Cidamna lam ngaihsutpiakna (Health advice) - Zomi (Zomi)

COVID-19 natna pan nang leh midangte kidal in

Khuasung kimlepam ah COVID-19 kilawhkawikawi lai hi. Mi pawlkhat nakpi-in cinasak thei lai hi. Nanglenang kidalna pen midangte dal nading lampi hoihpen hi. COVID ngah kei lecin COVID na kizelsak kei ding hi.

Kisit in

Inn ah om inla a manlang sitna (RAT) tawh kisit in:

• Naptui, gawlna, bukkhuh, cisa, akl khuasik cih bang natna limlemelte na neih leh.
• COVID-19 natna nei khat tawh na kisawhkhak leh.

Na kisitna pan natna a om keileh, a manlang sitna tawmvei sung zang den inla na natna limlemelte a bei dong inn ah om in.

COVID-19 hangin nakpi-in na cinat theih ding le cinat theihloh ding cina-en (GP) te tungah CPR test tawh kisit ding ngen in. PCR test tawh kisitna pan natna a om leh, na result puak kul lo hi.

COVID-19 Kisit In tawh kisai thulela kicingzaw kan in.

Na cidamna kikem in

Kisitna pan COVID-19 natna na neih leh, tawlnga-in cina en (GP) te tawh kikuphuai hi. A tamzaw in a cihthamlo natna limlemelte nei ding uh a, inn ah damkik zo ding uh hi. Zuih dinga kilawm thute:

• A tawmpen ni 5 sung inn ah om ding. Nasep kuan lo ding akl sang pai lo ding. Zato-innte, uham kepna munte leh pumpi cingtaklote ading nasemte tawh kilamna theithei-in om ding.
• Thuphamawh tawh inn pan paikhiat a kul leh muktuam bulh ding. Ki-atna khan sunga kizang muktuamte akl N95 muktuamte hoihpen hi.
• Tunai na kimuhpihte akl na paina munte COVID na neih lam gen in.

Na natna limlemelte hong nasiat semsem leh, siavuan khatpeuh hopih huai hi.

Kumpi Coronavirus Huhna (National Coronavirus Helpline) 1800 020 080 zong kihopih thei hi.

Cina-en (GP) te na hopih theih keileh, nawhkintaka kikep nadingin Victoria gamke Thuphamawh Zum (Virtual Emergency Department) hopih in.

Thuphamawhte Bem Thum (000) hopih in.

Ni 10 dong natna kilawh thei hi. Naptui, gawlna, bukkhuh, cisa, khuasik, khua-ul suak, akl husamin na om leh inn ah om ding hoih hi. Na telcian keileh, a manlang sitna tawh kisit akl cina-en (GP) te hopih in.

Panpihna

Thulela kicingzaw theihna ding:

• COVID-19 kisitna ah natna na neih leh, seplebawl dingte theihna dingin COVID-19 Kisit Dingte (Checklist for COVID-19) ah pai in
• Natna limlemelte leh inn ah cidamna kikepna dingin COVID-19 natna pan kikepna (Managing COVID-19) ah pai in.

Mikhatpeuh hopih nading:

• Kumpi Coronavirus Huhna (National Coronavirus Helpline) 1800 020 080 hopih in
• Lailet leh Kamphen Nasem (Translating and Interpreting Service) te 131 450 tawh hopih in

COVID zatui tawh kisai thute dotna

COVID zatuite in nuntakna hong kepbitsak in, COVID-19 hangin nakpi-in cinatna ding pan hong dal hi. Zatuite a manlang theipen leh cinat zawh ni 5 sungin nek ding hoih hi.

COVID zatuite na ngahtheih le ngahtheihloh theihna dingin hih dotnate dawng in. Ngah thei dingin na ki-upmawh leh cina-en (GP) te hopih in. Cina-en (GP) te in a ngah thei dingte manlangtakin kibawl theih nading hong panpih thei hi

Thulela kicingzaw theihna dingin Lungno thahna zatuite leh zatui-zaha dangte en in.

