vic_logo
coronavirus.vic.gov.au

A’oa’oga (Education) - Gagana Samoa (Samoan)

Suiga i a’oa’oga i le taimi o le koronavairusi (KOVITI-19) ma le lagolago mo matua ma tagata o faia le va’ava’iga.

E mafai ona e maua nisi fa’amatalaga i le Gagana Peretania i luga o le matou itulau Education – information for parents, students and educators page

Afai e te mana’omia se fesoasoani i lau gagana, e mafai ona e vili le TIS National i le 131 450 ma fesili mo se tagata fa’amatala upu, ona talosaga lea e te fia feso’ota’i atu i le laina fesoasoani a le Koronavairusi(KOVITI-19) i le 1800 338 663.

Talanoa i ou alo i le vaitaimi o le pepesi o le coronavirus (Talking to your child during coronavirus)

O le a fesoasoani lenei ta'iala ia te oe e talanoa ai i lou alo e faatatau i le coronavirus (COVID-19). E faapena ai ma manatu lelei i le auala e fai ai se talanoaga e saogalemu toe mautinoa, o loo i ai sootaga mo puna e maua mai ai fesoasoani.

'Aua le fefe e talatalanoa i le coronavirus (COVID-19)

  • O le to'atele o tamaiti ua uma ona faalogo e tusa ai ma le vairusi faapea matua ma latou o faia tausiga e tatau ona talanoa e uiga i le faama'i.
  • O le lē talanoa i se mataupu e mafai ona faapopoleina atili ai tamaiti. Fesoasoani i ou alo ina latou lagona ua logoina latou e ala i le avatu i ai o mea moni mai puna o faamatalaga mau faatuatuaina. E sili atu ai ona avatu iā latou se uiga mautinoa nai lo'o tala o faalogo ai mai uo poo laina o fesootaiga lautele.

Faaaoga uiga o tamaiti e faaleuo ma faamaoni

  • Manatunatu i le matua o lou alo. Ofo atu faamatalaga e faaaoga ai le gagana e latou te malamalama ai.
  • E lē afaina pe afai e lē mafai ona e taliina mea uma; o le faaavanoa atu o oe mo lou alo o le mea sili lena ona taua.
  • Fai mea sili ona lelei e te mafaia e tali atu ai ma le faamaoni ma manino. Aua le ta'uina atu i ai le tele o faamatalaga i le taimi e tasi, ona e mafai ona lofituina ai i le tele o faamatalaga.
  • Taumafai e maua pea le mautinoa pe a talanoa atu i lou alo.
  • 'Alofia le talanoa atu i se auala e ono faapogaia ai le lagona fefe ma le popole o lou alo.

Ia ta'ita'ia oe e lou alo

  • Valaaulia lou alo e faamatala atu iā oe mea uma ua latou faalogo i ai e faatatau i le COVID-19, ma ō latou lagona e faatatau i ai.
  • Tuu atu i ai avanoa e latou te fesili atu ai. Ia e sauniuni e tali fesili ma siaki pea lou alo.
  • O nisi tamaiti e sili atu ona popole i isi nai lo latou lava. Ia faafesoota'i atu latou i aiga ma uo i le tele e mafai ai e faaaoga ai le faatekonolisi e pei o le Facetime.

Taula'i i mea o loo e faia ina ia tausia ai le saogalemu

  • Avatu iā latou se lagona o loo mafai ona latou pulea le tulaga o loo tupu. A'oa'o le tāua o le tausia o le va faatulagaina mo tagata, fufulu lima ma le auala sa'o e tatau ona faia ai. Faamanatu iā latou lo latou tiutefai o le puipuia lea o isi pe a tale ma mafatua.
  • Pe a vaai tamaiti o fai e tagata ufimata (face masks), faamatala atu i ai o tagata ia o loo faia ni puipuiga faaopoopo ae o ufimata e lē o faamalosia ona faia e le toatele o tagata i le taimi nei.
  • Faamanatu atu iā latou e telefoni le 000 pe afai e lē o saogalemu latou poo latou aiga.

Tausisi i se faasologa masani

  • Faatulaga aso e 'aai ma momoe ai e tāua le faia faapea i se faasologa masani e faatumauina ai le fiafia ma le maloloina lelei o tamaiti.
  • Mea e mafai ona e faia a'e ai se faasologa masani. Fai se faasologa o gaoioiga masani ma le taimi e fai ai ma lou aiga ona faapipii lea i le pusa'aisa e iloa ai e tagata uma. 
  • Ia aofia ai mea e pei o le taimi e ō ai i fafo, taimi e taaalo ai, taimi faaavanoa mo masini tekonalisi (technology), taimi e fafau a'e ai ni mea fou ma taimi e a'oa'oina ai.
  • E lelei foi ona fesuisuia'i le faasologa ina ia tali atu i manaoga ma faalogona o lou alo.

