vic_logo
coronavirus.vic.gov.au

سفر اور ٹرانسپورٹ (Travel and transport) - اردو (Urdu)

پبلک ٹرانسپورٹ، کوارنٹین اور آسٹریلیا کی ایک سے دوسری سٹیٹ کے درمیان سفر اور بیرون ملک سفر میں تبدیلیوں کے بارے میں معلوم کریں۔

اگر آپ کو اپنی زبان میں مزید مدد درکار ہے تو آپ 131 450  پر TIS National کو فون کر کے انٹرپریٹر (زبانی مترجم) مانگ سکتے ہیں، پھر انہیں 1800 800 007 پر پبلک ٹرانسپورٹ وکٹوریا کے کال سنٹر سے کال ملانے کو کہیں۔

سفری ہدایات میں حالیہ تبدیلیاں

منگل 20 جولائی 2021 کو رات 11.59 بجے سے، اگر آپ کسی سرخ زون سے وکٹوریا میں داخل ہونے کا ارادہ رکھتے ہیں تو براہ مہربانی یہ ذہن میں رکھیں:

  • چیف ہیلتھ آفیسر نے وقتی طور پر سرخ زون کے پرمٹ جاری کرنا روک دیا ہے۔
  • اگر آپ منگل 20 جولائی 2021 کو رات 11.59 بجے کے بعد وکٹوریا میں داخل ہونا چاہتے ہیں اور داخلے سے پہلے پچھلے 14 دنوں میں آپ کسی سرخ زون میں وقت گزار چکے ہیں تو ضروری ہے کہ آپ کے پاس وکٹوریا میں داخلے کے لیے چھوٹ یا استثنا رکھنے یا اہل فرد کا پرمٹ ہو۔ یہ اصول وکٹوریا کے رہائشیوں پر بھی لاگو ہوتا ہے۔

    • چھوٹ: آپ کو چھوٹ کے لیے درخواست دینی ہو گی۔ چھوٹ صرف غیر معمولی حالات میں دی جاتی ہے، بشمول نگہداشت اور ہمدردی طلب وجوہ۔

    • استثنا: استثنا کا اطلاق صرف مخصوص صورتوں میں ہوتا ہے (جیسے فضائی عملے کے لیے یا اگر آپ ہنگامی صورتحال میں سفر کر رہے ہوں یا اگر آپ نقصان پہنچائے جانے سے بچنے کے لیے سفر کر رہے ہوں)۔

    • اہل افراد کے پرمٹ: اہل افراد کے پرمٹس میں ان لوگوں کے لیے ٹرانزٹ پرمٹ شامل ہیں جو کسی اور علاقے میں جانے کے لیے براستہ وکٹوریا سفر کر رہے ہوں اور ایسے Specified Worker (خاص کارکنوں کے لیے) پرمٹ بھی شامل ہیں جو Specified Worker List میں درج ہیں۔

  • اگر آپ چھوٹ، استثنا یا اہل فرد کے پرمٹ کے بغیر وکٹوریا میں داخل ہونے کی کوشش کریں گے تو آپ کو 5452 آسٹریلین ڈالر کا جرمانہ کیا جائے گا اور آپ کو داخلے کی اجازت دینے سے انکار کیا جا سکتا ہے یا آپ کو آپ کے خرچ پر 14 دن کی ہوٹل کوارنٹین میں رکھا جا سکتا ہے۔

  • اگر آپ ٹرانزٹ (صرف گزرتے ہوئے) سفر کر رہے ہیں تو براہ مہربانی متوجہ ہوں کہ اس وقت نیو ساؤتھ ویلز میں وبا پھیلی ہوئی ہے۔ آپ کو گریٹر سڈنی کے ان علاقوں سے گزرنے سے گریز کرنا چاہیے جنہیں نیو ساؤتھ ویلز ڈیپارٹمنٹ آف ہیلتھ نے مقامی لوگوں میں انفیکشن کے زیادہ پھیلاؤ والے علاقوں کے طور پر شناخت کیا ہے۔ اگر آپ کا ان علاقوں سے گزرنا ضروری ہو تو آپ کو پہلے سے سفر کی منصوبہ بندی کر لینی چاہیے تاکہ جہاں بھی ممکن ہو، آپ کو پٹرول، خوراک یا آرام کے لیے ان علاقوں میں رکنا نہ پڑے۔

آسٹریلیا اور نیوزی لینڈ میں حالیہ سرخ، نارنجی اور سبز زونز کے متعلق معلومات دیکھنے کے لیےسفری اطلاعات کا صفحہ دیکھیں۔

