालन गर्न सकिन्छ । कामको सिलसिलामा बाहेक सामुदायिक खेलकुदको लागि मेलबर्न महानगरमा जान पाईदैन ।
  • वयस्कहरूको लागि इनडोर व्यायाम, जस्तै जिम तथा १० जना सम्मको कक्षा, अधिकतम ५० जना व्यक्तिको भित्री सीमा राखेर सञ्चालन गर्न सकिन्छ ।
  • पौडी पुलहरू बाहिर अधिकतम १५० जना र भित्र ५० जना रहने गरि सञ्चालन गर्न सकिन्छ ।
  • सिनेमा हलहरूमा बसेर हेर्ने सिटको क्षमताको ५०% सम्म अधिकतम ७५ जना रहने गरि सञ्चालन गर्न सकिन्छ ।
  • विवाह समारोहमा ५० जना आगन्तुकहरू भित्र (ईनडोर) र बाहिर (आउटडोर) उपस्थित हुन सक्छन् । यस सीमामा विवाह गर्ने दम्पति र दुई जना साक्षीहरू समावेश छन् । विवाह गराउने सेलेब्रेन्ट र एक जना फोटोग्राफर यस सीमामा गनिदैन ।
  • अन्त्येष्टि समारोहमा ७५ जना मानिसहरू उपस्थित हुन सक्छन् । अन्त्येष्टि सञ्चालन गर्ने मानिसहरू यस सीमामा गनिदैन ।
  • धार्मिक भेलाहरूमा भित्रि (ईनडोर) स्थानमा ७५ जान भन्दा बढी नबस्ने गरि १५० जना व्यक्तिहरू सम्म सहभागी हुन सक्छन् ।
  • पुस्तकालयहरू र छिमेकी समुदाय केन्द्रहरू (नेबरहुड हाउस) सहितका सामुदायिक स्थलहरूमा भित्र ७५ जना भन्दा बढी नबस्ने गरि १५० जना व्यक्तिहरू र प्रत्येक समूहमा अधिकतम १० व्यक्ति रहने गरी सञ्चालन गर्न सकिन्छ ।

QR code प्रवेश दर्ता (चेक-ईन)

तपाईं कुनैपनि व्यवसायिक स्थल वा काममा जाँदा, त्यहाँ रहँदा Service Vic app प्रयोग गरेर अनिवार्य प्रवेश दर्ता (चेक-ईन) गर्नु पर्नेछ । यस अन्तर्गत सुपरमार्केट, क्याफे तथा कार्यालयहरू जस्ता स्थानहरू पर्दछन ।

नाकमुख छोप्ने मास्क – मेलबर्न महानगर

कानूनसम्मत अपबाद रहेको स्थितिमा बाहेक, भित्री र बाहिरी स्थानहरूमा नाकमुख छोप्ने मास्क लगाउनु अनिवार्य छ (आफ्नो वा आफ्नो घनिष्ट पार्ट्नरको घरभित्र बाहेक) । यस बमोजिम तपाईंको काममा, पसलमा किनमेल गर्दा वा सार्वजनिक यातायात प्रयोग गर्ने सबै स्थितिमा लागू हुन्छ ।

यद्यपि तपाईंले एउटा नाकमुख छोप्ने मास्क संधै बोक्नु पर्ने हुन्छ र आवश्यक पर्दा लगाउनु पर्छ । तपाईंसँग कानूनसम्मत कारण छ भने मात्र मास्क लगाउन वा बोक्नु पर्दैन ।

  • यदि तपाईंको कुनै चिकित्सकीय (मेडिकल) अवस्था छ, जस्तै तपाईंको अनुहारमा गम्भीर छालाको रोग छ, वा सासप्रश्वासको समस्या छ भने
  • तपाईं व्यायाम गर्दा सास फेर्न

नाकमुख छोप्ने मास्क – क्षेत्रिय भिक्टोरिया

नाकमुख छोप्ने मास्क स्थलहरू भित्र सधैं लगाउनु आवश्यक छ (आफ्नो घरमा लगाउनु पर्दैन) । यस बमोजिम तपाईंको काममा, पसलमा किनमेल गर्दा वा सार्वजनिक यातायात प्रयोग गर्ने सबै स्थितिमा लागू हुन्छ । तपाईं बाहिर हुनुहुन्छ भने मास्क लगाउनु पर्दैन तर यदि तपाईं बहिर हुँदा अरूबाट १.५ मिटर टाढा बस्न सक्नुहुन्न भन्ने मास्क लगाउनु आवश्यक छ ।

यद्यपि तपाईंले एउटा नाकमुख छोप्ने मास्क संधै बोक्नु पर्ने हुन्छ र आवश्यक पर्दा लगाउनु पर्छ । तपाईंसँग कानूनसम्मत कारण छ भने मात्र मास्क लगाउन वा बोक्नु पर्दैन ।