Faaauau pea ona talatalanoa

  • Ia saili pe o ā mea ua uma ona iloa e lou alo poo mea o popole ai. E tāua ona sailia pe na latou faalogo i ni faamatalaga lē sa'o.
  • Fai ni fesili ae aua le na o le tali ioe poo le leai.
  • Afai e fesili atu lou alo i se mea ae e te lē iloa le tali, fai atu i ai e te lē iloa. Faaaoga le fesili lea e maua ai le avanoa lua te su'e faatasi ai le tali.
  • Afai e foliga mai e lē naunau i ai ou alo pe latou te lē faia foi le tele o fesili, e lē afaina. 
  • Ia faailoa atu iā latou e faapea o le a faaauau pea ona tatou faalogologo ma talatalanoa.

Faauma ma le faaeteete le talanoaga

  • E tāua ona aua le faamutaina se talanoaga ae o loo i ai tamaiti i se tulaga mafatia.
  • Pe a faauma lau talanoga, vaai mo ni faailoga poo i ai ni lagona popole iā latou. Atonu o se suiga i lo latou leo, auala o mānava ai poo isi uiga e faaalia mai i gaoioiga o le tino.

Mea e te mata'ituina i lau fanau

Pe o se tulaga masani ai mo tamaiti ma tagata talavou ona faailoa mai ni faailoilo o loo mafatia. O uiga e masani ona faaalia e aofia:

  • fefe ma le popole 
  • ita, lē fiafia ma fememea'i
  • faanoanoa
  • te'ena (denial)

Ia manatua ia tausia lelei foi oe lava ia

  • Afai e te matauaina ua amata ona e lagona le popole, ia faaalu le taimi e faato'afilemu ai oe lava ia a'o le'i faia le talanoaga poo le taliina o fesili a lou alo.
  • Afai ua e lagona lou popole pe fefe, ta'u atu i lou alo o le a e sailia nisi faamatalaga ma toe talanoa atu iā latou i se taimi lata mai.
  • O puna nei e maua mai ai faamatalaga e fesoasoani i le maloloina o lou mafaufau ma lou soifua maloloina:

Puna faaopoopo o faamatalaga

Mo le lagolagoina o oe pe a talanoa i lou alo

  • Raising Children Network – Coronavirus (COVID-10) ma tamaiti i Ausetalia
  • Emerging Minds – lagolagoina o fanau i le vaitaimi o le pepesi o le coronavirus 
  • KidsHealth - Coronavirus (COVID-19): Auala e Talanoa ai i Lou Alo 
  • Ofisa eSafety:
    • COVID-19: faatumauina o le saogalemu o a'oga ma le a'oa'oina i laina faakomupiuta
    • COVID-19: se tuufaatasiga o mea mo le saogalemu o tamaiti o loo i laina faakomupiuta mo matua ma latou o faia tausiga

Ina ia faasoa mo tamaiti ma tagata talavou

  • headspace - auala e onosaia ai omiga e fesoota'i atu i le Novel Coronavirus 
  • ReachOut - onosa'i i le vaitaimi o le coronavirus 

Toe foi i nofoaga e vaaia tamaiti ma le a'oga faata'ita'i (Returning to child care and kindergarten)

Amata mai i le Aso Gafua Oketopa 5.

O tamaiti uma o i le aai o Melepone ma itumalo ma vaega o nuu i tua o Vitoria e mafai ona toe foi i le

  • Nofoaga e Vaaia tamaiti (Vaaia i le Aso Atoa poo le Vaaia le Fale o se Aiga i le Aso) ma
  • Auai i mataupu o le a'oga faata'ita'i i le nofoaga o iai.

O se vaega lenei o le Laasaga Lona Tolu o le Faafanua Ta'iala o le Malo o Vitoria i le tatalaina o Vitoria.

O laasaga i le faafanua ta'iala e faalagolago i le faaitiitia o le coronavirus (COVID-19).

E tatou te ono manaomia ona faia ni suiga e tusa ai ma le fautuaga a le Pule mo Mataupu Tau le Soifua Maloloina i Victoria.

E matou te malamalama atonu e te popole i le saogalemu o lou alo. O le fautuaga ua tatou maua e faapea, o nofoaga e vaaia o tamaiti ma le a'oga faata'ita'i o nofoaga saogalemu na e itiiti lamatiaga i le coronavirus (COVID-19).

Ua ta'uina mai iā tatou e ala mai le

  • Pule mo Mataupu Tau Soifua Maloloina i Vitoria ma
  • Komiti Autū mo le Puipuia o le Soifua Maloloina i Ausetalia (Australian Health Protection Principal Committee) (AHPPC).

O suiga o le auai i nofoaga e vaaia tamaiti ma a'oga faata'ita'i, sa fai e avea ma vaega o tulafono o nofoaga ua faasaina. O nei tulafono sa fai ina ia to'aitiiti ai tagata e feoa'i i le vaipanoa.