وکٹوریہ کی سفری اجازت نامے کی سکیم (Victorian Travel Permit Scheme)

آپ کو آسٹریلیا اور نیوزی لینڈ میں کسی بھی جگہ سے بھی وکٹوریہ میں داخل ہونے کے لیے پرمٹ کی درخواست دینی ہو گی۔

یہ پرمٹ سسٹم ان مسافروں اور باشندوں کے لیے ہے جو وکٹوریہ میں رہتے ہیں اور اپنے گھروں کو واپس لوٹ رہے ہیں۔

وکٹوریہ آسٹریلیا کے دوسرے علاقوں اور نیوزی لینڈ کی گروہ بندی اس علاقے میں کرونا وائرس کے خطرے کے لحاظ سے سبز، نارنجی یا سرخ علاقے کے طور پر کرتا ہے۔

پرمٹ کی درخواست دینے کے لیے، آپ کو تفصیلات دینی پڑیں گیں کہ آپ کہاں سے آرہے ہیں اور کسطرف سفر کررہے ہیں۔

وہ لوگ جو سرحدی کمیونٹیوں میں رہتے ہیں انہیں پرمٹ کی ضرورت نہیں ہوگی لیکن انہیں سرحد پر اپنے گھرکے پتے کا ثبوت دینا ہوگا۔

کسطرح درخواست دینی ہے

ایک پرمٹ کے لیے درخواست دیں بذریعہسروس وکٹوریہ

پرمٹ زونز

سرخ زون کا مطلب ہے کہ آپ وکٹوریہ میں داخل نہیں ہو سکتے، سوائے اس کے کہ آپ وکٹوریہ کے رہائشی ہوں۔ اگر آپ وکٹوریہ کے رہائشی کی حیثیت سے سرخ زون سے آ رہے ہیں تو آپ کو گھر میں 14 دن تک کوارنٹین میں رہنا ہو گا۔ چند وجوہات کی بنا پر آپ داخل ہوسکتے ہیں، مثلاً کسی Specified Worker یا Freight Workers پرمٹ کیساتھ ، یا ہمدردانہ وجوہات کی بناء پر کسی اشتثناء یا چھوٹ کے پرمٹ پر۔ اگر آپ کسی سرخ زون سے بغیر اشتثناء یا چھوٹ ، یا کام کے پرمٹ کے داخل ہوتے ہیں تو آپ پر جرمانہ عائد کردیاجائیگا اور آپ کو واپس بھیج دیا جائیگا۔

ایک نارنجی زون کا مطلب یہ ہے کہ آپ پرمٹ کی درخواست دے سکتے ہیں اور آپ کو وکٹوریہ میں داخل ہونے کے 72 گھنٹوں کے اندر ٹیسٹ کروانا ہوگا۔ آپ کو ٹیسٹ سے پہلے اور اس کے بعد گھر میں قیام کرنا ہوگا، اس وقت تک جب تک آپ کو ایک منفی ٹیسٹ نتیجہ موصول نہیں ہوتا۔

ایک سبز زون کا مطلب یہ ہے کہ آپ پرمٹ کی درخواست دے سکتے ہیں اور وکٹوریہ میں داخل ہوسکتے ہیں۔ ایک دفعہ جب آپ وکٹوریہ میں آجائیں تو علامات پرنظررکھیں اور اگر خود کو تندرست محسوس نہ کررہے ہوں تو ٹیسٹ کروائیں۔

آسٹریلیا اور نیوزی لینڈ کے سرخ، نارنجی یا سبز زون میں آنے والے علاقے دیکھنے کے لیے وکٹورین ٹریول پرمٹ سسٹم کا صفحہ دیکھیں۔

پرمٹ استثنیات

اگر آپ کے پاس کوئی جائز وجہ ہے تو آپ ایک استثنائی پرمٹ کے لیے درخواست دے سکتے ہیں۔ اس میں شامل ہے:

  • مرض الموت یا تدفین
  • صحت، خیر یت ، دیکھ بھال یا ہمدردانہ وجوہات کی بناء پر گھر واپس آنا
  • کسی ایمرجنسی کی وجہ سے جگہ تبدیل کرنا
  • سرحد کی دوسری جانب کسی جانور کی خیر یت کے لیے۔

Reviewed 23 July 2021

24/7 Coronavirus Hotline

If you suspect you may have COVID-19 call the dedicated hotline – open 24 hours, 7 days.

Please keep Triple Zero (000) for emergencies only.

Was this page helpful?