  • यदि तपाईंको कुनै चिकित्सकीय (मेडिकल) अवस्था छ, जस्तै तपाईंको अनुहारमा गम्भीर छालाको रोग छ, वा सासप्रश्वासको समस्या छ भने
  • तपाईं व्यायाम गर्दा सास फेर्न

परीक्षण तथा एकान्तबास (आइसोलेसन)

यदि तपाईंमा coronavirus (COVID-19) को कुनै लक्षणहरू देखापरेमा परीक्षण गराउनु अनिवार्य र परीक्षणको नतिजा नआइसम्म घरमै बस्नु पर्छ । काममा वा किनमेल गर्न नजानुहोस् ।

Coronavirus का लक्षणहरूः

  • ज्वरो आउने, चिसो लाग्ने वा पसीना आउने
  • खोकी लाग्ने वा घाँटी दुख्ने
  • सास फेर्न गाह्रो हुने
  • सिंगान बग्ने
  • गन्ध वा स्वादको चेतना हराउने

कोरोनाभाइरस परीक्षण सबैका लागि नि:शुल्क हो । Medicare कार्ड नभएका बिदेशी आगन्तुकहरू, आप्रवासी कामदारहरू तथा शरणार्थीहरू सबैले नि:शुल्क कोरोनाभाइरस (COVID-19) परीक्षण गराउन सक्छन् ।

यदि तपाईंको coronavirus (COVID-19) को परीक्षण नतिजा सकारात्मक आयो भने, तपाईं घरमा अलग रहेर एकान्तबास (आईसोलेट) बस्नु पर्छ । थप जानकारीको लागि “तपाईंको coronavirus (COVID-19) को परीक्षण नतिजा सकारात्मक भएमा के गर्ने? हेर्नुहोस् ।

यदि तपाईं संक्रमण लागेको पुष्टि भएमा संक्रमित ब्यक्तिको निकट सम्पर्कमा आउनु भएको छ भने तपाईं १४ दिनको लागि अलगै क्वारेन्टिनमा बस्नु पर्ने हुन्छ । थप जानकारीको लागि “तपाईं संक्रमित ब्यक्तिको निकट सम्पर्कमा आएमा के गर्ने?” हेर्नुहोस् ।

यदि तपाईं कोरोनाभाइरस संक्रमण भएको मानिससँग बस्नु हुन्छ वा संक्रमित मानिसको निकट सम्पर्कमा आएका कुनै ब्यक्तिसँग समय बिताउनु भएको छ भने तपाईंलाई पनि घरमा नै बस्न आग्रह गरिनेछ ।

सहयोग उपलब्ध छ

यदि तपाईं आफ्नो परीक्षणको परिणाम कुर्दै गर्दा आफ्नो आय गुमाउने बारेमा चिन्तित हुनुहुन्छ भने, तपाईं coronavirus (COVID-19) परीक्षण एकान्तबास भुक्तानी स्वरूप $450 पाउन योग्य हुन सक्नुहुन्छ। यसले तपाईलाई घर बस्न मद्दत गर्नेछ।

यदि तपाईंलाई संक्रमण लागेको पुष्टि भएमा वा संक्रमित ब्यक्तिको निकट सम्पर्कमा आउनु भएको छ भने तपाईंलाई घरमा बस्न मद्दत गर्न $1500 भुक्तानी पाउनु हुनेछ । थप जानकारीको लागि कोरोनाभाइरस हटलाइन 1800 675 398 मा फोन गर्नुहोस् । यदि तपाईंलाई दोभाषे चाहिन्छ भने शून्य (०) थिच्नुहोस् ।

यदि तपाईंलाई वा तपाईंले चिनेको कोही व्यक्ति व्याकुल र चिन्तित हुनुहुन्छ भने सहयोग उपलब्ध छ - Lifeline लाई 13 11 14 मा वा Beyond Blue लाई 1800 512 348 मा फोन गर्नुहोस् । यदि तपाईंलाई दोभाषे चाहिएमा पहिला 131 450 नम्बरमा फोन गर्नुहोस् ।

यदि तपाईंले एक्लो महसुस गर्दै हुनुहुन्छ भने तपाईंले Coronavirus Hotline लाई 1800 675 398 मा फोन गर्नुहोस् र विकल्प ३ थिच्नुहोस् । तपाईंलाई दोभाषे चाहिन्छ भने विकल्प ० (शून्य) थिच्नुहोस् । तपाईंले Australian Red Cross को एक स्वयंसेवकसँग कुरा गर्नु हुनेछ र उहाँले तपाईंलाई स्थानीय सहयोगी सेवासँग जोडिदिनु हुनेछ ।

संसाधनहरू

कृपया निम्न सामग्रीहरू तपाईंको समुदायमा ईमेल, सामाहिक मेडिया वा अन्य समुदायिक सञ्जाल मार्फत वितरण गर्नुहोस्।

परीक्षण तथा अलग बसाई (आइसोलेसन)

सुरक्षित भएर बस्ने

मद्दत माग्ने

नाक मुख छोप्ने आवरण

Reviewed 21 June 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?