E lē faapea talu ai o nofoaga mo e vaaia o tamaiti poo a'oga faata'ita'i e faapea o ni nofoaga e lē saogalemu mo tamaiti poo le aufaigaluega.

O le a iai faufauga tau COVIDSafe i nofoaga e vaaia o lou alo poo le a'oga faata'ita'i. E aofia ai le faatulagaina o mea mo le maloloina lelei ma le saogalemu, e pei o le faamamāina e lē aunoa o le potu ma mea o faaaogaina.

O le alu atu i nofoaga e vaaia o tamaiti poo le a'oga faata'ita'i e tāua mo tamaiti uma. E tatau ona latou faatasi atu iai ona e tāua tele mo le a'oa'oina o latou ma le tuputupu a'e. Ae sili ai ona tāua e faasauni ai lou alo e amata le Prep mo le 2021.

O le a saunia a'oga mo tamaiti e amata i le Prep mo le 2021 (Schools will be ready for children starting Prep in 2021)

O loo galulue faatasi a'oga faata'ita'i ma a'oga e fesoasoani i lou aiga ma lou alo e sui atu i le

Prep mo le 2021.

O le Kuata 1 i le a'oga e faatatau atu i le fesoasoani i tamaiti sa lē mafai ona auai i le nofoaga o le a'oga faata'ita'i mo tamaiti e fa tausaga, e pei ona sa fuafuaina i lenei tausaga.

E tele mea ua faia e a'oga e fesoasoani ai i tamaiti ina ia amata le Prep mo le 2021, e aofia ai:

  • A'oga i laina faakomupiuta ma maimoaga i potua'oga
  • Vitiō ia feiloa'i i le pulea'oga
  • Fono e ala i le vitiō feiloa'i i le vaega Prep'
  • Fono a faia'oga Prep ma le a'oga faata'ita'i
  • Toleniga o tamaiti a'oga o le Tausaga 5 e fai ma uo i le Prep.

Afai e te le'i faatonuina lou alo e amata i le Prep mo le 2021, matou te faalaei'auina oe e tilotilo nei loa i le a'oga. E sili ona lelei le faatonu o lou alo i le vave e mafai ai. O loo iai i le Matagaluega o A'oga ma Toleniga faamatalaga aogā e tusa ai ma le amataina o le a'oga i lana uepesite.

E tatau ona e talanoa i le aufaigaluega i le a'oga a lou alo pe faape'ī foliga o le Prep mo le 2021.

E mafai foi e le faia'oga o le a'oga faata'ita'i a lou alo ona fesoasoani e peleni le suiga o lou alo mai le a'oga faata'ita'i i le a'oga.

Pe e te manaomia se faamatalaupu?

Fesili atu i lau a'oga faata'ita'i e faatulaga se faamatalaupu e ala i le telefoni o le 9280 1955 pe asiasi i lenei uepesite.

O mea e mafai ona e faia e tumau ai ona soifua maloloina lelei ma saogalemu (Things you can do to stay healthy and safe)

O le nofoaga e vaaia lou alo poo le a'oga faata'ita'i o le a tausia ou alo ma lou aiga ia saogalemu e ala i le

  • Siaki le fua o le vevela o tamaiti pe a taunuu i le nofoaga poo le a'oga faata'ita'i i aso ta'itasi
  • Faamamā e le aunoa fale ma mea o loo faaaoga
  • Talosaga tagata matutua e fai ufifofoga
  • Faalaei’au tamaiti poo matua afai e lē malosi lelei ia nonofo i le fale. Latou te faalaei’auina foi oe e alu e su'e (tested) mo le coronavirus (COVID-19).

Matou te talosaga atu foi e te talanoa i lou aiga e tusa ai ma tausia o amioga tumamā i le aiga e aofia ai le

  • Fufulu o ou lima pe faaaoga vailaau fululima (hand sanitiser) a'o le'i alu atu i le nofoaga e vaaia tamaiti poo le a'oga faata'ita'i
  • Fai le ufifofoga i soo se taimi e aluese ai mai le fale, e aofia ai le nofoaga o vaaia tamaiti poo le a'oga faata'ita'i
  • Tausia le va o le 1.5 mita mai isi tagata tou te nonofo faatasi. E aofia ai le aufaigaluega ma isi tagata o le aiga o i nofoaga e vaaia o lou alo poo le a'oga faata'ita'i
  • Tale pe mafatua i se pepafogiisu poo lou tulilima. Fufulu ou lima i taimi uma pe a uma ona e tale pe mafatua
  • Nofo i le fale pe afai o e faama'ima'i. Afai e te lē o malosi lelei, e tatau ona su'e oe mo le coronavirus (COVID-19). Nofo i le fale seia e toe malosi.

Reviewed 12 November 2020

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?