Muktuam bulh in

Muktuam in COVID-19 ngahna ding leh kilawhlohna ding pan hong dal thei hi. Muktuam pen a hoih leh maitang tawh kituak bulhhuai hi. N95 leh P2 muktuamte (huihdikna kithuahte) in natna dal pen hi.

Muktuam a bulhhuai munte:

• mipi’ tuan kikawmna, mipi paina mun leh mihon omna munte.
• COVID-19 na neih a, inn pan paikhiat loh a phamawh leh
• Nakpi-in a cina thei khat na hih leh akl nakpi-in a cina thei khat tawh na omkhop leh.

Husamin naklah thei uh ahih manin kum 2 leh a nuaisiah naupangte in muktuam bulhhuai lo hi.

Thulela kicingzaw theihna dingin Muktuam en in.

Natdalna zatui kisutkik dingte kisun in

Natdalna zatuite pen nang leh na innkuanpihte COVID-19 hangin nakpi-in cinatna ding pan kidalna hoihpen ahi hi. Nang tawh kituak dinga hong kigen natdalna zatuite a hunzui-in kisut ding hoih hi. Sut bangzah kisun ding cih theih nadingin cina-en (GP) te hopih in.

COVID-19 na neih ngei leh natdalna zatui kisuthuai lai hi. Natdalna zatui sutna zato zonna tawh GP akl tualsung zatui sai ah a sutkik ding minpia khol in.

Thulela kicingzaw theihna dingin COVID-19 natdalna zatui en in.

Huih siangtho lutsak in

COVID-19 pen huih lakah kizel hi. Inn sungah huih siangtho lutsakna in COVID-19 kizelh ding lauhuaina kiamsak thei hi. Midang tawh inn sungah na kikaihkhop ciangun ahih theih leh tawlette akl kongkhakte hong in. Ahih theih keileh, huih lakpan vuikhute a hemkhia dinga kituah thei huih sianthosakna (HEPA filter) zang in.

Thulela kicingzaw theihna dingin Huihpaina en in.

COVID-19 natna pan damkikna

Natna kilawh nawnloh nungah mi tampi in COVID-19 hangin damlohna thuak ding uh hi. Hoihtak damkik nading na pumpi kikep kikhoina leh hun pia in.

Natna ngah zawh, natdalna zatui kisutkik ma kha 6 ngak ding hoih hi. Tua in lungno kidalna hoihpen hong neisak ding hi.

Na damkik zawh nipikal 4 khit bangin zong COVID-19 kingahkik ziau thei hi. Natna kilawh zawh nipikal 4 leh tua khit a sawt lo-in natna limlemel na neih leh, kisit huai hi.

Natna limlemelte kha 3 val a om ciangin COVID sawtvei nei kici hi. Na natna limlemelte hong kem hong bawl thei ding akl a kisap leh siavuansiamte kiang hong sawlsawn thei ding cina-en (GP) te hopih in.

A Sawtvei COVID tawh kisai thulela kicingzaw kan in.

A kisawhkha khat na hihleh

Inn khat sungah omkhawm akl kisitna pan natna nei khat tawh na kisawhkhak ngei leh COVID-19 neih ding lauhuai hi.

Kisitna pan natna nei khat tawh na kisawhkhak nungah natna limlemelte encikin ni 7 sung hunmanin kisit ding hoih hi. Hih hun laitak, ngaihsutna hong kipiate:

• Zato-innte, uham kepna munte leh pumpi cingtaklote ading nasepnate peel ding
• inn pan na taikhiat ciangin muktuam bulh ding, mipi’ tuan kikawmna leh nasepna le sanginn cih bang innsung munte ah
• ahih theih leh tawlette hongin innsung ah huih siangtho lutsak ding

Kisawhkhakpihte Kisit Dingte (Checklist for contacts) tawh kisai thulela kicingzaw theihna ding.